သိုၵ်းမၢၼ်ႈ တင်ႈၸႂ်ဝၢႆႇပၢၵ်ႇၵွင်ႈယိုဝ်းသႂ်ႇဝၢၼ်ႈလႄႈ ၵူၼ်းမိူင်းၼႂ်းၸႄႈဝဵင်းၵူတ်ႉၶၢႆ  မီးလွင်ႈမၢတ်ႇၸဵပ်းလူႉတၢႆ  ။ မိူဝ်ႈဝႃး ဝၼ်းတီႈ 18/7/2023 ႁူဝ်ၶမ်ႈ 4 မူင်းၼၼ်ႉ သိုၵ်းမၢၼ်ႈတင်းသိုၵ်းၶၢင် KIO/KIA ပဵၼ်ပၢင်တိုၵ်းၵၼ်သေ ၾၢႆႇသိုၵ်းမၢၼ်ႈ တင်ႈၸႂ်ယိုဝ်းၵွင်ႈလူင်သႂ်ႇဝၢၼ်ႈလႄႈ ၾႆးမႆႈႁိူၼ်းလူႉၵွႆလင်ၼိုင်ႈ ၊ ၵူၼ်းမိူင်း တၢႆ 1 မၢတ်ႇ 4 ၵေႃႉ  ။ ၵူၼ်းၼႂ်းၸႄႈဝဵင်းၵူတ်ႉၶၢႆၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ...

မိူဝ်ႈဝၼ်းတီႈ 16/7/2023 ယၢမ်းၵၢင်ၼႂ် 10 မူင်းၼၼ်ႉ သိုၵ်းမၢၼ်ႈယိုတ်းမိူင်း ၼမ်းၼႃႈသိုၵ်း မႃးထိုင်တီႈႁိမ်းဝၢၼ်ႈၶူဝ်မုင်း ၸႄႈဝဵင်းၵူတ်ႇၶၢႆၼၼ်ႉသေ တုမ်ႉၺႃး ၸုမ်းသိုၵ်းၶၢင် KIA   လႆႈပဵၼ်ပၢင်တိုၵ်းၵၼ် ။ ၵူၼ်းပိုၼ်ႉတီႈၵူတ်ႉၶၢႆၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ သိုၵ်းမၢၼ်ႈၼႆႉ ၶဝ်လုၵ်ႉၼမ်ႉၽၵ်းၵႃသေၶိုၼ်ႈမႃး။ မိူဝ်ႈမႃးထိုင်တီႈ ႁိမ်းဝၢၼ်ႈၶူဝ်မုင်းၼၼ်ႉ မႃးတုမ်ႉၵၼ်တင်း KIA သေ ပိုတ်းယိုဝ်းၵၼ်...

ပၢင်တိုၵ်း တီႈၸႄႈဝဵင်းၾၢႆၶုၼ် ၶၢဝ်းတၢင်းလိူၼ်ပၢႆ သိုၵ်းမၢၼ်ႈ တၢႆ 19 PDF တၢႆၵေႃႉၼိုင်ႈ မၢတ်ႇၸဵပ်း 3 ။ တႄႇဢဝ်ႁူဝ်လိူၼ်ၵျုၼ်ႊၼၼ်ႉမႃး သိုၵ်းမၢၼ်ႈတင်းသိုၵ်းၵႅတ်ႇၶႄၵူၼ်းမိူင်းပီႊတီႊဢႅပ်ႉၾ် ပိုတ်းယိုဝ်းၵၼ် တီႈၸႄႈဝဵင်းၾၢႆၶုၼ် ၾၢႆႇၸုမ်းသိုၵ်းမၢၼ်ႈ တၢႆ 19 ၵေႃႉ သေ ၾၢႆႇၸုမ်းသိုၵ်း PDF မၢတ်ႇၸဵပ်း 3 ၵေႃႉ...

ၼႂ်းလိူၼ်ၵျူႊလၢႆႊၼႆႉ  သိုၵ်းမၢၼ်ႈ သင်ႇႁႂ်ႈ ၵူၼ်းမိူင်းၸႄႈဝဵင်းတူၼ်ႈတီး တၢင်ႇသဵၼ်ႈသၢႆမၢႆၶႅၵ်ႇပၼ် သပ်းသေးယွႆႈယႅမ်းလိူဝ်ၵဝ်ႇ။ ၼၢင်းယိင်းၵေႃႉဢၼ်မႃးထင်သဝ်းတီႈဝဵင်းတူၼ်ႈတီးၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - မိူဝ်ႈၵူႈပွၵ်ႈၼႆ ပေႃးပွင်ႇၶၢဝ်ႇပၼ် ၸိုဝ်ႈလႄႈ မၢတ်ႈပုင်ႇတိၼ်ႇ ၵေႃႈလႆႈယဝ်ႉ။မိူဝ်ႈလဵဝ်သမ်ႉ ၸိုဝ်ႈ ၵေႃႈလႆႈပၼ် ၸိုဝ်ႈၸဝ်ႈႁိူၼ်း ၵေႃႈ တေလႆႈပၼ်။ၸဝ်ႈႁိူၼ်းပဵၼ်ၽႂ် ယူႇလႂ် ႁဵတ်းၵၢၼ်သင်ၸိူဝ်းၼႆႉ လႆႈလၢတ်ႈပၼ်မူတ်း ။ ယဝ်ႉၵေႃႈ ၶႅပ်းႁၢင်ႈႁဝ်းၵေႃႈ...

သိုၵ်းမၢၼ်ႈတင်ႈၸႂ် ပွႆႇမၢၵ်ႇသႂ်ႇ ပၢင်သဝ်းၵူၼ်းပၢႆႈၽေးတီႈမိူင်းယၢင်းလႅင် မီးၵူၼ်းမၢတ်ႇၸဵပ်း 3 ၵေႃႉ။ မိူဝ်ႈဝၼ်းတီႈ 4 ၼႂ်းလိူၼ်ၵျူႊလၢႆႊ ယၢမ်းႁူဝ်ၼႂ်ၸဝ်ႉ 2 မူင်း သိုၵ်းမၢၼ်ႈ တင်ႈၸႂ် ၸႂ်ႉၶိူင်ႈမိၼ် ပွႆႇမၢၵ်ႇသႂ်ႇ ပၢင်သဝ်း ၵူၼ်းပၢႆႈၽေး ဢၼ်မီးဝႆႉ တၢင်းတူၵ်းၸႄႈဝဵင်းတီႇမေႃးသူဝ်ႇ မိူင်းယၢင်းလႅင် မီးၵူၼ်းမၢတ်ႇၸဵပ်း 3 ၵေႃႉ ၼႂ်းၼၼ်ႉ...

ပၢင်တိုၵ်းၼႂ်းမိူင်းဢမ်ႇၵိုတ်းဢမ်ႇယဵၼ်ၼႂ်းၶၢဝ်းတၢင်း 2 ပီ ဢဵၼ်ႁႅင်းသိုၵ်းမၢၼ်ႈယွမ်းၼမ် ပိုၼ်ၽၢဝ်ႇႁွင်ႉၼၢင်းႁၢၼ်မႂ်ႇဢမ်ႇယွမ်း 6 ၵမ်းယဝ်ႉဝႃႈၼႆ။ ၵူၼ်းမိူင်းထတ်းသၢင်ဝႃႈ သိုၵ်းမၢၼ်ႈလႆႈၶၢႆႉလၢႆႈၶႃႈႁၢပ်ႇၵၢၼ်ၶုၼ်ၵႂႃႇၸႂ်ႉၾၢႆႇၵၢၼ်တိုၵ်းတေႃးၼမ်လႄႈ ဢဵၼ်ႁႅင်းသိုၵ်းမၢၼ်ႈလူတ်းယွမ်းလူင်းၼမ်၊ တေဢဝ်ၼၢင်းႁၢၼ်ၶဝ်ႈတႅၼ်းႁၢပ်ႇၵၢၼ် ၵၢၼ်လုမ်း ၊ ပိုၼ်ၽၢဝ်ႇလၢႆၵမ်းယဝ်ႉသေတႃႉဢမ်ႇမီးၵူၼ်းၶဝ်ႈႁၢပ်ႇၵၢၼ်မႂ်ႇထႅင်ႈ ၶၢဝ်ႇတၢၼ်ႇလုၼ်ႇထၢႆး တႅမ်ႈတၢင်ႇဝႆႉၼင်ႇၼႆ။ ဢၼ်သိုၵ်းမၢၼ်ႈပိုၼ်ၽၢဝ်ႇၼႂ်းလိၵ်ႈၽိုၼ်ၶၢဝ်ႇလႄႈ ၾၢႆႇငဝ်းႁၢင်ႈသဵင်ၾၢႆႇပွင်ႇၶၢဝ်ႇၶဝ် မိူဝ်ႈဝၼ်းထိ 27 ၵျုၼ်ႊပူၼ်ႉမႃးၼႆႉဝႃႈ ၼၢင်းယိင်းဢႃယု ပႃႈတႂ်ႈ 25 ပီ၊ ၸၼ်ႉပၢႆးပၺ်ႇၺႃႇဢွင်ႇ...

ဝၢႆးလင်မိူင်းႁူမ်ႈတုမ်ၺႃးယိုတ်းဢႃၼႃႇမႃးၼႆႉ ၸုမ်းသိုၵ်းလၢႆမူႇလၢႆၸုမ်း လူလၢႆၵၼ်ႉၸၼ်ၼၢင်းယိင်းမႃး ဢမ်ႇယွမ်း 59 ၶၻီႊ ယဝ်ႉၼႆ ၸုမ်းၼၢင်းယိင်းမိူင်းႁူမ်ႈတုမ်( Burmese Women’s Union) ဢွၵ်ႇဝႆႉၼင်ႇၼႆ။ ၸွမ်းၼင်ႇၸုမ်းၼၢင်းယိင်းမိူင်းႁူမ်ႈတုမ် ၵဵပ်းႁွမ်တွမ်တႅမ်ႈဝႆႉၸိုင် တီႈဢၼ်မီးပတိၵ်ႈၶၢတ်ႈ တီႈဢၼ်မီးလွင်ႈပၢင်တိုၵ်းသိုၵ်းသိူဝ် မိူၼ်ၼင်ႇ ၼႂ်းမိူင်းယၢင်းလႅင် ၊ ၸႄႈၵႅင်း ၊ မၵူၺ်း ၊ ပႃႇၵိူဝ်( ပၵူဝ်း)...

တီႈၸႄႈဝဵင်းလွႆၶေႃ ၸႄႈမိူင်းယၢင်းလႅင်ၼႆ့ သိုၵ်းမၢၼ်ႈယိုတ်းမိူင်း တတ်းၶၢတ်ႇသၢႆတိတ်းတေႃႇသၢႆၾူၼ်း ၊ ဢိၼ်ႊတႃႇၼႅတ့် ၾၢႆႇၼိုင်ႈသမ့် ထႅမ်ႁႅင်းသိုၵ်းတၢင်းၼမ်။ သိုၵ်းမၢၼ်ႈတႄႇ တတ်းၶၢတ်ႇသၢႆၵပ်းသိုပ်ႇ လႅင်းၾူၼ်း၊ လႅင်းဢိၼ်ႇတႃႇၼႅတ့် မိူဝ်ႈဝၼ်းတီႈ 27 လိူၼ်ၵျုၼ်ႊ၊ တေႃႇထိုင် ဝၼ်းတီႈ 28 ယၢမ်းၵၢင်ၼႂ်ၼႆ့ ယင်းပႆႇပၼ်ၶိုၼ်း။ တင်ႈတႄႇဝၼ်းၸၼ်မႃး သိုၵ်းမၢၼ်ႈယူႇတီႈတပ့် 261 လွႆၶေႃသေ ယိုဝ်းၵွင်ႈလူင်လၢႆလၢႆၵမ်း၊ ႁဵတ်းႁႂ်ႈၵူၼ်းမိူင်းတူၵ်းၸႂ်။...

သိုၵ်းမၢၼ်ႈၵဵပ်းသဵၼ်ႈမၢႆႁူဝ်ၵူၼ်းတွၼ်ႈတႃႇပၢင်လိူၵ်ႈတင်ႈ ဢၼ်ၶဝ်ဢၢၼ်းဢွၼ်ၼမ်းၸတ်းႁဵတ်း၊ ယၢမ်းလဵဝ်သိုၵ်းမၢၼ်ႈပိုၼ်ၽၢဝ်ႇဝႃႈ ၵဵပ်းယဝ်ႉ 90 ပိူဝ်ႊသႅၼ်ႊယဝ်ႉသေတႃႉ တေၸတ်းပၢင်လိူၵ်ႈတင်ႈမိူဝ်ႈလႂ်လၢႆးလႂ်ၵေႃႈပႆႇပိုၼ်ၽၢဝ်ႇတႅတ်ႈတေႃး။ ၵူၼ်းမိူင်းတႃႈၵုင်ႈ ဢၼ်ၶဝ်ႈပႃးၼႂ်းၵၢၼ်ၵဵပ်းသဵၼ်ႈမၢႆႁူဝ်ၵူၼ်းၵေႃႉၼိုင်ႈလၢတ်ႈတီႈၶၢဝ်ႇ RFA ဝႃႈ -“ယၢမ်းလဵဝ် ငဝ်းလၢႆးဝၢၼ်ႈမိူင်းသုၵ်ႉယုင်ႈ ၊ သဵၼ်ႈမၢႆႁူဝ်ႁိူၼ်းဢမ်ႇတႅတ်ႈတေႃး၊ သိုၵ်းမၢၼ်ႈလိုပ်ႈလမ်းတီႉၺွပ်းလႄႈ ၵူၼ်းၼုမ်ႇဢၼ်လႆႈပၢႆႈၶဝ်ႈထိူၼ်ႇ၊ ပၢႆႈၵႂႃႇယူႇၼွၵ်ႈမိူင်း၊ ၵမ်ႈၽွင်ႈၶဝ်ႈယူႇၼႂ်းၶွၵ်ႈ၊ ၵူၼ်းဢၼ်တၢႆၼႂ်းပၢင်တိုၵ်းၵေႃႈၼမ်၊ တၢႆၽွင်းၼႄၵၢင်ၸႂ်သၢၼ်ၶတ်းသိုၵ်းမၢၼ်ႈၼၼ်ႉၵေႃႈၼမ်လႄႈ တႃႇတေၵဵပ်းလႆႈသဵၼ်ႈမၢႆတႅတ်ႈတေႃးဢမ်ႇငၢႆႈငၢႆႈ။ ဢမ်ႇဝႃႈတင်းမူတ်းလႃႈ တႃႇ 25...

သိုၵ်းမၢၼ်ႈႁွင်ႉပႃႇတီႇၵၢၼ်မိူင်းၼႂ်းၸိုင်ႈတႆးလၢႆလၢႆဢၼ် ႁူပ်ႉထူပ်းဢုပ်ႇၵုမ်သေ ၵူတ်ႇထတ်းထၢမ်လၢႆလၢႆလွင်ႈ လွင်ႈႁၢင်ႈႁႅၼ်းတႃႇၶဝ်ႈပၢင်လိူၵ်ႈတင်ႈ ။ ဝၼ်းတီႈ 19 လိူၼ်ၵျုၼ်ႊ ႁွင်ႉပႃႇတီႇသၢင်ႇသီႈ၊ ပႃႇတီႇၽွမ်ႉႁူမ်ႈလႄႈတီႇမူဝ်ႇၵရေႇသီႇ ၵဝ်ႈၵၢင်ႉ၊ ပႃႇတီႇ တီႇမူဝ်ႇၵရႅတ်ႉတိတ်ႉၵဝ်ႈၵၢင်ႉ ၸိုင်ႈတႆး - မႃးႁူပ်ႉတီႈတပ်ႉသိုၵ်း တီႈဝဵင်းလႃႈသဵဝ်ႈသေ ၵူတ်ႇထတ်း လွင်ႈမၢႆၾၢင်လႄႈလွင်ႈႁၢင်ႈႁႅၼ်းဝႆႉလၢႆလၢႆလွင်ႈ။ တွင်ႈထၢမ် ၸွင်ႇပႃႇတီႇႁဵတ်းၸွမ်းမၢႆႈမီႈဢၼ် UEC တမ်းဝၢင်းဝႆႉ မိူၼ်ၼင်ႇ - ပႃႇတီႇၵၢၼ်မိူင်း...

ၸုမ်းဢွၼ်ႁူဝ်ၶၵ်ႉၵၢၼ်လွင်ႈငမ်းယဵၼ် PPST တေၵႂႃႇဢုပ်ႇဢူဝ်း ၸုမ်းငမ်းယဵၼ် ၶွင်ၶွင်ႇသီႇသိုၵ်းမၢၼ်ႈ NSPNC  တီႈၼေႇပီႇတေႃႇ။  တႄႇဝၼ်းတီႈ 26  တေႃႇထိုင် ဝၼ်းတီႈ 28/6/2023 ၼႆႉ ၸုမ်းဢွၼ်ႁူဝ်ၶၵ်ႉၵၢၼ်လွင်ႈငမ်းယဵၼ် PPST တေၵႂႃႇ ဢုပ်ႇဢူဝ်း ၸုမ်းငမ်းယဵၼ်ၶွင်ႇသီႇသိုၵ်းမၢၼ်ႈ NSPNC  တီႈၼေႇပီႇတေႃႇ တႃႇၶၢဝ်းတၢင်း 3 ဝၼ်း ။ ၸဝ်ႈသိုၵ်းလူင် ၸေႃးၵျေႃႇၺုၼ်ႉ...

ၼႂ်းလိူၼ် ၵျုၼ်ႊၼႆႉ သိုၵ်းမၢၼ်ႈ တဵၵ်းၸႂ်ႉႁႂ်ႈၵူၼ်းမိူင်း ၼႂ်းဢိူင်ႇၶုမ်ႇၸူင် ၸႄႈဝဵင်းလႃႈသဵဝ်ႈ ပုတ်ႈၵၼ် တေႃႉၼမ်ႉသူင်ႇပၼ် တႃႇၸႂ်ႉသွႆလႄႈတႃႇၵိၼ်  ၵူၼ်းမိူင်းႁူပ်ႉတင်းယၢပ်ႇၽိုတ်ႇ။ ၵူၼ်းၼႂ်းပိုၼ်ႉတီႈ ၼႂ်းၸႄႈဝဵင်းလႃႈသဵဝ်ႈလၢတ်ႈတီႈၽူႈတွႆႇႁွၵ်ႈဝႃႈ - ” ၼိုင်ႈဝၼ်းလႂ် ၸႂ်ႉတေႃႉၼမ်ႉသူင်ႇ တႃႇထူဝ်ႈ ၼိုင်ႈလမ်း ။  ရူတ်ႉၶိူင်ႈၵေႃႈၶဝ်ၶႂ်ႈလႆႈ။ ၶဝ်လူဝ်ႇၵႂႃႇမႃးၼႆဝႃႇ။ သင်ႇမႃးဝႃႈ ပေႃးဢမ်ႇႁဵတ်းၸွမ်းဢမ်ႇလႆႈၼႆဢေႃႈ။ ၵူၼ်းဝၢၼ်ႈႁဝ်းၵေႃႈ ပၼ်ႇပုတ်ႈၵၼ်ႁေ...

သိုၵ်းမၢၼ်ႈယိုတ်းမိူင်းတင်း သိုၵ်း SSPP/SSA ၼႄႁႅင်းသိုၵ်း ၶဵင်ႈၶႅင်တေႃႇၵၼ်ႁၢဝ်ႈႁႅင်း တီႈၸႄႈတွၼ်ႈလွႆလႅမ်။ ၼႂ်းၵၢင်လိူၼ်ၵျုၼ်ႊ ပီ 2023 ၼႆႉ သိုၵ်းမၢၼ်ႈယိုတ်းမိူင်း သင်ႇႁႂ်ႈသိုၵ်း SSPP/SSA ထွႆဢွၵ်ႇပိုၼ်ႉတီႈ တပ်ႉပၢင်သဝ်း ၼႂ်းၸႄႈတွၼ်ႈလွႆလႅမ်ၼၼ်ႉဝႃႈၼႆသေတႃႉ ၾၢႆႇ SSPP/SSA ဢမ်ႇယွမ်းထွႆလႄႈ တင်းသွင်ၾၢႆႇ ၼႄဢဵၼ်ႁႅင်းသိုၵ်း ၶဵင်ႈၶႅင်တေႃႇၵၼ်ႁၢဝ်ႈႁႅင်းဝႃႈၼႆ။ ၽူႈမီးၸၼ်ႉၼႂ်းၸုမ်း SSPP/SSA ဢၼ်ယူႇၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ -...

ၽွင်းၵူၼ်းမိူင်းယၢင်းလႅင် ၶွတ်ႇၽွတ်ႈလူင်ပွင်ၸိုင်ႈမိူင်းယၢင်းလႅင် တႃႇမီးလွင်ႈသုၼ်ႇလႆႈတႅပ်းတတ်း ႁင်းၶေႃၼၼ်ႉ သိုၵ်းမၢၼ်ႈပိုတ်းယိုဝ်း ၸုမ်းသိုၵ်းၽွမ်ႉႁူမ်ႈယၢင်းလႅင် KA -KNLA လႄႈ  PDF၊ သိုၵ်းမၢၼ်ႈလၢမ်းလိမ်းယိုဝ်း ၶိူင်ႈၵွင်ႈလူင်ၵႂႃႇသီႇႁူးႁႃႈတၢင်း ၼႂ်းမိူင်းယၢင်းလႅင်ၵူၺ်းဢမ်ႇၵႃး ယိုဝ်းသႂ်ႇပႃးတီႈလႅၼ်လိၼ်တႆး-ယၢင်းလႅင် တူၵ်းသႂ်ႇၼႂ်းဝၢၼ်ႈပီႈၼွင်ႉတႆးယူႇသဝ်း ႁဵတ်းႁႂ်ႈပီႈၼွင်ႉတႆးလႆႈႁူပ်ႉ ၽေးသိုၵ်းသိူဝ်ပႃးထႅင်ႈတင်းၼမ်။  မိူဝ်ႈဝၼ်းတီႈ 8 ယၢမ်းၵၢင်ၶမ်ႈ သိုၵ်းမၢၼ်ႈယိုဝ်းၵွင်ႈလူင် သႂ်ႇတီႈဝၢၼ်ႈတိုဝ်ႉၸၢႆးၶႃး ဝဵင်းလွႆလႅမ်ဢွၼ်ႇ လႅၼ်လိၼ်တႆးယၢင်းလႅင်။   မၢၵ်ႇလူင်တိူဝ်ႉၺႃးႁိူၼ်းယေးၵူၼ်းဝၢၼ်ႈ ၾႆးမႆႈလူႉၵွႆ။...

ၶၢဝ်းတၢင်းသိုၵ်းမၢၼ်ႈယိုတ်းမိူင်းမႃး ၵူၼ်းမိူင်းၽၵ်းၵႃႇ ၼႂ်းမိူင်းႁူမ်ႈတုမ် လူႉတၢႆယွၼ်ႉပၢင်တိုၵ်းသိုၵ်းသိူဝ် ဢမ်ႇယွမ်း 2 မိုၼ်ႇ  ။ ပေႃးတူၺ်းၼႂ်းသဵၼ်ႈမၢႆဢၼ် ISP Myanmar ဢွၵ်ႇဝႆႉၼၼ်ႉၸိုင် တိူင်းၸႄႈၵႅင်းၼႆႉ လူႉတၢႆ  1,208 ၵေႃႉ ၼမ်သုတ်းၼႂ်းၸိုင်ႈမိူင်း၊ ၸႄႈမိူင်းယၢင်းလႅင်သမ်ႉၵူၼ်းမိူင်း လူႉတၢႆ 159 ၵေႃႉ ၼမ်သုတ်းထိ 3 သေ...