မိူဝ်ႈဝၼ်းတီႈ 17 / 1 / 2026 ယၢမ်းႁူဝ်ၶမ်ႈ 5 မူင်း သိုၵ်းလွႆႁႅင်းသိုၵ်းၵူၼ်း 27 ၵေႃႉ လုၵ်ႉတီႈ ဝၢၼ်ႈၵၢတ်ႇပွၵ်ႉတႂ်ႈ ဢိူင်ႇတေႃႉသၢင်ႇသေ ၶဝ်ႈၽိုတ်ႉယူႇဢိူမ်ႈႁိမ်းၵူၼ်းသိုၵ်း SSPP တူင်ႉၼိုင် တီႈႁိမ်းဝၢၼ်ႈလူင်တေႃႉသၢင်ႇ ႁဵတ်းႁႂ်ႈသွင်ၾၢႆႇၶဵင်ႈၶႅင်ၵၢၼ်သိုၵ်းတေႃႇၵၼ်  တီႈၼႂ်းဢိူင်ႇ တေႃႉသၢင်ႇ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇၼႆယဝ်ႉ...

ပၢင်တိုၵ်း ၽႅၼ်ယၼ်ႇသိုၵ်း 1027 ပွၵ်ႈၵမ်းသွင်ၼႆႉ သိုၵ်းတဢၢင်း ၵုမ်းလႆႈ ၸႄႈဝဵင်းသီႇပေႃႉ၊ ဝဵင်းၵျွၵ်ႉမႄး၊ ဝဵင်းၼွင်ၶဵဝ်၊ ဝဵင်းမိူင်းလူင်၊ ဝဵင်းမိူင်းငေႃႉ၊ ဝဵင်းမိူင်းမိတ်ႈ၊ ဝဵင်းၼမ်ႉသၼ်ႇ၊ ဝဵင်းမၢၼ်ႈတူင်ႈ၊ ဝဵင်းၵူတ်ႉၶၢႆ၊ ဝဵင်းၼမ်ႉၶမ်း လႄႈ ဝဵင်းၼမ်ႉတူႈ ၸဵမ်ၸိူဝ်းၼႆႉ။ ပိူင်ပဵၼ် လွင်ႈႁိမ်ၸိင်းၼႃႈတီႈၵၼ်ၸိူဝ်းၼႆႉ ၶႄႇၵေႃႈ တိုၼ်းပၵ်းတႃပႂ်ႉတူၺ်းယူႇတႃႇသေႇ။ ပေႃးလႅပ်ႈတေတုမ်ႉတိူဝ်ႉၽွၼ်းပၢင်ႈၶႄႇယဝ်ႉၼႆ ၶႄႇတေႁွင်ႉဢဝ်...

ဝၼ်းတီႈ 29/11/2025 သဵင်ၵွင်ႈတႅၵ်ႇတၢင်း ပုင်ႇဝူဝ်း ၼႂ်းၸႄႈဝဵင်းၵျွၵ်ႉမႄး ပဵၼ်သိုၵ်းမၢၼ်ႈလႄႈ SSPP/SSA ပိုတ်းယိုဝ်းတိုၵ်းတေႃးၵၼ်ၼႆ SSPP Info တႅမ်ႈတၢင်ႇပိုၼ်ၽၢဝ်ႇဝႆႉၼင်ႇၼႆ။ သဵင်ၵွင်ႈၼႆႉတႅၵ်ႇၸဵမ်မိူဝ်ႈယၢမ်းၵၢင်ဝၼ်း 1 မူင်း ။ ပိုတ်းယိုဝ်းၵၼ်တေႃႇထိုင်ႁိမ်းၸမ် 3 မူင်း တီႈၼႂ်းထိူၼ်ႇ ႁိမ်းဝၢၼ်ႈပုင်ႇဝူဝ်း ဢိူင်ႇပုင်ႇဝူဝ်း ၾၢႆႇၸၢၼ်းဝဵင်းၵျွၵ်ႉမႄး- ဝႃႈၼႆ။ တီႈပၢင်တိုၵ်းၼၼ်ႉ ၾၢႆႇသိုၵ်းမၢၼ်ႈဢဵၼ်ႁႅင်းမွၵ်ႈ 100...

ဝၼ်းတီႈ 12/10/2025 ယၢမ်းတၢမ်းၶမ်ႈ 5 မူင်းပၢႆ သိုၵ်းမၢၼ်ႈယိုတ်းမိူင်း ၸႂ်ႉႁိုဝ်းမိၼ် ပွႆႇမၢၵ်ႇလူင် တူၵ်းသႂ်ႇႁိူၼ်းယေးၵူၼ်းမိူင်း ၸိူဝ်းယူႇသဝ်းၼႂ်းၵႄႈၵၢင် ဝဵင်းမိူင်းၵုတ်ႈ လႄႈ မိူင်းလူင် လူႉၵွႆၵႂႃႇႁၢဝ်ႈႁႅင်း။ မၢၵ်ႇလူင် တူၵ်းတႅၵ်ႇသႂ်ႇ ႁိမ်းဝၢၼ်ႈၼႃးလူင် လုၵ်ႈၼိုင်ႈ လႄႈ ႁိမ်းဝၢၼ်ႈပၸီႇ သွင်လုၵ်ႈၼႆ ၵူၼ်းမိူင်းပိုၼ်ႉတီႈ လၢတ်ႈၼႄၼင်ႇၼႆ။ “ဢွင်ႈတီႈမၢၵ်ႇလူင်ၵႂႃႇတူၵ်းတႅၵ်ႇသႂ်ႇၼႆႉ ပဵၼ်ဝႆႉမိူၼ်သဵၼ်ႈတၢင်းၽႄ။ ပေႃးလုၵ်ႉတၢင်းၼွင်ၶဵဝ်ၵႂႃႇၵေႃႈ...

ၵူၼ်းပၢႆႈၽေးသိုၵ်းၸိူဝ်းလုၵ်ႉဝဵင်းၼွင်ၶဵဝ် ပၢႆႈႁွတ်ႈထိုင် ၼွင်ပိင်ၵျွၵ်ႉမႄးၼၼ်ႉ ရူတ်ႉၵႃး 12 လေႃႉၶဝ်ႁၢႆ ၽွင်းသူင်ႇၵႂႃႇမႄးဝႆႉတီႈႁၢၼ်ႉမႄးရူတ်ႉၵႃး လႆႈမႃးၶၢဝ်းတၢင်း 10 ဝၼ်းပၢႆယဝ်ႉ ပႆႇႁၼ်ၶိုၼ်း။ ၽူႈၸွႆႈထႅမ်ၵူၼ်းပၢႆႈၽေးသိုၵ်းလၢတ်ႈတီႈၽူႈတွႆႇႁွၵ်ႈဝႃႈ − “ရူတ်ႉၵႃးၼႆႉ ပဵၼ်ရူတ်ႉ 12 လေႃႉ၊ ပဵၼ်ရူတ်ႉၵူၼ်းမိူင်း ဝဵင်းၼွင်ၶဵဝ် ဢၼ်ပၢႆႈၽေးမႃးသွၼ်ႈဝႆႉ ၼႂ်းထုင်ႉၼွင်ပိင် ၸႄႈဝဵင်းၵျွၵ်ႉမႄး။ မိူဝ်ႈဝၼ်းတီႈ 6 လိူၼ်...

မိူဝ်ႈၼႆႉ ဝၼ်းတီႈ 1 လိူၼ်ဢွၵ်ႇထူဝ်ႊပိူဝ်ႊ သိုၵ်းမၢၼ်ႈ ၸတ်းသၢႆသိုၵ်း သိုပ်ႇမုင်ႈၼႃႈၶဝ်ႈလူမ်ႇတိုၵ်း သိုၵ်းတဢၢင်း (TNLA) ၸိူဝ်း တူင်ႉၼိုင်ယူႇသဝ်းဝႆႉယူႇၼႂ်းဝဵင်းၵျွၵ်ႉမႄးၼၼ်ႉသေ တင်းသွင်ၾၢႆႇပဵၼ်ပၢင်တိုၵ်းၵၼ်ဝႆႉႁၢဝ်ႈႁႅင်းလႄႈ ၵူၼ်းမိူင်းပိုၼ်ႉတီႈဢမ်ႇပႆႇ ၸၢင်ႈပွၵ်ႈယူႇၶိုၼ်းႁိူၼ်းၽႂ်မၼ်းႁႂ်ႈလွတ်ႈၽေး၊ ဢမ်ႇၸၢင်ႈႁဵတ်းၵၢၼ်ႁႃၵိၼ်လဵင်ႉတွင်ႉလီငၢမ်း၊ ၶူဝ်းၶွင်ၵိၼ်ယႅမ်ႉၵေႃႈႁႃသိုဝ်ႉ ယၢပ်ႇ ၼႆယဝ်ႉ။ ၵူၼ်းမိူင်းၼႂ်းဝဵင်းၵျွၵ်ႉမႄး လႄႈ ၸိူဝ်းယူႇၸွမ်းဝၢၼ်ႈသၢပ်ႇဝဵင်းၵျွၵ်ႉမႄး ဢွၼ်ၵၼ်လႆႈငိူင်ႉဝႄႈပၢင်တိုၵ်းသေ ၵႂႃႇယူႇသဝ်းဝႆႉ ဢွင်ႈတီႈလွတ်ႈၽေးမၢၵ်ႇၵွင်ႈ တီႈႁၢင်ႇၵႆပိုၼ်ႉတီႈပဵၼ်ပၢင်တိုၵ်းၼၼ်ႉၸူဝ်ႈၶၢဝ်းသေ...

မိူဝ်ႈၼႆႉ ဝၼ်းတီႈ 30/09/2025 တႄႇယၢမ်းဝၢႆးဝၼ်း 1 မူင်းပၢႆ ၾႆးမႆႈႁွင်ႈၵၢၼ်လုမ်းပလိၵ်ႈ၊ လုမ်းၾၢႆပႃႇမႆႉ လႄႈ လုမ်းတႅပ်းတတ်းတြႃး ၸိူဝ်းသိုၵ်းမၢၼ်ႈယိုတ်းမိူင်း သၢင်ႈဝႆႉၼႂ်းဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။ ၵူၼ်းမိူင်းၼႂ်းပိုၼ်ႉတီႈဝဵင်းၵျွၵ်ႉမႄး လၢတ်ႈၼႄဝႃႈ “ႁၢၼ်ႉတေႃႇထိုင်ယၢမ်းဝၢႆးဝၼ်း 2 မူင်းၼႆႉ ၾႆးတိုၵ်ႉမႆႈယူႇပႆႇထၢတ်ႇ။ ႁိူၼ်းယေး ၸိူဝ်းမီးႁိမ်းႁွမ်း ႁွင်ႈၵၢၼ်လုမ်းၸိူဝ်းၼၼ်ႉၵေႃႈ လၢမ်းမႆႈပႃးၵႂႃႇ။ မိူၼ်တင်ႈၸႂ် ၽဝ်”...

တႃႇတေၵုမ်းလႆႈၶိုၼ်းဝဵင်းၵျွၵ်ႉမႄးလႄႈသီႇပေႃႉ ဢၼ်သိုၵ်းတဢၢင်းၵုမ်းလႆႈဝႆႉ ၽွင်းၽႅၼ်ယၼ်ႇသိုၵ်း 1027  ပွၵ်ႈၵမ်း 2 ၼၼ်ႉသိုၵ်းမၢၼ်ႈထႅမ်ႁႅင်းသိုၵ်းတၢင်းလိၼ်လႄႈတၢင်းၵၢင်ႁၢဝ် ၊ ၸႂ်ႉၶိူင်ႈၵွင်ႈလူင် ၶိူင်ႈတရူၼ်ႊၵူႈသႅၼ်းသႅၼ်း ပွႆႇမၢၵ်ႇ ယိုဝ်းသႂ်ႇ ၸုမ်းသိုၵ်းတဢၢင်း ၸိူဝ်းတူင်ႉၼိုင်ယူႇဝႆႉ ၼႂ်းၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ  ႁၢဝ်ႈႁႅင်း ၵူႈမိုဝ်ႉၵူႈဝၼ်း။ မိူဝ်ႈၼႆႉ ဝၼ်းတီႈ 25 လိူၼ်သႅပ်ႊထႅမ်ႊပိူဝ်ႊ ယၢမ်းၵၢင်ၶမ်ႈ မွၵ်ႈ 7...

တႄႇၵၢင်လိူၼ်သႅပ်ႊထႅမ်ႊပိူဝ်ႊၼႆႉမႃး သိုၵ်းတဢၢင်း TNLA တီႉၺွပ်း  ၵူၼ်းဝၢၼ်ႈလဵၵ်ႉယႂ်ႇၼုမ်ႇထဝ်ႈ ၸဵမ်ယိင်းၸဵမ်ၸၢႆး ၼႂ်းၸႄႈဝဵင်းၵျွၵ်ႉမႄး ဢမ်ႇလိူၵ်ႈၽႃႇသႃႇ၊ ဢမ်ႇလိူၵ်ႈၸၢဝ်းၶိူဝ်း၊ ဢမ်ႇမၵ်းတတ်းဢႃႇယု ၊   ႁွင်ႉၵႂႃႇၵူတ်ႇထတ်း မၢင်ၸိူဝ်း ၺႃးထုပ်ႉပေႃႉ လူၺ်ႈဢမ်ႇမီးတၢင်းၽိတ်းသင်  ။ ၵူၼ်းမိူင်းၸိူဝ်းၺႃးၸုမ်းသိုၵ်းတဢၢင်း တီႉၺွပ်းၵႂႃႇ ၼႂ်းၸႄႈဝဵင်းၵျွၵ်ႉမႄးၼႆႉ ပဵၼ်ၵူၼ်းဝၢၼ်ႈၸိူဝ်းယူႇၼႂ်းပွၵ်ႉ 1 ပၢင်ပဝ်းဢွၼ်ႇ၊ ပဵင်းၼိမ်၊ ပွၵ်ႉ 9...

“ဢေးလၢဝ်.. လုၵ်ႈမႂ်းတၢႆယဝ်ႉဝႃႇ ” ၽွင်းလႆႈယိၼ်းသဵင်ၼႆႉ မၼ်းၼၢင်းတူၵ်းၸႂ် သမ်ႉပေႃးလိုမ်းထူၺ်ႈၸႂ်ၵႂႃႇၵမ်းၼိုင်ႈ။  မဵတ်ႉၼမ်ႉတႃဢုၼ်ႇဢုၼ်ႇဢွၼ်ႇယွႆႉယမ်းလႆလူင်းၸွမ်းၵႅမ်ႈမၼ်းၼၢင်းမႃးလွႆးလွႆး ..... ။ “  လုၵ်ႈၵဝ်...ႁႃးမႄႈလုၵ်ႈတေဢမ်ႇလႆႈထူပ်းၵၼ်ထႅင်ႈယဝ်ႉ” ၼၢင်းလၢဝ် လၼ်ဢွၵ်ႇပၢၵ်ႇမႃး ၽွင်းမၼ်းၼၢင်းလႆႈယိၼ်းဝႃႈ လုၵ်ႈယိင်းဢွၼ်ႇမၼ်းၼၢင်း တိုၵ်ႉလဵၵ်ႉတိုၵ်ႉၼုမ်ႇ လႆႈတၢႆၵႂႃႇ    ယွၼ်ႉသိုၵ်းမၢၼ်ႈမႃးပွႆႇမၢၵ်ႇသႂ်ႇ ဢွင်ႈတီႈ ဢၼ်ၶဝ်ပၢႆႈၽေးသိုၵ်းဝႆႉၼၼ်ႉ။ ၽွင်းၼၼ်ႉၸူးၸႂ် ၼၢင်းလၢဝ် ၶႂ်ႈလႅၼ်ႈ မိူဝ်းတူၺ်း လုၵ်ႈယိင်းမၼ်းၼၢင်းယူႇသေတႃႉ လိူဝ်သေႁွင်ႉသႅၼ်ႇႁႆႈ ဢမ်ႇၸၢင်ႈႁဵတ်းၸိူင်ႉႁိုဝ် ။ ၼႂ်းဝၼ်းတီႈ...

တႄႇဝၼ်းတီႈ 15/09/2025 မႃး သိုၵ်းတဢၢင်း TNLA ၶဝ်ႈသွၵ်ႈတီႉၺွပ်း ၵူၼ်းမိူင်းဝဵင်းၵျွၵ်ႉမႄး ၸိူဝ်းၵိုတ်းယူႇပႂ်ႉႁိူၼ်းၽႂ်မၼ်း လုၵ်ႈဢွၼ်ႇၼုမ်ႇႁၢႆးၸၢႆးယိင်းၵူၺ်းဢမ်ႇၵႃး တီႉပႃးၵူၼ်းဢႃယုယႂ်ႇ ၼၢင်းယိင်းၸိူဝ်းၼႆႉ ဝႃႈၼႆ။ ၼႂ်းၸႄႈဝဵင်းၵျွၵ်ႉမႄးၼႆႉ သိုၵ်းမၢၼ်ႈ တင်း သိုၵ်းတဢၢင်း ပဵၼ်ပၢင်တိုၵ်းၵၼ်ဝႆႉႁၢဝ်ႈႁႅင်းသေ ၵူၼ်းဝၢၼ်ႈၸိူဝ်းၵိုတ်းၶမ်ဝႆႉ ၼႂ်းပိုၼ်ႉတီႈ ၺႃးသိုၵ်းတဢၢင်း တီႉၺွပ်းႁွင်ႉဢဝ်ၵႂႃႇ ယၢမ်းလဵဝ် ၵပ်းသိုပ်ႇတိတ်းတေႃႇဢမ်ႇလႆႈလႄႈ ပီႈၼွင်ႉၵူၼ်းႁိူၼ်း ပဵၼ်ဢၼ်မႆႈၸႂ်ႁႅင်းဝႆႉၼႆ...

ဝၢႆးလင် သိုၵ်းမၢၼ်ႈယိုတ်းဢဝ်ၶိုၼ်းလႆႈ ဝဵင်းၼွင်ၶဵဝ်ဢမ်ႇႁိုင် သိုၵ်းတဢၢင်း တင်း သိုၵ်းမၢၼ်ႈ ပဵၼ်ပၢင်တိုၵ်းၵၼ်မႃးႁၢဝ်ႈႁႅင်း ၼႂ်းၵႄႈၵၢင်ဝဵင်းၼွင်ၶဵဝ် တင်း ဝဵင်းၵျွၵ်ႉမႄး ႁၢၼ်ႉတေႃႇထိုင်ယၢမ်းလဵဝ်ၵေႃႈ သိုၵ်းမၢၼ်ႈၸႂ်ႉႁႅင်းသိုၵ်း၊ ၶိူင်ႈၵွင်ႈလူင်၊ ၶိူင်ႈတရူၼ်ႊ ၸိူဝ်းၼႆႉၵူႈသႅၼ်းသေ တင်းသွင်ၾၢႆႇ သိုပ်ႇပဵၼ်ပၢင်တိုၵ်းၵၼ်ဝႆႉႁၢဝ်ႈႁႅင်းယူႇ ၼႂ်းမိူင်းတႆးပွတ်းႁွင်ႇ။ သိုၵ်းမၢၼ်ႈၶတ်းၸႂ်ထူဝ်းသိုၵ်းၶဝ်ႈၵႂႃႇတၢင်းဝဵင်းၵျွၵ်ႉမႄး  ၸႂ်ႉပႃးၶိူင်ႈၵွင်ႈလူင် လႄႈ တရူၼ်ႊၵူႈသႅၼ်းသႅၼ်း ပွႆႇမၢၵ်ႇသႂ်ႇ ၸွမ်းဝၢၼ်ႈၸိူဝ်းမီးၼိူဝ်သဵၼ်ႈသၢႆတၢင်းဢၼ်တေလႆႈလတ်းၽၢၼ်ႇၵႂႃႇႁၢဝ်ႈႁႅင်း  ႁဵတ်းႁႂ်ႈႁိူၼ်းယေးၵူၼ်းမိူင်း...

သိုၵ်းမၢၼ်ႈၶဝ်ႈမႄးၶူဝ်ႁူၺ်ႈၵိုတ်ႈဢၼ်လူႉၵွႆယွၼ်ႉပၢင်တိုၵ်းၼၼ်ႉဝႃႈ ဢမ်ႇဢဝ်ၶၢဝ်းယၢမ်းမႄးႁိုင်-တေပၼ်ၵူၼ်းမိူင်းၸႂ်ႉၶိုၼ်းယဝ်ႉဝႃႈၼႆသေတႃႉၵူၼ်းပိုၼ်ႉတီႈဝႃႈ ႁၼ်သိုၵ်းမၢၼ်ႈ ထႅမ်ႁႅင်းၶဝ်ႈတူင်ႉၼိုင်ၼႂ်းပိုၼ်ႉတီႈၵူၺ်း မႄးၶူဝ်တႄႉဢမ်ႇၵႃႈႁိုဝ် ပၢင်တိုၵ်းၵေႃႈသိုပ်ႇပဵၼ်ယူႇဢမ်ႇထၢတ်ႇ ဝႃႈၼႆ။ ၶူဝ်ပေႇလီႇ တီႈႁူၺ်ႈၵိုတ်ႈ ၼၼ်ႉ ၺႃးပွႆႇမၢၵ်ႇသေ လူႉၵွႆၵႂႃႇမိူဝ်ႈဝၼ်းတီႈ 24/08/2025 ယၢမ်းၵၢင်ၼႂ် မွၵ်ႈ 9 မူင်း  ၽွင်းၸုမ်း သိုၵ်းတဢၢင်း TNLA လႄႈ သိုၵ်းမၢၼ်ႈ ပဵၼ်ပၢင်တိုၵ်းၵၼ် ၼႂ်းထုင်ႉၼွင်ပိင် ၸႄႈဝဵင်းၵျွၵ်ႉမႄး...

သိုၵ်းမၢၼ်ႈတင်း သိုၵ်းတဢၢင်း TNLA  သိုပ်ႇပဵၼ်ပၢင်တိုၵ်းၵၼ်ႁၢဝ်ႈႁႅင်း   ၵူၼ်းမိူင်းၼႂ်းဢိူင်ႇ ၼွင်ပိင် ၸႄႈဝဵင်းၵျွၵ်ႉမႄး  တႃႇ 20 ဝၢၼ်ႈပၢႆ လႆႈၶၢႆႉပၢႆႈ  ၵူၼ်းဝၢၼ်ႈလူင်ၵဵင် (ၵျွင်းၵုင်း) ဢိူင်ႇပၢင်ပဝ်း ဝဵင်းၵျွၵ်ႉမႄး ၶမ်ႇဝႆႉၼႂ်းၵႄႈပၢင်တိုၵ်း   100 ပၢႆ   ဝႃႈၼႆ ။ တႄႇႁၢင်လိူၼ် ဢေႃႊၵတ်ႉသ် ၼႆႉမႃး သိုၵ်းမၢၼ်ႈႁႅၼ်းသိုၵ်းၶဝ်ႈဝၢၼ်ႈၵျွင်းၵုင်း  ယူႇၼႂ်းဝၢၼ်ႈသေပႂ်ႉ...

မိူဝ်ႈၼႆႉ ဝၼ်းတီႈ 25 လိူၼ်ဢေႃးၵၢတ်ႉသ် ယၢမ်းၵၢင်ၼႂ် မွၵ်ႈ 11 မူင်းပၢႆၼၼ်ႉ သိုၵ်းမၢၼ်ႈၸႂ်ႉႁိူဝ်းမိၼ်တိုၵ်း ပွႆႇမၢၵ်ႇလူင် ႁႅင်း 250 ပွၼ်ႊ 2 လုၵ်ႈ တူၵ်းသႂ်ႇတီႈႁိမ်းၵျွင်း ဝႃႇသူဝ်ႇ ပွၵ်ႉ 7 ၼႂ်းၸႄႈဝဵင်းၵျွၵ်ႉမႄးသေ သင်ႇၶ 3 ပႃး တိူဝ်ႉမၢတ်ႇၺႃးၵႂႃႇႁၢဝ်ႈႁႅင်း...