ၼႂ်းလိူၼ်တီႊသႅမ်ႊပိူဝ်ႊၼႆႉ သိုၵ်းမၢၼ်ႈယိုတ်းမိူင်း လွၵ်ႇငိုတ်ႈတေႃႇၵူၼ်းမိူင်း ၸိူဝ်းယူႇၼႂ်းပိုၼ်ႉတီႈ ၸႄႈဝဵင်းတၢင်ႉယၢၼ်း၊ ၸႄႈဝဵင်းမူႇၸေႊ ႁႂ်ႈၵႂႃႇပၼ်သဵင်ၵၢင်ၸႂ် ၼႂ်းဝၼ်း ပၢင်လိူၵ်ႈတင်ႈ ၼႆယဝ်ႉ။ ပၢင်လိူၵ်ႈတင်ႈဢၼ်သိုၵ်းမၢၼ်ႈတေၼမ်းၸတ်းၼႆႉ ၵူၼ်းမိူင်းၸိူဝ်းယူႇၼႂ်းမိူင်းတႆး ဢမ်ႇသူၼ်ၸႂ်။ ၶႃႈႁၢပ်ႇၵၢၼ်ၶုၼ်တႂ်ႈသိုၵ်းမၢၼ်ႈယိုတ်းမိူင်း ႁဵတ်းၽိုၼ်ၸေႈဢွၵ်ႇသေ ၵႂႃႇ တိတ်းဝႆႉသဵၼ်ႈၸိုဝ်ႈ ၵူၼ်းၸိူဝ်းတေလႆႈၵႂႃႇပၼ်သဵင် (တွတ်ႈမႄး) ယူႇသေတႃႉ ဢမ်ႇမီးၽႂ်ၵႂႃႇတူၺ်း။ ၸၢႆးဢွင်ႇ...

မိူဝ်ႈဝႃး ဝၼ်းတီႈ 23/12/2025 ယၢမ်းၵၢင်ၶမ်ႈမွၵ်ႈ 8 မူင်း ၾႆးမႆႈ တီႈၵဵပ်းၼမ်ႉမၼ်းၸၢၵ်ႈ (ၵူဝ်ႇတွင်ႇ) ၶွင် ၸုမ်းသိုၵ်းတဢၢင်း (TNLA) တီႈပွၵ်ႉသႃႇယႃႇၵုင်း (သာယာကုန်း) ၸႄႈ ဝဵင်းၼမ်ႉၶမ်း မိူင်းတႆးပွတ်းႁွင်ႇ။ ဢွင်ႈတီႈၾႆးမႆႈၼၼ်ႉ ပဵၼ်တီႈၶင်ၼမ်ႉမၼ်းၸၢၵ်ႈ ၵူႈသႅၼ်းသႅၼ်းၵူၺ်းဢမ်ႇၵႃး ၼႂ်းဝၢင်းဢၼ်ၾႆးမႆႈ ၼၼ်ႉ မီးပႃးၼမ်ႉဢႅတ်ႉသိတ်ႉလႄႈ ႁဵတ်းႁႂ်ႈၾႆးလုၵ်ႉမႆႈၵႂႃႇႁၢဝ်ႈႁႅင်း ႁိုင်မွၵ်ႈ...

မိူဝ်ႈၼႆႉ ဝၼ်းတီႈ 17 လိူၼ်တီႊသႅမ်ႊပိူဝ်ႊ ယၢမ်းၵၢင်ဝၼ်း 1 မူင်းၶိုင်ႈ ၾႆးမႆႈႁၢၼ်ႉၶၢႆၼမ်ႉမၼ်းၸၢၵ်ႈ သဵင်ႇၼၵႃး (စိန်နဂါး) ဢၼ်မီးတီႈႁူဝ်ဝဵင်း ႁိမ်းၼွင်မူဝ် ၸႄႈဝဵင်းသႅၼ်ဝီ ၼိူဝ်သဵၼ်ႈတၢင်းလူင်ၵၢၼ်ၵႃႉၶၢႆ လႃႈသဵဝ်ႈ- မူႇၸေႊ- ၶျိၼ်ႊသူၺ်ႇႁေႃႇ မိူင်းတႆးပွတ်းႁွင်ႇ။ ၾႆးၵိုင်ႉၵၢင်ႉလုၵ်ႉမႆႈ ႁၢၼ်ႉၶၢႆၼမ်းမၼ်းၸၢၵ်ႈ ႁႅင်းၼႃႇလႄႈ တေႃႇထိုင်ယၢမ်းလဵဝ် ၵေႃႈ ၶႄၾႆးပႆႇမွတ်ႇလႆႈမူတ်းၼႆ ၼၢင်းယိင်းဢႃႇယု...

ႁၢင်လိူၼ်ၼူဝ်ႊဝႅမ်ႊပိူဝ်ႊမႃးၼႆႉ သိုၵ်းၵဝ်ႈၵၢင်ႉ MNDAA ႁွင်ႉဢဝ်ၵူၼ်းမိူင်းၼႂ်းပိုၼ်ႉတီႈ ၸိူဝ်းမီးယူႇ ၼႂ်းၸႄႈဝဵင်းသႅၼ်ဝီ မိူင်းတႆးပွတ်းႁွင်ႇ ၵႂႃႇႁဵတ်းမၢႆၾၢင် လႄႈ ဝႂ်မုင်ႉႁေႃ ႁိူၼ်း တီႈလုမ်း (လဝၵ)၊ ၵူၼ်းမိူင်းလႆႈပၼ်ၵႃႈႁဵတ်း ၼိုင်ႈၵေႃႉလႂ် 20,000 ပျႃးပၢႆ ။ တႃႇႁဵတ်းမၢႆၾၢင် လႄႈ ဝႂ်မုင်ႉႁေႃႁိူၼ်းၼႆႉ ၾၢႆႇၸဝ်ႈၼႃႈတီႈၼႂ်းၸုမ်းသိုၵ်းၵဝ်ႈၵၢင်ႉၶဝ် ႁပ်ႉႁဵတ်းပၼ် ၼိုင်ႈဝၼ်းလႂ် 200...

ၼႂ်းၵၢင်လိူၼ်ၼူဝ်ႊဝႅမ်ႊပိူဝ်ႊၼႆႉ သိုၵ်းမၢၼ်ႈ တင်း သိုၵ်းၵဝ်ႈၵၢင်ႉ ဢမ်ႇပွင်ႇၶၢဝ်ႇပၼ်ၵူၼ်းမိူင်းသင်သေ ၵိုင်ႉၵၢင်ႉဢိုတ်း ၶူဝ်လူင်တီႈဝဵင်းသီႇပေႃႉ၊ သိုပ်ႇတင်ႈၵဵတ်ႉလၢၼ်ႇထႅမ်ႁႅင်းသိုၵ်းၶိုၼ်ႈမိူင်းတႆးပွတ်းႁွင်ႇ ။ ၶူဝ်လူင်တီႈဝဵင်းသီႇပေႃႉ လႄႈ သဵၼ်ႈတၢင်းၵႂႃႇမႃး ဝဵင်းလိူဝ်ႇ- လႃႈသဵဝ်ႈၼႆႉ သိုၵ်းတင်းသွင်ၾၢႆႇဢိုတ်းဝႆႉ ၵူႈသဵၼ်ႈ၊ တင်ႈၵဵတ်ႉလၢၼ်ႇၽိူမ်ႉဝႆႉၵူႈၸွၵ်ႉ ၼွၵ်ႈလိူဝ်ၵူၼ်းၼႂ်းပိုၼ်ႉတီႈ ဢမ်ႇပၼ်ရူတ်ႉၵႃးတင်းၼွၵ်ႈ လတ်းၽၢၼ်ႇၵႂႃႇမႃးၼႆ ၸၢႆးဢွင်ႇ ၵူၼ်းမိူင်းၵေႃႉယူႇဝႆႉၼႂ်းထုင်ႉၼမ်ႉလၼ်ႈ လၢတ်ႈၼႄတီႈၽူႈတွႆႇႁွၵ်ႈ ၼင်ႇၼႆ။ “တေႃႇထိုင်မိူဝ်ႈၼႆႉ (18/11/2025)...

ႁူဝ်လိူၼ်ၼူဝ်ႊဝႅမ်ႊပိူဝ်ႊၼႆႉ ၼၢင်းယေႈၶမ်း (ႁွင်ႉ) JK Sophia သၢဝ်ၼမ်ႉၶမ်း ၵေႃႉလႆႈႁပ်ႉၸုမ်ႈၼၢင်းငၢမ်း မိူင်းႁူမ်ႈတုမ် (Miss Grand Myanmar 2025) ဢၼ်ၵႂႃႇၶေႉၶဵင်ႇ Miss Grand International သေပွၵ်ႈၶိုၼ်း ဝၢၼ်ႈၵိူတ်ႇမိူင်းၼွၼ်းၼၼ်ႉဝႄႉၶဝ်ႈပၼ်ႁႅင်းၸုမ်းၵူၼ်းၼုမ်ႇပီႈၼွင်ႉတႆး ပီႈၼွင်ႉၶၢင်တီႈဝဵင်းၵူတ်ႉၶၢႆ။ မိူဝ်ႈဝၼ်းတီႈ 10/11/2025 လိူၼ်ၼူဝ်ႊဝႅမ်ႊပိူဝ်ႊ မၼ်းၼၢင်းႁွတ်ႈၽႅဝ်ဝဵင်းၵူတ်ႉၶၢႆသေ ၵႂႃႇပၼ်ႁႅင်းလုၵ်ႈဢွၼ်ႇတီႈ ႁိူၼ်းပူၵ်းပွင်...

ၵူၼ်းၼႂ်းၸႄႈဝဵင်းၼမ်ႉတူႈ ဢၼ်ပၢႆႈၽေးပၢင်တိုၵ်းသေ ႁွတ်ႈၽႅဝ်ဝႆႉတၢင်းဝဵင်းလႃႈသဵဝ်ႈၼၼ်ႉ ဢိင်ၼိူဝ် လွင်ႈတၢင်းၵူႈလွင်ႈလွင်ႈသေ တေႃႇထိုင်ၼႂ်းလိူၼ်ၼူဝ်ႊဝႅမ်ႊပိူဝ်ႊၼႆႉ ၵေႃႈ ပႆႇၸၢင်ႈပွၵ်ႈၶိုၼ်းႁိူၼ်းယေးၽႂ် တိုၵ်ႉၵိုတ်းယူႇမွၵ်ႈ 500 ၵေႃႉ လူဝ်ႇတၢင်းၵမ်ႉၸွႆႈ ၽႃႈႁူမ်ႇၶူဝ်းၼွၼ်း ပဵၼ်ပိူင်ယႂ်ႇ ။ တေႃႇထိုင်ဝၼ်းတီႈ 7/11/2025 ၼႆႉ တိုၵ်ႉလူဝ်ႇတၢင်းၸွႆႈထႅမ်ႁၢဝ်ႈႁႅင်းၼႆ ၸုမ်းၸွႆႈထႅမ် ၵူၼ်းပၢႆႈ ၽေးပၢင်တိုၵ်း ဝဵင်းလႃႈသဵဝ်ႈ လၢတ်ႈတီႈ ၽူႈတွႆႇႁွၵ်ႈၼင်ႇၼႆ။ “ငဝ်းလၢႆးၼႂ်းပိုၼ်ႉတီႈပႆႇၼိမ်သဝ်း၊...

ပီ 2025 ၼႆႉ ၵူၼ်းမိူင်းၸိူဝ်းၽုၵ်ႇသွမ်ႈ ၶဝ်ႈပိူၵ်ႇ၊ ၶဝ်ႈၵၢပ်ႇ ၼႂ်းၸႄႈဝဵင်းသႅၼ်ဝီ ဢမ်ႇလႆႈၵႃႈၶၼ်သုင် ၸွမ်းၼင်ႇယိူင်းဢၢၼ်း ဝႆႉလႄႈ ၸဝ်ႈသူၼ် ႁူပ်ႉတၢင်းယၢပ်ႇၽိုတ်ႇ ။ ၶၢဝ်းၽုၵ်ႇၶဝ်ႈၵၢပ်ႇ ၶၢဝ်းဝၢၼ်ႇၵႃႈ သွမ်ႈၼႃး ယၢမ်းလႆႈသႂ်ႇတိုၼ်းလၢင်းၼၼ်ႉ ၵႃႈၾုၼ်ႇထၢတ်ႈ လႄႈ ၵႃႈၸၢင်ႈႁႅင်းၵူၼ်းသမ်ႉ လႆႈပၼ်ၼမ်သေ ၽွင်းထိုင်ၶိင်ႇၶၢဝ်းဢဝ်ၶၢႆမႃးသမ်ႉ လႆႈၵႃႈၶၼ်ထုၵ်ႇ (ၵႃႈၶၼ်ပေႃး) ၼႆ...

မိူဝ်ႈၼႆႉဝၼ်းတီႈ 8/11/2025 ယၢမ်းၵၢင်ၼႂ်ၸဝ်ႉ မီးၵူၼ်းလၵ်ႉၶဝ်ႈႁိူၼ်းၼၢင်းယိင်းဢၼ်ယူႇဝႆႉၵေႃႉလဵဝ်တီႈဝဵင်းၵျွၵ်ႉမႄး ႁဵတ်းႁၢႆႉၶႃႈတၢႆထင်တီႈဝႆႉသေဢဝ်ၶူဝ်းၶွင်ငိုၼ်းၶမ်းၸဝ်ႈ ႁိူၼ်းၵႂႃႇ ။ ၵေႃႉၺႃးၶႃႈတၢႆၵႂႃႇၼၼ်ႉ ၸိုဝ်ႈႁွင်ႉ ၼၢင်းမျႃႉဢွင်ႇ ဢႃႇယု 50 ပၢႆ ယူႇပွၵ်ႉ 7 ( ၂ မိုင်ကုန်း- 2 လၵ်း) ။ တီႈတူဝ်မၼ်းၼၢင်းမီးႁွႆးမၢတ်ႇၸဵပ်း လႄႈလိူတ်ႈဢွၵ်ႇဝႆႉလၢႆလၢႆတီႈၼႆၼုမ်ႇ ၸၢႆးၵေႃႉၵႂႃႇၸွႆႈဢဝ်တူဝ်တၢႆ မၼ်းၼၢင်းပႅတ်ႈၼၼ်ႉ...

ၸူဝ်ႈသိုၵ်းမၢၼ်ႈၶဝ်ႈၵုမ်းပၼ်ႇၵၢၼ်ၽွင်းငမ်းၶိုၼ်း ၼႂ်းၸႄႈဝဵင်းၵျွၵ်ႉမႄးၼႆႉ ၼႄးဝႃႈပဵၼ်ၵူၼ်းၵဵဝ်ႇၶွင်ႉၸွမ်းသိုၵ်းတဢၢင်း (TNLA)လႄႈ ၸုမ်းသိုၵ်းၵူၼ်းၼုမ်ႇမၢၼ်ႈ (PDF) ၶဝ် ၼႆသေ ဢႅဝ်ႇႁႃတီႉၺွပ်းၵူၼ်းပိုၼ်ႉတီႈ ဢဝ်ၵႂႃႇၵုမ်းၶင်ဝႆႉ ၊ ၶူဝ်းၶွင်ႁိူၼ်းယေးၵေႃႈ ၺႃးယိုတ်းပႃး။ တႄႇႁူဝ်လိူၼ်ဢွၵ်ႉထူဝ်ႊပိူဝ်ႊမႃး သိုၵ်းမၢၼ်ႈၶဝ်ႈၵုမ်းၵမ်ၶိုၼ်း ၼႂ်းၸႄႈဝဵင်းၵျွၵ်ႉမႄးတင်းသဵင်ႈသေ ၸတ်းၵၢၼ်ဝၢင်းၽႅၼ် ၸွမ်းသွၵ်ႈႁႃ တီႉၺွပ်းဢဝ်ၵူၼ်းမိူင်း ၸိူဝ်းဢၼ်ၶဝ်ထၢင်ႇထိူမ်ဝႃႈ ၵွင်ႉၵၢႆႇႁဵတ်းၵၢၼ်ပၼ် ၸုမ်းသိုၵ်းလုၵ်ႉၽိုၼ်ႉ ၼႆဢမ်ႇထၢတ်ႇဢမ်ႇဝၢႆး ၵူၼ်းမိူင်း ၵေႃႉယူႇၼႂ်း...

တႄႇႁူဝ်လိူၼ်ၼူဝ်ႊဝႅမ်ႊပိူဝ်ႊၼႆႉမႃး ၾူၼ်တူၵ်းႁႅင်းၼႂ်းမိူင်းတႆးပွတ်းႁွင်ႇ၊ ပွတ်းၸၢၼ်း လႄႈ ပွတ်းဢွၵ်ႇပတ်းပိုၼ်ႉမိူင်းႁူမ်ႈတုမ် ႁဵတ်းႁႂ်ႈၵႄးၼမ်ႉယႂ်ႇလၢႆလၢႆတီႈ ၼွင်းၶိုၼ်ႈ လုပ်ႇထူမ်ႈသႂ်ႇတူင်ႈၼႃး၊ သဵၼ်ႈတၢင်း ၸွမ်းၼႂ်းပွၵ်ႉၼႂ်းယွမ်ႇ ၼႂ်းမိူင်းတႆးပွတ်းႁွင်ႇ။ ယွၼ်ႉၾူၼ်တူၵ်းထပ်းၵၼ်ႁႅင်း ႁိုင်ၶၢဝ်းတၢင်းမွၵ်ႈ ၼိုင်ႈဝူင်ႈပၢႆၼႆႉသေ ၼမ်ႉၼွင်းလုပ်ႇထူမ်ႈ သူၼ်၊ လွၵ်းၼႃး လႄႈ သဵၼ်ႈတၢင်း ၶွင်ၵူၼ်းမိူင်းၸႄႈဝဵင်းမူႇၸေႊ၊ ၸႄႈဝဵင်းၼမ်ႉတူႈ၊ ၸႄႈဝဵင်းၼမ်ႉၶမ်း၊ ၸႄႈဝဵင်းသႅၼ်ဝီ လႄႈ ၸႄႈဝဵင်းၵူတ်ႉၶၢႆ...

တႄႇဝၼ်းတီႈ 6/10/2025 မႃး သိုၵ်းမၢၼ်ႈ ၸႂ်ႉႁႅင်းသိုၵ်း5 သဵၼ်ႈသေ ပိုတ်ႇပၢင်တိုၵ်း ထူဝ်းသိုၵ်းၶိုၼ်ႈၸူး တပ်ႉသိုၵ်း ယၢင်းလႅင် (KNDF) ၾၢႆႇဝၼ်းဢွၵ်ႇၸႄႈဝဵင်းလွႆၶေႃ၊ ၸႄႈဝဵင်းတီႈမူၵ်းသိူဝ် (ဒီးမော့ဆို) ၊ ၸႄႈဝဵင်းၾရူႇသူဝ်ႊ (ဖရူဆို) ၊ ၸႄႈဝဵင်း ပေႃႇလၶႄး (ဘောလခဲ) လႄႈ ၸႄႈဝဵင်းၾၢႆၶုၼ် လႅၼ်လိၼ်မိူင်းယၢင်းလႅင်...

တႄႇႁၢင်လိူၼ်ၵျုၼ်ႊၼၼ်ႉမႃး တေႃႇႁူဝ်လိူၼ်ၵျူႊလၢႆႊမႃးၼႆႉ သိုၵ်းမၢၼ်ႈတင်း သိုၵ်းတဢၢင်း ပဵၼ်ပၢင်တိုၵ်းၵၼ်ႁၢဝ်ႈႁႅင်း ၾၢႆႇသိုၵ်းမၢၼ်ႈ ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇလူင်သႂ်ႇ ၸွမ်းဝဵင်းၼွင်ၶဵဝ်၊ ဝဵင်းၵျွၵ်ႉမႄး၊ ဝဵင်းသီႇပေႃႉ၊ မိူင်းၵုတ်ႈ ၸိူဝ်းပဵၼ်ၼႂ်းၼႃႈတီႈတပ်ႉသိုၵ်းတဢၢင်း (TNLA) ၵုမ်းၵမ်ဝႆႉၸိူဝ်းၼၼ်ႉ ၸၢၵ်ႇမၢၵ်ႇတိူဝ်ႉၺႃးၵူၼ်းမိူင်း မၢတ်ႇၸဵပ်းလူႉတၢႆၵႂႃႇၸွမ်းတင်းၼမ် ၼႆယဝ်ႉ။ မိူဝ်ႈဝၼ်းတီႈ 04/07/2025 ၼႆႉ သိုၵ်းမၢၼ်ႈတင်း သိုၵ်းတဢၢင်း ပဵၼ်ပၢင်တိုၵ်းၵၼ်ႁၢဝ်ႈႁႅင်း ၸွမ်းဝၢၼ်ႈ...

တႄႇႁူဝ်လိူၼ်ၵျူႊလၢႆႊၼႆႉမႃး သိုၵ်းၵဝ်ႈၵၢင်ႉ (MNDAA) ၸိူဝ်းၵုမ်းၵမ်ယူႇဝႆႉၼႂ်းပိုၼ်ႉတီႈၸွမ်းသၢပ်ႇဝဵင်းလႄႈ ၼွၵ်ႈဝဵင်းလႃႈသဵဝ်ႈ ဢိၵ်ႇပႃးဝဵင်းသႅၼ်ဝီ၊ ၵုၼ်လူင်၊ ႁူဝ်ပၢင်ႇ တေႃႇပေႃးထိုင် ဝဵင်းၼမ်ႉၽႃႈ (ၶျိၼ်ႊသူၺ်ႇႁေႃႇ) ၼႆႉ ဢမ်ႇမီးငဝ်းလၢႆးတႃႇထွႆဢွၵ်ႇပၼ်ၶိုၼ်းသိုၵ်းမၢၼ်ႈ ၸွမ်းၼင်ႇ ၶၢဝ်ႇႁူင်လိုဝ်းၵၼ်ၵူၺ်းဢမ်ႇၵႃး ယင်းပၢႆၵဵပ်းသိုၵ်းမႂ်ႇ ယွၼ်းၵူၼ်း ၼုမ်ႇ တႃႇၶဝ်ႈႁၢပ်ႇထၢမ်းၵၢၼ်သိုၵ်း တီႈၵူၼ်းမိူင်းထႅင်ႈၵွၼ်ႇ ၼႆယဝ်ႉ။ မိူဝ်ႈဝၼ်းတီႈ 02/07/2025 ပူၼ်ႉမႃးၼႆႉ သိုၵ်းၵဝ်ႈၵၢင်ႉ...

တႄႇႁူဝ်လိူၼ်ၵျုၼ်ႊမႃးၼႆႉ မီးၶၢဝ်ႇလိုဝ်းၵၼ်ဢွၵ်ႇမႃးဝႃႈ သိုၵ်းၵဝ်ႈၵၢင်ႉ MNDAA ၸိူဝ်းတူင်ႉၼိုင်ယူႇ ၼႂ်းၸႄႈဝဵင်းသႅၼ်ဝီ တေလႆႈထွႆပၼ်ၶိုၼ်းသိုၵ်းမၢၼ်ႈၶိုၼ်း ႁႂ်ႈယဝ်ႉတူဝ်ႈတင်းသဵင်ႈ ၼႂ်းလိူၼ်သႅပ်ႊထႅမ်ႊပိူဝ်ႊ ဝႃႈၼႆ။ ၵူၼ်းဝဵင်းသႅၼ်ဝီ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “မိူဝ်ႈလဵဝ် ဢမ်ႇႁၼ်ၶဝ်တူင်ႉတိုၼ်ႇသင်။ ၶဝ်ပၢႆ ယွၼ်းၵူၼ်းထႅင်ႈၵွၼ်ႇ။ ၵၢၼ်ဢုပ်ႉပိူင်ၶဝ်ၵေႃႈ မိူၼ်ၵဝ်ႇၵူၺ်း။ ႁၢၼ်ႉတၢင်းၵိၼ်လႄႈ ႁၢၼ်ႉလဝ်ႈ (အရက်ဘား) ၊ ႁူင်းပျေႃႇမူၼ်ႈ...