သိုၵ်းမၢၼ်ႈလႄႈ သိုၵ်းတဢၢင်း TNLA ထၼူႉ DPLA  ပိုတ်းယိုဝ်းတိုၵ်းတေႃးၵၼ်ၼႂ်းၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ။ ၽူႈမီးပုၼ်ႈၽွၼ်းၼႂ်းတပ်ႉသိုၵ်းထၼူႉ DPLA ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - ပၢင်တိုၵ်းၼႆႉတႄႇပဵၼ်ႁၢဝ်ႈႁႅင်းမႃးၼႂ်းဝၼ်းတီႈ 24/06/2025 ။ ပဵၼ်တီႈဝၢၼ်ႈသူၺ်ႇတုၼ်း။ ပၢင်တိုၵ်းၸၢင်ႈတေႁႅင်းလႄႈတေၵႂၢင်ႈထႅင်ႈ။ ပဵၼ်ၼိူဝ်သဵၼ်ႈတၢင်း ၼွင်ၶဵဝ် လွၵ်ႉၸွၵ်ႇ ပႃႉထူး။“- ဝႃႈၼႆ။   သိုၵ်းမၢၼ်ႈၵေႃႈဢဝ်ၶိူင်ႈမိၼ်မႃးပွႆႇမၢၵ်ႇလူင်းသႂ်ႇဝၢၼ်ႈသူၺ်ႇတုၼ်းဢမ်ႇယွမ်း 80 လုၵ်ႈယဝ်ႉၼႆ DPLA ပိုၼ်ၽၢဝ်ႇမိူဝ်ႈဝၼ်းတီႈ...

ဝၼ်းတီႈ 24/06/2025 ယၢမ်းဝၢႆးဝၼ်း မွၵ်ႈ 5 မူင်း(ၶၢဝ်းယၢမ်းမိူင်းတႆး) သိုၵ်းမၢၼ်ႈဢဝ်ၶိူင်ႈမိၼ် သႅၼ်းၵျႅတ်ႊၾၢႆႊတိူဝ်ႊ ပွႆႇမၢၵ်ႇသႂ်ႇတီႈဝဵင်းၵျွၵ်ႉမႄး တိူဝ်ႉသႂ်ႇႁိူၼ်းယေးၵူၼ်းမိူင်း လူႉၵွႆ ၊ ၵူၼ်းၵေႃႈလူႉတၢႆ။ ၵူၼ်းပိုၼ်ႉတီႈလၢတ်ႈဝႃႈ ၶိူင်ႈမိၼ်သိုၵ်းမၢၼ်ႈမႃးပွႆႇမၢၵ်ႇလူင် 2 ၵမ်း။ တူၵ်းသႂ်ႇတီႈႁိမ်းၵျွင်းပလီႇလႄႈ ႁၢၼ်ႉၵိၼ်ၶဝ်ႈၽၵ်း ၸၢၼ်ႇပျႃႉ ပွၵ်ႉ 3 ဝဵင်းၵျွၵ်ႉမႄး။ ႁိူၼ်းယေးၵေႃႈၵွႆတင်းၼမ်။ ၵူၼ်းမိူင်းတၢႆ...

ဝၼ်းတီႈ 21/06/2025 ၼႆႉ သိုၵ်းမၢၼ်ႈ ယိုတ်းမိူင်း တေႃႉဢဝ်ႁႅင်းၵူၼ်းသိုၵ်းၸမ်ႁူဝ်ႁဵင်ၵေႃႉလႄႈ ႁႅင်းၶိူင်ႈၵွင်ႈလူင် လၢႆလၢႆသႅၼ်း ၶဝ်ႈၵႂႃႇဢဝ်ဢွင်ႈတီႈ တင်ႈဝႆႉၶိုၼ်းၼႂ်းဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ဝၼ်းၼၼ်ႉ သၢႆၵႃးသိုၵ်းမၢၼ်ႈ လုၵ်ႉတၢင်းၼွၵ်ႈ ၶဝ်ႈမႃးၼႂ်းဝဵင်းမီးမွၵ်ႈ 50 လမ်း ပႃးတင်းၵူၼ်းသိုၵ်း တဵမ်ၵႃး မွၵ်ႈၼိုင်ႈႁဵင်ၵေႃႉ။ ၵွၼ်ႇသိုၵ်းမၢၼ်ႈပႆႇတေႃႉဢဝ် ၵူၼ်းသိုၵ်းလႄႈ ၶိူင်ႈၸႂ်ႉတိုဝ်းၼႂ်းပၢင်တိုၵ်း ၶဝ်ႈမႃး ၼႂ်းဝဵင်းၼႆႉ...

ၼႂ်းလိူၼ်ၵျုၼ်ႊ ပီ 2025 ၼႆႉ သိုၵ်းမၢၼ်ႈ ႁႅၼ်းသိုၵ်း ၶဝ်ႈလေႃႇတိုၵ်း တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA ၸိူဝ်းၵုမ်းၵမ်ယူႇသဝ်း တူင်ႉၼိုင်ၵႂႃႇမႃး ပၵ်းတပ်ႉပၢင်သဝ်းယူႇတီႈ ၼႂ်းထုင်ႉတွင်းၶမ်း လႄႈ ၸွမ်းဝၢၼ်ႈၸွမ်းသူၼ် ၼႂ်းၸႄႈဝဵင်းၼွင်ၶဵဝ် လႄႈ ႁဵတ်းႁႂ်ႈၵူၼ်းမိူင်းၼပ်ႉႁူဝ်ႁဵင်ၵေႃႉ လႆႈပၢႆႈၶၢမ်ႈႁူၺ်ႈၵိုတ်ႈၵႂႃႇသွၼ်ႈယူႇတီႈ ၼႂ်းၸႄႈဝဵင်းၵျွၵ်ႉမႄး၊ လႃႈသဵဝ်ႈ လႄႈ ဝဵင်းပၢင်ႇဢူႈလူင် (ပျိၼ်ႇဢူးလုၼ်ႇ)...

ၵူၼ်းဝၢၼ်ႈၼမ်ႉမႆႈ၊ ဝၢၼ်ႈၽြႃးလွႆ၊ ဝၢၼ်ႈလိၼ်ပူၵ်ႇတႅၵ်ႇ ၼႂ်းၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ယွၼ်ႉၽေးပၢင်တိုၵ်း ယွၼ်ႉသိုၵ်းမၢၼ်ႈၵူတ်ႇထတ်းႁႅင်းလႄႈ ႁဵတ်းႁႂ်ႈ ၵူၼ်းမိူင်းဢွၼ်ၵၼ် ပၢႆႈၽေးသိုၵ်းတီႈၼိုင်ႈယဝ်ႉ တီႈၼိုင်ႈ။ ၵူၼ်းပၢႆႈၽေးသိုၵ်း တီႈဝၢၼ်ႈလိၼ်ပူၵ်ႇတႅၵ်ႇ လၢတ်ႈတီႈၽူႈတွႆႇႁွၵ်ႈဝႃႈ - “ၵူၼ်းဝၢၼ်ႈလိၼ်ပူၵ်ႇတႅၵ်ႇ ဢၼ်လႆႈပၢႆႈၽေးသိုၵ်းၼႆႉ ၼပ်ႉဢမ်ႇလႆႈယဝ်ႉၶႃႈ ယွၼ်ႉမၼ်းပဵၼ်လႅၼ် ၸပ်းလႄႈ ပေႃးႁဝ်း ၵႂႃႇယူႇသမ်ႉ မၼ်းဢမ်ႇလိုမ်းၸႂ်။ ၶိူင်ႈမိၼ်ၵေႃႈ ၾၢႆႇၼိုင်ႈ...

ပၢင်လိူၵ်ႈတင်ႈ ဢၼ်သိုၵ်းမၢၼ်ႈ တေၸတ်းႁဵတ်းၼႂ်းႁၢင်ပီ 2025 ဢမ်ႇၼၼ် ႁူဝ်ပီ 2026 ၼႆႉ တေဢမ်ႇႁႂ်ႈၵူၼ်းမိူင်းတႅမ်ႈလူင်းၶိတ်ႇပၼ် ပႃႇတီႇလႂ်ပႃႇတီႇၼၼ်ႉ ၼႂ်းမၢင်ၸေႈယဝ်ႉ ႁူဝ်ပဝ်ႈ ၶွမ်ႊမသျိၼ်ႊၵၢၼ်လိူၵ်ႈတင်ႈ ဢၼ်ယူႇတႂ်ႈဢႃႇၼႃႇသိုၵ်းမၢၼ်ႈၼၼ်ႉ တႅပ်းတတ်းၵႂႃႇဝႃႈ တေၸႂ်ႉတိုဝ်းၶိူင်ႈၸၢၵ်ႈ ႁႂ်ႈပဵၼ်တၢင်းၵမ်ႉယၼ်ၵႂႃႇ ၼႆယဝ်ႉ။ မိူဝ်ႈဝၼ်းတီႈ 20/06/2025 ၼၼ်ႉ ႁူဝ်ပဝ်ႈ ၶွမ်ႊမသျိၼ်ႊၵၢၼ်လိူၵ်ႈတင်ႈ တႂ်ႈဢႃႇၼႃႇသိုၵ်းမၢၼ်ႈ ဢူးၵူဝ်ႇၵူဝ်ႇ...

ဝၼ်းတီႈ 22/06/2025 ၼႆႉ သိုၵ်းမၢၼ်ႈ ယိုတ်းမိူင်းလႄႈ ႁွင်ႈၵၢၼ်ၾၢႆႇၵူတ်ႇထတ်း ၶဝ်ႈဢွၵ်ႇမိူင်း (လဝၵ) ဢိၵ်ႇပႃးၸုမ်းပလိၵ်ႈ ႁူမ်ႈၵၼ် ပႂ်ႉၵူတ်ႇထတ်းၵႃးလူင် ၸိူဝ်းတၢင်ႇၵုၼ်ႇ လုၵ်ႉတၢင်းၾင်ႇမိူင်းၶႄႇလႄႈ တိူင်းဝဵင်းလိူဝ်ႇ (မၼ်းတလေး) တီႈတႃႈရူတ်ႉၵႃး တဵင်းတၢၼ်းၶျီႇ (သိန်းသန်းချီကားကွင်း) ႁၢဝ်ႈႁႅင်းလႄႈ ၸဝ်ႈၵႃးလူင်ၸိူဝ်းတၢင်ႇၵုၼ်ႇၶဝ် ဢမ်ႇႁတ်းၶဝ်ႈဝဵင်း လႆႈၵိုတ်းဝႆႉတၢင်းၼွၵ်ႈ ဝဵင်းမူႇၸေႊ ၸိုင်ႈတႆးပွတ်းႁွင်ႇ။ သိုၵ်းမၢၼ်ႈ...

တႄႇႁၢင်လိူၼ်ၵျႃၼ်ႊၼႆႉမႃး ၵူၼ်းပၢႆႈၽေးသိုၵ်း ဝၢၼ်ႈသွင်းပျွင်း ၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း ဢွၼ်ၵၼ်ပွၵ်ႈၶိုၼ်းႁိူၼ်းယေးယဝ်ႉသေတႃႉ ယွၼ်ႉလႆႈငိၼ်းသဵင်ၵွင်ႈတႅၵ်ႇထႅင်ႈလႄႈ ဢွၼ်ၵၼ်မႆႈၸႂ်လွင်ႈႁူမ်ႇလူမ်ႈ ဝႃႈၼႆ။ သဵင်ၵွင်ႈသဵင်မၢၵ်ႇ ဢၼ်ၵူၼ်းဝၢၼ်ႈသွင်းပျွင်း လႆႈငိၼ်းယူႇၼၼ်ႉ လုၵ်ႉမႃးတၢင်းဝၢၼ်ႈတွင်ႇမႄးတိၼ်းလႄႈ ဝၢၼ်ႈၼမ်ႉၼဵင်ႈ ၼႂ်းၶၢဝ်းတၢင်း 2-3 ဝၼ်းၼႆႉ ပျီႇတူႉၸိတ်ႉပဢူဝ်းတင်း ၸုမ်းၵႅတ်ႇၶႄႇၵူၼ်းမိူင်း PDF ပဵၼ်ပၢင်တိုၵ်းၵၼ် ၼႆယဝ်ႉ။   ၵူၼ်းပိုၼ်ႉတီႈဝဵင်းပၢင်လွင်း ၵူၼ်းၸၢႆးၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ...

ၼႂ်းၵၢင်လိူၼ်ၵျုၼ်ႊၼႆႉ သိုၵ်းမၢၼ်ႈလႄႈ ပလိၵ်ႈၸိူဝ်းယူႇတႂ်ႈဢႃႇၼႃႇ သိုၵ်းမၢၼ်ႈၵုမ်းၵမ် ႁူမ်ႈၵၼ် ၶဝ်ႈသွၵ်ႈတီႉၺွပ်းဢဝ် ၵူၼ်းႁဵတ်းၵၢၼ်လွၵ်ႇလႅၼ်ၵိၼ်ငိုၼ်းၼိူဝ်ဢွၼ်ႊလၢႆႊ (ၵျႃးၽႅၼ်ႉ) ၼႂ်းပွၵ်ႉၵွင်းမူးတူင်ႈလႄႈ ပွၵ်ႉႁူဝ်ၼႃး တီႈဝဵင်းမူႇၸေႊ ၸိုင်ႈတႆးပွတ်းႁွင်ႇ။ မိူဝ်ႈဝၼ်းတီႈ 17/06/2025 ၼႆႉ ၵူၼ်းႁဵတ်းၵၢၼ်ၵျႃးၽႅၼ်ႉ ၸိူဝ်းၺႃးသိုၵ်းမၢၼ်ႈတီႉၺွပ်းၵႂႃႇၼၼ်ႉ ပဵၼ်ၵူၼ်းမိူင်းၶႄႇ 80 ၵေႃႉပၢႆလႄႈ ၵူၼ်းမိူင်းမၢၼ်ႈ 20 ၵေႃႉပၢႆၼႆ ၵူၼ်းၼႂ်းပိုၼ်ႉတီႈ ဝဵင်းမူႇၸေႊၵေႃႉၼိုင်ႈ...

ဝၼ်းတီႈ 19/06/2025 သိုၵ်းမၢၼ်ႈ ပိုၼ်ၽၢဝ်ႇလႅၵ်ႈလၢႆႈ ပၵ်းပိူင်မၢႆမီႈ ၶွမ်ႊမသျိၼ်ႊၵၢၼ်လိူၵ်ႈတင်ႈ မိူင်းႁူမ်ႈတုမ် ပိူဝ်ႈတႃႇႁႂ်ႈၶႃႈႁၢပ်ႇၵၢၼ်ၶုၼ်ၵူႈၵေႃႉ ၶိုၼ်ႈပဵၼ်လႆႈထိုင် တၼ်းႁဵင်းႁူဝ်ပဝ်ႈ ၵၢၼ်ပိၼ်ႇလႅၵ်ႈ ပၵ်းပိူင်မၢႆမီႈပၢင်လိူၵ်ႈ တင်ႈၼႆႉ မီးၵႂႃႇၵမ်းထီႉသၢမ်ယဝ်ႉ။ ပၵ်းပိူင်မၢႆမီႈ ပၢင်လိူၵ်ႈတင်ႈမိူင်းႁူမ်ႈတုမ် ဢၼ်သိုၵ်းမၢၼ်ႈ ပိၼ်ႇလႅၵ်ႈပွၵ်ႈၼႆႉ ပဵၼ်ၼႂ်းၶၵ်ႉတွၼ်ႈ မတ်ႉတႃ 14 ၵၼ် 10 ၵိင်ႇၽႄ (ဂ)...

မိူဝ်ႈၼႆႉ ဝၼ်းတီႈ 19/06/2025 ယၢမ်းၵၢင်ၼႂ် ၵၢင်ႉၵႄႇလႄႈ ႁွင်ႈၵၢၼ် ၾၢႆႇၽွင်းငမ်းၵူႈလွင်ႈလွင်ႈ တႂ်ႈသိုၵ်းမၢၼ်ႈ သူင်ႇလိၵ်ႈၸူး ၵူၼ်းမိူင်းၼႂ်းပွၵ်ႉ 3 ဝဵင်းပၢင်လူင် ၸိုင်ႈတႆးပွတ်း ၸၢၼ်း ႁွင်ႉၸူၵ်းမႄး တႃႇႁၢပ်ႇၵၢၼ်သိုၵ်း ဝႃႈၼႆ။ ၼႂ်းလိၵ်ႈၼၼ်ႉပႃးဝႆႉဝႃႈ ပေႃးထိုင်မႃး ဝၼ်းတီႈ 22/06/2025 ယၢမ်းၵၢင်ၼႂ် 9 မူင်း ၵူၼ်းၼႂ်းပွၵ်ႉဢၼ်...

ၵူၼ်းဝၢၼ်ႈၽြႃးၽိူၵ်ႇ တီႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်း ၵႂႃႇႁဵတ်းသမၢတ်ႉၵၢတ်ႉၵၼ် လႆႈပၼ်ငိုၼ်း တီႈၵၢင်ႉၵႄႇလႄႈ ႁွင်ႈၵၢၼ်ၾၢႆႇၽွင်းငမ်းၵူႈလွင်ႈလွင်ႈ တႂ်ႈသိုၵ်းမၢၼ်ႈၵုမ်းၵမ် ၼပ်ႉႁူဝ်မိုၼ်ႇပျႃး။ ႁွင်ႈၵၢၼ် ၾၢႆႇၽွင်းငမ်းၵူႈလွင်ႈလွင်ႈၸီႉသင် ႁႂ်ႈၵူၼ်းမိူင်းဝဵင်းသီႇသႅင် ႁဵတ်းသမၢတ်ႉၵၢတ်ႉဝႆႉ ဝႃႈၼႆသေ တႃႉ ယွၼ်ႉပဵၼ်ပၢင်တိုၵ်းသိုၵ်းသိူဝ်လႄႈ ၵူၼ်းမိူင်းသီႇသႅင်ႇ လႆႈငိူင်ႉပၢႆႈၽေးသိုၵ်းသေ ဢမ်ႇလႆႈႁဵတ်း ယွၼ်ႉၼၼ်ႉ ၽူႈမီးပုၼ်ႈၽွၼ်း တႂ်ႈသိုၵ်းမၢၼ်ႈၶဝ် ၸီႉသင်ႇ တေလႆႈႁဵတ်းႁႂ်ႈယဝ်ႉ...

ၼႂ်းၵၢင်လိူၼ်ၵျုၼ်ႊၼႆႉ သိုၵ်းမၢၼ်ႈတင်း သိုၵ်းယၢင်းလႅင် KNDF ယိုဝ်းၵၼ်ၶိုၼ်းႁၢဝ်ႈႁႅင်း ႁိမ်းလႅၼ်လိၼ်တႆး - ယၢင်းလႅင် တီႈဝဵင်းမိူင်းပၢႆး ၸိုင်ႈတႆးပွတ်းၸၢၼ်း ၾၢႆႇသိုၵ်းမၢၼ်ႈ ၸႂ်ႉတိုဝ်းပႃးတရူၼ်ႊလႄႈ ၶိူင်ႈၵွင်ႈလူင် ယိုဝ်းၸွႆႈ။   ပၢင်တိုၵ်းတီႈမိူင်းပၢႆးၼႆႉ သိုၵ်းမၢၼ်ႈၸႂ်ႉတိုဝ်းႁႅင်းသိုၵ်းၼပ်ႉႁူဝ်ပၢၵ်ႇၵေႃႉမၼ်းသေ တိုၵ်းတပ်ႉသိုၵ်း ယၢင်းလႅင် KNDF ၼႆႉ တႄႇၸဵမ်မိူဝ်ႈႁူဝ်ပီ 2025 မႃး။ သၢႆသိုၵ်းမၢၼ်ႈ...

ဝၼ်းတီႈ 17/06/2025 တႄႇယၢမ်းၵၢင်ၼႂ် 9 မူင်း သိုၵ်းမၢၼ်ႈယိုတ်းမိူင်းတင်း ၸုမ်းႁူမ်ႈႁွမ်း သိုၵ်းၶၢင် ယိုဝ်းတိုၵ်းၵၼ်ႁၢဝ်ႈႁႅင်း ၼႂ်းၸႄႈဝဵင်းၽႃၵၢၼ်ႉ ၸႄႈမိူင်းၶၢင် ၵူၼ်းပိုၼ်ႉတီႈဢွၼ် ၵၼ်မႆႈၸႂ် လွင်ႈႁူမ်ႇလူမ်ႈ။ သိုၵ်းမၢၼ်ႈ ႁူမ်ႈတင်းပျီႇတူႉၸိတ်ႉ ႁႅင်းသိုၵ်းမွၵ်ႈ 100 ထူဝ်းသိုၵ်းၶဝ်ႈ ႁိမ်းဝၢၼ်ႈမေႃႇၸီႇၸႃႇ (မော်စီစာ) သေ ပဵၼ်ပၢင်တိုၵ်းၵၼ်တင်း တပ်ႉသိုၵ်းၶၢင် KIA...

မိူဝ်ႈဝၼ်းတီႈ 11/06/2025 ယၢမ်းၵၢင်ၼႂ် ၶႃႈႁၢပ်ႇၵၢၼ် တႂ်ႈသိုၵ်းမၢၼ်ႈ 3 ၵေႃႉ ထုၵ်ႇၸုမ်းဢမ်ႇႁူႉၾၢႆႇ တီႉၺွပ်းၵႂႃႇ တီႈၼိူဝ်သဵၼ်ႈတၢင်း တူၼ်ႈတီး - ယႂႃႇငၢၼ်ႇ ၸိုင်ႈတႆးပွတ်းၸၢၼ်း တေႃႇထိုင်ယၢမ်းလဵဝ် ပႆႇ ႁူႉဝႃႈ ပဵၼ်ၸုမ်းလႂ်တီႉၺွပ်းၵႂႃႇ။ ၵူၼ်းပိုၼ်ႉတီႈ ဝဵင်းယႂႃႇငၢၼ်ႇ လၢတ်ႈတီႈၽူႈတွႆႇႁွၵ်ႈဝႃႈ -“ၸႂ်ႈဢေႃႈ ၊ ၶႃႈႁၢပ်ႇၵၢၼ်ၶုၼ် တီႈလုမ်းၽွင်း...