မိူဝ်ႈၼႆႉ ဝၼ်းတီႈ 19/1/2022 ယၢမ်းဝၢႆးဝၼ်းမွၵ်ႈ 1 မူင်းၶိုင်ႈ  သိုၵ်းမၢၼ်ႈ  ထူင်ႇထဵဝ်ႈၵၢင်ဝဵင်းတူၼ်ႈတီး ပႂ်ႉၵူတ်ႇထတ်း ၵူၼ်းၵႂႃႇမႃး ၊    ယွၼ်ႉမီးၵူၼ်းဢဝ်ဢူတ်ႇဢူဝ် မႃးႁွႆႈၸွမ်းသဝ်ၾႆးၵၢင်ဝဵင်းသေ ပိုတ်ႇၽဵင်းၵႂၢမ်း ၵၢၼ်မိူင်း သၢၼ်ၶတ်းသိုၵ်းမၢၼ်ႈ   ၸိူဝ်းၼႆႉ။ ၵူၼ်း တူၼ်ႈတီး လၢတ်ႈတီႈၽူႈတွႆႇႁွၵ်ႈဝႃႈ - “ဢုတ်ႇသေႃႇၼၼ်ႉ ၽႂ်တၼ်းဢဝ်မႃးမတ်ႉၵိုၵ်းသဝ်ဝႆႉ မိူဝ်ႈလႂ်တႄႉ ဢမ်ႇႁူႉၶႃႈ။...

သိုၵ်းမၢၼ်ႈ သူင်ႇႁႅင်းသိုၵ်း တူင်ႉၼိုင် ၵူတ်ႇထတ်းၸွမ်းဝဵင်းလႄႈ ပႂ်ႉၸွမ်းၵဵၵ်ႉလၢၼ်ႇတၢင်းၶဝ်ႈဢွၵ်ႇဝဵင်းတႃႈၶီႈလဵၵ်း ၼမ်မႃးလိူဝ်ၵဝ်ႇ ဝႃႈၼႆ။ ဝၢႆးသေ ၸုမ်းၵႅတ်ႇၶႄၵူၼ်းမိူင်း PDF ဝဵင်းတႃႈၶီႈလဵၵ်း ပိုၼ်ၽၢဝ်ႇဢွၵ်ႇမႃး မိူဝ်ႈဝၼ်းတီႈ 10/1/2022 ၼၼ်ႉဝႃႈ ၶွင်ႇသီႇသိုၵ်းမၢၼ်ႈ ယိုတ်းမိူင်း သူင်ႇႁႅင်းသိုၵ်းတူင်ႉၼိူင် ဢႅဝ်ႇၵူတ်ႇထတ်း တင်ႈလၢၼ်ႇ ထဵတ်ႈထၢမ် ၵူၼ်း ၵႂႃႇမႃးၸွမ်းၼႂ်းဝဵင်းတႃႈၶီႈလဵၵ်း လႅၼ်လိၼ်တႆး -...

ၶူဝ်းၶွင်ဢၼ်ၸဝ်ႈတႃႇၼ ၸဝ်ႈၽူႈမီးၸေႇတၼႃႇ လၢႆလၢႆတၢင်းၸွႆႈထႅမ်တႃႇၵူၼ်းပၢႆႈၽေးသိုၵ်း ဢၼ်လုၵ်ႉမိူင်းယၢင်းလႅင်မႃးၼၼ်ႉ တႃႇတေႃႇသူင်ႇထိုင်မိုဝ်းၵူၼ်းပၢႆႈၽေးသိုၵ်း ယၢပ်ႇၽိုတ်ႇလိူဝ်ႁႅင်း ယွၼ်ႉသိုၵ်းမၢၼ်ႈၵူတ်ႇထတ်းထဵတ်ႈထၢမ်၊ ၸဝ်ႈၵႃးဢမ်ႇႁတ်းတၢင်ႇၵႂႃႇပၼ် ။ ၵူၼ်းပၢႆႈၽေးသိုၵ်း ၸႄႈမိူင်းယၢင်းလႅင် ဢၼ်ပၢႆႈမႃးသွၼ်ႈဝႆႉ ၼႂ်းၸႄႈဝဵင်းတူၼ်ႈတီး၊ ပၢင်လွင်း၊ သီႇသႅင်ႇ၊ ႁူဝ်ပူင်း၊ ဢွင်ႇပၢၼ်းလႄႈ တၢင်ႇ ၸႄႈဝဵင်း ၼႂ်းၸိုင်ႈတႆးပွတ်းၸၢၼ်း ထူပ်းတၢင်းယၢပ်ႇၽိုတ်ႇ တႃႇၶဝ်ႈၼမ်ႉတၢင်းၵိၼ် လွင်ႈၼုင်ႈဝႆ။  ၽႃႈႁူမ်ႇၶူဝ်းၼွၼ်း ဢၼ်ၸဝ်ႈတႃႇၼ...

ၽွင်းဝၢၼ်ႈမိူင်းသုၵ်ႉယုင်ႈ  ၵူၼ်းမိူင်း ထူပ်းတၢင်းယၢပ်ႇၽိုတ်ႇ ပၢႆႈၽေးပၢင်တိုၵ်းၶဝ်ႈဝဵင်းမိူင်းၵိုင်ယူႇၼႆႉ သိုၵ်းမၢၼ်ႈ တင်ႈၵဵတ်ႉမႂ်ႇထႅင်ႈ သွင်တီႈ ၼႂ်းၵႄႈဢိူင်ႇပၢင်ႇၵေႇတု - မိူင်းၵိုင် ပႂ်ႉၵူတ်ႇထတ်းၵူၼ်းၵႂႃႇမႃး ႁၢဝ်ႈႁႅင်း။ တႄႇဢဝ် ဝၼ်းတီႈ 16/1/2022 ၼႆႉမႃး ၶွင်ႇသီႇသိုၵ်းမၢၼ်ႈ ယိုတ်းမိူင်း ႁဵတ်းၵဵၵ်ႉ/ တင်ႈၵဵၵ်ႉမႂ်ႇထႅင်ႈ တီႈၼႃႈဝတ်ႉဢွင်ႇမင်ႇၵလႃႇ လွႆလႅင် တႂ်ႈ တူၼ်ႈမႆႉႁုင်း တီႈၼိုင်ႈလႄႈ...

 သိုၵ်းမၢၼ်ႈ ယိုဝ်းၵူၼ်းမိူင်းဢၼ်ၶီႇရူတ်ႉၶိူင်ႈ ၼႂ်းဝဵင်းၵျွၵ်ႉမႄး ၽွင်းယၢမ်းၵၢင်ၶမ်ႈ ၊ ပႂ်ႉၵူတ်ႇထတ်းၵူၼ်းမိူင်းၵႂႃႇမႃးႁၢဝ်ႈႁႅင်း ၵူၼ်းမိူင်းဢမ်ႇမီးလွင်ႈႁူမ်ႇလူမ်ႈ။ မိူဝ်ႈဝၼ်းတီႈ 14/1/2022 ယၢမ်းၵၢင်ၶမ်ႈ မွၵ်ႈ 8 မူင်း သိုၵ်းမၢၼ်ႈ ယိုတ်းမိူင်း ယိုဝ်းၵူၼ်းၶီႇရူတ်ႉၶိူင်ႈ ၾၢႆႇၼႃႈႁူင်းႁဵၼ်း ၸၼ်ႉသုင် မၢႆ 1   ပွၵ်ႉ 8 ၸႄႈဝဵင်းၵျွၵ်ႉမႄး  လွင်ႈတၢႆမၢၵ်ႇတႄႉဢမ်ႇမီး ႁဵတ်းႁႂ်ႈၵူၼ်းၼႂ်းဝဵင်းတူၵ်းၸႂ်လႄႈ...

မိူဝ်ႈၼႆႉ ဝၼ်းတီႈ 12/1/2022 ယၢမ်းဝၢႆးဝၼ်း မွၵ်ႈ 1 မူင်းၶိုင်ႈ ၶွင်ႇသီႇသိုၵ်းမၢၼ်ႈ ဢၼ်ပၵ်းဝႆႉတီႈ သၶၢၼ်းတိတ်ႉၵူင်း ၸႄႈဝဵင်းၼမ်ႉၶမ်း ၸႄႈ တွၼ်ႈမူႇၸေႊ ၸိုင်ႈတႆးပွတ်းႁွင်ႇၼၼ်ႉ ပိုတ်းယိုဝ်းၵွင်ႈလူင် ၵွင်ႈဢွၼ်ႇထႅင်ႈ တင်းၼမ်။ ၵူၼ်းၼမ်ႉၶမ်း လၢတ်ႈတီႈၽူႈတွႆႇႁွၵ်ႈဝႃႈ -“လႆႈငိၼ်းဝႃႈ သိုၵ်းမၢၼ်ႈ ယူႇတီႈသၶၢၼ်းတိတ်ႉၵူင်းၼၼ်ႉသေ ယိုဝ်းၼႆၶႃႈ။ တီႈၼႂ်းဝဵင်း တႄႉ...

တင်ႈဢဝ်လိူၼ်ၵျၼ်ႊၼိဝ်ႊရီႊၼႆႉမႃး သိုၵ်းမၢၼ်ႈသင်ႇတတ်းငိုၼ်းလိူၼ် ၶႃႈႁၢပ်ႇၵၢၼ်ၶုၼ် ၸိူဝ်းဢမ်ႇႁဵတ်း CDM  ၼိုင်ႈၵေႃႉၼိုင်ႈႁဵင်ပျႃးတေႃႇလိူၼ် တႃႇဢဝ်မႃး ၵမ်ႉၸွႆႈလုၵ်ႈမေးၵူၼ်းသိုၵ်းလႄႈပလိၵ်ႈမၢၼ်ႈ ၸိူဝ်းတၢႆၼႂ်းပၢင်တိုၵ်းဝႃႈၼႆ။ ၶႃႈႁၢပ်ႇၵၢၼ်ၶုၼ် ႁွင်ႈၵၢၼ်ၾၢႆႇၵုမ်းၶင် ၵေႃႉၼိုင်ႈလၢတ်ႈဝႃႈ - တင်ႈဢဝ်သိုၵ်းမၢၼ်ႈယိုတ်းမိူင်းမႃးၼႆႉၶဝ်တတ်းငိုၼ်းလိူၼ်ႁဝ်းၶႃႈလိူၼ် 500 ။ တတ်းၵႂႃႇႁဵတ်းသင်ၵေႃႈဢမ်ႇမီးႁူဝ်ၶေႃႈမၼ်း။ ၵမ်းၼႆႉသမ်ႉဝႃႈတေတတ်း ၼိုင်ႈလိူၼ် 1000 ၼႆဝႃႇ ။ တႃႇႁႅၼ်းပၼ်မႃႇသႃႇပၢင်ၸႃႉ ၵူၼ်းသိုၵ်းလႄႈပလိၵ်ႈမၢၼ်ႈ ၸိူဝ်းတၢႆၵႂႃႇ...

ဝၼ်းတီႈ 9/1/2022 သဵင်ၵွင်ႈတႅၵ်ႇၼႂ်းၸႄႈဝဵင်းႁၢႆးဝူဝ်း (ႁၢႆးႁူဝ်း) ၸိုင်ႈတႆးပွတ်းၸၢၼ်း ထိုင်မႃးမိူဝ်ႈၼႆႉၵၢင်ၼႂ် သိုၵ်းမၢၼ်ႈထႅမ်ႁႅင်းသိုၵ်း ဢဝ်တီႈယူႇဝႆႉလၢႆလၢႆတီႈပႃးၸဵမ်ၼႂ်းဝဵင်းလႄႈႁိမ်းႁွမ်း။  ၵူၼ်းႁၢႆးဝူဝ်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ  သဵင်ၵွင်ႈလႄႈသဵင်မၢၵ်ႇတႅၵ်ႇ မိူဝ်းၶိုၼ်းဝၼ်းတီႈ 9  ၾၢႆႇတူၵ်းဝဵင်း ဝႃႈၼႆ။ “ၶမ်ႈဝႃးၼႆႉယိၼ်းသဵင်မၢၵ်ႇပွမ်းဢွၼ်တၢင်းဢေႃႈ ။ လႆႈယိၼ်းဝႃႈတႄႉ မီးၵူၼ်းယိပ်းၵွင်ႈၸုမ်းၼိုင်ႈ လမ်းယိုဝ်းသိုၵ်းမၢၼ်ႈဢၼ်ပၼ်ႇတူင်ႇထူင်ႇထဵဝ်ႈၼႂ်းဝၢၼ်ႈၼႂ်းဝဵင်းၼႆဢေႃႈ။ ဝၢႆးသေၼၼ်ႉၵေႃႈသမ်ႉယိၼ်းပႃးသဵင်ယိုဝ်းၵၼ်ၶိုၼ်းဢေႃႈ တေႁိုင်မွၵ်ႈ 20 မိၼိတ်ႉၼႆႉၵူၺ်းၼင်ႇၵဝ်ႇၶႃႈ။ ”ဝႃႈၼႆ။ ဝၢႆးလင်သဵင်ၵွင်ႈသဵင်မၢၵ်ႇယဵၼ်...

သိုၵ်းမၢၼ်ႈယိုတ်းမိူင်း ၸႂ်ႉႁႅင်းသိုၵ်း တပ်ႉလိၼ် တပ်ႉလူမ်းသေ ပိုတ်းယိုဝ်း သိုၵ်းၵႅတ်ႇၶႄၵူၼ်းမိူင်း တီႈဝဵင်းလွႆၶေႃ ၸႄႈမိူင်းယၢင်းလႅင် ၊ ၵူၼ်းမိူင်းယၢင်းလႅင် ပၢႆႈၽေးသိုၵ်းၶိုၼ်ႈမႃးတၢင်းမိူင်းတႆး ပွတ်းၸၢၼ်း ၊ ယၢပ်ႇၽိုတ်ႇတီႈယူႇတီႈၵိၼ်။ တေႃႇထိုင်ဝၼ်းတီႈ 9/1/2022 သိုၵ်းမၢၼ်ႈတိုၵ်ႉဢဝ်ၵွင်ႈလူင်လႄႈၶိူင်ႈမိၼ်ပိုတ်းယိုဝ်းယူႇ တိၵ်းတိၵ်းလႄႈ ၵူၼ်းမိူင်းလွႆၶေႃ ၸႄႈဝဵင်းယၢင်းလႅင် ၶီႇရူတ်ႉၵႃး ဢွၼ်ၵၼ်ပၢႆႈၶဝ်ႈဝဵင်းလူင်တူၼ်ႈတီး ၊ သီႇသႅင်ႇ၊ ယွင်ႁူၺ်ႈ၊...

ၵူၼ်းပၢႆႈၽေးသိုၵ်း တီႈၸႄႈဝဵင်းသီႇပေႃႉ ႁူဝ်ၵူၼ်း 300 ၵေႃႉ လူဝ်ႇတၢင်းၸွႆႈထႅမ် ၶဝ်ႈၼမ်ႉတၢင်းၵိၼ်လႄႈ ၽႃႈႁူမ်ႇၶူဝ်းၼွၼ်း ၶူဝ်းဢုၼ်ႇ ၸိူဝ်းၼႆႉ ။  ဝၼ်းတီႈ 8-9 /1/2022 ၼႆႉ  သိုၵ်းဢူၺ်းလီပွတ်းႁွင်ႇလႄႈ RCSS ပိုတ်းယိုဝ်းၵၼ်ထုင်ႉဝၢၼ်ႈၼမ်ႉသိမ်ႇ- သူၼ်ဢွႆႈၼၼ်ႉလႄႈ ၵူၼ်းဝၢၼ်ႈ ပၢႆႈၽေးသိုၵ်းမႃးႁွတ်ႈထိုင်ၵျွင်းၽြႃးၵၢင်ႉမေႃႇ (မေႃႇၵိူဝ်) ၸႄႈဝဵင်းသီႇပေႃႉ  ဢမ်ႇယွမ်း 300...

သိုၵ်းမၢၼ်ႈလႄႈသိုၵ်းၵႅတ်ႇၶႄၵူၼ်းမိူင်း ပိုတ်းယိုဝ်းတိုၵ်းတေႃးၵၼ်ထိုင်ဝဵင်းလွႆၶေႃ မိူင်းယၢင်းလႅင်၊ ၵူၼ်းမိူင်းပၢႆႈၽေးသိုၵ်းထိုင်ဝဵင်းဢွင်ႇပၢၼ်း၊ ၵၢတ်ႇလေႃႉလႄႈ ဝဵင်းတူၼ်ႈတီး၊ ယၢပ်ႇၽိုတ်ႇတီႈယူႇတီႈသဝ်းလႄႈၶဝ်ႈၼမ်ႉတၢင်းၵိၼ်။ မိူဝ်ႈၼႆႉ 9/1/2022 ၵူၼ်းပၢႆႈၽေးသိုၵ်း မႃးလႄႇႁႃၶၢတ်ႈႁွင်ႈသဝ်းတီႈယူႇ ၊ ၸဝ်ႈႁွင်ႈၸဝ်ႈႁေႃ ယွၼ်းၵႃႈၶၼ်သုင်လႄႈ ၵူၼ်းပၢႆႈၽေးသိုၵ်းယၢပ်ႇၽိုတ်ႇ ။ ၼႂ်ၼႆႉႁဝ်းၶႃႈၵႂႃႇႁႃၶၢတ်ႈႁိူၼ်းပၼ်ၵူၼ်းပၢႆႈၽေးသိုၵ်းၼႆ ၵႃႈၶတ်ႈႁိူၼ်းၵေႃႈၼပ်ႉႁူဝ်သႅၼ်။ ၽိူဝ်ႇႁဝ်းၶႃႈတၢင်ႇၼိူဝ်ဢွၼ်ႊလၢႆႊလၢတ်ႈလွင်ႈယၢပ်ႇၽိုတ်ႇ ၸင်ႇမီးၵူၼ်းၸွႆႈထႅမ်ဢေႃႈ။ တၢင်းဢွင်ႇပၢၼ်း၊ ၵၢတ်ႇလေႃႉ၊ ပၢင်းတလ ၸိူဝ်းၼႆႉ ၵေႃႈ တၵ်ႉမႃးလၢတ်ႈမႃးတႃႇၸွႆႈထႅမ်ဢေႃႈ။...

ၶွင်ႇသီႇသိုၵ်းမၢၼ်ႈ ယိုတ်းမိူင်း တင်း သိုၵ်းၶၢင် KIA, သိုၵ်းၶႄႇၵဝ်ႈၵၢင်ႉ MNDAA ပဵၼ်ပၢင်တိုၵ်းၵၼ် ႁၢဝ်ႈႁႅင်း ၼႂ်းၸႄႈဝဵင်းမိူင်းပေႃႈလႄႈ မိူင်းၵူဝ်း ၸိုင်ႈတႆးပွတ်းႁွင်ႇ ၾၢႆႇသိုၵ်းမၢၼ်ႈ ဢဝ်ၶိူင်ႈမိၼ်ယိုဝ်းၸွႆႈ။ မိူဝ်ႈဝၼ်းတီႈ 5/1/2022 ယၢမ်းၵၢင်ၼႂ် 8 မူင်းထိုင် 11 မူင်း သိုၵ်းမၢၼ်ႈတင်း သိုၵ်းၶႄႇၵဝ်ႈၵၢင်ႉ ပဵၼ်ပၢင်တိုၵ်းၵၼ် ၼႂ်းၸႄႈဝဵင်းမိူင်းၵူဝ်း...

ၸဝ်ႈၵႃး သၢႆမူႇၸေႊ - လႃႈသဵဝ်ႈ - ဝဵင်းလိူဝ်ႇ ထူပ်းတၢင်းယၢပ်ႇၽိုတ်ႇၵိၼ်းၸႂ်  ယွၼ်ႉၶွင်ႇသီႇသိုၵ်းမၢၼ်ႈ ပႂ်ႉၵူတ်ႇထတ်း ထဵတ်ႈထၢမ်ႁၢဝ်ႈႁႅင်းသေ ယွၼ်းငိုၼ်းၼမ်။ ဝၢႆးသေ ၶွင်ႇသီႇသိုၵ်းမၢၼ်ႈ ယိုတ်းမိူင်းမႃး တင်ႈတႄႇ ဝၼ်းတီႈ 1/2/2021   ႁၢၼ်ႉတေႃႇထိုင်  ၶၢဝ်းတၢင်း 11 လိူၼ်ၼႆႉ ၸဝ်ႈၵႃး ၸိူဝ်းလႅၼ်ႈတၢင်းသၢႆမူႇၸေႊ - လႃႈသဵဝ်ႈ...

သဵင်ၵွင်ႈတႅၵ်ႇ ၼႂ်းဝဵင်းၼမ်ႉၶမ်းထႅင်ႈ ႁိုင်မွၵ်ႈ 5 မိၼိတ်ႉ ႁဵတ်းႁႂ်ႈၵူၼ်းမိူင်းပိုၼ်ႉတီႈ တူၵ်းၸႂ်တိုၼ်ႇသၢၼ်ႈၵၼ် ဝႃႈၼႆ။ မိူဝ်ႈဝႃး ဝၼ်းတီႈ 6/1/2022 ယၢမ်းဝၢႆးဝၼ်း မွၵ်ႈ 2 မူင်း သဵင်ၵွင်ႈတႅၵ်ႇ တီႈႁိမ်းမၢၼ်ႈၶမ်း ၼႂ်းၵႄႈၸေႊႁႆး - ပွၵ်ႉမၢၼ်ႈၶမ်း ၼိူဝ်သဵၼ်ႈတၢင်း ၼမ်ႉၶမ်း - မူႇၸေႊ ၸႄႈဝဵင်းၼမ်ႉၶမ်း...

သိုၵ်းမၢၼ်ႈ တင်း သိုၵ်းတဢၢင်း TNLA ပိုတ်းယိုဝ်းၵၼ် ၼႂ်းၸႄႈဝဵင်းၼမ်ႉၶမ်းမိူဝ်ႈဝႃးၼႆႉ ၾၢႆႇသိုၵ်းမၢၼ်ႈ တၢႆ 4 ၵေႃႉ မၢတ်ႇ ၸဵပ်းႁၢဝ်ႈႁႅင်း 1 ၵေႃႉ။ မိူဝ်ႈဝႃး ဝၼ်းတီႈ 5/1/2022 ယၢမ်းဝၢႆးဝၼ်း ၶွင်ႇသီႇသိုၵ်းမၢၼ်ႈ ယိုတ်းမိူင်း တင်း သိုၵ်းတဢၢင်း TNLA ပဵၼ်ပၢင်တိုၵ်းၵၼ် တၢင်း...