ၼႂ်းပီ 2026 ၼႆႉ ၽူႈလဵၼ်ႈၸိူင်းၸိုဝ်ႈလိုဝ်းလင် ၼႂ်းႁေႃႊလိဝုၵ်ႉသ် တွမ်ႊႁေႃႊလၼ်ႊ လႄႈ သၼ်ႊတေႊယႃႇ သွင်ၵေႃႉၵူႈၵၼ် ဢွၵ်ႇမႃးၼႄတူဝ်တီႈပၢင်ပွႆး ပိုၼ်ၽၢဝ်ႇၼႄၸိူင်း (ရုပ်ရှင်မြှင့်တင်ပွဲ) ၽွင်းတိုၵ်ႉပႆၼိူဝ်ၽႅၼ်ႇၵေႃႇၸေႃးလႅင် ၼႂ်းပၢင်ပွႆးၼၼ်ႉ လႆႈႁပ်ႉတၢင်းသူၼ်ၸႂ်တီႈ ၵူၼ်းတင်းၼမ်ၵႂႃႇ။
ယၢမ်းလဵဝ် တီႈပၢင်ပွႆးၸတ်းၼႄၸိူင်း သပၢႆႊတႃႊမၼ်း ဢၼ်ဢွၵ်ႇတွၼ်ႈလိုၼ်းသုတ်း Spider-Man: Brand New ၼၼ်ႉ မီးၽူႈပၼ်ႁႅင်းတင်းၼမ် တင်ႈၸႂ် မႃးပႂ်ႉတူၺ်း ၵူၼ်းၼုမ်ႇ ၸိုဝ်ႈလိုဝ်းလင် ၼႂ်းလုမ်ႈၾႃႉ သွင်ၵေႃႉ တီႈဝဵင်းလၼ်ႊတၼ်ႊ ၼႆယဝ်ႉ။
လႆႈႁူႉဝႃႈ ၽူႈလဵၼ်ႈၸိူင်းၸိုဝ်ႈလိုဝ်းလင် ၵူၼ်းၼုမ်ႇသွင်ၵေႃႉၼႆႉ တိုၵ်ႉတႄႇၼႃႈႁိူၼ်းၸွမ်းၵၼ်ဝႆႉ မိူဝ်ႈပူၼ်ႉမႃးဢမ်ႇပႆႇႁိုင်ၼႆႉၵူၺ်းသေ ၼႂ်းၶၢဝ်းတၢင်း ပီ 2026 ၼႆႉ ၵၢၼ်ၼမ်လူၼ်ႉႁႅင်းတေႉတေႉ။ မိူၼ်ၼင်ႇ ၼႂ်းၸိူင်းၸိုဝ်ႈသဵင်လိုဝ်းလင် The Odyssey ဢၼ်ၽူႈၸတ်းၵၢၼ်ထႆႇၸိူင်း (ဒါရိုက်တာ) ၶရိတ်ႊသ် တူဝ်ႊၽႃႊ ၼမ်းၸတ်းဢဝ်ဢွၵ်ႇၼႄၼႂ်းႁူင်း ၼႄၸိူင်းၼၼ်ႉၵေႃႈ ပႃးၶႃသွင်ၵေႃႉဝႆႉ – ဝႃႈၼႆ။
ၼႂ်းၸိူင်းသပၢႆႊတႃႊမၼ်း ဢၼ်ဢွၵ်ႇၵမ်းလိုၼ်းၼႆႉ တွမ်ႊႁေႃႊလၼ်ႊ လႆႈယူႇၼႂ်းၼၢမ်း ပီႊတႃႊပႃႊၵႃႊသေ ဢဝ်တီႈယူႇပဵၼ်ၸၢႆးၸိူင်းဢၼ်လမ်ႇလွင်ႈသုတ်း သူႊပႃႊႁီႊရူဝ်ႊ Spider-Man ဢၼ်ၵတ်ႉလိူဝ်ပိူၼ်ႈ ၼႂ်းၸိူင်းႁူဝ်ၼၼ်ႉ။ ၵေႃႉပဵၼ်မေးၼၢင်းမၼ်း သၼ်ႊတေႊယႃႇတႄႉ ၶဝ်ႈလဵၼ်ႈဝႆႉပဵၼ် ၵေႃႉႁၵ်ႉၸၢႆးၸိူင်း ၸိုဝ်ႈႁွင်ႉ ဢမ်ႊၵျေႊဝႆႉ ၼႆယဝ်ႉ။
သၼ်ႊတေႊယႃႇၼႆႉ တိုၵ်ႉလႆႈဢႃႇယု 29 ပီသေ ပဵၼ်ၵူၼ်းၼုမ်ႇၵေႃႉမေႃၼုင်ႈသိူဝ်ႈၶူဝ်း ႁဵတ်းႁၢင်ႈၽၢင် ႁႂ်ႈၵိုင်ႇငမ်ႇၵၼ် တင်းၸိူင်းဢၼ်မၼ်းၼၢင်းလႆႈ လဵၼ်ႈၼၼ်ႉတေႉတေႉလႄႈ မိူဝ်ႈလိူၼ်ပူၼ်ႉမႃးၼႆႉ ၸိုဝ်ႈလိုဝ်းလင်ၵႂႃႇ ၼႂ်းတူင်ႇဝူင်း Fashion ပဵၼ်ၵေႃႉထီႉ 1 ၼႆယဝ်ႉ။
ၸိူင်းသပၢႆႊတႃႊမၼ်း Spider-Man: No Way Home ဢၼ်ဢွၵ်ႇမိူဝ်ႈပီ 2021 ၼၼ်ႉတႄႉ ၽူႈပၼ်ႁႅင်းၶဝ် သိုဝ်ႉတူၺ်းၼမ်တေႉတေႉသေ လႆႈၵႃႈၸိူင်းၵႂႃႇ 1.9 ပီႊလီႊယၼ်ႊဢမေႊရိၵၼ်ႊတေႃႊလႃႊ ၼႆယဝ်ႉ။
Source-BBC
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ