တႄႇႁူဝ်လိူၼ်တီႊသႅမ်ႊပိူဝ်ႊၼႆႉမႃး သိုၵ်းမၢၼ်ႈယိုတ်းမိူင်းၸိူဝ်းပၼ်ႇၵၢၼ်ၽွင်းငမ်းယူႇဝႆႉၼႂ်းၸႄႈဝဵင်းၼွင်ၶဵဝ် လူင်းၵူတ်ႇထတ်းသဵၼ်ႈမၢႆႁူဝ်ၼပ်ႉၵူၼ်းၸွမ်းဝၢၼ်ႈ ၸီႉသင်ႇ ႁႂ်ႈၵူၼ်းဝၢၼ်ႈၶဝ်ႈႁဵတ်းသိုၵ်းမႂ်ႇ ၼႆယဝ်ႉ။ မိူဝ်ႈဝၼ်းတီႈ 1 လႄႈ 2 ပူၼ်ႉမႃးၼႆႉ သိုၵ်းမၢၼ်ႈ လူင်းၵႂႃႇၼႂ်းဝၢၼ်ႈၸွမ်းပိုၼ်ႉတီႈၵူၼ်းမိူင်းယူႇၼၼ်ႉသေ လၢတ်ႈႁႂ်ႈၵူၼ်းဝၢၼ်ႈၶဝ်ႈႁၢပ်ႇထၢမ်းၵၢၼ်သိုၵ်း ၼိုင်ႈဝၢၼ်ႈလႂ် 5 ၵေႃႉ ၼႆယဝ်ႉ။ ၵူၼ်းမိူင်းၼႂ်းၸႄႈဝဵင်းၼွင်ၶဵဝ်ၵေႃႉႁူႉၸွမ်းပိူင်ပဵၼ်ၼႆႉလၢတ်ႈၼႄဝႃႈ “သိုၵ်းမၢၼ်ႈၶဝ်ႈမႃးၼႂ်းဝၢၼ်ႈႁႄ ႁွင်ႉၵူၼ်းဝၢၼ်ႈႁဵတ်းပၢင်ၵုမ်။ လၢတ်ႈဝႃႈၵူၼ်းၼႂ်းဝၢၼ်ႈ မီးၼမ်ၵေႃႈယဝ်ႉ ဢေႇၵေႃႈယဝ်ႉ တိုၼ်းတေလႆႈသူင်ႇၵူၼ်းၵႂႃႇၶဝ်ႈႁဵတ်းသိုၵ်း။ တႃႇၵႂႃႇၼၼ်ႉ...

ယၢမ်းလဵဝ် ၵူၼ်းပၢႆႈၽေးသိုၵ်း ၼႂ်းၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ ဢွၼ်ၵၼ်ပွၵ်ႈယူႇၶိုၼ်းႁိူၼ်း ယေးၽႂ်မၼ်းၵမ်ႈၽွင်ႈယဝ်ႉ ၵမ်ႈၼမ် လႆႈမႆႈၸႂ်တႃႇယူႇသဝ်းလႄႈ မၢၵ်ႇမႅင်းဢၼ်ၵိုတ်းၶင်ႉဝႆႉ ၸိူဝ်းၼႆႉ။ ၵူၼ်းပိုၼ်ႉတီႈ ဝဵင်းၼွင်ၶဵဝ် လၢတ်ႈတီႈၽူႈတွႆႇႁွၵ်ႈဝႃႈ - “တေႃႈလဵဝ် ႁဝ်းၶႃႈ တိုၵ်ႉလႆႈၵူဝ်ယူႇၶႃႈ ၶူဝ်းလဵင်းဢၼ်ဢဝ်မႃးၶိုၼ်း ၸိူဝ်းၼၼ်ႉၵေႃႈ ဢမ်ႇႁတ်းယႃႉထူင်မၼ်း။ ဢဝ်မႃး ၵွင်ဝႆႉ ၸိူင်ႉၼၼ်ၵူၺ်း။ ပႆႇတၢမ်းၸႂ်လႆႈ ဢမ်ႇႁူႉဝႃႈ...

ၶူဝ်ၶၢမ်ႈၼမ်ႉၼႂ်းႁူၺ်ႈၵိုတ်ႈ ၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇၼႆႉ ယၢမ်းလဵဝ်မီးၶၢဝ်ႇဢွၵ်ႇမႃးဝႃႈ ၸုမ်းသိုၵ်းမၢၼ်ႈမႄးၶိုၼ်းယဝ်ႉသေ ပၼ်ရူတ်ႉၵႃးတႆႇၶၢမ်ႈၵႂႃႇမႃးလႆႈယဝ်ႉသေတႃႉ ၵူၺ်းၵႃႈ တႃႇၵူၼ်းမိူင်းတႄႉ ယင်းပႆႇပၼ်ၶႂၢင်ႉၵႂႃႇမႃး။ ၵူၼ်းပိုၼ်ႉတီႈ ဝဵင်းၼွင်ၶဵဝ် လၢတ်ႈတီႈၽူႈတွႆႇႁွၵ်ႈဝႃႈ - “ၼိူဝ်သတၢင်းဢၼ်ၶဝ်တၢင်ႇ (ဂုတ်တွင်းဘီလီတံတား) ၼၼ်ႉ တီႈတႄႉမၼ်း ၶဝ်ပႆႇပၼ်ၵႂႃႇမႃး တေႁိုဝ်ထႅင်ႈယူႇမွၵ်ႈ 1 လိူၼ်ၼႆႉ။ ၶဝ်ဝႃႈ ပေႃးပႆႇသိမ်းလႆႈၵျွၵ်ႉမႄးတႄႉ ၶဝ်တေပႆႇပၼ်ၵႂႃႇမႃး ၼိူဝ်သဵၼ်ႈတၢင်းၼႆႉ။...

သိုၵ်းမၢၼ်ႈယိုတ်းမိူင်း ၵူတ်ႇထတ်းသဵၼ်ႈမၢႆႁူဝ်ႁိူၼ်း တီႈၵူၼ်းပၢႆႈၽေးသိုၵ်း ဢၼ်ပွၵ်ႈမိူဝ်းယူႇၶိုၼ်း တီႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇသေ ႁွင်ႉၵူၼ်းၼုမ်ႇ ၵူၼ်းၸၢႆး သူင်ႇၾိုၵ်းၵၢၼ်သိုၵ်း ဝႃႈၼႆ။ ၼႂ်းႁၢင်လိူၼ်ဢေႃးၵတ်ႉသ်ၼႆႉ ယၢမ်းၵၢင်ၶမ်ႈၵၢင်ၶိုၼ်း သိုၵ်းမၢၼ်ႈၶဝ်ႈၵူတ်ႇထတ်းႁိူၼ်းယေးၵူၼ်းမိူင်း တၢင်းဝၢၼ်ႈ မႆႉပူၵ်ႇ၊ တွင်ႇသျေႇ၊ သူၺ်ႇမူၵ်ႉတေႃး၊ ၵၢၼ်ႇၵျီး ဢိၵ်ႇပႃးထႅင်ႈလၢႆလၢႆဝၢၼ်ႈ ၼႂ်းၸႄႈဝဵင်းၼွင်ၶဵဝ်။ ၵူၼ်းပိုၼ်ႉတီႈလၢတ်ႈဝႃႈ-“ၵူၼ်းလုၵ်ႉတၢင်းဝၢၼ်ႈၵၢၼ်ႇၵျီးသေ ပွၵ်ႈၶိုၼ်းယူႇတၢင်းဝၢၼ်ႈတွင်းၶမ်းၸိူဝ်းၼၼ်ႉၺႃးထဵတ်ႈထၢမ်။သိုၵ်းမၢၼ်ႈၶိုၼ်ႈႁိူၼ်းလူင်းႁိူၼ်းသေထၢမ် ၼႂ်းၵူၼ်းႁိူၼ်း ၸွင်ႇမီးၽႂ်ၵႂႃႇႁူမ်ႈတင်း PDF သိုၵ်းထၼု၊...

ၶူဝ်ဢၼ်သုင်သုတ်းၼႂ်းဢေႊသျႃႊ ဢၼ်ၵိုၵ်းပိုၼ်းမႃး ၼႂ်းၶၢဝ်းတၢင်း 125 ပီ ၊ ဢၼ်တႆးႁွင်ႉဝႃႈ ၶူဝ်ၵိုတ်ႈၼႆၼၼ်ႉ လူႉၵွႆယွၼ်ႉၼမ်ႉမိုဝ်းၸုမ်းယိပ်းၵွင်ႈၵၢင်ႇၶဝ်ၵႂႃႇ ၼႂ်းဝၼ်းတီႈ 24/08/2025 ။ ဢိင်ၼိူဝ် လွင်ႈၶူဝ်ၵိုၵ်းပိုၼ်းမိူင်းတႆး လူႉၵွႆၼႆႉသေ ၵူၼ်းမိူင်းဢွၼ်ၵၼ် တႅမ်ႈတၢင်ႇလွင်ႈမၼ်းၼိူဝ်သိုဝ်ႇ ဢွၼ်ႊလၢႆႊပေႃးလၢႆးၸၢႆႉၸၢႆႉ။ ၼိုင်ႈၵေႃႉ ႁၼ်ထိုင်ၼိုင်ႈလွင်ႈလႄႈ ၸင်ႇဢွၵ်ႇၶေႃႈထဵင်ၵၼ်မႃး။ ၵူၼ်းမိူင်းမၢၼ်ႈထုင်ႉပဵင်းၵေႃႈ ႁၼ်ထိုင်လွင်ႈၼိုင်ႈ ၵူၼ်းမိူင်းတႆးသၼ်လွႆၵေႃႈ...

ဝၼ်းတီႈ 24/08/2025 ယၢမ်းၵၢင်ၼႂ် မွၵ်ႈ 9 မူင်း ၶူဝ်ၵိုတ်ႈ ဢၼ်ၵိုၵ်းပိုၼ်း ၼႂ်းၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ ၶၢဝ်းတၢင်းႁိုင် 125 ပီ ၸိုဝ်ႈလိုဝ်းတူဝ်ႈလုမ်ႈၾႃႉၼၼ်ႉ ၺႃးၸုမ်းယိပ်းၵွင်ႈၵၢင်ႇ ဢဝ်မၢၵ်ႇႁၢင်ႈ ယႃႉလူႉၵွႆၵႂႃႇ ၼႆယဝ်ႉ။ ၶူဝ်ၵိုတ်ႈလူင် ဢၼ်သၢင်ႈဝႆႉတႃႇသဵၼ်ႈတၢင်းရူတ်ႉၾႆး လုၵ်ႉတၢင်းဝဵင်းၼွင်ၶဵဝ် ၶၢမ်ႈၵႂႃႇၸူးဝဵင်းၵျွၵ်ႉမႄးၼၼ်ႉ လူႉၵွႆၵႂႃႇၽွင်းၸုမ်းသိုၵ်းတဢၢင်း TNLA လႄႈ...

ယၢမ်းလဵဝ် ၵူၼ်းပၢႆႈၽေးသိုၵ်း တီႈဝဵင်းၼွင်ၶဵဝ် ၵမ်ႈၼမ် ဢွၼ်ၵၼ်ပွၵ်ႈၶိုၼ်းႁိူၼ်းယေးသေ ထူပ်းတၢင်းယၢပ်ႇၽိုတ်ႇဝႆႉ လွင်ႈတီႈယူႇတၼ်းသဝ်း မိူဝ်ႈၽွင်းပဵၼ်ပၢင်တိုၵ်း သိုၵ်းမၢၼ်ႈ ယိုတ်းမိူင်းတင်း သိုၵ်းတဢၢင်း TNLA ၼၼ်ႉ ႁိူၼ်းယေးၵူၼ်းမိူင်း ၺႃးမၢၵ်ႇလူင်တူၵ်းသႂ်ႇလူႉၵွႆလႄႈ ၺႃးၾႆးၽဝ်ပႅတ်ႈ ၸိူဝ်းၼႆႉ တင်းၼမ်။ ၵူၼ်းပၢႆႈၽေးသိုၵ်း တီႈဝဵင်းၼွင်ၶဵဝ် လၢတ်ႈတီႈၽူႈတွႆႇႁွၵ်ႈဝႃႈ - “လႅဝ်ၼမ်ၼႃႇၶႃႈ ႁိူၼ်းယေးတႄႉ ဢၼ်ၵိုတ်းဝႆႉႁိူၼ်းပဵၼ်လင်တႄႉ...

တႄႇၵၢင်လိူၼ်ၵျူႊလၢႆႊမႃး ဝၢႆးသိုၵ်းမၢၼ်ႈယိုတ်းၵုမ်းၶိုၼ်း ၸႄႈဝဵင်းၼွင်ၶဵဝ် တႂ်ႈသိုၵ်းတဢၢင်းၵုမ်းၵမ် ဝႆႉၼၼ်ႉ သိုၵ်းမၢၼ်ႈၵူတ်ႇထတ်း ၵူၼ်းပၢႆႈၽေးသိုၵ်း ၸိူဝ်းပွၵ်ႈမႃးယူႇ ၶိုၼ်းႁိူၼ်းၼၼ်ႉသေ သင်ဢမ်ႇၸႂ်ႈၵူၼ်းယိပ်းမၢႆၾၢင် ဝဵင်းၼွင်ၶဵဝ်ဝႆႉၸိုင် ဢမ်ႇပၼ်ၶဝ်ႈၶိုၼ်း ၼႂ်းဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ။ သိုၵ်းမၢၼ်ႈမၢပ်ႇၼႄး ၵူၼ်းမိူင်းၸိူဝ်းပၢႆႈၽေးပၢင်တိုၵ်း ၼႂ်းၸႄႈဝဵင်းၼွင်ၶဵဝ် ဢွၵ်ႇၵႂႃႇယူႇဝႆႉဢွင်ႈတီႈ လွတ်ႈၽေးဝႆႉၵမ်ႈၽွင်ႈ ၼၼ်ႉဝႃႈ ပဵၼ်ၵူၼ်းၵမ်ႉထႅမ် သိုၵ်းတဢၢင်း TNLA ၊ သိုၵ်းထၼူႉ...

သိုၵ်းမၢၼ်ႈယိုတ်းမိူင်း ၽႅၼ်ၸတ်းၵၢၼ်သိုၵ်း တိုၵ်းတပ်ႉသိုၵ်းတဢၢင်း TNLA သေ ယိုတ်းၵုမ်းဢဝ်လႆႈၶိုၼ်း ဝဵင်းၼွင်ၶဵဝ်တင်းသဵင်ႈယဝ်ႉၼၼ်ႉ ယၢမ်းလဵဝ် သိုပ်ႇၸတ်းငႃးသိုၵ်း လုၵ်ႉတၢင်းလႅၼ်လိၼ် ဝဵင်းပၢင်ႇဢူႈလူင် - ၼွင်ၶဵဝ် ၶိုၼ်ႈၸွမ်းသဵၼ်ႈတၢင်း ၵႂႃႇဝဵင်းမိူင်းၵုတ်ႈၼၼ်ႉလႄႈ ႁဵတ်းႁႂ်ႈပဵၼ်ပၢင်တိုၵ်းၵၼ်တင်း သိုၵ်းတဢၢင်း TNLA လႄႈ PDF ၸိူဝ်းတူင်ႉၼိုင်ယူႇ ၼႂ်းထုင်ႉၸႄႈဝဵင်းမိူင်းၵုတ်ႈၼၼ်ႉ ၼႆယဝ်ႉ။ တႄႇၵၢင်လိူၼ်ၵျူႊလၢႆႊၼၼ်ႉမႃး သိုၵ်းမၢၼ်ႈ...

တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA လႆႈပွႆႇၽႃႈၶိုၼ်းတွင်းၶမ်း၊ ၼွင်ၶဵဝ်ၼႆႉ ဢၼ်လီလႆႈဢဝ်ပဵၼ်တွၼ်ႈသွၼ် မူၼ်ႉမႄးၵႂႃႇမီးယူႇသီႇႁႃႈၶေႃႈၼႆ လႆႈႁၼ် Legal Aid Network ႁဵတ်းလိၵ်ႈပိုၼ်ၽၢဝ်ႇဢွၵ်ႇမႃးမိူဝ်ႈဝၼ်းတီႈ 18 ၼၼ်ႉၼင်ႇၼႆ။   ပေႃးႁုပ်ႈတူၺ်းၶၢဝ်ႉၶၢဝ်ႉတႄႉ တေလႆႈဝႃႈ ပဵၼ်လွၵ်းလၢႆးမႂ်ႇ တႃႇလူပ်းၸိူင်းၵျေႃႇၵျေႃႇမူၼ်ႈမူၼ်ႈ ၼၼ်ႉယဝ်ႉ။ TNLA လႆႈပွႆႇပၼ်ၼွင်ၶဵဝ်ၼႆႉ ပဵၼ်ယွၼ်ႉလွင်ႈတၢင်းလူင်သီႇၶေႃႈ - 1) ၸုမ်းဢူၺ်းလီ ၼႂ်းၸၢဝ်းၶိူဝ်းလႄႈ...

ယၢမ်းလဵဝ် တီႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇၼႆႉ သိုၵ်းမၢၼ်ႈ ပိုၼ်ၽၢဝ်ႇ ၵုမ်းၵမ်လႆႈၶိုၼ်းယဝ်ႉသေတႃႉ ၵူၼ်းပၢႆႈၽေးသိုၵ်းၶဝ် ပႆႇႁတ်းပွၵ်ႈႁိူၼ်းယေးၵၼ် ယွၼ်ႉပႆႇမီးလွင်ႈႁူမ်ႇလူမ်ႈ။ ဝၼ်းတီႈ 18/07/2025 ၼႆႉ သိုၵ်းမၢၼ်ႈ ယိုတ်းမိူင်း ပိုၼ်ၽၢဝ်ႇ ၵုမ်းၵမ်လႆႈၶိုၼ်း ဝဵင်းၼွင်ၶဵဝ်ယဝ်ႉ ၵူၼ်းမိူင်းပိုၼ်ႉတီႈတႄႉ တိုၵ်ႉမႆႈၸႂ်လွင်ႈႁူမ်ႇလူမ်ႈယူႇလႄႈ ယွၼ်ႉၼၼ် တေႃႇထိုင်ယၢမ်းလဵဝ် ပႆႇႁတ်းပွၵ်ႈၶိုၼ်းႁိူၼ်းယေးၵၼ် တိုၵ်ႉၵိုတ်းထႅင်ႈတင်းၼမ် ၼႆယဝ်ႉ။ ၵူၼ်းပၢႆႈၽေးသိုၵ်း ဝဵင်းၼွင်ၶဵဝ်...

မိူဝ်ႈဝၼ်းတီႈ 16/07/2025 ယၢမ်းၵၢင်ဝၼ်း 12 မူင်း သိုၵ်းမၢၼ်ႈ ပိုၼ်ၽၢဝ်ႇဢွၵ်ႇဝႃႈ ယိုတ်းၵုမ်းဢဝ်လႆႈ ၸႄႈဝဵင်းၼွင်ၶဵဝ်ၶိုၼ်းတင်းသဵင်ႈ ၼႂ်းမိုဝ်းတပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA ယဝ်ႉ ဝႃႈၼႆ။ တႄႇႁၢင်လိူၼ်ၵျုၼ်ႊမႃး သိုၵ်းတဢၢင်းတင်း သိုၵ်းမၢၼ်ႈ ပဵၼ်ပၢင်တိုၵ်းၵၼ်မႃးၶိုၼ်းႁၢဝ်ႈႁႅင်း ၼႂ်းၸႄႈ ဝဵင်းၼွင်ၶဵဝ်သေ ပိူဝ်ႈတႃႇသိုၵ်းမၢၼ်ႈ တေယိုတ်းၵုမ်းဢဝ်လႆႈ ၶဝ်ႈထိုင် ၶိုၼ်း ၼႂ်းဝဵင်းၼွင်ၶဵဝ်ၼႆႉ ၾၢႆႇသိုၵ်းမၢၼ်ႈ...

သိုၵ်းမၢၼ်ႈ တင်း သိုၵ်းတဢၢင်း တိုၵ်ႉသိုပ်ႇပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းၸႄႈဝဵင်းၼွင်ၶဵဝ်  ၾၢႆႇသိုၵ်းမၢၼ်ႈထႅမ်ႁႅင်းသိုၵ်းၶဝ်ႈယူႇတင်းၼမ် ၵူၺ်းၵႃႈသိုၵ်းတဢၢင်းတိုၵ်ႉၵုမ်းဝႆႉပႆႇထွႆပၼ်။ ယၢမ်းလဵဝ် သိုၵ်းမၢၼ်ႈ လုၵ်ႉတၢင်းဝၢၼ်ႈတွင်းၶမ်း ၸႂ်ႉႁိူဝ်းမိၼ်၊ ၶိူင်ႈတရူၼ်ႊ၊ ၶိူင်ႈၵွင်ႈလူင် ပႃးၸဵမ်ႁႅင်း သိုၵ်းတပ်ႉပႆလိၼ် ၼပ်ႉႁူဝ်ႁဵင် ႁႅၼ်းသိုၵ်းၽိုတ်ႉၶဝ်ႈမႃးႁိမ်းတၢင်းၶဝ်ႈဝဵင်းၼွင်ၶဵဝ်  ပဵၼ်ပၢင်တိုၵ်းၵၼ် တင်း သိုၵ်းတဢၢင်း TNLA ႁၢဝ်ႈႁႅင်းၼႆ  လူၺ်းယေႇဢူး ၽူႈၶၢၼ်ပၢၵ်ႇ သိုၵ်းတဢၢင်း...

သိုၵ်းမၢၼ်ႈတင်း သိုၵ်းတဢၢင်း (TNLA) ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼိူဝ်သဵၼ်ႈတၢင်းလူင်ၵၢၼ်ၵႃႉၶၢႆ မိူင်းမၢၼ်ႈ - မိူင်းၶႄႇ သဵၼ်ႈတၢင်းဝဵင်းၼွင်ၶဵဝ် - ဝဵင်းၵျွၵ်ႉမႄးသေ ႁႅင်းတပ်ႉပႆလိၼ်သိုၵ်းမၢၼ်ႈ ၶဝ်ႈၽႅဝ်ထိုင်လႆႈတီႈပၢႆႉတၢင်းၶဝ်ႈဝဵင်းၼွင်ၶဵဝ် ယၢၼ်ၵႆၵၼ်တင်းဝဵင်းၼွင်ၶဵဝ်မွၵ်ႈ 3 လၵ်းယဝ်ႉ ဝႃႈၼႆ။ သိုၵ်းမၢၼ်ႈၸတ်းငႃးသိုၵ်း 3 ငႃး၊ ၸႂ်ႉႁႅင်းတပ်ႉပႆလိၼ် တပ်ႉမ 11 (အင်းတိုင်) ၊...

ၽွင်းတပ်ႉသိုၵ်းမၢၼ်ႈ လုမ်ႈတိုၵ်းတွင်းၶမ်းယူႇၼၼ်ႉ လူၺ်းယေႇဢူး ၽူႈၶၢၼ်ပၢၵ်ႇ TNLA တွပ်ႇလၢတ်ႈတီႈသိုဝ်ႇၶၢဝ်ႇၵႂႃႇ “ၼွင်ၶဵဝ်ၼႆႉ ႁဵတ်းႁိုဝ်ၵေႃႈ တေဢမ်ႇႁႂ်ႈလႆႈပွႆႇပၼ် ၶိုၼ်းၼႂ်းမိုဝ်း SAC” ဝႃႈၼႆ။ မိူဝ်ႈလဵဝ် ႁိုင်ၵႂႃႇထႅင်ႈဝူင်ႈ ႞ ယဝ်ႉသေ ငဝ်းလၢႆးၵေႃႈ လႅၵ်ႈလၢႆႈမႃးတင်းၼမ်၊ ၾၢႆႇတပ်ႉသိုၵ်းမၢၼ်ႈၼႆႉ ၵွႆႈယူႇၵွႆႈၽိုတ်ႉၸမ်ၶွပ်ႇဝဵင်းမႃးတိၵ်းတိၵ်းလႄႈ ၵူၼ်းမိူင်းၵေႃႈ လႆႈဢွၼ်ငိူင်ႉဝႄႈ ၶၢႆႉယၢင်ႇပၢႆႈဢွၵ်ႇ ဝဵင်းယူႇဢမ်ႇထၢတ်ႇ။ ၼွၵ်ႈလိူဝ်...