ဝၼ်းတီႈ 28/08/2024 ၽူႈၵွၼ်းတပ်ႉ 318 ၵေႃႉၵဝ်ႇလႄႈ ႁူဝ်ၼႃႈ ႁွင်ႈၵၢၼ်ၽွင်းလူင် ၾၢႆႇၵေႃႇသၢင်ႈ UWSA တႃႉ ဢၢႆႈရူင် (ပဝ်ႉယၢၼ်ရူင် ) လႆႈလူႉသဵင်ႈ။
ၵဵဝ်ႇလူၺ်ႈလွင်ႈၼႆႉ ၵူၼ်းပိုၼ်ႉတီႈ လၢတ်ႈဝႃႈ – “တႃႉဢၢႆႈရူင် (ပဝ်ႉယၢၼ်ရူင်) ၼႆႉ ဢမ်ႇယူႇလီမႃး ႁိုင်ယဝ်ႉ ၸင်ႇလႆႈလူႉသဵင်ႈၵႂႃႇ ၼႂ်းဝၼ်းတီႈ 28 ၼႆႉၶႃႈဢေႃႈ” – ဝႃႈၼႆ။
တႃႉဢၢႆႈရူင် (ပဝ်ႉယၢၼ်ရူင်) ၼႆႉ ယၢမ်ႈပဵၼ်ၽူႈၵွၼ်းတပ်ႉ ၸုမ်း 318 ၸႄႈတွၼ်ႈမိူင်းမႂ်ႇ။ ယွၼ်ႉပၢႆး ယူႇလီဢမ်ႇတဵမ်ထူၼ်ႈလႄႈ လႆႈယွၼ်းၵိုတ်းလိုဝ်ႈၵၢၼ်ၵႂႃႇ။ ဝၢႆးၼၼ်ႉ လႆႈသိုပ်ႇႁၢပ်ႇၵၢၼ် ပဵၼ်ၽွင်း လူင်ၾၢႆႇၵေႃႇသၢင်ႈ တပ်ႉသိုၵ်းဝႃႉ UWSA ။
လုၵ်ႈၼွင်ႉပွင်ႈပၢႆလႄႈ ၾၢႆႇတပ်ႉသိုၵ်းဝႃႉ ၸတ်းပၢင်ၸႃႇပၼ မိူဝ်ႈလႂ်တႄႉ ပႆႇႁူႉ ယဝ်ႉၵေႃႈ တေပူၼ်ႉၶၢပ်ႈတူဝ်ဝၼ်းလႂ်ၵေႃႈ ပႆႇႁူႉ မိူၼ်ၵၼ် ဝႃႈၼႆ။
တပ်ႉသိုၵ်းဝႃႉ UWSA ၼႆႉ ငဝ်ႈငုၼ်းပၵ်း ၼႂ်းၸႄႈဝဵင်းပၢင်သၢင်း ႁူဝ်ပဝ်ႈ ပဵၼ်ပဝ်းယဵဝ်ႇၶျႅင်။ ၶၢဝ်းပၢင်တိုၵ်း 1027 တွၼ်ႈၵမ်း 2 ၼႆႉ ဝႃႉသူင်ႇႁႅင်းသိုၵ်း ၶၢမ်ႈၶူင်းမႃးတၢင်းတၢင်ႉယၢၼ်း။ ၵမ်ႈၽွင်ႈ ၶိုၼ်ႈၵႂႃႇတၢင်း ဝဵင်းလႃႈသဵဝ်ႈ။ ၼႂ်း ဢဵၼ်ႁႅင်းသိုၵ်းဝႃႉ ဢၼ်ၶၢမ်ႈၶူင်းမႃး 2,000 ပၢႆၼၼ်ႉ တႃႇ 500 ပၢႆ ပဵၼ်ဢဵၼ်ႁႅင်းသိုၵ်း တႂ်ႈတပ်ႉၸုမ်း 318 ၼႆႉ။
 လႆႈလူႉသဵင်ႈ။){kind=link}