ပၢင်တိုၵ်းၽွင်းပၢၼ်ၵွၼ်ႇဢွၼ်ၼႆႉ လႆႈၸႂ်ႉႁႅင်းၵူၼ်းၼမ် ။ ၶိူင်ႈသိုၵ်းၵေႃႈဢမ်ႇပႆႇၶိုတ်းၵၢပ်ႈ တၼ်းပၢၼ် လႄႈ ပၢင်တိုၵ်းယဝ်ႉၼိုင်ႈပၢင်ၼႆႉၵူၼ်းၵေႃႈတၢႆၼမ်။ ၵူၺ်းၵႃႈပၢင်တိုၵ်းဝၼ်းမိူဝ်ႈၼႆႉ ၶိူင်ႈၸႂ်ႉသိုၵ်း ၶိုၼ်ႈသင်ႉၶိုတ်းပၢၼ်မႃး။မၢင်ပၢင် ဢမ်ႇလႆႈၸႂ်ႉႁႅင်းၵူၼ်းယိုဝ်းၵေႃႈ ပဵၼ်ပၢင်တိုၵ်းယဝ်ႉတူဝ်ႈၵႂႃႇၵေႃႈမီး။ ဢွၼ်ၵၼ်ၸႂ်ႉ ၶိူင်ႈၻရူၼ်ႊ (ၶိူင်ႈမိၼ်ဢွၼ်ႇ ဢၼ်ယူႇတီႈၵႆသေၵုမ်းဢဝ်) ၼၼ်ႉၶဝ်ႈယိုဝ်း လႆႈပၢင်သဝ်း ၽူႈၶဵၼ်ပဵၼ်ပၢင်ပဵၼ်ပၢင်ၵေႃႈယၢမ်ႈမီးမႃး။ ပေႃးတူၺ်းၶိုၼ်းပၢင်တိုၵ်းၽႅၼ်ယၼ်ႇသိုၵ်း ၼႂ်းၸိုင်ႈတႆး ပွတ်းႁွင်ႇလႄႈသင် ပၢင်တိုၵ်းၽႅၼ်ယၼ်ႇသိုၵ်းၼႂ်းမိူင်းယၢင်းလႅင်- မိူင်းယၢင်းၸိူဝ်းၼႆႉလႄႈသင်...

မိူဝ်ႈၼႆႉ ဝၼ်းတီႈ 30/07/2025 ယၢမ်းၵၢင်ဝၼ်း 11 မူင်း သိုၵ်းမၢၼ်ႈ လုၵ်ႉတၢင်းၸႄႈဝဵင်းၼွင်ၶဵဝ် ယိုဝ်းၶိူင်ႈၵွင်ႈလူင် ၵႂႃႇတၢင်း ၸႄႈဝဵင်းၵျွၵ်ႉမႄး 10 လုၵ်ႈ။ တူၵ်းသႂ်ႇ ဝိႁၢရ်ပုပ်ႉၽႃႇယူင်ႇ ဢမ်ႇၼၼ် ၵျွင်းတူၵ်း တီႈဢိူင်ႇၼွင်ပိင်လူႉၵွႆ၊ တိူဝ်ႉၺႃး ၸဝ်ႈသၢင်ႇ ပႃးၼိုင်ႈ ၶႅၼ်သၢႆႉၶၢတ်ႇၵႂႃႇ ထိုင်တီႈလူႉလွၼ်ႇ၊ မၢတ်ႇၸဵပ်းႁၢဝ်ႈႁႅင်း 4...

ပလိၵ်ႈသိုၵ်းမၢၼ်ႈတင်း ပျီႇတူႉၸိတ်ႉ ၶိုၼ်ႈႁိူၼ်းလူင်းႁိူၼ်းသေ လမ်းတီႉၺွပ်း ၵူၼ်းႁဵတ်းၵၢၼ်လွၵ်ႇလႅၼ်ၵိၼ်ငိုၼ်းတင်းဢွၼ်ႊလၢႆႊ ၵျႃးၽႅၼ်ႉ ၼႂ်းၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ။ ၵူၼ်း မူႇၸေႊၵေႃႉၼိုင်ႈလၢတ်ႈဝႃႈ-“ မိူဝ်ႈဝၼ်းတီႈ 28/07/2025    ပလိၵ်ႈသိုၵ်းမၢၼ်ႈ တင်း ပျီႇတူႉၸိတ်ႉ ၶိုၼ်ႈႁိူၼ်းလူင်းႁိူၼ်းသေ ႁႃၵူတ်ႇထတ်းတီႉၺွပ်း ၵူၼ်းႁဵတ်းၵၢၼ်ၵျႃးၽႅၼ်ႉ ၼႂ်း 9 ပွၵ်ႉ ဝဵင်းမူႇၸေႊ။ ၵူတ်ႇထတ်းပႃးၸဵမ်ၼႂ်းၾူၼ်း မိုဝ်းထိုဝ်။ သင်ပဵၼ်ၵူၼ်းမႃးၶၢတ်ႈယူႇၵေႃႈ...

ၼႂ်းႁၢင်လိူၼ်ၵျူႊလၢႆႊ ဝၼ်းတီႈ 29 ထိုင် 30 ၶၢဝ်းတၢင်းသွင်ဝၼ်းၼႆႉၵူၺ်း သိုၵ်းမၢၼ်ႈၸႂ်ႉႁိူဝ်းမိၼ်တိုၵ်း ပွႆႇမၢၵ်ႇသႂ်ႇၼႂ်းဝဵင်းမိူင်းၵုတ်ႈ၊ ဝဵင်းမိူင်းငေႃႉ၊ ဝဵင်းၵူတ်ႉၶၢႆ ၸိူဝ်းပဵၼ်ၼႃႈတီႈသိုၵ်းတဢၢင်းၵုမ်းၵမ်ဝႆႉ ၸူဝ်ႈၶၢဝ်းၼၼ်ႉ ထပ်းၵၼ်ႁၢဝ်ႈႁႅင်း တိူဝ်ႉၺႃးႁိူၼ်းယေးၵူၼ်းမိူင်း လူႉၵွႆၵႂႃႇတင်းၼမ်လႄႈ ႁဵတ်းႁႂ်ႈၵူၼ်းမိူင်းမၢတ်ႇၸဵပ်းလူႉတၢႆၵႂႃႇၸွမ်း 30 ပၢႆ ၼႆယဝ်ႉ။ မိူဝ်ႈၼႆႉ ဝၼ်းတီႈ 30/07/2025 ယၢမ်းၵၢင်ၼႂ်ၸဝ်ႉၸမ် 1 မူင်းၼၼ်ႉ...

ၽွင်းသိုၵ်းမၢၼ်ႈ တင်း သိုၵ်းတဢၢင်း ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းၸႄႈဝဵင်းၼွင်ၶဵဝ်၊ ၵူၼ်းမိူင်းၼႂ်းၸႄႈဝဵင်းၵျွၵ်ႉမႄး-ဝဵင်းသီႇ ပေႃႉၵေႃႈ ဢမ်ႇလႆႈယူႇသႃႇ ၺႃးသိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇလူင်သႂ်ႇ ၸွမ်းဝၢၼ်ႈ၊ ၸွမ်းဝဵင်း ဢွင်ႈတီႈဢၼ်ၶဝ် ၼပ်ႉသွၼ်ႇဝႃႈ မီးသိုၵ်းတဢၢင်းမူၵ်းယူႇသဝ်းဝႆႉၼႆလႄႈ ၵူၼ်းမိူင်းၸိူဝ်းလႆႈယူႇဝႆႉ ၼႂ်းၼႃႈတီႈသိုၵ်းတဢၢင်း ၵုမ်းၵမ်ၸူဝ်ႈၶၢဝ်းၵေႃႈ လႆႈတုၵ်ႉၶယၢပ်ႇၽိုတ်ႇၸွမ်း။ မိူၼ်ၼင်ႇ ၽွင်းပၢင်တိုၵ်းတိုၵ်ႉယုင်ႈယၢင်ႈ ၼႂ်းၸႄႈဝဵင်းၼွင်ၶဵဝ်ၼၼ်ႉ မီးၶၢဝ်ႇႁူင်လိုဝ်းဢွၵ်ႇမႃးဝႃႈ ပေႃးသိုၵ်းတဢၢင်း...

ငိုၼ်းဢၼ်ၵူၼ်းမိူင်းၸၢႆႇယူႇၵူႈဝၼ်းၼႆႉ ၽႂ်ႁဵတ်းဢွၵ်ႇ ၊ မိူဝ်ႈလဵဝ်သမ်ႉပဵၼ်ၽႂ်ၵုမ်း ၼႆ ပဵၼ်ဢၼ်ၵူႈၵေႃႉတေၶႂ်ႈႁူႉ။ ငဝ်းလၢႆးမိူဝ်ႈလဵဝ် ဢိင်ၼိူဝ်ငိုၼ်းၽိူဝ်ႈငိုၼ်းၵႂ်ႈ ၶၼ်ငိုၼ်းတူၵ်းၼႆႉသေ ႁူင်းဢိတ်ႇဢွၵ်ႇငိုၼ်းမၢၼ်ႈ မီးလွင်ႈၶွင်ႈၶမ် လၢႆလွင်ႈဝႆႉ ။ သိုပ်ႇၵႂႃႇၼႃႈ ၵူၼ်းမိူင်းႁူမ်ႈတုမ် ယင်းတေလႆႈၸႂ်ႉတိုဝ်း ငိုၼ်းယွၵ်းငိုၼ်းသိၵ်ႇၵႂႃႇထႅင်ႈလူးၵွၼ်ႇဝႃႈၼႆ။ ႁူင်းၸၢၵ်ႈဢၼ် ဢိတ်ႇဢွၵ်ႇငိုၼ်းမၢင်ၸေႈ ဢၼ်ႁဝ်းႁွင်ႉၵၼ်ဝႃႈ ငိုၼ်းမၢၼ်ႈ ၼႆၼၼ်ႉ မီးၼႂ်းတိူင်းမၵူၺ်း ။...

မိူဝ်ႈဝၼ်းတီႈ 28 လိူၼ်ၵျူႊလၢႆႊ သိုၵ်းမၢၼ်ႈယိုတ်းမိူင်း ပိုၼ်ၽၢဝ်ႇဢွၵ်ႇ ပၵ်းပိူင်ၾိင်ႈမိူင်းတႃႇၵႅတ်ႇၶႄႇ ႁေႉၵင်ႈ ၶေႃႈမုလ်းလပ်ႉ ၾၢႆႇၵၢၼ်သိုၵ်း၊ ဢွၵ်ႇၶေႃႈပူင် ႁၢမ်ႈႁႂ်ႈၶႃႈႁၢပ်ႇၵၢၼ်ၶုၼ် ၵူၼ်းၵဝ်ႇ ၵူၼ်းမႂ်ႇတင်းသဵင်ႈ ဢမ်ႇပၼ်တိတ်းတေႃႇၵပ်းသိုပ်ႇ လႄႈ ၵမ်ႉၸွႆႈ ၸုမ်းယိပ်းၵွင်ႈၵၢင်ႇၸိူဝ်းလုၵ်ႉၽိုၼ်ႉ ဝႃႈၼႆ ။ ပၵ်းပိူင်တႃႇၵႅတ်ႇၶႄႁေႉၵင်ႈ ၶေႃႈမုလ်းလပ်ႉၼႂ်းၵၢၼ်သိုၵ်း ဢၼ်သိုၵ်းမၢၼ်ႈယိုတ်းမိူင်း မိၼ်းဢွင်ႇလၢႆႇ ႁဵတ်း ဢွၵ်ႇ...

ၽွင်းသိုၵ်းမၢၼ်ႈ တင်း သိုၵ်းတဢၢင်း ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းၸႄႈဝဵင်းၼွင်ၶဵဝ်၊ ၵူၼ်းမိူင်းၼႂ်းၸႄႈဝဵင်းၵျွၵ်ႉမႄး-ဝဵင်းသီႇ ပေႃႉၵေႃႈ ဢမ်ႇလႆႈယူႇသႃႇ ၺႃးသိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇလူင်သႂ်ႇ ၸွမ်းဝၢၼ်ႈ၊ ၸွမ်းဝဵင်း ဢွင်ႈတီႈဢၼ်ၶဝ် ၼပ်ႉသွၼ်ႇဝႃႈ မီးသိုၵ်းတဢၢင်းမူၵ်းယူႇသဝ်းဝႆႉၼႆလႄႈ ၵူၼ်းမိူင်းၸိူဝ်းလႆႈယူႇဝႆႉ ၼႂ်းၼႃႈတီႈသိုၵ်းတဢၢင်း ၵုမ်းၵမ်ၸူဝ်ႈၶၢဝ်းၵေႃႈ လႆႈတုၵ်ႉၶ ယၢပ်ႇၽိုတ်ႇၸွမ်း။ မိူၼ်ၼင်ႇ ၽွင်းပၢင်တိုၵ်းတိုၵ်ႉယုင်ႈယၢင်ႈ ၼႂ်းၸႄႈဝဵင်းၼွင်ၶဵဝ်ၼၼ်ႉ မီးၶၢဝ်ႇႁူင်လိုဝ်းဢွၵ်ႇမႃးဝႃႈ...

တႄႇၼႂ်းႁၢင်လိူၼ် ၵျူႊလၢႆႊမႃး ထိုင်ဝၼ်းတီႈ 27/7/2025 ၼႂ်းၶၢဝ်းတၢင်း 4 ဝၼ်းမႃးၼႆႉ သိုၵ်းမၢၼ်ႈ ယိုဝ်းၵွင်ႈလူင် ၼႂ်းဢိူင်ႇၼႃးႁီး ၾၢႆႇဢွၵ်ႇၼွင်ၾၢႆၶုၼ် ဢမ်ႇထၢတ်ႇ ႁဵတ်းႁႂ်ႈၵူၼ်းမိူင်း 3 ႁဵင်ပၢႆ ၶမ်ၼႂ်းၵႄႈပၢင်တိုၵ်းဝႆႉ ဝႃႈၼႆ။ ယၢမ်းလဵဝ်ၾၢႆႇတၢင်းသိုၵ်းမၢၼ်ႈတင်း ပျီႇတူႉၸိတ်ႉပဢူဝ်း PNO ဢဝ်ဢဵၼ်ႁႅင်း ၸမ် 2ႁဵင် ထႅမ်ႁႅင်းသိုၵ်း တၢင်းဝၢၼ်ႈလွႆပဝ်း...

ပၢင်လိူၵ်ႈတင်ႈ ဢၼ်သိုၵ်းမၢၼ်ႈယိုတ်းမိူင်း တေဢွၼ်ၼမ်းၸတ်းႁဵတ်း ၼႂ်းႁၢင်ပီ 2025 ဢမ်ႇၼၼ် ႁူဝ်ပီ 2026 ၼႆႉ သိုၵ်းမၢၼ်ႈ ယိုတ်းမိူင်း ႁၢင်ႈႁႅၼ်းဝႆႉ တေၸႂ်ႉတိုဝ်းၶိူင်ႈၸၢၵ်ႈသေ ႁႂ်ႈၵူၼ်းမိူင်းပၼ်သဵင်ၵၢင်ၸႂ်ၵႂႃႇ ပိူဝ်ႈတႃႇပဵၼ်တၢင်းၵမ်ႉယၼ် ၼႂ်းၶၵ်ႉၵၢၼ်ပၢင်လိူၵ်ႈတင်ႈ ၼႆယူႇ။ ၶေႃႈမုလ်းလပ်ႉ ၶႃႈႁၢပ်ႇၵၢၼ်ၶုၼ် ဢၼ်ယူႇတႂ်ႈသိုၵ်းမၢၼ်ႈ ၵုမ်းၵမ်ဝႆႉၼၼ်ႉ လၢတ်ႈဝႃႈ - ၵုမ်းၵမ် ၵႅတ်ႇၵင်ႈဝႆႉၼႅၼ်ႈၼႅၼ်ႈၼႃၼႃၼႆၼၼ်ႉ...

ဝၼ်းတီႈ 23/07/2025 ပူၼ်ႉမႃးၼႆႉ သိုၵ်းမၢၼ်ႈ ယိုတ်းမိူင်း ပိုၼ်ၽၢဝ်ႇဢွၵ်ႇမႃးဝႃႈ ယိုတ်းၵုမ်းလႆႈၶိုၼ်း ဝဵင်းၽိတ်ႉၶျၢင်း (သပိတ်ကျင်း) တင်းဝဵင်းယဝ်ႉ ဝႃႈၼႆ။ တႃႇတေယိုတ်းလႆႈၶိုၼ်း ဝဵင်းၽိတ်ႉၶျၢင်းၼႆႉ သိုၵ်းမၢၼ်ႈ ၸႂ်ႉတပ်ႉလိၼ်၊ တပ်ႉလူမ်း၊ တပ်ႉၼမ်ႉသေ ထူဝ်းသိုၵ်းလေႃႇတိုၵ်းမႃး ႁိုင်ၶၢဝ်းတၢင်းၸမ်လိူၼ်ယဝ်ႉ ၸင်ႇယိုတ်းၵုမ်းလႆႈ - ၾၢႆႇတပ်ႉသိုၵ်းမၢၼ်ႈ ပိုၼ်ၽၢဝ်ႇဝႆႉၼင်ႇၼႆ။ ဝဵင်းၽိတ်ႉၶျၢင်း (သပိတ်ကျင်း) ၼႆႉ...

ဝၢႆးသိုၵ်းမၢၼ်ႈ ၶဝ်ႈၵုမ်းဝဵင်းလႃႈသဵဝ်ႈၼႆႉမႃး ယိင်ႈၶႅၼ်းႁဵတ်းႁႂ်ႈၽူႈလၵ်ႉၸၵ်ႉၶုတ်ႈ လိူင်ႇၼမ်မႃး မၢင်ၸိူဝ်း တတ်းဢဝ်သၢႆၾႆးၾႃႉ ၵႂႃႇၶၢႆၵေႃႈမီးလႄႈ ႁဵတ်းႁႂ်ႈၵူၼ်းမိူင်း ဢွၼ်ၵၼ်မႆႈၸႂ်လွင်ႈႁူမ်ႇလူမ်ႈ ၼႆယဝ်ႉ။ ၵူၼ်းပိုၼ်ႉတီႈ ဝဵင်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ - “ၽူႈလၵ်ႉၼႆႉ ၵမ်ႈၼမ် ၶဝ်တေလၵ်ႉသၢႆၾႆးဢေႃႈ။ ၶဝ်တေဢဝ် သၢႆတွင်းၼႂ်းမၼ်းၵႂႃႇၶၢႆ။ ၽူႈလၵ်းၸိူဝ်းၼၼ်ႉၵေႃႈ ပဵၼ်ၶီႈယႃႈ ၶဝ်ဢမ်ႇမီးၵႃႈယႃႈလႄႈ ၸင်ႇမႃးလၵ်ႉသၢႆၾႆးၵႂႃႇၶၢႆ။ ၸွမ်းႁိူၼ်းယေး ၸိူဝ်းၼႆႉ...

သိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်း ပီ 2021 ၼႆႉ ဢမ်ႇၸႂ်ႈပွၵ်ႈၵမ်းဢွၼ်တၢင်းသုတ်းၼႂ်းပိုၼ်း။ မိူဝ်ႈ ပီ 1962 ၵေႃႈ ယၢမ်ႈယိုတ်းမႃးယဝ်ႉ။ တွၼ်ႈသွၼ်မၢင်ပွတ်းမၢင်တွၼ်ႈၵေႃႈ ယၢမ်ႈလႆႈမႃးယဝ်ႉ ဝႃႈၼႆသေ ထိုင်မိူဝ်ႈလဵဝ် ၵၢၼ်လုၵ်ႉၽိုၼ်ႉၵူႈၸိူဝ်းၵူႈၸၢဝ်းပႆႇထိုင်တီႈလႆႈ။ ဢၼ်သိုၵ်းလုၵ်ႉၽိုၼ်ႉ ယိုတ်းဝၢၼ်ႈဝဵင်း ၼႂ်းၶၢဝ်းၽႅၼ်ၵၢၼ်ယၼ်ႇသိုၵ်း 1027 ၸိူဝ်းၼႆႉၵေႃႈသမ်ႉ ပေႃးလႆႈမွပ်ႈပၼ်သိုၵ်းမၢၼ်ႈၶိုၼ်းၵေႃႈမီး။ ယွၼ်ႉပၢင်တိုၵ်းသေ ၵူၼ်းဝၢၼ်ႈ ၵူၼ်းမိူင်း...

ၶၢဝ်းတၢင်း 6 လိူၼ်မႃးၼႆႉ ၵူၼ်းမိူင်း ၼႂ်းမိူင်းႁူမ်ႈတုမ်မၢၼ်ႈ ပတ်းပိုၼ်ႉ လူႉတၢႆယွၼ်းသိုၵ်းမၢၼ်ႈ ယိုတ်းမိူင်း ၸႂ်ႉႁိူဝ်းမိၼ် ယိုဝ်းတိုၵ်း 1,000 ပၢႆၼႆ ႁွင်ႈၵၢၼ် ၾၢႆႇပၢႆးပၺ်ႇၺႃႇ လူင်ပွင်ၸိုင်ႈ ၽွမ်ႉႁူမ်ႈၸိူဝ်ႉၸၢတ်ႈ NUG ႁၢႆးငၢၼ်းဝႆႉ ၼႂ်းဝၼ်းတီႈ 21/07/2025 ၼႆႉၼင်ႇၼႆ။ ယွၼ်ႉႁိူဝ်းမိၼ် သိုၵ်းမၢၼ်ႈ ယိုဝ်းတိုၵ်းသေ ၵူၼ်းမိူင်းလူႉတၢႆ...

ဝၢႆးလင် ယိုတ်းဢဝ်လႆႈၶိုၼ်း မိူင်းပၢႆးယဝ်ႉသိုၵ်းမၢၼ်ႈ ထႅမ်ႁႅင်းထူဝ်းသိုၵ်းၶဝ်ႈထႅင်ႈ ၾၢႆႇဢွၵ်ႇ ဝဵင်းၾၢႆၶုၼ် ပိုတ်းယိုဝ်းၵၼ်တင်း ၸုမ်းသိုၵ်းလုၵ်ႉၽိုၼ်ႉမိူင်းယၢင်းလႅင် ။  တင်ႈတႄႇႁူဝ်လိူၼ် ၵျူႊလၢႆႊ ဝၼ်းတီႈ 8 ထိုင်ၼႂ်းဝၼ်းတီႈ 22 သိုၵ်းမၢၼ်ႈ ထူဝ်းသိုၵ်း ၶဝ်ႈ 2 သၢႆ ။ ထူဝ်းသိုၵ်းၶဝ်ႈ ၾၢႆႇႁွင်ႇဝၢၼ်ႈလိၼ်ပူၵ်ႇတႅၵ်ႇ ၊ သွင်ၼမ်ႉၶႄး...