ၵူၼ်းၼုမ်ႇဝဵင်းတူၼ်ႈတီးဢၼ်ၵႂႃႇၾိုၵ်းၵၢၼ်သိုၵ်းၸဵမ်ၸုပ်ႈတီႈ 1 ပုၼ်ႉၼၼ်ႉဢွၵ်ႇႁိူၼ်းၵႂႃႇပေႃးလႆႈ 6 လိူၼ်ယဝ်ႉၸင်ႇလႆႈၶၢဝ်ႇဝႃႈ ၵႂႃႇတၢႆၼႃႈသိုၵ်း ၼႆသေၸင်ႇလႆႈႁႅၼ်းလူႇႁႅၼ်းတၢၼ်းပၼ်။ ၼႂ်းၵၢင်လိူၼ်ဢေႃႊၵတ်ႊသ်ၼႆႉ ၵၢင်ႉၵႄႇ ယူႇပွၵ်ႉလၼ်းမတေႃႇ (လမ်းမတော်) မႃးၸႅင်ႈတီႈပေႃႈမႄႈ ၵူၼ်းႁိူၼ်း  မွင်ႇၶျၢၼ်းမျေႉဢွင်ႇ (ၼုမ်ႇၸၢႆးဢၼ်ထုၵ်ႇႁွင်ႉၵႂႃႇ ၾိုၵ်းၵၢၼ်သိုၵ်း ၸုပ်ႈထိၼိုင်ႈ) ၼၼ်ႉဝႃႈ  ၵႂႃႇတၢႆၼႃႈသိုၵ်းယဝ်ႉၼႆလႄႈ   ပေႃႈမႄႈၸင်ႇလႆႈႁႅၼ်းသွမ်းလူႇတၢၼ်းပၼ်ၼႂ်းဝၼ်းတီႈ  12/8/2025  ၼႆႉဝႃႈၼႆ ။  မွင်ႇၶျၢၼ်းမျေႉဢွင်ႇ/ဢွင်ႇဢွင်ႇ (ချမ်းမြေ့အောင်) ဢႃယု...

မိူဝ်ႈၼႆႉ ဝၼ်းတီႈ 13/08/2025 ယၢမ်းၵၢင်ၼႂ်ၸဝ်ႉမွၵ်ႈ 1 မူင်းၼၼ်ႉ ႁိူဝ်းမိၼ်ၵျႅၵ်ႉၾၢႆႇတႃႇ (Jetfighter) သိုၵ်းမၢၼ်ႈ ပွႆႇမၢၵ်ႇလူင် သႂ်ႇႁိူၼ်းယေးၵူၼ်းမိူင်း ၼႂ်းၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။ မၢၵ်ႇႁိူဝ်းမိၼ်သိုၵ်းမၢၼ်ႈ တူၵ်းသႂ်ႇၺႃးႁိူၼ်းယေးၵူၼ်းမိူင်း တီႈဝၢၼ်ႈပၢင်ပဝ်း (ပၢင်မၢၵ်ႇၶေႃ - ဇီးပင်စခန်း) ပဵၼ်မၢၵ်ႇလူင်သႅၼ်း 500 ပွင်ႊလႄႈ ႁဵတ်းႁႂ်ႈႁိူၼ်းယေးၵူၼ်းမိူင်း လူႉၵွႆၵႂႃႇၸွမ်းတင်းၼမ်ၼႆ ၼၢင်းယိင်းဢႃယု...

ၸၢႆးပေႃႈလုၵ်ႈဢွၼ်ႇ  ၵေႃႉဢၼ်ၵၼ်ႉၸၼ်လုၵ်ႈဢွၼ်ႇ 8 ၶူပ်ႇၵူၼ်းႁိမ်းႁိူၼ်းၼၼ်ႉ ပလိၵ်ႈတီႉၺွပ်း ၵႂႃႇယဝ်ႉဝႃႈၼႆသေတႃႉမီးၶၢဝ်ႇဢွၵ်ႇမႃးဝႃႈ မၼ်းၸၢႆးဢၢၼ်းလႅၼ်ႈပၢႆႈလႄႈပလိၵ်ႈယိုဝ်းတၢႆယဝ်ႉၼႆလႄႈ ၵူၼ်းၼႂ်းပွၵ်ႉၼႂ်းယွမ်ႇ ဢမ်ႇႁၢၼ်ႉၸႂ်၊ ၶႂ်ႈႁႂ်ႈလႆႈႁပ်ႉတူတ်ႈတၢမ်ႇ တွၼ်ႈတႃႇလွင်ႈၽဵင်ႇပဵင်းဢွၼ်ႇယိင်း ဝႃႈၼႆ။ ၵေႃႉဢၼ်ၵၼ်ႉၸၼ်လုၵ်ႈဢွၼ်ႇယိင်းဢႃယု 8 ၶူပ်ႇၼႆႉပဵၼ် တူႇရဵင်ႇထုၼ်း ဢႃယု 29 ပီ ပဵၼ်ပေႃႈ လုၵ်ႈဢွၼ်ႇ ၵေႃႉၼိုင်ႈၼင်ႇၵဝ်ႇ။ မၼ်းၸၢႆးၵၼ်ႉၸၼ်လုၵ်ႈဢွၼ်ႇမိူဝ်ႈဝၼ်းတီႈ 30 /7/2025...

ႁၢင်လိူၼ် March ပီ 1996 ၵွပ်ႈၸုမ်းသိုၵ်းမၢၼ်ႈ ၶမရ 246-159 တပ်ႉၵုၼ်ႁိင်း(ၵုၼ်ႁဵင်) ၶဝ်ႁဵတ်းတႅပ်း 4 တႅပ်း ႁေႃႈလိုပ်ႈၵူၼ်းမိူင်းပွတ်းတွၼ်ႈဢိူင်ႇၵဵင်းလူမ်း၊ ဢိူင်ႇဝၢၼ်ႈလဝ်း၊ ဢိူင်ႇၵဵင်းၶမ်း၊ ဝဵင်းၽုၺ်း၊ ဝၢၼ်ႈတူင်ႈ၊ သၢႆမိူင်း၊ ဝၢၼ်ႈၽႆႇ ၼႂ်းၸေႈဝဵင်းၵုၼ်ႁိင်း ၸိူဝ်းၼႆႉလႄႈ ၵူၼ်းမိူင်းလႆႈၶၢႆႉဝၢၼ်ႈသူၼ်ႁိူၼ်းယေး ၶွၼ်ႈယူႇတီႈလဵဝ်ႁိမ်းဝဵင်း၊ ႁိမ်းတပ်ႉမၢၼ်ႈ၊...

သိုၵ်းမၢၼ်ႈပိုၼ်ၽၢဝ်ႇ တေၸတ်းႁဵတ်းပၢင်လိူၵ်ႈတင်ႈၼႂ်းႁၢင်ပီ 2025 ဢမ်ႇၼၼ် ႁူဝ်ပီ 2026 ၼႆၼၼ်ႉ ၸမ်မႃးတိၵ်းတိၵ်းယဝ်ႉလႄႈ ၾၢႆႇတင်းသိုၵ်းမၢၼ်ႈ ၵူတ်ႇထတ်းၵူၼ်းမိူင်းၵႂႃႇမႃးႁၢဝ်ႈႁႅင်း တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ။ တင်ႈတႄႇ ႁူဝ်လိူၼ် ဢေႃႊၵတ်ႊသ်ၼႆႉမႃး  တႃႇပၢင်လိူၵ်ႈတင်ႈၼႆသေ  ၵၢင်ႉၵႄႇ တႂ်ႈသိုၵ်းမၢၼ်ႈ လႄႇလမ်းႁႃၵဵပ်းသဵၼ်ႈမၢႆ ၵူၼ်းဢႃယု 18 ၶိုၼ်ႈၼိူဝ်ဝႆႉသေ ၵူတ်ႇထတ်းသဵၼ်ႈမၢႆၵူၼ်း ၵူႈဝၼ်းဝႃႈၼႆ...

ၸွမ်ၽွင်းလူင်မိူင်းတႆး ဢၼ်ၸုမ်းသိုၵ်းယိုတ်းမိူင်းၶၢၼ်းတမ်းၼၼ်ႉ ၵႂႃႇထိုင်ပၢင်သၢင်း၊ မိူင်းလႃးယဝ်ႉ တိုၵ်းသူၼ်းႁႂ်ႈႁူမ်ႈမိုဝ်းၸွမ်း ၼႃႈၵၢၼ်ပၢင်လိူၵ်ႈတင်ႈၶဝ်သေတႃႉ လႅပ်ႈဢမ်ႇဢွင်ႇမၢၼ်ၼၼ်လႄႈ ၸင်ႇၵူၺ်းဢွၵ်ႇၶၢဝ်ႇဝႃႈ မႃးသူႇၸႂ်းဢုပ်ႇဢူဝ်း တႃႇၸွႆႈထႅမ်ၵၢၼ်ယူႇလီ ၵၢၼ်ပၢႆးပၺ်ႇၺႃႇ ၸဵမ်ၸိူဝ်းၼႆႉယဝ်ႉ။ ၸုမ်းဝႃႉ UWSA ၼႆႉ ၸဵမ်မိူဝ်ႈၶဝ်ႁုပ်ႈသိမ်းဢႃႇၼႃႇယဝ်ႉ တင်ႈပဵၼ်တပ်ႉႁင်းၶေႃၶဝ်မႃး ဢမ်ႇတွၼ်ႉႁပ်ႉႁဵတ်းၸွမ်း ပၢင်လိူၵ်ႈတင်ႈ ဢၼ်ၵဵဝ်ႇတင်းလူင်ပွင်ၸိုင်ႈ။ ပႃႇတီႇၸၢဝ်းဝႃႉၸိုင် ၽွတ်ႈတင်ႈဝႆႉယူႇ။ ပၢင်လိူၵ်ႈတင်ႈၼွၵ်ႈၶွပ်ႇ သိုၵ်းဝႃႉၵုမ်းၵမ်ၵေႃႈ ပွႆႇလူင်းလိူၵ်ႈ တင်ႈယူႇ။ ၵူၺ်းၵႃႈ...

မိူဝ်ႈဝၼ်းတီႈ 10/08/2025 ယၢမ်းဝၢႆးဝၼ်း ၵူၼ်းမိူင်းၸိူဝ်းယူႇသဝ်း ၼႂ်းပွၵ်ႉ 7 ၵႂႃႇထူပ်းႁၼ်တူဝ်တၢႆ သီႇၵေႃႉပေႃႈလုၵ်ႈ တၢႆဝႆႉယူႇၼႂ်းႁိူၼ်းလင်ၼိုင်ႈ တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ၵူၼ်းပိုၼ်ႉတီႈ ဝဵင်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ -“လႆႈငိၼ်းဝႃႈ ပဵၼ်ယွၼ်ႉၼီႈၼႆၼေႈ။ မၼ်းလဵင်ႉဢီႈယႃၼူလုၵ်ႈမၼ်းယဝ်ႉႁႄ တူဝ်မၼ်းၵေႃႈ ၶိုၼ်းၵိၼ်ယႃၼူႁႄ ဢွၼ်ၵၼ်တၢႆယူႇ ၼႂ်းႁိူၼ်းလင်ၼၼ်ႉၸွမ်းၵၼ်မူတ်း။ ၽွင်းၼၼ်ႉ မေးမၼ်းတိုၵ်ႉၵႂႃႇႁႆႈၼႆ။ ပွၵ်ႉ 7...

ၼင်ႇႁိုဝ် တေႁူႉငဝ်းလၢႆး ၵၢၼ်သိုၵ်း၊ ၵၢၼ်မိူင်းလႄႈ ပိူင်ပဵၼ်တႄႉမီးတႄႉ ၼႂ်းမိူင်းႁူမ်ႈတုမ်ၼၼ်ႉ ႁွင်ႈၵၢၼ် ၽွင်းလူင် ၾၢႆႇၵပ်းသိုပ်ႇၼွၵ်ႈမိူင်း မိူင်းမလေးသျႃး မူဝ်ႊႁႃႊမၵ်ႉ ႁႃႊသၼ်ႊ တေဢွၼ်ဢဝ်ၸုမ်း တူဝ်တႅၼ်းၸိုင်ႈမိူင်းဢႃႊသီႊယၼ်ႊ မိူဝ်းဢႅဝ်ႇလႄႇလဵပ်ႈႁဵၼ်း ၼႂ်းမိူင်းႁူမ်ႈတုမ်မၢၼ်ႈ ၼႂ်းလိူၼ်သႅပ်ႊထႅမ်ႊပိူဝ်ႊ တေမႃးၼႆႉ။ တူဝ်တႅၼ်း ၽွင်းလူင်ၼွၵ်ႈမိူင်း မိူၼ်ၼင်ႇ - မိူင်းထႆး၊ မိူင်းၾိလိပ်ႉပိၼ်းသ်လႄႈ မိူင်းဢိၼ်ႊတူဝ်ႊၼီႊသျႃး...

ဝၼ်းတီႈ 9/8/2025 ယၢမ်းႁူဝ်ၶမ်ႈ 6 မူင်းၶိုင်ႈၼႆႉ သိုၵ်းမၢၼ်ႈဢဝ်ႁိူဝ်းမိၼ်ယိုဝ်းသႂ်ႇ တွၼ်ႈဝၼ်းဢွၵ်ႇဝဵင်းမိူင်းၵုတ်ႈ မၢၵ်ႇလူင်တူၵ်းတိူဝ်ႉသႂ်ႇၵူၼ်းမိူင်းတၢႆ 5 ၵေႃႉ ပႃးသင်ႇၶၸဝ်ႈတူၼ်ၼိုင်ႈ။ သိုၵ်းမၢၼ်ႈဢဝ်ႁိူဝ်းမိၼ်သိုၵ်းမႃးယိုဝ်းမၢၵ်ႇလူင်သႅၼ်း 500 ပွင်ႇ 2 လုၵ်ႈ။ သင်ၶၸဝ်ႈတူၼ်ၼိုင်ႈ ထဝ်ႈၸၢႆးဢႃယု 71 ပီၵေႃႉၼိုင်ႈ၊ ၼၢင်းယိင်းဢႃယု 32 ပီၵေႃႉၼိုင်ႈ၊ လုၵ်ႈဢွၼ်ႇဢႃယု 11...

ၸွမ်ၽွင်းလူင်ၸိုင်ႈတႆးဢူးဢွင်ႇဢွင်ႇ လႄႈတူဝ်တႅၼ်းၸုမ်းသိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်း ႁူပ်ႉထူပ်းၽူႈမီးပုၼ်ႈၽွၼ်းၽူႈၼမ်းၸုမ်းမိူင်းလႃးၸိုင်ႈတႆးပွတ်းဢွၵ်ႇယဝ်ႉသေ သိုပ်ႇဢႅဝ်ႇယဵမ်ႈလႅၼ်လိၼ် ၶႄႇ-မၢၼ်ႈ။ ဝၼ်းတီႈ 7 လႄႈ 8/08/2025 ၼၼ်ႉ ၸုမ်းတူဝ်တႅၼ်းၾၢႆႇၽွင်းငမ်း ၸုမ်းသိုၵ်းမၢၼ်ႈ ၸိူဝ်းႁွတ်ႈထိုင်ဝဵင်းမိူင်းလႃး ႁူပ်ႉထူပ်းတူဝ်တႅၼ်းၸုမ်းမိူင်းလႃး ဢုပ်ႇဢူဝ်းၵၼ်လွင်ႈ ပၢႆးပၺ်ႇၺႃႇ ၊ ပၢႆးယူႇလီ၊ လွင်ႈႁုၼ်ႈမုၼ်းမႂ်ႇသုင်ၼႂ်းပိုၼ်ႉတီႈၸိူဝ်းၼႆႉသေ လၢတ်ႈဝႃႈတေၸွႆႈပူၵ်းပွင်ၵႂႃႇ ဝႃႈၼႆ။ တီႈပၢင်ႁူပ်ႉထူပ်းၵၼ်ၼၼ်ႉ ၸွမ်ၽွင်းလူင်ၸိုင်ႈတႆး ဢူးဢွင်ႇဢွင်ႇလႄႈ ၽူႈၵွၼ်းတိူင်းသၢမ်ၸဵင်ႇၵဵင်းတုင် ၸွမ်သိုၵ်းၸူဝ်းလၢႆႇဢွၼ်ႁူဝ်မူႇၸုမ်း...

ဝၼ်းတီႈ 09/08/2025 ၼႆႉ ယူႇတီႈ တပ်ႉသိုၵ်းၵဝ်ႈၵၢင်ႉ MNDAA ႁွင်ႉဢဝ်ႁွင်ႈၵၢၼ် ၾၢႆႇၵူတ်ႇထတ်း ၵူၼ်းၶဝ်ႈမိူင်း မႃးၵဵပ်းသဵၼ်ႈသၢႆမၢႆ ၵူၼ်းၼႂ်းဝၢၼ်ႈႁူဝ်ပိုၵ်ႉ ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ တႃႇႁၢင်ႈႁႅၼ်းႁဵတ်းမၢႆၾၢင်ပၼ်ၵူၼ်းပိုၼ်ႉတီႈ။ ၵူၼ်းပိုၼ်ႉတီႈ ၸႄႈဝဵင်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ -“ဢၼ်မႃးၸႂ်ႉႁဵတ်းမၢႆၾၢင်ၼႆႉ ပဵၼ်ၵဝ်ႈၵၢင်ႉၶဝ်။ ပေႃးၶႂ်ႈႁဵတ်းမၢႆၾၢင်မၢၼ်ႈၼႆ ႁႂ်ႈၵႂႃႇႁဵတ်းတီႈလုမ်း မိူဝ်ႈလဵဝ် ၶဝ်ယွၼ်းတၢင်းၸွႆႈထႅမ်ဝႆႉႁႂ်ႈ ႁဵတ်းပၼ်ၵူၼ်းမိူင်းၼႆၶႃႈဢေႃႈ။ ၵူၺ်းၵႃႈ...

ထွမ်ႇတူၺ်းၶေႃႈၵႂၢမ်းၸိုင် ၸုမ်းသိုၵ်းယိုတ်းမိူင်းၼႆႉ လုၵ်ႉတီႈၼၸၵ (နစက) ၶွင်ႇသီႇၽွင်းငမ်းၸိုင်ႈမိူင်းသေ လႅၵ်ႈပဵၼ်ၶွမ်ႊမသျိၼ်ႊႁူမ်ႇလူမ်ႈၸိုင်ႈမိူင်းယဝ်ႉၼႆ ပွင်ႇၸႂ်လႆႈငၢႆႈငၢႆႈသေတႃႉ ၽဝပၢၼ်ပဵၼ်ၵူၼ်းမိူင်းၼႆႉ တေတိူဝ်းၵပ်ႉၵိၼ်းၶၢၼ်ၸႂ်လိူဝ်ၵဝ်ႇတိူၵ်ႈတႅၵ်ႉယဝ်ႉ ဢၼ်ဝႃႈၼၼ်ႉ ႁူႉႁၼ်သႅၵ်ႇလႅၵ်ႇယူႇၵေႃႈ ၵွပ်ႈပိူဝ်ႈလိူဝ်ဢမ်ႇၸၢင်ႈလႄႈ ၵႃႈလႆႈမူၵ်းယူႇမူၵ်းၵိၼ်ၵႂႃႇၵူၺ်း။ ၶၢဝ်းႁူၵ်းလိူၼ် ၵွၼ်ႇပႆႇပဵၼ်ပၢင်လိူၵ်ႈတင်ႈ ႁူႉတေလႆႈယူႇၵႂႃႇမူထူမႃထႃယဝ်ႉ ၸိူဝ်းဝႃႈၼႆၵေႃႈတေမီးယူႇ။ ပေႃးၼႆ ဝၢႆးပၢင်လိူၵ်ႈတင်ႈယဝ်ႉ ၸွင်ႇသမ်ႉတေပူၼ်ႉလွတ်ႈထၢင်ႇႁၢင်ႈလူမ်ၸႂ်တႄႉယူႇႁႃႉ၊ ဢမ်ႇၼႄႉၼွၼ်းသႄႈ။ ၸုမ်းသိုၵ်းယိုတ်းမိူင်းၼႆႉ တႄႇၸဵမ်ဝၼ်းတီႈ 29 ပိုၼ်ဢွၵ်ႇပၵ်းပိူင်မူၼ်ႉမႄးၵၢၼ်လိူၵ်ႈတင်ႈဝႃႇ၊ ပၵ်းပိူင်ႁႄႉၵင်ႈ...

ဝၼ်းတီႈ 9/8/2025 မိူဝ်ႈၼႆႉယၢမ်းဝၢႆးဝၼ်း 4 မူင်းသိုၵ်းမၢၼ်ႈဢဝ်ႁိူဝ်းမိၼ်သိုၵ်း ယိုဝ်းၼႂ်းဝဵင်းသီႇပေႃႉ တူၵ်းသႂ်ႇၼႂ်းပွၵ်ႉၸၢင်ႈၶမ်းၸၢၼ်းလႄႈပွၵ်ႉမၢၼ်ႈ ။ ၵူၼ်းမိူင်းဝဵင်းသီႇပေႃႉၵေႃႉၼိုင်ႈလၢတ်ႈဝႃႈ တူၵ်းသႂ်ႇတီႈသုမ်ႉၾၢႆႇၵေႃႇသၢင်ႈပွၵ်ႉမၢၼ်ႈ၊ တူၵ်းသႂ်ႇပႃးတီႈသူၼ်မွၵ်ႇၸၢၼ်းမႃႇလႃႇလႄႈ ၵျွင်းႁေႃၼမ်ႉ ၼႂ်းပွၵ်ႉၸၢင်ႈၶမ်းၸၢၼ်း။ တူၵ်း 4 လုၵ်ႈ -ဝႃႈၼႆ။ ပေႃးပႃးဝၼ်းမိူဝ်ႈၼႆႉၼႆ ဢၼ်သိုၵ်းမၢၼ်ႈဢဝ်ႁိူဝ်းမိၼ်မႃးပွႆႇမၢၵ်ႇတီႈဝဵင်းသီႇပေႃႉၼႆႉ ၼႂ်းၶၢဝ်းတၢင်း 2 လိူၼ်ၵူၺ်းမီး 9 ၵမ်းယဝ်ႉ ၵူၼ်းပိုၼ်ႉတီႈလၢတ်ႈၼင်ႇၼႆ။ လိူၼ်ဢေႃႊၵတ်ႉသ်ၼႆႉဝၼ်းတီႈ 3...

ၵူၼ်းၵိုၵ်းပိုၼ်း တူဝ်တၢႆၵေႃႈ ၸိုဝ်ႈဢမ်ႇႁၢႆဝႃႈၼႆသေတႃႉ ၵိုတ်းၸိုဝ်ႈၼဝ်ႈၵိုၵ်းပိုၼ်းဝႆႉၼႆႉတႄႉ ၽႂ်ၵေႃႈဢမ်ႇၶႂ်ႈပဵၼ်။ ၵူၺ်းၵႃႈ သင်ဝႃႈ မိုတ်ႈမၵ်ႉမဝ်းမိင်းဢႃႇၼႃႇ ငိုၼ်းတွင်း တီႈယူႇလီ ဢမ်ႇၼၼ် ဢၼ်တၢင်းၶေႃႈၵႂၢမ်းဢိင်းၵလဵတ်ႈဝႃႈ Comfort Zone ၼၼ်ႉသေ ဢမ်ႇႁူႉဢမ်ႇပွင်ႇၸႂ် လူၺ်ႈလွင်ႈလူၺ်ႈတၢင်းတႄႉ ပွင်ႇဝႃႈ ၵူၼ်းၵေႃႉၼၼ်ႉ ပႃးၼႂ်းသႅၼ်း ဢၼ်မီးၸႂ်လမ်ႇမၢၵ်ႇလေႃးၽယႂ်ႇ။ ပဵၼ်ၵူၼ်းဢမ်ႇမေႃသွၼ်ႇပႃႈၼႃႈပႃႈလင် ဝူၼ်ႉၵႂင်တႅပ်းတတ်းဢမ်ႇၽဵၼ်ႈ၊ ဢမ်ႇမီးလွင်ႈတၢင်းႁတ်းႁၢၼ်။...

တႄႇၵၢင်လိူၼ်ၵျူႊလၢႆႊမႃး ဝၢႆးသိုၵ်းမၢၼ်ႈယိုတ်းၵုမ်းၶိုၼ်း ၸႄႈဝဵင်းၼွင်ၶဵဝ် တႂ်ႈသိုၵ်းတဢၢင်းၵုမ်းၵမ် ဝႆႉၼၼ်ႉ သိုၵ်းမၢၼ်ႈၵူတ်ႇထတ်း ၵူၼ်းပၢႆႈၽေးသိုၵ်း ၸိူဝ်းပွၵ်ႈမႃးယူႇ ၶိုၼ်းႁိူၼ်းၼၼ်ႉသေ သင်ဢမ်ႇၸႂ်ႈၵူၼ်းယိပ်းမၢႆၾၢင် ဝဵင်းၼွင်ၶဵဝ်ဝႆႉၸိုင် ဢမ်ႇပၼ်ၶဝ်ႈၶိုၼ်း ၼႂ်းဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ။ သိုၵ်းမၢၼ်ႈမၢပ်ႇၼႄး ၵူၼ်းမိူင်းၸိူဝ်းပၢႆႈၽေးပၢင်တိုၵ်း ၼႂ်းၸႄႈဝဵင်းၼွင်ၶဵဝ် ဢွၵ်ႇၵႂႃႇယူႇဝႆႉဢွင်ႈတီႈ လွတ်ႈၽေးဝႆႉၵမ်ႈၽွင်ႈ ၼၼ်ႉဝႃႈ ပဵၼ်ၵူၼ်းၵမ်ႉထႅမ် သိုၵ်းတဢၢင်း TNLA ၊ သိုၵ်းထၼူႉ...