Friday, March 29, 2024
- Advertisement -spot_img

TAG

တူၼ်ႈတီး

ၵူၼ်းတူၼ်ႈတီးၶီႇရူတ်ႉၶိူင်ႈၼႄၵၢင်ၸႂ် ၺႃးသိုၵ်းမၢၼ်ႈယိုဝ်းမၢတ်ႇၸဵပ်း၊ ၺႃးတီႉၼမ်

  သိုၵ်းလႄႈပလိၵ်ႈဢဝ်ရူတ်ႉၵႃးလမ်းၽႃႇတမ်ၾုင်ၵူၼ်း ၶီႇရူတ်ႉၶိူင်ႈ ပၼ်ႇလဵပ်ႈဝဵင်း  ၼႄၵၢင်ၸႂ် သၢၼ်ၶတ်းသိုၵ်းယိုတ်းဢႃႇၼႃႇ  ၊ ၵူၼ်းမိူင်းၺႃးပိုတ်းယိုဝ်းတီႉၺွပ်းၵႂႃႇၸွမ်းလၢႆလၢႆၵေႃႉ။ ဝၼ်းမိူဝ်ႈၼႆႉ ဝၼ်းတီႈ 14/3/2021 ယၢမ်းၵၢင်ဝၼ်းတဵင်ႈ ၵူၼ်းမိူင်းဝဵင်းတူၼ်ႈတီး ၶီႇလူတ်ႉ ၶိူင်ႈၼႄၵၢင်ၸႂ် သဵၼ်ႈတၢင်းႁွပ်ႈဝဵင်း။ ၽွင်းၵူၼ်းမိူင်းထိုင်တီႈပွၵ်ႉ မိင်ႇၵလႃႇဢူး ႁိမ်းႁုၼ်ႇႁၢင်ႈမႃ့ၼၼ်ႉ  သိုၵ်းပလိၵ်ႈ ဢဝ်ၵႃးသိုၵ်းလမ်း ၽႃႇၾုင်ရူတ်ႉၶိူင်ႈသေ ဢမ်ႇၵႃး  လိုပ်ႈလမ်းပိုတ်းယိုဝ်းပႃးထႅင်ႈလႄႈ ၵူၼ်းမိူင်းမၢတ်ႇၸဵပ်းမၢၵ်ႇၵွင်ႈ ရႃႊပႃႊ...

သိုၵ်းမၢၼ်ႈသင်ႇႁွင်ႉ ၽူႈႁၢပ်ႇၵၢၼ်လူင်ပွင်ၸိုင်ႈၸိူဝ်းလူင်းၵၢၼ် ႁႂ်ႈသမ်းယႃႈယႃၶူဝ်ႊဝိတ်ႉ

ၽွင်းၵူၼ်းမိူင်းလုၵ်ႉႁိုၼ်ႇၼႄၵၢင်ၸႂ်၊ ၽူႈႁၢပ်ႇၵၢၼ်လူင်ပွင်ၸိုင်ႈ သၢၼ်ၶတ်း ၶေႃႈၸီႉသင်ႇပႃႈၼိူဝ် CDM ၼၼ်ႉ ၶွင်ႇသီႇသိုၵ်းမၢၼ်ႈ သင်ႇႁွင်ႉၽူႈႁၢပ်ႇၵၢၼ်လူင်ပွင်ၸိုင်ႈ ၵူႈႁွင်ႈၵၢၼ်ၸိူဝ်းဢမ်ႇၶဝ်ႈႁူမ်ႈပၢင်ၼႄၵၢင်ၸႂ်(ဢမ်ႇႁဵတ်း CDM)ၸိူဝ်းၼၼ်ႉ ႁႂ်ႈမႃးသမ်းယႃႈယႃႁႄႉၵင်ႈ တၢင်းပဵၼ်ၶူဝ်ႊဝိတ်ႉ 19  ။ ဝၼ်းတီႈ 10/3/2021 မိူဝ်ႈၼႆႉၵၢင်ၼႂ် ၶွင်ႇသီႇသိုၵ်းမၢၼ်ႈယိုတ်းမိူင်း ပူင်ၵႂၢမ်းၼၵ်းႁႂ်ႈ ၽူႈႁၢပ်ႇၵၢၼ်လူင်ပွင်ၸိုင်ႈ (ၸိူဝ်းဢမ်ႇယွမ်းႁဵတ်း CDM )လႄႈ ၵူၼ်းထဝ်ႈၼႂ်းပွၵ်ႉယွမ်ႉ မႃးၶွၼ်ႈၵၼ်တီႈ...

ယႃႈယႃႁႄႉၵင်ႈၶူဝ်ႊဝိတ်ႉ ဢၼ်ဢၢၼ်းသမ်းပၼ်ၵူၼ်းမိူင်းၼႂ်းဝၼ်းတီႈ 5 လိူၼ်မၢတ်ႉၶျ်ၼႆႉ ယွၼ်ႉၵၢၼ်မိူင်းသုၵ်ႉယုင်ႈလႄႈ ႁၢင်ႉၵၢတ်ႈပႅတ်ႈ

ႁွင်ႈၵၢၼ်ၾၢႆႇပၢႆးယူႇလီ ပိုၼ်ၽၢဝ်ႇဝႆႉဝႃႈ ဝၼ်းတီႈ 5/3/2021 ၼႆႉ တေတႄႇသမ်း ယႃႈယႃႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ပၼ်ၵူၼ်းမိူင်း ၼႆသေတႃႉ ယွၼ်ႉပိူဝ်ႈၵၢၼ်မိူင်းသုၵ်ႉယုင်ႈပႅတ်ႈလႄႈ ဢမ်ႇၸၢင်ႈသမ်း၊ ဢဝ်ႁၢင်ႉႁၢတ်ႈၵႂႃႇပႅတ်ႈ။ ၼၢင်းမူဝ်းမူဝ်းဢွင်ႇ ၽူႈမီးပုၼ်ႈၽွၼ်းၾၢႆႇၽွင်းငမ်း ပွၵ်ႉမိင်ႇၵလႃႇဢူး ဝဵင်းတူၼ်ႈတီးလၢတ်ႈတီႈၽူႈတွႆႇႁွၵ်ႈဝႃႈ - “ပေႃးဢဝ်ၽႅၼ်ၵၢၼ်ဝႃႈတႄႉၵူၼ်းမိူင်းတေလႆႈသမ်းမိူဝ်ႈၼႆႉဢေႃႈ။ ဢၼ်ၶဝ်ၽႅၼ်ၵၢၼ်ဝႆႉပၼ်တႄႉ ၵူၼ်းမိူင်းၼႆၵေႃႈတေလႆႈသမ်းၵႂႃႇၵမ်းၶၵ်ႉတွၼ်ႈၼၼ်ႉၶႃႈၼႃႇ။ မိူၼ်ၼင်ႇ- ပၼ်ၶႃႈႁၢပ်ႇၵၢၼ် ၶုၼ်သမ်းဢွၼ်တၢင်း၊ ဝၢႆးၼၼ်ႉ...

ပလိၵ်ႈမၢၼ်ႈသိုၵ်းမၢၼ်ႈၸႂ်ႉလၢႆးႁုၵ်းႁၢႆႉယႃႉၵဝ်းသေတႃႉ ၵူၼ်းတူၼ်ႈတီႈသိုပ်ႇၼႄၵၢင်ၸႂ် ၵူႈဝၼ်း

တင်ႈတႄႇ ဝၼ်းတီႈ 28 မႃး သိုၵ်းမၢၼ်ႈ ပလိၵ်ႈမၢၼ်ႈ ၸႂ်ႉလၢႆးႁုၵ်းႁၢႆႉ ယႃႉၵဝ်း သေတႃႉ ၵူၼ်းတူၼ်ႈတီး ၼပ်ႉႁူဝ်ပၢၵ်ႇ သိုပ်ႇၼႄၵၢင်ၸႂ် သၢၼ်ၶတ်း သိုၵ်းမၢၼ်ႈ ယိုတ်းဢႃႇၼႃႇ ဝၢၼ်ႈမိူင်း ၼၼ်ႉ ၵူႈမိုဝ်ႉ ၵူႈဝၼ်း။ ၵူႈဝၼ်းဝၼ်းၼႆႉ ၵူၼ်းယူႇဝဵင်းတူၼ်ႈတီး ၼႄၵၢင်ၸႂ် လၢႆလၢႆး - ယၢမ်းၵၢင်...

ၼႂ်းဝဵင်းတူၼ်ႈတီး မီးၵူၼ်းပႅၵ်ႇၼႃႇ တဝ်ၼႂ်းပွၵ်ႉလႄႈ ၽူႈၸၢႆးလႆႈၸွႆႈၵၼ်ပႂ်ႉ

တင်ႈတႄႇ သိုၵ်းမၢၼ်ႈ ယိုတ်းဢဝ်ဢႃႇၼႃႇဝၢၼ်ႈမိူင်းမႃး လၢႆဝၢၼ်ႈလၢႆဝဵင်း မီးၵူၼ်းပႅၵ်ႇၼႃႈ ၶဝ်ႈလၵ်ႉ ၶဝ်ႈၽဝ် သွၵ်ႈတဝ် ၼႂ်းပွၵ်ႉၼႂ်းၾၢႆႇ ယၢမ်းၵၢင်ၶမ်ႈၵၢင်ၶိုၼ်း၊ ၼႂ်းဝဵင်းတူၼ်ႈတီးၵေႃႈ လႆႈႁူပ်ႉမိူၼ် ၼၼ် လႄႈ ၸိူဝ်းပဵၼ်ၽူႈၸၢႆး လႆႈၸွႆႈၵၼ် ပႂ်ႉယၢမ်းတူၺ်းလူ။ ၶမ်ႈဝႃး ဝၼ်းတီႈ 3/3/2021 ယၢမ်းၵၢင်ၶိုၼ်း ၵူၼ်းပႅၵ်ႇၼႃႈ ၶဝ်ႈတဝ်ၸွမ်းပွၵ်ႉ၊ ႁွင်ႈလၢႆႇလင်ႁိူၼ်း ၵူၼ်းဝၢၼ်ႈ၊...

ပၢင်ၼႄၵၢင်ၸႂ်တီႈတူၼ်ႈတီးမိူဝ်ႈၼႆႉႁၢဝ်ႈႁႅင်း ၵူၼ်းမိူင်းတိတ်းႁၢင်ႈမိၼ်းဢွင်ႇလၢႆႇၼိူဝ်တၢင်းလူင်

ၵူၼ်းမိူင်းတူၼ်ႈတီး ၼႄၵၢင်ၸႂ်သၢၼ်ၶတ်းသိုၵ်းယိုတ်းဢႃႇၼႃႇၸိုင်ႈမိူင်း၊ ပၢင်ၼႄၵၢင်ၸႂ်မိူဝ်ႈၼႆႉ သိုၵ်းလႄႈပလိၵ်ႈမၢၼ်ႈၸႂ်ႉလၢႆးႁၢႆႉႁၢမ်ႈႁႄႉ တီႉၺွပ်းၵူၼ်းၵႂႃႇၼႄၵၢင်ၸႂ် ဢမ်ႇယွမ်း 10။ ဝၼ်းတီႈ 2/3/2021 ယၢမ်းၵၢင်ၼႂ်ၼႆႉ ၵူၼ်းမိူင်း ၸဵမ်ၵူၼ်းၼုမ်ႇ ႁူမ်ႈၵၼ်သေ ဢဝ်ႁၢင်ႈၼႃႈ ၸွမ်ၸိၵ်းသိုၵ်းလူင် မိၼ်း ဢွင်ႇလၢႆႇ ၽူႈၼမ်းၸုမ်းသိုၵ်းမၢၼ်ႈ ဢၼ်ယိုတ်းဢႃႇၼႃႇ ၸိုင်ႈမိူင်းၼၼ်ႉမႃး တိတ်းပႃႉသႂ်ႇ တီႈၼိူဝ်သဵၼ်ႈတၢင်းလူင် (အရှေ့မြို့ပတ်လမ်း)...

ပလိၵ်ႈမၢၼ်ႈ/သိုၵ်းမၢၼ်ႈ ၶဝ်ႈတီႉၵူၼ်းၼႂ်းၵျွင်းၽြႃးၶရိတ်ႉယၼ်ႇ လႃႈသဵဝ်ႈ 11 ၵေႃႉ

ပလိၵ်ႈမၢၼ်ႈ/သိုၵ်းမၢၼ်ႈ ၸႂ်ႉဢဵၼ်ႁႅင်း ၶဝ်ႈတီႉၺွပ်း ၵူၼ်းမိူင်း ၼႂ်းၵျွင်းၽြႃးၶရိတ်ႉယၼ်ႇၶၢင် (ၵၶျိၼ်ႇၼိတ်ႉၶျိၼ်း) 11 ၵေႃႉ ဢၼ်မီးတီႈ ပွၵ်ႉ 1 ဝဵင်းလႃႈသဵဝ်ႈ  ဝႃႈၼႆ။ မိူဝ်ႈၼႆႉ ဝၼ်းတီႈ 1/3/2021 ယၢမ်းဝၢႆးဝၼ်း ယူႇတီႈပလိၵ်ႈ/ သိုၵ်းမၢၼ်ႈ ႁူမ်ႈၵၼ် ၶဝ်ႈတီႉၺွပ်း တီႈၵျွင်းၽြႃး ၶရိယၼ်ႇ ပွၵ်ႉ 1...

ယႃႁႄႉၵင်ႈၶူဝ်ႊဝိတ်ႉ 19 ၸုပ်ႈႁႅၵ်ႈတႃႈပွတ်းၸၢၼ်း ထိုင်တူၼ်ႈတီးယဝ်ႉ

ယႃႈယႃႁႄႉၵင်ႈတၢင်းပဵၼ်ၶူဝ်ႊဝိတ်ႉ-19 တႃႇၾၢႆႇပၢႆးယူႇလီ မိူင်းတႆးပွတ်းၸၢၼ်းလႆႈသမ်းၼၼ်ႉ ႁွတ်ႈထိုင် တူၼ်ႈတီးမိူဝ်ႈၼႆႉ ဝၼ်းတီႈ 27/1/2021 ယၢမ်းၵၢင်ဝၼ်း။  ယႃႁႄႉၵင်ႈတၢင်းပဵၼ်ၶူဝ်ႊဝိတ်ႉ 19    ႁွတ်ႈၽႅဝ်   ဝဵင်းလူင်တူၼ်ႈတီး  564 မူၵ်ႇ/ တဝ်ႈ တွၼ်ႈတႃႇ ၾၢႆႇပၢႆးယူႇလီ ၼႂ်းမိူင်းတႆးပွတ်းၸၢၼ်း  21 ဝဵင်း လႆႈသမ်းၸုပ်ႈႁႅၵ်ႈ ။ ၻွၵ်ႊတိူဝ်ႊ သဝၼၵူဝ်ႇ ၵႅမ်ၽူႈၸီႉသင်ႇ ႁွင်ႈၵၢၼ်ပၢႆးယူႇလီၸႄႈမိူင်းတႆး...

ၵူၼ်းမိူင်းတႆး ဢမ်ႇပေႃးဝႆႉၼၵ်း တၢင်းပဵၼ်ၶူဝ်ႊဝိတ်ႉ ၾၢႆႇယူႇလီၵူဝ်တၢင်းပဵၼ်ၽႄႈၶိုၼ်း

ၼႂ်းမိူင်းႁူမ်ႈတုမ် ပတ်းပိုၼ်ႉ ၵူၼ်းတိတ်းၸပ်း ၸိူဝ်ႉမႅင်းၶူဝ်ႊဝိတ်ႉ 19 လူတ်းယွမ်းလူင်းမႃးၽွင်ႈ၊ ၼႂ်းမိူင်းတႆးၵေႃႈ ၵူၼ်းၸပ်းတၢင်းပဵၼ်မႂ်ႇဢမ်ႇပေႃးမီးၶိုၼ်ႈမႃးၼမ် ၊ ၵူၼ်းမိူင်းတႆး လိုၼ်ႈတၢင်းပဵၼ် ယူႇမဝ်ၵိၼ်မၢင်မႃး လႄႈ ၾၢႆႇယူႇလီ မႆႈၸႂ် ၵူဝ်တၢင်းပဵၼ်ၽႄႈၼမ်ၶိုၼ်ႈမႃးၶိုၼ်း။ ၵၢင်လိူၼ်မႃးၼႆႉ ၵူၼ်းၸပ်းတၢင်းပဵၼ် ၼႂ်းမိူင်းတႆး ဢမ်ႇပေႃးၼမ်၊ မိူဝ်ႈဝႃး ဝၼ်းတီႈ 21/1/2021 ၼႆႉ မီး...

ပႃႇတီႇပဢူဝ်းတင်းတဢၢင်းတုၵ်းယွၼ်း ႁူမ်ႈပွင်မိူင်း ၸွမ်းပႃႇတီႇၼူၵ်ႉယုင်း

ပႃႇတီႇ ၸုမ်းၸိူဝ်ႉၸၢတ်ႈ ပဢူဝ်း PNO တင်း ပႃႇတီႇၸိူဝ်ႉၸၢတ်ႈတဢၢင်း TNP တုၵ်းယွၼ်းတီႈပႃႇတီႇၼူၵ်ႉယုင်း ဝႃႈ ႁႂ်ႈလႆႈႁူမ်ႈပွင်မိူင်း ၶဝ်ႈပႃးၼႂ်းလူင်ပွင်ၸိုင်ႈၸၼ်ႉၸႄႈမိူင်း တင်း ၸၼ်ႉမိူင်းႁူမ်ႈတုမ် ဢၼ်ပႃႇတီႇၼူၵ်ႉယုင်း တေဢွၼ်ႁူဝ်ၶွတ်ႇၽွတ်ႈ။ ဝၼ်းတီႈ 13/1/2021 ယၢမ်းဝၢႆးဝၼ်း 3 မူင်း တူဝ်တႅၼ်းပႃႇတီႇၼူၵ်ႉယုၵ်း NLD ၻွၵ်ႊတိူဝ်ႊဢွင်ႇမူဝ်းၺူဝ်ႇ ၸွမ်ၽွင်းလူင် ၸႄႈတိူင်းမၵူၺ်း...

ၸဝ်ႈၼႃႈတီႈ ၸႅင်ႈၵႂၢမ်းၸွႆးတြႃး ၽူႈၸၢႆးဢၼ်ၵၼ်ႉၸၼ်ၼၢင်းယိင်း ၵေႃႉၶဝ်ႈၵၵ်းတူဝ် တီႈၸၼ်ႉၸွမ်တူၼ်ႈတီး

ဝၼ်းတီႈ 30/12/2020 ၼႆႉ ၸဝ်ႈၼႃႈတီႈပလိၵ်ႈ တေဢဝ်လိူင်ႈၸွႆးတြႃး ၽူႈၸၢႆး ဢၼ်ၵၼ်ႉၸၼ်ၼၢင်းယိင်းၶဝ်ႈၵၵ်းတူဝ်တီႈၸၼ်ႉၸွမ်တူၼ်ႈတီးၼၼ်ႉဝႃႈၼႆ။ ၽူႈၶၢၼ်ပၢၵ်ႇ ပလိၵ်ႈၸႄႈမိူင်းတႆး ဝဵင်းတူၼ်ႈတီးလၢတ်ႈဝႃႈ - တိုၵ်ႉယွၼ်းတၢင်းၶႆႈၸႂ်ဝႆႉတီႈ လုမ်းပၵ်းပိူင်မၢႆမီႈၸႄႈဝဵင်းဝႆႉ။ တေၸွႆးတြႃးဢဝ်လိူင်ႈမၼ်းၼႂ်းဝၼ်းတီႈ 30/12/2020 ၼႆႉ။ယၢမ်းလဵဝ်တႄႉပႆႇၸၢင်ႈလၢတ်ႈဝႃႈ မၼ်းၸၢႆးပဵၼ်ၽႂ်ၼႆ။ ပေႃးၶၢဝ်းၶိုၼ်ႈလုမ်းတြႃးမႃးတႄႉ တေပိုၼ်ၽၢဝ်ႇလၢတ်ႈၼႆႉပဵၼ်တၢင်းၵၢၼ်ယူႇ- ဝႃႈၼႆ။ ၼၢင်းယိင်း ဢၼ်ၺႃးၵၼ်ႉၸၼ်ၼၼ်ႉတႄႉ မီးဢႃယု 33 ပီ ပဵၼ်ၵူၼ်းႁူဝ်ပူင်း။...

ၼႂ်းၸႄႈဝဵင်းတူၼ်ႈတီးဝဵင်းလဵဝ် ၵူၼ်း ၸပ်းၶူဝ်ႊဝိတ်ႉ 19 မီး 100 ပၢႆ

ၸိုင်ႈတႆးပွတ်းၸၢၼ်း ဝဵင်းတူၼ်ႈတီး ၸႄႈဝဵင်းလဵဝ် ၵူၼ်းၸပ်း တၢင်းပဵၼ် ၶူဝ်ႊဝိတ်ႉ 19 တင်းမူတ်းမီးၵႂႃႇ 100 ပၢႆ ၼႂ်းၼၼ်ႉ လူႉတၢႆၵေႃႉ႞ လႄႈ ႁဵတ်းႁႂ်ႈ ၵူၼ်းမိူင်း မႆႈၸႂ် ၵူဝ်တၢင်းပဵၼ်ၽႄႈလၢမ်းၵႂႃႇၶၢဝ်းယၢဝ်းသေ ႁႃၵိၼ်လဵင်ႉတွင်ႉယၢပ်ႇ။ တႄႇဢဝ်ပၢင်လိူၵ်ႈတင်ႈမႃး တေႃႇထိုင် ဝၼ်းတီႈ 9/12/2020 ၼႆႉ ၼႂ်းၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း...

မေႃယႃတူၼ်ႈတီး ၵႂႃႇၸွႆႈတီႈတႃႇၵုင်ႈၼၼ်ႉ ၵူတ်ႇထတ်းႁၼ် ၶူဝ်ႊဝိတ်ႉ 19 တႃႇ 6 ၵေႃႉ

မေႃယႃ  တီႈႁူင်းယႃၸဝ်ႈၸၢမ်ႇထုၼ်း  ဝဵင်းတူၼ်ႈတီးၸုမ်းၼိုင်ႈ လူင်းၵႂႃႇတႃႈၵုင်ႈ တႃႇၸွႆႈလွင်ႈႁႄႉၵင်ႈယူတ်းယႃ ၶူဝ်ႊဝိတ်ႉ19၊ ၽွင်းတိုၵ်ႉထိုင်တႃႈၵုင်ႈၼၼ်ႉၺႃးၵူတ်ႇထတ်း ထူပ်းႁၼ်ၸိူဝ်ႉမႅင်းၶူဝ်ႊဝိတ်ႉ-19 တႃႇ 6 ၵေႃႉ ၸွမ်းသွပ်ႇထၢမ်ၵူၼ်းလႆႈႁူပ်ႉထူပ်းယူႇၸမ် မီး 100 ပၢႆ ဝႃႈၼႆ။      ဝၼ်းတီႈ 4/12/2020 ယၢမ်းၵၢင်ၼႂ် မေႃယႃၸုမ်းၼိုင်ႉၸိူဝ်းလုၵ်ႉတီႈႁူင်းယႃၸဝ်ႈၸၢမ်ႇထုၼ်း ၸႄႈဝဵင်းတူၼ်ႈတီး ၸိုင်ႈတႆး ပွတ်းၸၢၼ်းသေ ဢၢၼ်းၵႂႃႇၸွႆႈလွင်ႈၵၢၼ်ၵႅတ်ႇၶႄႁႄႉၵင်ႈ...

ၼၢင်းယိင်းၵေႃႉၼိုင်ႈဢၼ်ၶဝ်ႈၵၵ်းတူဝ် Quarantine ဝႆႉတီႈၸၼ်ႉၸွမ်တူၼ်ႈတီးၼၼ်ႉ ၺႃးၵၼ်ႉၸၼ်

ၼၢင်းယိင်းၵေႃႉၼိုင်ႈ ဢႃယု 33 ပီ ၶဝ်ႈၵၵ်းတူဝ် ပႂ်ႉတူၺ်းငဝ်းလၢႆးၶူဝ်ႊဝိတ်ႉ-19 တီႈႁူင်းသဝ်း ၼၢၼ်းဝတီႇ ၼႂ်းဝၢင်းၸၼ်ႉၸွမ်ဝဵင်းတူၼ်ႈတီးၼၼ်ႉ ၺႃးၽူႈၸၢႆးၵေႃႉၼိုင်ႈဢဝ်မိတ်ႉၸမ်ႈသေၵၼ်ႉၸၼ်လူလၢႆလႄႈႁဵတ်းႁႂ်ႈၵူၼ်းၵၵ်းတူဝ် ဢိၵ်ႇ ၵူၼ်းမိူင်း မႆႈၸႂ်ၵူဝ်ႁႄ။ ဝၼ်းတီႈ 29/11/2020 ယၢမ်းၵၢင်ၶမ်ႈ 8 မူင်း ၽွင်းၼၢင်းယိင်း ဢႃယု 33 ၼၼ်ႉ...

ၵူၼ်းၶၢႆၶူဝ်းၼႂ်းၵၢတ်ႇလူင်တူၼ်ႈတီးၵေႃႉၼိုင်ႈမီးမႅင်းၶူဝ်ႊဝိတ်ႉ 19 ၸဝ်ႈၼႃႈတီႈသင်ႇပိၵ်ႉၵၢတ်ႇဝႆႉ

ၽွင်းတၢင်းပဵၼ်ၶူဝ်ႊဝိတ်ႉ-19 ၽႄႈလၢမ်းႁၢဝ်ႈႁႅင်းပတ်းပိုၼ်ႉမိူင်းႁူမ်ႈတုမ်ၼႆႉ ၵူၼ်းၶၢႆၶူဝ်းၼႂ်းၵၢတ်ႇလူင် တူၼ်ႈတီးၵေႃႉၼိုင်ႈ ဢမ်ႇလႆႈငိၼ်းသႅဝ်ဢၢႆလႄႈၵႂႃႇၵူတ်ႇ ထတ်းတၢင်းပဵၼ်ထူပ်းႁၼ်ဝႃႈမီးၸိူဝ်ႉမႅင်းၶူဝ်ႊဝိတ်ႉ-19 ယၢမ်းလဵဝ်ၸဝ်ႈၼႃႈတီႈသင်ႇပိၵ်ႉၵၢတ်ႇလူင်ဝႆႉ။ ၾၢႆႇပၢႆးယူႇလီပိုၼ်ၽၢဝ်ႇၼႂ်ၼႆႉဝၼ်းတီႈ 30/11/2020 ဝႃႈ ၵူၼ်းၶၢႆၶူဝ်းၼႂ်းၵၢတ်ႇလူင် ဝဵင်းတူၼ်ႈတီးၼၼ်ႉ တိတ်းၸပ်းၶူဝ်ႊဝိတ်ႉ-19 ဝႆႉလႄႈ တင်ႈဢဝ်မိူဝ်ႈၼႆႉ ယၢမ်းၵၢင်ဝၼ်း 2 မူင်းၵႂႃႇ တေပိၵ်ႉၵၢတ်ႇလူင်။ တေပိၵ်ႉဝႆႉတႃႇၶၢဝ်းတၢင်း 14 ဝၼ်း။ ၼၢင်းသႅင် ၵူၼ်းတူၼ်ႈတီး လၢတ်ႈဝႃႈ -...

Latest news

- Advertisement -spot_img