တႄႇဢဝ် ႁူဝ်လိူၼ် ဢေႊပရိူဝ်ႊမႃး ၽူႈမီးၸၼ်ႉသိုၵ်းမၢၼ်ႈ ၼႂ်းတိူင်းသိုၵ်းသၢမ်ၸဵင်ႇၵဵင်းတုင် ဢဝ်ၸၢၵ်ႈမႃးလုတ်ႇလၢင်ႉ ႁဵတ်းလွင်ႈမူတ်းသႂ် ၼမ်ႉၼွင်တုင် ဢၼ်မီးၼႂ်းၵၢင်ဝဵင်းၵဵင်းတုင် ။ ၵူၼ်းၵဵင်းတုင် ၼၢင်းယိင်းဢႃယု 50 ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ- “ ၸႂ်ႈယဝ်ႉဝႃႈ ၶဝ်ႈႁဵတ်းမႃး ၸဵမ်မိူဝ်ႈ ႁူဝ်လိူၼ်ၼႆႉၼေႈ။ ဢမ်ႇယၢမ်ႈႁၼ်ၶဝ်ဢဝ်ၶိူင်ႈၸၢၵ်ႈလူင်ၸိူင်ႉၼႆမႃးလုတ်ႇဢွၵ်ႇသေပွၵ်ႈ။ၵူႈပွၵ်ႈတႄႉ ၶဝ်ဢဝ် ၵႃးၾၢႆႇလိူမ်ႈလႆႇၶဝ်မႃးၽဵဝ်ႈဢဝ်ယုၵ်းယၢၵ်းမၼ်းၵႂႃႇႁဵတ်းၼႆၵွႆး။ မိူဝ်ႈလဵဝ်တႄႉ...

သိုၵ်းမၢၼ်ႈ ၸၼ်ႉႁူဝ်ႁၢၼ်ၵေႃႉၼိုင်ႈ ၽႅၼ်ၶေႃးၶႃႈတူဝ်တၢႆ တီႈၸႄႈဝဵင်းၵဵင်းတုင် တီႈတပ်ႉတိူင်းသိုၵ်းသၢမ်ၸဵင်ႇၵဵင်းတုင် ။ မိူဝ်ႈဝႃး ဝၼ်းတီႈ 22/4/2023 ယၢမ်းၵၢင်ဝၼ်း 1 မူင်းၼၼ်ႉ သိုၵ်းမၢၼ်ႈႁူဝ်ႁၢၼ် ဢၼ်ယူႇတီႈ  ဝၢင်းၽိုၵ်းၽွၼ်ႉၵၢၼ်သိုၵ်း မၢႆ 11    တပ်ႉတိူင်းသၢမ်ၸဵင်ႇၵဵင်းတုင် ၸႄႈဝဵင်းၵဵင်းတုင် ၽႅၼ်ၶေႃးၶႃႈတူဝ်တၢႆ။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈဢေႃႈ မၼ်းၽႅၼ်ၶေႃးတၢႆ ၼႂ်းၼႃႈလိၼ်တပ်ႉၶဝ်ၼၼ်ႉၵွႆးဢေႃႈၼၼ်ႉ။ၵွပ်ႈသင်လႄႈ...

ၵူၼ်းၼုမ်ႇထုင်ႉၼွင်ႁၢႆးယႃႈ 8 ၵေႃႉၺႃးသိုၵ်းမၢၼ်ႈယိုတ်းမိူင်းတီႉၺွပ်းၵုမ်းၶင် ထိုင်မိူဝ်ႈလဵဝ်ပႆႇလွတ်ႈၶိုၼ်း။ မိူဝ်ႈႁူဝ်လိူၼ် ဢေႊပရိူဝ်ႊ ပီ 2023 ၼႆႉ ၵူၼ်းၼုမ်ႇထုင်ႉၼွင်ႁၢႆးယႃႈ 8 ၵေႃႉ ၺႃးမၢပ်ႇၼႄးဝႃႈ ၵွင်ႉၵၢႆႇၵၼ်တင်း NLD၊ NUG၊ PDF ၼႆသေ ထုၵ်ႇသိုၵ်းမၢၼ်ႈတီႉၺွပ်းၵုမ်းၶင်တူဝ်ဝႆႉ ထိုင်မိူဝ်ႈလဵဝ်ပႆႇလွတ်ႈၶိုၼ်း။ ၵူၼ်းၼႂ်းပိုၼ်ႉတီႈထုင်ႉၼွင်ႁၢႆးယႃႈလၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈဢေႃႈ မိူဝ်ႈတႄႇမၼ်းတႄႉ ၺွပ်းၵႂႃႇၵေႃႉလဵဝ်ၵွႆး...

သိုၵ်းမၢၼ်ႈယိုဝ်းၵွင်ႈလူင်ၼႂ်းၸႄႈတွၼ်ႈၵျွၵ်ႉမႄး ၼႂ်းဝၼ်းလဵဝ်ယိုဝ်းဢမ်ႇယွမ်း 20 ၵမ်း ၵူၼ်းမိူင်းဢမ်ႇလႆႈယူႇၵတ်းယဵၼ်ၸႂ်။ ဝၼ်းတီႈ 19/04/2023 ယၢမ်းၵၢင်ၶမ်ႈ သိုင်းမၢၼ်ႈ တပ်ႉ ၶမယ 501 ဢၼ်ယူႇၾၢႆႇႁွင်ႇဝဵင်းၵျွၵ်ႉမႄး ၼၼ်ႉ ပဵၼ်ပၢင်တိုၵ်းၵၼ်တင်း သိုၵ်းတဢၢင်း TNLA လႄႈ PDF ႁူမ်ႈၵၼ်၊ ဝၢႆးသေၼၼ်ႉသိုၵ်းမၢၼ်ႈယူႇယူႇယိုဝ်းၵွင်ႈလူင် တေႃႇထိုင်မိူဝ်ႈဝႃးယၢမ်းၵၢင်ၼႂ်။ ၵူၼ်းမိူင်းၵျွၵ်ႉမႄးၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ -“ သိုၵ်းတဢၢင်းလႄႈ ပီႇတီႇဢႅပ်ႉ...

သိုၵ်းမၢၼ်ႈ ၼႄးပူႇၵႄႇဝၢၼ်ႈ ၸွႆႈသိုၵ်း PDF ၼႆသေ တီႉၺွပ်း ပၼ်တူတ်ႈတၢမ်ႇ ဢဝ်ပုင်းၼမ်ႉႁွႆႈၶေႃး ပၼ်ႇ ၸွမ်းဝၢၼ်ႈယဝ်ႉၸင်ႇပွႆႇပၼ်ၶိုၼ်း တီႈၸႄႈဝဵင်းၼွင်ၶဵဝ်။ ဝၼ်းတီႈ 18/4/2023 ယၢမ်းၵၢင်ၼႂ် သိုၵ်းမၢၼ်ႈ ယိုတ်းမိူင်း ၶဝ်ႈတီႉၺွပ်း လုင်းၸၢႆးပၢၼ်းၵျႃႇ ပူႇၵႄႇဝၢၼ်ႈၼွင်လူင် ၼႂ်း ၸႄႈဝဵင်းၼွင်ၶဵဝ် ၼႄးဝႃႈ ပူႇၵႄႇႁႅမ်မူလဵင်ႉၸုမ်း PDF...

လုၵ်ႈလိူၼ်ဢေႊပရိူဝ်ႊဝၼ်းတီႈ 11 ပူၼ်ႉမႃၼႆႉ ႁူဝ်ပဝ်ႈၶွင်ႇသီႇသိုၵ်းမၢၼ်ႈယိုတ်းမိူင်း မႃးဢူၼ်းမွပ်ႈ ပၼ် ႁေႃမႂ်ႇ သႅၼ်ဝီ ။ ဝၼ်းၼၼ်ႉၵူၺ်းၼင်ႇၵဝ်ႇ ယၢမ်းၵၢင်ၼႂ် 7မူင်းပၢႆ 8 မူင်းၸမ်ၸမ်ၼၼ်ႉ တပ်ႉၶိူင်ႈမိၼ်မၼ်း ပွႆႇမၢၵ်ႇတႅၵ်ႇ လႄႈ ၵွင်ႈၸၢၵ်ႈႁၢတ်ႇသႂ်ႇသေ ၵူၼ်းလႆႈလူႉတၢႆ 100 ၵေႃႉပၢႆ ဢၼ်မၢတ်ႇၸဵပ်းပုတ်းၶၢတ်ႇႁၢဝ်ႈႁႅင်း ဢမ်ႇယွမ်း 50...

ပီႈမႂ်ႇသၢင်းၵျၢၼ်ႇ ပီ 2023 ၼႆႉ သိုၵ်းမၢၼ်ႈယိုတ်းမိူင်း တေဢွၼ်ႁူဝ်ၸတ်းႁဵတ်းပွႆးသွၼ်းၼမ်ႉၶိုၵ်ႉယႂ်ႇဝဵင်းယႂ်ႇဝဵင်းလူင် ၼႂ်းၸိုင်ႈတႆး ၼႆလႄႈ  PDF တိုၵ်းသူၼ်း ၵူၼ်းမိူင်း ႁႂ်ႈဝႆႉၾၢင်ႉၼၵ်းၼႃ။ ၸုမ်း PDF ဝဵင်းၾၢႆၶုၼ် ၾၢင်ႉဝႆႉဝႃႈ- “ ပေႃႈမႄႈၵူၼ်းမိူင်း ၸိူဝ်းတေၵႂႃႇလဵၼ်ႈၼမ်ႉၸွမ်းပွႆးသွၼ်းၼမ်ႉဢၼ် သိုၵ်းမၢၼ်ႈဢွၼ်ၼမ်းၸတ်းႁဵတ်းၼၼ်ႉ  ႁႂ်ႈၾၢင်ႉယႂ်ႇၼမ် ။ယွၼ်ႉဝႃႈ သိုၵ်းမၢၼ်ႈၼႆႉ ၵႆႉႁၢင်ႈမၢၵ်ႇဝႆႉသေ ပေႃးမၢၵ်ႇတႅၵ်ႇလႄႈၵူၼ်းမိူင်းလူႉတၢႆၼႆ...

သိုၵ်းမၢၼ်ႈလၢမ်းလိမ်းယိုဝ်းၵွင်ႈလူင် တူၵ်းတႅၵ်ႇၼႂ်းဝၢၼ်ႈ တီႈၸႄႈဝဵင်းမိူင်းပၢႆး ၵူၼ်းမိူင်း တိူဝ်ႉၸၢၵ်ႇမၢၵ်ႇ 2 ၵေႃႉ။ ၼႂ်းဝၼ်းတီႈ 7/4/2023 ၵၢင်ၼႂ်ၸဝ်ႉ 6 မူင်း သိုၵ်းမၢၼ်ႈလၢမ်းယိုဝ်းၵွင်ႈလူင် တူၵ်းတႅၵ်ႇ ၼႂ်းဝၢၼ်ႈ တီႈၾၢႆႇဢွၵ်ႇဝဵင်းမိူင်းပၢႆး ၵူၼ်းမိူင်း 2 ၵေႃ့ တိူဝ့်ၸၢၵ်ႇမၢၵ်ႇ မၢတ်ႇၸဵပ်း။ ၽူႈမီပုၼ်ႈၽွၼ်းၼႂ်းၸုမ်း Jop for kayah လၢတ်ႈတီႈၽူႈတွႆႇႁွၵ်ႈဝႃႈ...

သိုင်းမၢၼ်ႈ တီႉၵူၼ်းဝဵင်းလိူဝ်ႇ ယိင်း 13 ၵေႃႉလႄႈ ၸၢႆး 2 ၵေႃႉ ႁူမ်ႈသဵင်ႈ 15 ၵေႃႉ ၼႄးဝႃႈ သွၼ်လိၵ်ႈပၼ်လုၵ်ႈဢွၼ်ႇတၢင်းဢွၼ်ႊလၢႆႊသေ ၵမ်ႉၸွႆႈလူင်ပွင်ၸိုင်ႈၽွမ်ႉႁူမ်ႈၸိူဝ်ႉၸၢတ်ႈ NUG ဝႃႈၼႆ။ ၶူးသွၼ်ၸိူဝ်းၺႃး သိုၵ်းမၢၼ်ႈတီႉၼႆႉပဵၼ် ၶူးသွၼ်လိၵ်ႈတၢင်းဢွၼ်ႊလၢႆႊ တီႈႁူင်းႁဵၼ်း Federal School of...

သိုၵ်းမၢၼ်ႈ လႄႈ PDF သိုပ်ႇယိုဝ်းၵၼ်ၶိူဝ်းယႂ်း ထိုင်ဝၼ်းတီႈ 20 လိူၼ်မၢတ်ႉၶျ်ၼႆႉၵေႃႈ တင်းသွင်ၾၢႆႇတိုၵ်ႉၶဵင်ႈၶႅင်ဝႆႉ ၵူၼ်းမိူင်းဢမ်ႇမီးလွင်ႈႁူမ်ႇလူမ်ႈၼႆယဝ်ႉ ။ ၽူႈမီးပုၼ်ႈၽွၼ်းၼႂ်းၸုမ်း PNDF KK ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ တိုၵ်ႉသိုပ်ႇပဵၼ်ပၢင်တိုၵ်းၵၼ်ယူႇ ၾၢႆႇသိုၵ်းမၢၼ်ႈ ဢဝ်ႁိူဝ်းမိၼ်တိုၵ်းၸွမ်းၵေႃႈမီး။မိူဝ်းဝၼ်းတီႈ 20 ၼၼ်ႉၵေႃႈ သိုၵ်းမၢၼ်ႈၶဝ်ဢဝ် ႁိူဝ်းမိၼ်တိုၵ်းမႃး ယိုဝ်းသွင်ၵမ်းၼႆႉဢေႃႈ လႆႈႁူႉဝႃႈ...

လိူၼ်မၢတ်ႉၶျ်ဝၼ်းထိ 6 ပူၼ်ႉမႃးၼၼ်ႉ ၶုၼ်ၽွင်းလူင်ၾၢႆႇၵုမ်းၵမ်ၵူၼ်းၶဝ်ႈမိူင်းလႄႈ သၢႆမၢႆႁူဝ်ၼပ်ႉၵူၼ်း ပိုတ်ႇလၢတ်ႈဝႃႈ ၼႂ်းပီၼႃႈ 2024 လိူၼ်ဢွၵ်ႊတူဝ်ႊပိူဝ်ႊ 1 ဝၼ်းတေလူင်းၵဵပ်းသၢႆမၢႆႁူဝ်ၼပ်ႉၵူၼ်း ပတ်းပိုၼ်ႉတူဝ်ႈမိူင်းၵႂႃႇ တႃႇၶၢဝ်းတၢင်း 15 ဝၼ်း မိူၼ်တင်းၼႄသၼ်ယႃးဝႃႈ ပီၼႆႉပီၼႃႈ တိုၼ်းပႆႇၸၢင်ႈႁဵတ်းပၢင်လိူၵ်ႈတင်ႈလူင် ၼင်ႇၸုမ်းၸၵၸ ၸုမ်းသိုၵ်းမၢၼ်ႈယိုတ်းမိူင်း ယၢမ်ႈလၢတ်ႈမႃးၼၼ်ႉ ၼႆယူႇ။ တီႈပၢင်ၵုမ်ၵႃႇလူင် ဢၼ်ၸတ်းႁဵတ်းမိူဝ်ႈၾႅပ်ႊပိဝ်ႊရီႊ 1...

သိုၵ်းမၢၼ်ႈတင်း ၸုမ်းယိပ်းၵွင်ႈၵၢင်ႇၸၢဝ်းၶိူဝ်း ပဵၼ်ပၢင်တိုၵ်းၵၼ် ႁိမ်းဝၢၼ်ႈၵုင်းၸူင် ၼႂ်းဢိူင်ႇၼမ်ႉပွင်ႈ ၸႄႈဝဵင်းလႃႈသဵဝ်ႈ မိူဝ်ႈဝၼ်းတီႈ 12/3/2023 ဝၢႆးသဵင်ၵွင်ႈယဵၼ်ၼၼ်ႉ သိုၵ်းမၢၼ်ႈ ၶဝ်ႈဢဝ်တီႈယူႇ ၸွမ်းဢိူင်ႇၸွမ်းဝၢၼ်ႈဝႆႉလႄႈ ၵူၼ်းမိူင်းယၢပ်ႇၽိုတ်ႇတႃႇပၢႆႈသွၼ်ႈတီႈလွတ်ႈၽေး ။ ၽူႈတူင်ႉၼိုင်ၼႂ်းၸုမ်းၸွႆႈၵူၼ်းပၢႆႈၽေးသိုၵ်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ မၢင်ၸိူဝ်းတႄႉ ပၢႆႈလွတ်ႈမႃး သွၼ်ႈဝႆႉယူႇတီႈ ဝတ်ႉဝူၺ်ႇလုဝုၼ်ႇ ၼႂ်းၼမ်ႉပွင်ႈၼႆႉဢေႃႈ။ ၶဝ်ပၢႆႈမႃးမိူဝ်ႈ ဝၼ်းထိ 13...

သိုၵ်းမၢၼ်ႈတင်း SSPP ပဵၼ်ပၢင်တိုၵ်းၵၼ်တီႈမိူင်းယႆ ၸိုင်းတႆးပွတ်းႁွင်ႇ။ မိူဝ်ႈဝႃး ဝၼ်းတီႈ 11/3/2023 ၵၢင်ဝၼ်း 1 မူင်းပၢႆၼၼ်ႉ သိုၵ်းမၢၼ်ႈတင်းတပ်ႉၸုမ်း SSPP ပဵၼ်ပၢင်တိုၵ်းၵၼ်ႁိမ်းဝၢၼ်ႈၼႃးယၢင်းလႄႈၼႃးသၢင်း ၾၢႆႇတူၵ်းၸႄႈဝဵင်းမိူင်းယႆ ၸိုင်ႈတႆးပွတ်းႁွင်ႇ။ ၵူၼ်းပိုၼ်ႉတီႈမိူင်းယႆၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ-" ၸႂ်ႈဢေႃႈ ပဵၼ်တီႈႁိမ်းၶူဝ်လွင်းၼၼ်ႉဢေႃႈ ပဵၼ်မွၵ်ႈ ၶိုင်ႈၸူဝ်ႈမူင်းၼႆႉဢေႃႈ။သိုၵ်းမၢၼ်ႈတင်းယႄးႁူမ်ႈၵၼ်ႁေ ​တႄႇယိုဝ်းၼႆဢေႃႈ။ၾၢႆႇ SSPP တႄႉမီးလွင်ႈမၢတ်ႇၸဵပ်းၽွင်ႈယူႇ ဢမ်ႇႁူႉဝႃႈလၢႆၵေႃႉ" ဝႃႈၼႆ။ လွင်ႈၼႆႉၽူႈတွႆႇႁွၵ်ႈတိတ်း​တေႃႇၸူး SSPP...

ပၢႆးဝူၼ်ႉၵၢၼ်မိူင်းလၢႆးမၢၼ်ႈၼႆႉ ၸဵမ်မိူဝ်ႈပၢၼ် ဢၼုရူၵ်ႉထႃႇ ႁၢၼ်ႉတေႃႇပၢၼ်ၵူင်းပွင်ႇသုတ်းဝၢႆး ၵူၺ်းဢိင်ၼိူဝ်ၶေႃႈ ဝူၼ်ႉသွၼ်ႇဢၼ်ဝႃႈ ၶုၼ်ႁၢႆႉၶုၼ်လိူင်းဢုပ်ႉမိူင်း ဢမ်ႇထုၵ်ႇလႄႈ ပူတ်းပႅတ်ႈမၼ်းသေ ၶိုၼ်ႈပုတ်ႈႁဵတ်းၶုၼ်မႂ်ႇ ၼၼ်ႉၵွႆး။ ၽိူဝ်ႇယူႇႁိုင်တၢၼ်ႇတၢၼ်ႇ ၶုၼ်မႂ်ႇၼၼ်ႉၵေႃႈ ပဵၼ်ၶိုၼ်းၸဝ်ႈပိူင်ႇၼမ်ႉငမ်းလိၼ် ၸဝ်ႈပိူင်ႇၸိၵ်းႁူဝ်တေႃႇ ပၢႆတိၼ် ဢႃယုဢသၢၵ်ႈၶွင်ၵူၼ်းမိူင်းသေၵေႃႈ ထိုင်ၶိုၼ်းပၢၼ်ၵဝ်ႇၵဝ်ႇ ထႅင်ႈပွၵ်ႈၼိုင်ႈၵမ်းၼိုင်ႈႁဵတ်းၼၼ်သေ ပၼ်ႇတူင်ႇဢူင်ႇဢူၺ်ႈယူႇ ႁၢၼ်ႉတေႃႇ ပေႃးပဵၼ်ၶႃႈလိပ်းၶုၼ်ဢိင်းၵလဵတ်ႈၶဝ်ၵႂႃႇၼၼ်ႉယဝ်ႉ။ ယူႇတႂ်ႈဢိင်းၵလဵတ်ႈပၢၵ်ႇပီပၢႆသေ ယူဝ်တေပိၼ်ႇလႅၵ်ႈလၢႆႈၶၢႆႉၸူးလၢႆးၵၢၼ်ဢုပ်ႉပိူင် ပႃႇလီႇမၢၼ်ႇ...

ဝၼ်းတီႈ 7/3/2023 ပူၼ်ႉမႃးၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇ ႁွတ်ႈထိုင်မိူင်းတႆးသေၵႂႃႇႁူပ်ႉထူပ်းဢူးဢွင်ႇၶမ်းထီႇ ၼႃႇယၵ ပျီႇတူႉၸိတ်ႉပဢူဝ်း ဢၼ်မီးတီႈ ၸႄႈဝဵင်းၵျွၵ်ႉတလူင်း ၸႄႈတွၼ်ႈတူၼ်ႈတီး ဝၢႆးၼၼ်ႉသိုပ်ႇၵႂႃႇဢႅဝ်ႇယဵမ်ႈတူၺ်းတၢင်းရူတ်ႉၾႆး သူၺ်ႇၺွင်ႇ-တူၼ်ႈတီး ဢိၵ်ႇပႃးတင်း ႁူင်းၸၢၵ်ႈၸိုၼ်း ပၢင်ပႅၵ်ႇၸိူဝ်းၼႆႉ။ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ႁွတ်ႈထိုင်တီႈ ဢူးဢွင်ႇၶမ်းထီႇ ယိုၼ်ႈမႅင်ႇၶွင်တွၼ်ႈသေဢုပ်ႇၵုမ်ၵၼ်။ ဝၢႆးၼၼ်ႉ လူင်းပိုၼ်ႉတီႈၵႂႃႇတူၺ်းသဵၼ်ႈတၢင်းရူတ်ႉၾႆး သူၺ်ႇၺွင်ႇတူၼ်ႈတီး၊ တႃႇၶိုၼ်းမႄးသိူဝ်ႇသဵၼ်ႈတၢင်းႁႂ်ႈၶႅမ်ႉလႅပ်ႈလိူဝ်ၵဝ်ႇဝႃႈၼႆ။ ၵူၼ်းဝဵင်းတူၼ်ႈတီးဢၼ်ၸမ်ၸႂ်ၵၼ်တင်း တူင်ႇဝူင်းၸုမ်းသိုၵ်း PNO/PNA...