သိုၵ်းမၢၼ်ႈ တင်းသိုၵ်းၶၢင် KIA  ပိုတ်းယိုဝ်းၵၼ်ၼႂ်းၸႄႈဝဵင်းၵူတ်ႉၶၢႆမႃးႁိမ်းၸမ်ၽၢၵ်ႇလိူၼ် တေႃႇထိုင်ယၢမ်းလဵဝ် သွင်ၾၢႆႇတိုၵ်ႉၶဵင်ႈၶႅင်ၵၢၼ်သိုၵ်းတေႃႇၵၼ်လႄႈ ၵူၼ်းမိူင်းမႆႈၸႂ်ၵူဝ်ပဵၼ်ပၢင်တိုၵ်းယႂ်ႇလူင်။ တႄႇဢဝ် ဝၼ်းတီႈ 8/9/2022 ၼၼ်ႉမႃးသိုၵ်းမၢၼ်ႈလုၵ်ႉတၢင်း ၸႄႈဝဵင်းလႃႈသဵဝ်ႈ မုင်ႈၸူးတၢင်း ၸႄႈဝဵင်းၵူတ်ႉၶၢႆ ၵႃးသိုၵ်း ဢမ်ႇယွမ်း 20 လမ်း တင်းၾၢႆႇသိုၵ်းၶၢင် KIA ၵေႃႈ ထႅမ်ႁႅင်းသိုၵ်းမိူၼ်ၵၼ် ၼႂ်းၵႄႈၵူတ်ႉၶၢႆ - မူႇ...

သိုၵ်ႈလႄႈ သိုၵ်းၵႅတ်ႇၶႄၵူၼ်းမိူင်း PDF ယိုဝ်းၵၼ်တီႈတၢင်းဝဵင်းမိူင်းပၢႆး ၾၢႆၶုၼ် လႅၼ်လိၼ်တႆး-ယၢင်းလႅင် ၊ ၵူၼ်းမိူင်းၵမ်ႈၽွင်ႈၶမ်ၵႄႈပၢင်တိုၵ်း ဢမ်ႇၸၢင်ႈပၢႆႈဢွၵ်ႇဝၢၼ်ႈလႄႈ ၸၢၵ်ႇမၢၵ်ႇတိူဝ်ႉသႂ်ႇလုၵ်ႈဢွၼ်ႇလဵၵ်ႉတၢႆ 1 ၵေႃႉ ၵူၼ်းဝၢၼ်ႈမၢတ်ႇၸဵပ်း 2 ၵေႃႉ။ ပၢင်တိုၵ်းၼႆႉပဵၼ်ႁၢဝ်ႈႁႅင်းၼႂ်း ပွၵ်ႉသၢမ် ပွႆးၵုင်း ဝဵင်းမိူၵ်းပၢႆး ၊ ဝၼ်းတီႈ 8 /9/2022 ၼႆႉၸၢၵ်ႇမၢၵ်ႇတိူဝ်ႉၺႃးၵူၼ်းဝၢၼ်ႈ -...

သိုၵ်းမၢၼ်ႈလႄႈသိုၵ်းၶၢင် KIA သိုပ်ႇပိုတ်းယိုဝ်းၵၼ်ၼႂ်းၸႄႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ၊ သိုၵ်းမၢၼ်ႈထႅမ်ႁႅင်းသိုၵ်း ၶဵင်ႈၶႅင်ၵၢၼ်သိုၵ်းၵၼ်ယူႇ။ ဝၼ်းတီႈ 9/9/2022 တင်ႈတႄႇႁူဝ်ၶမ်ႈတေႃႇ 7မူင်းပၢႆ ပိုတ်းယိုဝ်းၵၼ်တီႈ တၢင်းၽႄၼမ်ႉပႃၶီး ၊ သိုၵ်းမၢၼ်ႈယိုဝ်းၵွင်ႈလူင်ၵွင်ႈဢွၼ်ႇ ဢမ်ႇၵိုတ်းဢမ်ႇထၢတ်ႇၵူၼ်းမိူင်းတူၵ်းၸႂ်ၵူဝ်ႁႄ။ ၽူႈၸၢႆးၵူၼ်းၵူတ်ႉၶၢႆၵေႃႈၼိုင်ႈလၢတ်ႈဝႃႈ - “သိုၵ်းမၢၼ်ႈ လုၵ်ႉတၢင်းသႅၼ်ဝီမႃး မႃးၺႃးသိုၵ်း KIA တီႈတၢင်းၽႄ ၼမ်ႉပႃၶီး။ ယိုဝ်းၵၼ်ႁိုင်မွၵ်ႈ 1 ၸူဝ်ႈမူင်းယဝ်ႉၵိုတ်းၵႂႃႇၵမ်းၼိုင်ႈသေ...

 ၸုမ်းဢမ်ႇႁူႉၾၢႆႇ ႁၢင်ႈၵၢင်မၢၵ်ႇသျွတ်ႉ တႅၵ်ႇသႂ်ႇၵႃး ၽူႈႁၢပ်ႇၵၢၼ်လူင်ပွင်ၸိုင်ႈ တႂ်ႈသိုၵ်းမၢၼ်ႈၵုမ်းၵမ် ၼိူဝ်သဵၼ်ႈတၢင်း မိူင်းမိတ်ႈ - ၵျွၵ်ႉမေႃး ဝၢႆးပွင်း လုၵ်ႈၼိုင်ႈ  ၸဝ်ႈၼႃႈတီႈၾၢႆႇၽုၵ်ႇသွမ်ႈ ၸႄႈတွၼ်ႈမိူင်းမိတ်ႈ  မၢတ်ႇၸဵပ်း ၵေႃႉၼိုင်ႈ။ မိူဝ်ႈဝႃး ဝၼ်းတီႈ 8/9/2022 ယၢမ်းၵၢင်ဝၼ်း 12:30 မူင်း ၵႃးၽူႈႁၢပ်ႇၵၢၼ်လူင်ပွင်ၸိုင်ႈ တႂ်ႈသိုၵ်းမၢၼ်ႈ ၵုမ်းၵမ် 3...

မိူဝ်ႈၼႆႉဝၼ်းတီႈ 6/9/2022 သဵင်ၵွင်ႈလူင်တႅၵ်ႇတီႈႁိမ်းၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ ပဵၼ်ၽႂ်ၸုမ်းလႂ်ယိုဝ်းၵၼ်တႄႉဢမ်ႇႁူႉ ၊ ၵူၼ်းမိူင်းပိုၼ်ႉတီႈလႄႈၵူၼ်းၵႃႉ ၸဝ်ႈၵႃး တူၵ်းၸႂ် မႆႈၸႂ်တႃႇၵႂႃႇမႃး။ ၸဝ်ႈၵႃး မူႇၸေႊ လႃႈသဵဝ်ႈ ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “သဵင်ပိုတ်းယိုဝ်းၵၼ်ႁိုင်မွၵ်ႈ 1 ၸူဝ်ႈမူင်း။  သိုၵ်းမၢၼ်ႈတင်းသင်ယိုဝ်းၵၼ်တႄႉဢမ်ႇႁူႉၶႃႈ။တၢင်းၼၼ်ႉမီးၵူႈၸုမ်းၶႃႈလူး ဢၼ်တူင်ႉၼိုင်ဝႆႉယူႇၼၼ်ႉ။” -ဝႃႈၼႆ။  သဵင်ၵွင်ႈၼႆႉတႅၵ်ႇတၢင်းလႂ်တႄႉတႄႉ ဢမ်ႇႁူႉသေတႃႉ ယူႇတီႈဝဵင်းၼမ်ႉၶမ်းယင်းလႆႈယိၼ်း ၼႆ ၵူၼ်းၼမ်ႉၶမ်းၵေႃႉၼိုင်ႈၵေႃႈလၢတ်ႈၼင်ႇၼႆ။  ၼႂ်းၸႄႈတွၼ်ႈမူႇၸေႊၼႆႉၼွၵ်ႈလိူဝ်သိုၵ်းမၢၼ်ႈယဝ်ႉ...

လုင်းသူၺ်ႇပုၼ်း ၵူၼ်းၵေးသီး ထုၵ်ႇသိုၵ်းမၢၼ်ႈၽၼ်းသႂ်ႇ  မၢတ်ႇၸဵပ်းႁၢဝ်ႈႁႅင်း လႆႈယဵပ်ႉဢမ်ႇယွမ်း 40 ႁွႆးၼၼ်ႉ ယူတ်းယႃတူဝ်သဵင်ႈငိုၼ်းဝႆႉၼပ်ႉႁူဝ်သႅၼ်ပျႃး ၵူၺ်းၵႃႈတေႃႇထိုင်ယၢမ်းလဵဝ် သိုၵ်းမၢၼ်ႈ တိုၵ်ႉမႃးၸွႆႈ 5 မိုၼ်ႇပျႃးၵူၺ်း။ လုင်းသူၺ်ႇပုၼ်း ဢႃယု 67 ပီ ၵူၼ်း ဝၢၼ်ႈၼွင်ယူမ်း ဢိူင်ႇမိူင်းၼိမ် ၸႄႈဝဵင်းၵေးသီး ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ဢၼ်ထုၵ်ႇသိုၵ်းမၢၼ်ႈၽၼ်း    တီႈတၢင်းၾၢႆႇဢွၵ်ႇဝၢၼ်ႈၼၼ်ႉ...

ၵူၼ်းၼွင်ၶဵဝ် ၽူႈၸၢႆးၵေႃႉၼိုင်ႈ ၺႃးသိုၵ်းမၢၼ်ႈၶၢၼ်းၸႂ်ႉၶျေႃးရူတ်ႉၵႃးဢဝ်ၵႂႃႇၼႂ်းပိုၼ်ႉတီႈပၢင်တိုၵ်း ၺႃးၸၢၵ်ႇမၢၵ်ႇၼႂ်းပၢင်တိုၵ်း သိုၵ်းမၢၼ်ႈတင်း PDF   လႆႈမၢတ်ႇၸဵပ်းႁႅင်း    ဝႃႈၼႆ။ မိူဝ်ႈဝၼ်းတီႈ 28/7/2022 ယၢမ်းၵၢင်ဝၼ်း ၶွင်ႇသီႇသိုၵ်းမၢၼ်ႈ  ၶၢၼ်းရူတ်ႉၵႃး ဢူးတေႇၸ ဢႃယု 45 ပီ ၵူၼ်းဝၢၼ်ႈၶိူဝ်းၼိမ်း ႁႂ်ႈတေႃႉသူင်ႇၶဝ်၊ ၽွင်းႁွတ်ႈတီႈသဵၼ်ႈတၢင်း ဝၢၼ်ႈလူင်ၶၢၼ် - ပဵင်းဢွႆႈလႄႈ ၵုင်းတေႃႇမေႃႈ ၼႂ်းၸႄႈဝဵင်းၼွင်ၶဵဝ်...

ထဝ်ႈၸၢႆးၵူၼ်း ၵေးသီး ၵေႃႉၼိုင်ႈ ထုၵ်ႇသိုၵ်းမၢၼ်ႈ ဢဝ်ၽႃႉၽၼ်းသႂ်ႇ လႆႈမၢတ်ႇၸဵပ်းႁၢဝ်ႈႁႅင်း လႆႈယဵပ်ႇဢမ်ႇယွမ်း 40 ႁွႆး ယၢမ်းလဵဝ် လႆႈယူတ်းယႃတူဝ်ဝႆႉတီႈႁူင်းယႃ ဝႃႈၼႆ။ မိူဝ်ႈဝႃး ဝၼ်းတီႈ 31/8/2022 ယၢမ်းဝၢႆးဝၼ်း 1 မူင်းၶိုင်ႈ လုင်းသူၺ်ႇပုၼ်း ဢႃယုမွၵ်ႈ 60 ပီ ထုၵ်ႇသိုၵ်းမၢၼ်ႈ တပ်ႉ 131...

ၶၢဝ်းတၢင်းပီပၢႆ 7 လိူၼ်မႃးၼႆႉ ၶွင်ႇသီႇသိုၵ်းမၢၼ်ႈ ယိုတ်းမိူင်း ၽဝ်ႁိူၼ်းယေး ၵူၼ်းဝၢၼ်ႈမႃးမီးၵႂႃႇ 28,434 လင် ၼႂ်းၼၼ်ႉ ပႃးမိူင်းတႆး ပွတ်းၸၢၼ်း 132 လင်။ ဝၼ်းတီႈ 27/8/2022 ပူၼ်ႉမႃးၼႆႉ ယူႇတီႈ ၸုမ်းၵဵပ်းၶေႃႈမုၼ်း Data for Myanmar ပိုၼ်ၽၢဝ်ႇဝႃႈ ႁိူၼ်း ယေး...

မိူဝ်ႈၼႆႉဝၼ်းတီႈ 28/8/2022 ၸွမ်သိုၵ်းလူင်ယွတ်ႈသိုၵ်းႁူဝ်ပဝ်ႈ RCSS/SSA ဢွၼ်ၼမ်းၸုမ်းၸိူဝ်းၽူႈမီးပုၼ်ႈၽွၼ်းၵႂႃႇၼေႇပျီႇတေႃႇ တႃႇႁူပ်ႉထူပ်းဢုပ်ႇဢူဝ်းလွင်ႈငမ်းယဵၼ်တင်း ၸွမ်ၸိၵ်းသိုၵ်းလူင်မိၼ်းဢွင်ႇလၢႆႇ ပွၵ်ႈၵမ်း 2 ။ ၼုမ်ႇႁၢႆးၸၢႆးယိင်း ၵူၼ်းမိူင်းတႃႈၶီႈလဵၵ်း ဢွၼ်ၵၼ်ပႂ်ႉႁပ်ႉတွၼ်ႈတီႈၶူဝ် တႃႈၶီႈလဵၵ်း -မႄႈသၢႆ  မၢႆ 2။ ၸွမ်သိုၵ်းလူင်ယွတ်ႈသိုၵ်းလႄႈမူႇၸုမ်း ၶိုၼ်ႈၶိူင်ႈမိၼ်တီႈတႃႈၶီႈလဵၵ်း ဢွၵ်ႇၵႂႃႇၼေႇပျီႇတေႃႇ မိူဝ်ႈၶၢဝ်းယၢမ်းဝၢႆးဝၼ်းမိူဝ်ႈၼႆႉ။ ၸွမ်ၸိၵ်းသိုၵ်းမၢၼ်ႈယိုတ်းမိူင်း မိၼ်းဢွင်ႇလၢႆႇ ပိုၼ်ၽၢဝ်ႇယိုၼ်းမိုဝ်းႁွင်ႉၸုမ်းယိပ်းၵွင်ႈၵၢင်ႇၸၢဝ်းၶိူဝ်းတႃႇဢုပ်ႇဢူဝ်းလွင်ႈငမ်းယဵၼ် ပဵၼ်ပွၵ်ႈၵမ်း 2...

PDF ဝဵင်းလိူဝ်ႇတင်း ၶွင်ႇသီႇသိုၵ်းမၢၼ်ႈ ယိုတ်းမိူင်း ပဵၼ်ပၢင်တိုၵ်းၵၼ် ၼႂ်းၶၢဝ်းတၢင်းလိူၼ်ၼႆႉ ဢမ်ႇယွမ်း 7 ပွၵ်ႈ၊ သွင်ၾၢႆႇ မီးလွင်ႈမၢတ်ႇၸဵပ်းလူႉတၢႆ  ။ ၼႂ်းလိူၼ်ဢေႃႊၵတ်ႊသ်ၼႆႉ ၸုမ်းၵႅတ်ႇၶႄၵူၼ်းမိူင်း PDF တၢင်းဝဵင်းတပဵၵ်ႉၵျိၼ်း တွၼ်ႈၼိူဝ် တိူင်းဝဵင်းလိူဝ်ႇတင်း ၶွင်ႇသီႇ သိုၵ်းမၢၼ်ႈ ယိုတ်းမိူင်း ပဵၼ်ပၢင်တိုၵ်းၵၼ် ၼႂ်းၸႄႈဝဵင်းမိူင်းမိတ်ႈ ၸိုင်ႈတႆးပွတ်းႁွင်ႇ ဢမ်ႇယွမ်း...

တီႈဝဵင်းႁူဝ်ပူင်းၸိုင်ႈတႆးပွတ်းၸၢၼ်း သိုၵ်းမၢၼ်ႈလႄႈသိုၵ်းပျီႇတူႉၸိတ်ႉႁူမ်ႈၵၼ်ပႂ်ႉၵဵပ်းငိုၼ်းတီႈၸဝ်ႈၵႃးလႄႈၵူၼ်းဢွၵ်ႇၶၢဝ်းတၢင်း ၸိူဝ်းလတ်းၵႂႃႇမႃးၼႂ်းဝဵင်းဢမ်ႇထၢတ်ႇ။ ၸိူဝ်းၶဝ်ႁဵတ်းသုမ်ႉသေပႂ်ႉၵဵပ်းတီႈတၢင်းလုၵ်ႉႁူဝ်ပူင်းဢွၵ်ႇၵႂႃႇၸူးဝဵင်းသီႇသႅင်ႇ။ ပၼ်ႇပုတ်ႈၵၼ်ပႂ်ႉၵဵပ်းငိုၼ်းတင်းဝၼ်းတင်းၶိုၼ်း ၵူၼ်းမိူင်းႁူဝ်ပူင်းၵေႃႉၼိုင်ႈလၢတ်ႈၼင်ႇၼႆ။ “ဝၢႆးလင်သိုၵ်းမၢၼ်ႈယိုတ်းမိူင်းယဝ်ႉဢမ်ႇပေႃးႁိုင်ၶဝ်ၵေႃႈမႃးတင်ႈသုမ်ႉသေ ပႂ်ႉၵဵပ်းငိုၼ်းတင်းဝၼ်းတင်းၶိုၼ်းၶႃႈဢေႃႈ။ ပေႃးပဵၼ်ၵူၼ်းၼႂ်းဝဵင်း လႄႈႁိမ်းႁွမ်းဝဵင်း ၸိူဝ်းမိုတ်ႈၵိုဝ်းႁူႉၸၵ်းၵၼ်တင်းၶဝ်ၼႆတႄႉ ၵဵပ်း ၵႃး လမ်း 4000 ပျႃးၸိူဝ်းၼႆႉၵူၺ်း ။ ပေႃးပဵၼ်လုၵ်ႉတၢင်ႇတီႈမႃးတႄႉ ၼိုင်ႈလမ်း ၼိုင်ႈမိုၼ်ႇပျႃးၶိုၼ်ႈၼိူဝ်ဢေႃႈၶဝ်ၵဵပ်း” ၵူၼ်းမိူင်းႁူဝ်ပူင်းလၢတ်ႈဝႃႈ ပဵၼ်သိုၵ်းပျီႇတူႉၸိတ်ႉပဢူဝ်း PNO လႄႈသိုၵ်းမၢၼ်ႈႁူမ်ႈၵၼ်ပႂ်ႉၵဵပ်းငိုၼ်း။ ပေႃးဢမ်ႇလမ်ႇလွင်ႈႁႅင်းဢႃးလႃး ၵူၼ်းပိုၼ်ႉတီႈ ယင်းဢမ်ႇၶႂ်ႈၶဝ်ႈ/ဢွၵ်ႇဝဵင်းဝႃႈၼႆ။ “မၢင်ပွၵ်ႈၶဝ်ႁိုတ်းႁၢတ်ႇၸၢတ်ႇသႂ်ႇသေၵဵပ်းငိုၼ်းလႄႈၵူၼ်းဝၢၼ်ႈ...

မိူဝ်ႈၼႆႉ ဝၼ်းတီႈ 25/8/2022 ယၢမ်းၵၢင်ၼႂ် 8:40 မူင်း ၶွင်ႇသီႇသိုၵ်းမၢၼ်ႈ ယိုတ်းမိူင်း တင်း သိုၵ်းၶၢင် KIA ပဵၼ်ပၢင် တိုၵ်းၵၼ် ႁၢဝ်ႈႁႅင်း ၼႂ်းၵႄႈဝၢၼ်ႈပၢင်ဝႃ (ပန်ဝါကျေးရွာ) လႄႈ ဝၢၼ်ႈၼႃးလိူဝ်ႇ (နားလေကျေးရွာ) ၼႂ်းၸႄႈဝဵင်းမၢၼ်ႈ တူင်ႈ ၸိုင်ႈတႆးပွတ်းႁွင်ႇ။ ၵူၼ်းမၢၼ်ႈတူင်ႈ လၢတ်ႈတီႈၽူႈတွႆႇႁွၵ်ႈဝႃႈ -...

ႁူဝ်ၼႃႈ သိုၵ်းမၢၼ်ႈ ယိုတ်းမိူင်းလၢတ်ႈပဵၼ်တၢင်းၵၢၼ်ဝႃႈ ၸုမ်းယိပ်းၵွင်ႈၵၢင်ႇၸၢဝ်းၶိူဝ်း သင်ဝႃႈ ၶႂ်ႈသိုပ်ႇယိပ်းၵွင်ႈၵၢင်ႇၼႆၸိုင် တၵ်းလႆႈယူႇၼႂ်း တပ်ႉသိုၵ်းမၢၼ်ႈလႄႈ ႁဵတ်းတပ်ႉပႂ်ႉလႅၼ်လိၼ် BGF ဝႃႈၼႆ။ မိူဝ်ႈဝႃး ဝၼ်းတီႈ 22/8/2022 ၼႆႉ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ႁူဝ်ၼႃႈ သိုၵ်းယိုတ်းမိူင်း လၢတ်ႈတီႈပၢင်ၵုမ် ႁူပ်ႉ ထူပ်း ၸုမ်းၽွင်းလူင် တီႈၼေႇပျီႇတေႃႇၼၼ်ႉဝႃႈ သင်ဝႃႈ...

တင်းလုမ်ႈၾႃႉ သႄႉသွမ်းတၢင်းႁဵတ်းသိုၵ်းမၢၼ်ႈႁုၵ်းႁၢႆႉမႂ်ႈမႅၼ်သမ်ႇပႅၼ်သၢင်းၽႅပ်ႉ ၸၢဝ်းလူၵ်ႈလႄႈလူလၢႆ ပူၼ်ႉပႅၼ်သုၼ်ႇလႆႈသုၼ်ႇပဵၼ်ၵူၼ်းမိူင်းဢၼ်တင်းလူၵ်ႈပၵ်းၸွင်ႉ ဢွင်ႉတႃတူၺ်းမႃးဢမ်ႇထၢတ်ႇ။ ဝၢႆးသေပႃႇတီႇသၢင်ႇသီႈ USDP ၵၢၼ်ႉပၢင်လိူၵ်ႈတင်ႈမိူဝ်ႈဝၼ်းတီႈ 8 လိူၼ်ၼူဝ်ႊဝႅမ်ႊပိူဝ်ႊရ် 2020 သေ သိုၵ်းမၢၼ်ႈမၢပ်ႇၼႄးဝႃႈ ပၢင်လိူၵ်ႈတင်ႈၵမ်းၼႆႉ ဢမ်ႇသိုဝ်ႈသႂ်၊  မီးလွင်ႈၵူတ်ႉငေႃးယွၵ်းလႅၼ် ၼႆသေ ၸွမ်သိုၵ်းမိၼ်းဢွင်ႇလၢႆႇ ပိုၼ်ၽၢဝ်ႇ  ယိုတ်းဢႃႇၼႃႇဝၢၼ်ႈမိူင်း မိူဝ်ႈဝၼ်းတီႈ 1 လိူၼ်ၾႅပ်ႉပိဝ်ႊရီႊ 2021။ ဢိင်ၼိူဝ်ပိူင်ပဵၼ်ၼႆႉသေ  ၵူၼ်းမိူင်းဢမ်ႇႁၢၼ်ႉၸႂ်...