ၶူဝ်ၼႂ်းႁူၺ်ႈၵိုတ်ႈ ၼိူဝ်သဵၼ်ႈတၢင်းလူင်ၵၢၼ်ၵႃႉၶၢႆ မိူင်းမၢၼ်ႈ- မိူင်းၶႄႇ ၵႄႈၵၢင် ဝဵင်းၼွင်ၶဵဝ် - ဝဵင်းၵျွၵ်ႉမႄး ဢၼ်လူႉၵွႆၵႂႃႇၽွင်းပၢင်တိုၵ်း သိုၵ်းမၢၼ်ႈ တင်း သိုၵ်းတဢၢင်း (TNLA) ယိုဝ်းၵၼ် ၼႂ်းမိူင်းတႆးပွတ်းႁွင်ႇၼၼ်ႉ ၾၢႆႇသိုၵ်းမၢၼ်ႈမူၼ်ႉမႄး ႁဵတ်းသၢင်ႈမႂ်ႇၶိုၼ်းသေ ယဝ်ႉတူဝ်ႈလီငၢမ်းၵႂႃႇ ၼႂ်းႁူဝ်လိူၼ်ၾႅပ်ႉပိဝ်ႊရီႇၼႆႉ ၼႆယဝ်ႉ။ မိူဝ်ႈၼႆႉဝၼ်းတီႈ 12/2/2026 တႄႇယၢမ်းၵၢင်ၼႂ် 9 မူင်း...

ၽူႈၼမ်းပႃႇတီႇၸုမ်းသိုၵ်းၵဝ်ႈၵၢင်ႉ (MNTJP/MNDAA) ၵႂႃႇႁူပ်ႉထူပ်းၵၼ်တင်း ၽူႈၼမ်းပႃႇတီႇ ၸုမ်းသိုၵ်းဝႃႉ(UWSA/UWSP) တီႈငဝ်ႈငုၼ်းတပ်ႉသိုၵ်းဝႃႉ ဝဵင်းပၢင်သၢင်း ၼႆ ယဝ်ႉ။ ၵၢၼ်ႁူပ်ႉထူပ်းၵၼ်ၼႆႉ ၽူႈမီးပုၼ်ႈၽွၼ်းၶဝ် ဢမ်ႇပိုၼ်ၽၢဝ်ႇဢွၵ်ႇပဵၼ်တၢင်းၵၢၼ်ဝႆႉဝႃႈ ၸုမ်းပႃႇတီႇ လႄႈ ၽူႈၼမ်းသိုၵ်းတင်းသွင်ၸုမ်း ႁူပ်ႉထူပ်းဢုပ်ႇဢူဝ်းၵၼ်လွင်ႈသင် လႄႈ ဝၼ်းလႂ်တေႉတေႉၼႆသေတႃႉ သိုဝ်ႇၶၢဝ်ႇဝႃႉ WSTV တႄႉ ပိုၼ်ၽၢဝ်ႇဢွၵ်ႇၶၢဝ်ႇဝႆႉ မိူဝ်ႈဝၼ်းတီႈ 8...

ၵူၼ်းမိူင်း 9 ၵေႃႉ ၼႂ်းဢိူင်ႇဝၢၼ်ႈၸေႈ ၸိူဝ်းသိုၵ်းၵဝ်ႈၵၢင်ႉ တီႉၺွပ်းၵႂႃႇၶင်ၶွၵ်ႈဝႆႉသေ ၺႃးပေႃႉထုပ်ႉၼၼ်ႉ ထိုင်ဝၼ်းမိူဝ်ႈၼႆႉ 6/2/2026 ႁိုင်ၶၢဝ်းတၢင်း 5 ဝၼ်းယဝ်ႉၵေႃႈ သိုၵ်း ၵဝ်ႈၵၢင်ႉပႆႇပွႆႇပွၵ်ႈႁိူၼ်းၶိုၼ်းလႄႈ ၸုမ်းၵူၼ်းၼုမ်ႇ ၸိူဝ်းတူင်ႉၼိုင် တႃႇတူင်ႇဝူင်းတႆး 11 ၸုမ်းႁူမ်ႈၵၼ် ႁဵတ်းၽိုၼ်လိၵ်ႈဢွၵ်ႇ သၢၼ်ၶတ်း လွင်ႈႁဵတ်း သၢင်ႈၸုမ်းသိုၵ်းၵဝ်ႈၵၢင်ႉ MNDAA...

သိုၵ်းမၢၼ်ႈယိုတ်းမိူင်းပိုၼ်ၽၢဝ်ႇဢွၵ်ႇဝႃႈ တီႉၺွပ်းလႆ ၵူၼ်း လႄႈ ၶိူင်ႈၸႂ်ႉတိုဝ်း ၼႂ်းၵၢၼ်လွၵ်ႇလႅၼ်ၵိၼ်ငိုၼ်းတင်းဢွၼ်ႊလၢႆး (ၵျႃႊၽျႅၼ်ႉ) 300 ၵေႃႉပၢႆ တီႈႁိမ်းဝၢၼ်ႈႁၢႆးပူႉ ၸႄႈဝဵင်းမိူင်းယႆ မိူင်းတႆးပွတ်းႁွင်ႇ ၼႆယဝ်ႉ။ မိူဝ်ႈဝၼ်းတီႈ 3 ယၢမ်းၵၢင်ၼႂ် လိူၼ်ၾႅပ်ႉပိဝ်ႊရီႇ သိုၵ်းမၢၼ်ႈ တင်း သိုၵ်းဝႃႉ ႁူမ်ႈၵၼ်ၵႂႃႇၶဝ်ႈသွၵ်ႈ ၼႂ်းသုမ်ႉၽႃႈယၢင် ဢၼ်သၢင်ႈဝႆႉၾၢႆႇၸၢၼ်းဝဵင်းမိူင်းယႆ ႁိမ်းဝၢၼ်ႈႁၢႆးပူႉၼၼ်ႉ တီႉလႆႈၵူၼ်းၸၢဝ်း...

ဢိင်ၼိူဝ်ပၼ်ႁႃၵၢၼ်ၶုတ်းၶမ်းတီႈဢိူင်ႇဝၢၼ်ႈၸေႈ ၸႄႈတွၼ်ႈလႃႈသဵဝ်ႈသေ သိုၵ်းၵဝ်ႈၵၢင်ႉ (MNDAA) ၸိူဝ်းတူင်ႉၼိုင်ယူႇၼႂ်းထုင်ႉၼမ်ႉပွင်ႈ ပႃးၵွင်ႈၵၢင်ႉတဵၵ်းႁွင်ႉၵူၼ်းမိူင်းဝၢၼ်ႈၸေႈ သႅၼ်းၼုမ်ႇၸၢႆး ဢႃႇယု 20 ပၢႆ ထိုင် 40 ပီပၢႆ ၶိုၼ်ႈၵႃးႁွင်ႉၵႂႃႇၵႄႈလိတ်ႈပၼ်ႁႃၵၼ်တီႈပၢင်သဝ်း တပ်ႉသိုၵ်းၵဝ်ႈၵၢင်ႉ ဢၼ်ပၵ်းဝႆႉယူႇတၢင်းၸႄႈဝဵင်းသႅၼ်ဝီ ၼႆယဝ်ႉ။ လွင်ႈၼႆႉ ၽူႈယႂ်ႇၵူၼ်းလူင်ၵေႃႇမတီႇဝၢၼ်ႈဢိူင်ႇ ၼႂ်းပိုၼ်ႉတီႈဢွၼ်ႁူမ်ႈၵၼ်ၵႂႃႇၸွႆႈလၢတ်ႈလႄႈ ၵူၼ်းမိူင်း ၸိူဝ်းၺႃးတီႉၺွပ်းၵႂႃႇ တႃႇ 27 ၵေႃႉလႆႈဢွၵ်ႇမႃးၶိုၼ်းသေတႃႉ...

သိုၵ်းၵဝ်ႈၵၢင်ႉ MNDAA ၸိူဝ်းတူင်ႉၼိုင်ယူႇသဝ်း ၵုမ်းၵမ်ပၼ်ႇၵၢၼ်ၽွင်းငမ်းဝႆႉ ၼႂ်းထုင်ႉၼမ်ႉပွင်ႈ ၸႄႈဝဵင်းလႃႈသဵဝ်ႈ ပႃးၵွင်ႈၵၢင်ႇၸေးမိုဝ်းသေ တဵၵ်းႁွင်ႉဢဝ်ၵူၼ်းမိူင်း ၸိူဝ်းယူႇၼႂ်းဝၢၼ်ႈၸေႈ 36 ၵေႃႉ ယွၼ်ႉပိူဝ်ႈဢွၵ်ႇမႃး ၼႄၵၢင်ၸႂ် သၢၼ်ၶတ်းလွင်ႈသိုၵ်းၵဝ်ႈၵၢင်ႉၶုတ်းၶမ်း။ ႁွင်ႉၵႂႃႇလႆႈ4-5 ဝၼ်းယဝ်ႉတေႃႇထိုင်ဝၼ်းမိူဝ်ႈၼႆႉ ပႆႇပွႆႇၵူၼ်းဝၢၼ်ႈမႃး ၶိုၼ်း တင်းမူတ်း တိုၵ်ႉၵိုတ်းယူႇ 9 ၵေႃႉ ။ တႄႇၵၢင်လိူၼ်ၵျႅၼ်ႊၼိဝ်ႊရီႇ ပီ...

ဝၼ်းတီႈ 1/2/2026 ယၢမ်းၵၢင်ဝၼ်း ၵူၼ်းၸူၼ်ၶဝ်ႈႁိူၼ်းၸၢင်ႈၶမ်းလင်ၼိုင်ႈ တီႈပွၵ်ႉ 4 ၼႂ်းဝဵင်းလႃႈသဵဝ်ႈ မိူင်းတႆးပွတ်းႁွင်ႇ ၊ ပႃးၵႂႃႇၶမ်း မွၵ်ႈ 5 ၸွႆႉ လႄႈ တူဝ်ငိုၼ်း မွၵ်ႈ 1000 သႅၼ်ပျႃး ဝႃႈၼႆ။ ႁိူၼ်းၸၢင်ႈၶမ်းဢၼ်ၺႃးၸူၼ်ၶဝ်ႈၼႆႉ မီးၾၢႆႇလင် ၵျွင်းမုၼ်ၸဝ်ႈမႁႃႇပေႃးၻႃႉယူင်ႇ ဢၼ် သင်ၶၸဝ်ႈၺႃးၶႃႈႁႅမ်တၢႆၵႂႃႇ ၼႂ်းဝူင်ႈပူၼ်ႉ...

သိုၵ်းၵဝ်ႈၵၢင်ႉ ဝဵင်းသႅၼ်ဝီ မိူင်းတႆးပွတ်းႁွင်ႇ ႁွင်ႉဢဝ်ပေႃႈလဵင်ႉ ၸဝ်ႈငိုၼ်းသႃး ၸၢဝ်းၶႄႇ ၶဝ်ႈမႃးႁဵတ်းၵၢၼ်ပၢႆးမၢၵ်ႈမီးၼႂ်းၸႄႈဝဵင်းသႅၼ်ဝီသေ ၸႂ်ႉဢႃႇၼႃႇသိုၵ်း တဵၵ်းယိုတ်း ဢဝ်တီႈလိၼ်ၵူၼ်းဝၢၼ်ႈၵူၼ်းသူၼ် ပိူဝ်ႈတႃႇပၼ် ပေႃႈလဵင်ႉလၢဝ်းပၢၼ်းၶႄႇၶဝ် ႁဵတ်းသူၼ်ၽုၵ်ႇသွမ်ႈၵူၺ်ႈ (တစ်သျှူးဌက်ပျော) ဝႃႈၼႆ။ ၼႂ်းႁူဝ်ပီ 2026 ၵၢင်လိူၼ်ၵျႅၼ်ႊၼိဝ်ႊရီႇၼႆႉ သိုၵ်းၶႄႇၵဝ်ႈၵၢင်ႉ လႄႈ လၢဝ်းပၢၼ်းၶႄႇၶဝ် ဢဝ်ၶိူင်ႈၸၢၵ်ႈ ဢၼ်ၸႂ်ႉတိုဝ်းၼႂ်းၵၢၼ်တီႇၽဵဝ်ႈပႃႇထိူၼ်ႇ၊ သူၼ်ႁႆႈၼႃး မႃးထုၺ်လိၼ်...

ၵူၼ်းၵေႃႉၶႃႈႁႅမ်သင်ႇၶၸဝ်ႈတူၼ်ၼိုင်ႈ တီႈၵျွင်းမႁႃပေႃးၻႃႉယူင်ႇ ဢၼ်မီးတီႈ ပွၵ်ႈ 4 ဝဵင်းလႃႈသဵဝ်ႈ မိူင်းတႆးပွတ်းႁွင်ႇ လူႉလွၼ်ႇၵႂႃႇၼၼ်ႉ ပဵၼ်ၵူၼ်းၸၢႆးၼုမ်ႇ သႅၼ်းႁုၼ်ႈမႂ်ႇဢႃႇယု ပႆႇတဵမ် 20 ပီ ၼႆယဝ်ႉ။ ၵူၼ်းၸၢႆးၼုမ်ႇၵေႃႉႁဵတ်းၽိတ်းပၵ်းပိူင်သေ ၶႃႈႁႅမ်မုၼ်ၸဝ်ႈလွၼ်ႇၵႂႃႇၼၼ်ႉ ပဵၼ်ၸၢဝ်းၶိူဝ်းၶႄႇ ယူႇပွၵ်ႉ 5 ဝဵင်းလႃႈသဵဝ်ႈ တိုၵ်ႉပဵၼ်ၽွင်းၶိုၼ်ႈႁူင်းႁဵၼ်းသေ ထိုင်ဝႆႉၸၼ်ႉ 7 တီႈႁူင်းႁဵၼ်းလင်ၼိုင်ႈ ၼႂ်းပွၵ်ႉ...

ၼႂ်းပီ 2026 လိူၼ်ၵျႅၼ်ႊၼိဝ်ႊၼႆႉ ၶႃႈႁၢပ်ႇၵၢၼ်ၶုၼ် ၼႂ်းႁွင်ႈၵၢၼ်ၾၢႆႇလိူမ်ႈလႆႇ (စည်ပင်) တႂ်ႈ ဢႃႇၼႃႇသိုၵ်းမၢၼ်ႈတီႈဝဵင်းလႃႈသဵဝ်ႈ တဵၵ်းယွၼ်းငိုၼ်း ၵဵပ်းၶွၼ်ႇၵႃႈၵိုတ်းရူတ်ႉ ၶိူင်ႈရူတ်ႉၵႃး ၸွမ်းသဵၼ်ႈတၢင်း လႄႈ ၸွမ်းၵၢတ်ႇ၊ ၸွမ်းၼႃႈႁၢၼ်ႉၶၢႆၵုၼ်ႇယွႆႈၵူႈသႅၼ်းသႅၼ်း ႁၢဝ်ႈႁႅင်းမႃးၵူႈမိုဝ်ႉၵူႈဝၼ်း ၼႆယဝ်ႉ။ ၵႃႈၵိုတ်းရူတ်ႉၶိူင်ႈ၊ ၵႃႈၵိုတ်းၵႃးၵူႈသႅၼ်းသႅၼ်းၼႆႉ ႁွင်ႈၵၢၼ်ၾၢႆႇလိူမ်ႈလႆႇ ၵဵပ်း ၼိုင်ႈလမ်းလႂ် ၼိုင်ႈပွၵ်ႈ...

ပၢင်လိူၵ်ႈတင်ႈပွၵ်ႈၵမ်းသၢမ် ဝၼ်းလိုၼ်းသုတ်း ဢၼ်သိုၵ်းမၢၼ်ႈၸတ်းႁဵတ်း မိူဝ်ႈၼႆႉ 25/1/2026 တီႈၸႄႈဝဵင်းၵျွၵ်ႉမႄး တင်း ၸႄႈဝဵင်းသီႇပေႃႉၼႆႉ ပႃႇတီႇသိူဝ်ၽိူၵ်ႇ (SNDP) လႆႈၶႅပ်းၵၢင်ၸႂ် ၼမ်လိူဝ်ပိူၼ်ႈသုတ်းဝႆႉတီႈၼင်ႈ သၽႃးၵူၼ်းမိူင်း တီႈလဵဝ် ၼႆယဝ်ႉ။ ၼၢင်းယိင်းဢႃႇယု 30 ပီပၢႆ ၵေႃႉတူင်ႉၼိုင်ၸွႆႈထႅမ် ပႃႇတီႇသိူဝ်ၽိူၵ်ႇ SNDP တၢင်းမိူင်းတႆးပွတ်းႁွင်ႇ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ “...

ဝၢႆးလင်ပၢင်လိူၵ်ႈတင်ႈ ဝဵင်းလႃႈသဵဝ်ႈမႃးၼႆႉ သိုၵ်းမၢၼ်ႈၶိုင်ပွင်ၵဵပ်းၵူၼ်းသိုၵ်းမႂ်ႇဢမ်ႇထၢတ်ႇ ၵူၼ်းမိူင်းၼႂ်းပိုၼ်ႉတီႈ ဝူၼ်ႉၵႂင်။ တႄႇမိူဝ်ႈဝၼ်းတီႈ 21/1/2026 မႃးသိုၵ်းမၢၼ်ႈ လႄႈ ၶႃႈႁၢပ်ႇၵၢၼ်ၶုၼ် ၾၢႆႇၽွင်းငမ်း ၸိူဝ်းမီးယူႇ ၼႂ်းဝဵင်းလႃႈသဵဝ်ႈ လူင်းၵဵပ်း၊ လူင်းၵူတ်ႇထတ်း သဵၼ်ႈမၢႆႁူဝ်ၼပ်ႉၵူၼ်း ႁႂ်ႈတႅတ်ႈတေႃးထႅင်ႈၵမ်းၼိုင်ႈယူႇ လႆႈႁူႉၼင်ႇၼႆ။ ဢိင်ၼိူဝ်ပၵ်းပိူင်ၾိင်ႈမိူင်းတႃႇႁၢပ်ႇၵၢၼ်သိုၵ်း ဢၼ်သိုၵ်းမၢၼ်ႈယိုတ်းမိူင်းတႄႇၸႂ်ႉတိုဝ်းမႃး မိူဝ်ႈလိူၼ်ၵျႅၼ်ႊၼိဝ်ႊရီႊ ပီ 2024 ၼၼ်ႉသေ ယၢမ်းလဵဝ် သိုၵ်းမၢၼ်ႈ...

ၵွၼ်ႇၼႃႈတေထိုင်ဝၼ်းပၢင်လိူၵ်ႈတင်ႈ မိူဝ်ႈၽုၵ်ႈဝၼ်းတီႈ 25 လိူၼ်ၵျႅၼ်ႊၼိဝ်ႊရီႇၼႆႉ ပႃႇတီႇသၢင်ႇသီႈ ႁွင်ႉဢဝ်ပႃးၶႃႈႁၢပ်ႇၵၢၼ်ၶုၼ် ၾၢႆႇႁွင်ႈၵၢၼ်ၽွင်းငမ်း တႂ်ႈဢႃႇၼႃႇသိုၵ်းမၢၼ်ႈယိုတ်းမိူင်း လႄႈ ၸုမ်းၶွမ်ႊ မသျိၼ်ႊ ၵမ်ၵၢၼ်ပၢင်လိူၵ်ႈတင်ႈၶဝ် လူင်းႁဵတ်းၵၢၼ်သူၼ်းတုမ်ၸွမ်း ၼႆယဝ်ႉ။ တႄႇၵၢင်လိူၼ်ၵျႅၼ်ႊၼိဝ်ႊရီႇ ဝၢႆးပၢင်လိူၵ်ႈတင်ႈပွၵ်ႈၵမ်းသွင်ယဝ်ႉတူဝ်ႈၵႂႃႇၼၼ်ႉ ၸုမ်းပႃႇတီႇၵၢၼ်မိူင်း ၸိူဝ်းတေၶဝ်ႈပၢင်လိူၵ်ႈတင်ႈ ဢွၼ်ၵၼ်လူင်းႁဵတ်းၵၢၼ်သူၼ်းတုမ် ၼႂ်းၸႄႈဝဵင်းဢၼ်ပႃးၼႂ်းပွၵ်ႈၵမ်းသၢမ်။ တီႈၸႄႈဝဵင်းသီႇပေႃႉ ထုင်ႉၼမ်ႉလၼ်ႈၵေႃႈ ပႃႇတီႇသၢင်ႇသီႈလူင်းသူၼ်းတုမ် လႄႈ ၸတ်းပၢင်ၼႄလၢႆးၸႂ်ႉ ၶိူင်ႈၸၢၵ်ႈပၼ်သဵင်ယူႇသေတႃႉ...

တႄႇႁူဝ်ပီ 2026 ၼႆႉမႃး သိုၵ်းမၢၼ်ႈၸိူဝ်းပႂ်ႉၸွမ်းၵဵတ်ႉလၢၼ်ႇ ၼိူဝ်သဵၼ်ႈတၢင်း ၸႄႈဝဵင်းၵျွၵ်ႉမႄး ယွၼ်းငိုၼ်းၵူၼ်းမိူင်းၸိူဝ်းမႃးသိုဝ်ႉၶူဝ်းၵုၼ်ႇ ၼႂ်းဝဵင်းၵျွၵ်ႉမႄးသေ မိူဝ်းတၢင်းဝၢၼ်ႈၼၼ်ႉ ၼမ်ႁႅင်း မႃးလိူဝ်ၵဝ်ႇတေႉတေႉဝႃႈဝႃႈ ၼႆယဝ်ႉ။ ပဵၼ်ၶိင်ႇၶၢဝ်းၵူၼ်းမိူင်းဢဝ်မၢၵ်ႇၶဝ်ႈတဝ်ႈၼမ်ႉ ဢွၵ်ႇယဝ်ႉလႄႈ ၵူၼ်းဝၢၼ်ႈၸိူဝ်းယူႇသဝ်းၸွမ်းထုင်ႉဝၢၼ်ႈ ၼွင်ပိင်ဢွၼ်ႇ ဢွၼ်ၵၼ်တေႃႉဢဝ်ၶဝ်ႈၵၢပ်ႇမႃးၶၢႆၼႂ်းဝဵင်းသေ ၶိုၼ်းသိုဝ်ႉၶူဝ်းၵုၼ်ႇၵိၼ်ယႅမ်ႉ မိူဝ်းတၢင်းဝၢၼ်ႈ ၸွမ်းတၢင်းၺႃးသိုၵ်းမၢၼ်ႈၸိူဝ်းယူႇပႂ်ႉတီႈၵဵတ်ႉလၢၼ်ႇ ၼိူဝ်သဵၼ်ႈတၢင်းၵႂႃႇမႃး မိပ်ႇငႅၼ်းယွၼ်းၶွၼ်ႇၼမ်ႁႅင်း ၵူၼ်းမိူင်းႁူပ်ႉတၢင်းယၢပ်ႇလွင်ႈၵႂႃႇမႃးယူႇ ၼႆယဝ်ႉ။ ၼၢင်းယိင်းဢႃႇယု 40...

မိူဝ်ႈၵၢင်လိူၼ်ၵျႅၼ်ႊၼိဝ်ႊရီႊၼႆႉ သိုၵ်းၵဝ်ႈၵၢင်ႉ (MNDAA) ၸိူဝ်းတူင်ႉၼိုင် ပၼ်ႇၵၢၼ်ၽွင်းငမ်းယူႇ ၼႂ်းၸႄႈဝဵင်းသႅၼ်ဝီ ပိုၼ်ၽၢဝ်ႇ ႁႂ်ႈၵူၼ်းမိူင်းၵိုတ်း ၵၢၼ်ၶၢႆၼိူဝ်ႉ၊ ၶၢႆပႃ ႁိုင် ၶၢဝ်းတၢင်း ၼိုင်ႈဝူင်ႈ တႃႇ 7 ဝၼ်း ၼႆယဝ်ႉ။ ႁႂ်ႈပဵၼ်ၵၢၼ်ယိူင်းၸူးၵူၼ်းသိုၵ်းၸိူဝ်းလူႉတၢႆၵႂႃႇ ၽွင်းၶဝ်ႈပၢင်တိုၵ်းၽႅၼ်ၵၢၼ်ယၼ်ႇသိုၵ်း 1027 ၼၼ်ႉသေ ၸင်ႇဢွၵ်ႇၶေႃႈပူင် ၸီႉသင်ႇ...