Thursday, May 30, 2024

မႄႈမၢၼ်း ပၢႆႈၽေးသိုၵ်း ထိုင်ဝဵင်းတူၼ်ႈတီးၼၼ်ႉ လဵင်ႉလုၵ်ႈ 2 ၵေႃႉ လူဝ်ႇတၢင်းၸွႆႈထႅမ်

Must read

ၵူၼ်းပၢႆႈၽေးသိုၵ်း ဢၼ်ထိုင်မႃးတီႈဝဵင်းတူၼ်ႈတီး  ၼၼ်ႉ ပႃးမႄႈမၢၼ်းမႃး 4 ၵေႃႉ၊ ၼႂ်းၼၼ်ႉ လဵင်ႉ လုၵ်ႈ 2 ၵေႃႉ၊ ၵိုတ်းထႅင်ႈ 2 ၵေႃႉ တေၵိူတ်ႇလိူၼ်ၼႃႈလႄႈ  လူဝ်ႇတၢင်းၸွႆႈထႅမ် လၢႆၸိူဝ်ႉလၢႆပိူင်။

Photo: ၸုမ်းၼမ်ႉၶူင်း ၶႅၵ်ႇလီပၢင်ၸႃႉတႆး ဝဵင်းတူၼ်ႈတီး / မႄႈမၼ်း ဢၼ်လုၵ်ႉၵျွၵ်ႉမႄး ပၢႆႈၽေးသိုၵ်း မႃးမီးတီႈဝဵင်းတူၼ်ႈတီး

ဝၼ်းတီႈ 21/3/2022 ၼႆႉ မႄႈမၢၼ်းပၢႆႈၽေးသိုၵ်း ဢၼ်မႃးမီး တီႈဝတ်ႉပီႇတၵၢတ်ႈတႆး ဝဵင်းတူၼ်ႈတီး ၸိုင်ႈတႆး ပွတ်းၸၢၼ်းၼၼ်ႉ လႆႈၵိူတ်ႇလုၵ်ႈ တီႈၼႂ်းဝၢင်းဝတ်ႉ တီႈၶဝ်မႃးလိုဝ်ႈ။ မိူဝ်ႈဝၼ်းတီႈ 10/3/2022 ၼၼ်ႉၵေႃႈ လဵင်ႉလုၵ်ႈယဝ်ႉၵႂႃႇၵေႃႉၼိုင်ႈ။

- Subscription -

ၸၢႆးဢွင်ႇမိၼ်ႉဢူး ပႃႇတီႇႁူဝ်သိူဝ်/ ငဝ်ႈငုၼ်းတီႇမူဝ်ႇၶရေႇၸီႇၸိူဝ်ႉၶိူဝ်းတႆး SNLD လၢတ်ႈတီႈ ၽူႈတွႆႇႁွၵ်ႈဝႃႈ – မေႃယႃမႃး ၵိူတ်ႇပၼ် တီႈဝတ်ႉဢေႃႈ။ တီႈတူၼ်ႈတီးၼႆႉသမ်ႉ မီး မႃႊသျႄႊလေႃႊ (ႁၢမ်ႈဢွၵ်ႇၼွၵ်ႈႁိူၼ်းၶၢဝ်းယၢမ်းၵၢင်ၶိုၼ်း) ဝႆႉလႄႈ ၶမ်ႈၼၼ်ႉဢမ်ႇၸၢင်ႈ ဢဝ်ၵႂႃႇၵိူတ်ႇတီႈႁူင်းယႃတၢင်းၼွၵ်ႈ။ လဵင်ႉလုၵ်ႈပဵၼ်ၵူၼ်းၸၢႆးဢေႃႈ။ ဢၼ်ၵိူတ်ႇ မိူဝ်ႈၵမ်းပူၼ်ႉတႄႉ ၸုမ်းပရႁိတၶဝ် မႃးၸွႆႈထႅမ်ပၼ် ၼၼ်ႉၵေႃႈ ပဵၼ်လုၵ်ႈၸၢႆးဢွၼ်ႇၼင်ႇၵဝ်ႇ”-  ဝႃႈၼႆ။

ၵူၼ်းပၢႆႈၽေးသိုၵ်း ဢၼ်ႁွတ်ႈထိုင် တီႈဝဵင်းတူၼ်ႈတီးၼႆႉ မီးမႄႈမၢၼ်း 4 ၵေႃႉ။ လဵင်ႉလုၵ်ႈယဝ်ႉ 2 ၵေႃႉလႄႈ ၵိုတ်းထႅင်ႈသွင်ၵေႃႉ၊ မေႃယႃလၢတ်ႈဝႃႈ တေလဵင်ႉထႅင်ႈၼႂ်းလိူၼ်ၼႃႈၼႆႉ ဝႃႈၼႆ။

ၵူၼ်းလဵင်ႉလုၵ်ႈ တီႈဝဵင်းတူၼ်ႈတီးၼႆႉ တီႈဢေႇသုတ်း သဵင်ႈငိုၼ်း ၼႂ်းၵႄႈ 6 သႅၼ် တေႃႇ 10 သႅၼ်ပျႃး။ ၵိူတ်ႇယဝ်ႉၵေႃႈ သမ်ႉလူဝ်ႇလုမ်းလႃးတူၺ်းလူထိုင်တင်းမႄႈ တင်းလုၵ်ႈထႅင်ႈ။

ၵိူတ်ႇယဝ်ႉၵေႃႈ လူဝ်ႇတၢင်းၸွႆႈထႅမ် ဢၼ်ပႆႇၵိူတ်ႇၵေႃႈလူဝ်ႇတၢင်းၸွႆႈထႅမ်၊ ၵႃႈၽႃႈဢွမ်ႈ ၵႃႈၼမ်ႉၼူမ်း။ ၵႃႈယူတ်းၵႃႈယႃ ၸိူဝ်းၼႆႉဢေႃႈ။ ၶႂ်ႈတိုၵ်းသူၼ်းထိုင် ပီႈၼွင်ႉတီႈၸမ်တီႈၵႆ ႁူမ်ႈၵၼ် ၸွႆႈထႅမ် ၽွင်ႈၶႃႈ”- ၸၢႆးဢွင်ႇမိၼ်ႉဢူး သိုပ်ႇလၢတ်ႈထႅင်ႈၼင်ႇၼႆ။

ၵူၼ်းပၢႆႈၽေးသိုၵ်း ဢၼ်ႁွတ်ႈထိုင် ဝဵင်းတူၼ်ႈတီး ႁူဝ်ၵူၼ်း ဢမ်ႇယွမ်း 500 ၵေႃႉ။ ၼႂ်းၼၼ်ႉပႃး မႄႈ မၢၼ်းလၢႆၵေႃႉ။ ၵမ်ႈၼမ်ၸိူဝ်းၶဝ်ၼႆႉ ၸႃႇတီႉတီႈပၢႆႈမႃး ပဵၼ်ၵူၼ်း တၢင်းပွတ်း ၵျွၵ်ႉမႄး၊ ပၢႆႈမႃး တၢင်းၵျွၵ်ႉၵူႇ ဢၢင်ႇတေႃး၊ သိုပ်ႇၼၼ်ႉၵေႃႈ မႃးထိုင် ဝဵင်းတူၼ်ႈတီး မိူဝ်ႈလိူၼ် ၾႅပ်ႊပိဝ်ႊဝရီႊ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း