သိုၵ်းၶႄႇၵဝ်ႈၵၢင်ႉလႄႈ သိုၵ်းတဢၢင်း ၵဵပ်းသိုၵ်းမႂ်ႇႁၢဝ်ႈႁႅင်း တီႈဝၢၼ်ႈပၢင်ႇသိူဝ်တႆး ဝဵင်းမိူင်းၵူဝ်း ၸႄႈတွၼ်ႈမူႇၸေႊ  ၸိုင်ႈတႆးပွတ်းႁွင်ႇ ၵူၼ်းၼုမ်ႇ ဢွၼ်ၵၼ်ငိူင်ႉပၢႆႈ ၵႂႃႇယူႇတၢင်ႇတီႈတၢင်ႇဝဵင်း။ ၵူၼ်းဝၢၼ်ႈပၢင်ႇသိူဝ်တႆး ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ၼႂ်းဝၢၼ်ႈႁဝ်းၶႃႈၼႆႉ ၵမ်ႈၼမ် ပဵၼ်ၸၢဝ်းလွႆယူႇၶႃႈ။ ၵွပ်ႈၼႆလႄႈ သိုၵ်းလွႆ မႃး ၵဵပ်း။ ယဝ်ႉၵေႃႈ သိုၵ်းၵဝ်ႈၵၢင်ႉၵေႃႈမီးဝႆႉ ၶဝ်ၵေႃႈ ၵဵပ်းသိုၵ်းမိူၼ်ၵၼ်။...

SSPP သူင်ႇတူဝ်တႅၼ်းၵႂႃႇႁူပ်ႉထူပ်း NSPNC ၸုမ်းငမ်းယဵၼ်ၶွင် ၶွင်ႇသီႇသိုၵ်းမၢၼ်ႈ တီႈၼေႇပျီႇတႃႇ မိူဝ်ႈဝၼ်းတီႈ 31/3/2022 ။ ၾၢႆႇ NSPNC ပဵၼ် ၸွမ်သိုၵ်းယႃႇပျေႉဢွၼ်ႁူဝ်၊ ၾၢႆႇ SSPP တႄႉပဵၼ် ၵႅမ်ႁူဝ်ပဝ်ႈ 2 ၸဝ်ႈၶုၼ်သႅင်၊ ၽူႈၼမ်းၼႂ်း 2 ၸဝ်ႈသု ၊ ၶွမ်ႊမတီႊ ငဝ်ႈငုၼ်း...

ၶွင်ႇသီႇသိုၵ်းမၢၼ်ႈ ထႅမ်ႁႅင်းသိုၵ်း ၼႂ်းၸိုင်ႈတႆး ပွတ်းၸၢၼ်း တင်းၼမ်  ၵူၼ်းမိူင်း မႆႈၸႂ် ၵူဝ်ပဵၼ်ပၢင်တိုၵ်းယႂ်ႇလူင်။ ႁၢင်လိူၼ်မၢတ်ႊၶျ် 2022 ၼႆႉ ၶွင်ႇသီႇသိုၵ်းမၢၼ်ႈ သွင်တပ်ႉၵွင် ဢဵၼ်ႁႅင်း 100 ပၢႆ ၵႃး 10 လမ်းပၢႆ လုၵ်ႉတၢင်းၸႄႈဝဵင်းဢွင်ႇပၢၼ်း၊ ယွင်ႁူၺ်ႈ ၸိူဝ်းၼႆႉ မုင်ႈၼႃႈၸူး ၼႂ်းၸႄႈဝဵင်းလွၵ်ႉၸွၵ်ႇ ၸိုင်ႈတႆး...

သိုၵ်းၵႅတ်ႇၶႄၸိူဝ်ႉၸၢတ်ႈယၢင်းလႅင် KNDF ၽဵဝ်ႈပၼ် မၢၵ်ႇမႅင်းၾင်လိၼ် ဢၼ်သိုၵ်းမၢၼ်ႈမႃးၾင်ဝႆႉၸွမ်းသူၼ်ႁႆႈၼႃးၵူၼ်းဝၢၼ်ႈၵူၼ်းမိူင်း ၼႂ်းၸႄႈဝဵင်း ၾရူးသူဝ်း လွႆၶေႃ ၼႂ်းမိူင်းယၢင်းလႅင်၊ ႁဵတ်းႁႂ်ႈၵူၼ်းမိူင်းၵႂႃႇမႃးငၢႆႈလူမ်။  တီႈၼႃႈၽိုၼ်ၶၢဝ်ႇ KNDF တပ်ႉၵွင် 2 ၼၼ်ႉတႅမ်ႈတၢင်ႇပိုၼ်ၽၢဝ်ႇဝႆႉမိူဝ်ႈဝၼ်းတီႈ 28/3/2022 ၼၼ်ႉဝႃႈ -“ထိုင်ၶၢဝ်းၵူၼ်းမိူင်းလူဝ်ႇၶဝ်ႈသူၼ်ၶဝ်ႈႁိူၵ်ႈၶိုၼ်းယဝ်ႉလႄႈ ၼင်ႇႁိုဝ်ၵူၼ်းမိူင်းတေလွတ်ႈၽေးလွင်ႈယဵပ်ႇမၢၵ်ႇၼၼ်ႉ ယူႇတီႈ ၵူၼ်းသိုၵ်း KNDF  လႆႈလူင်းပိုၼ်ႉတီႈၶူၼ်ႉႁႃ မၢၵ်ႇမႅင်းၾင်လိၼ် ၸွမ်းသူၼ်ႁႆႈၼႃးၵူၼ်းမိူင်း...

တႄႇၵဝ်ႉႁၢၵ်ႈငဝ်ႈ ၵၢၼ်လုၵ်ႉၾိုၼ်ႉၵိူတ်ႇဢွၵ်ႇမီးမႃး တင်ႈတႄႇဝၼ်းတီႈ 21 လိူၼ်မေႇ 1958 တေႃႇထိုင်ၶၢဝ်းယၢမ်း ဝၼ်းမိူဝ်ႈၼႆႉ ႁူမ်ႈဝႃႈႁဝ်းမီးၸႂ်ႁၵ်ႉၸိူဝ်ႉႁၵ်ႉၸၢတ်ႈႁၵ်ႉၶိူဝ်း ႁၵ်ႉဝၢၼ်ႈႁၵ်ႉမိူင်း မီးၵၢၼ်ပႅင်းၸင်းၶႅၼ်ႉၽူႈၶႂၢၵ်ႈမိူင်း ၽူႈမႃးပူၼ်ႉပႅၼ်လူလၢႆ ၽူႈမႃးၶီႇ ၼဵၵ်းတဵၵ်းတဵင် ၸင်ႇမီးၸႂ်ၶႂ်ႈတွပ်ႇတႅၼ်းၶႂ်ႈၵွပ်ႇၵူႈဢဝ်ၶိုၼ်းဝၢၼ်ႈမိူင်းၸဝ်ႈၵဝ်ႇလႄႈ မီးၸႂ်ႁတ်းတိုၵ်း ႁတ်းသူႈ ၵွင်ႈတေႃႇၵွင်ႈ လႅဝ်းတေႃႇလႅဝ်းၵေႃႉတေႃႇၵေႃႉ ၸိူဝ်းၼႆႉ ပဵၼ်ၵႃႇထႃႇၾွၼ်ႉထွင်ႈဢူမ်သူပ်း ၾင်မၵ်းပၵ်းၼႅၼ်ႈၼႂ်းဢူၵ်းၼႂ်းၸႂ်ႁဝ်းပိူင်လဵဝ်။ ၵၢၼ်ဝၢင်းၽႅၼ် ပိူင်ၵၢၼ်ပၢႆးတိုၵ်းလၢႆးတိုၵ်း...

သိုၵ်းမၢၼ်ႈၶဝ်ႈဝၢၼ်ႈ ပႄးယိၼ်းတွင်ႇ ဝဵင်းယႂႃႇငၢၼ်ႇ ၸိုင်ႈတႆးပွတ်းၸၢၼ်း၊ ၵူၼ်းမိူင်းတူၵ်းၸႂ်ဢွၼ်ၵၼ်ပၢႆႈ ၵႂႃႇယူႇတၢင်ႇတီႈ သိုၵ်းမၢၼ်ႈလွၵ်ႇငိုတ်ႈသေတဵၵ်းႁွင်ႉၶိုၼ်းႁႂ်ႈပွၵ်ႈယူႇႁိူၼ်း ၊  ၵူၼ်းမိူင်းဢမ်ႇႁတ်းပွၵ်ႈ။  မိူဝ်ႈဝၼ်းတီႈ 24/3/2022 ၼၼ်ႉ ၶွင်ႇသီႇသိုၵ်းမၢၼ်ႈ ဢဵၼ်ႁႅင်းၼမ်လၢႆ  ႁွတ်ႈထိုင်   ဝၢၼ်ႈပႄးယိၼ်းတွင်ႇ(ပဲယင်တောင်ရွာ) ၸႄႈဝဵင်းယႂႃႇငၢၼ်ႇ ၸိုင်ႈတႆးပွတ်းၸၢၼ်း၊ၵူၼ်းဝၢၼ်ႈပၢႆႈဢွၵ်ႇဝၢၼ်ႈ ၊ မိူဝ်ႈဝႃး သိုၵ်းမၢၼ်ႈပိုၼ်ၽၢဝ်ႇလွၵ်ႇငိုတ်ႈဝႃႈ   ၼႂ်းၶၢဝ်းတၢင်း ၼိုင်ႈဝူင်ႈႁႂ်ႈၵူၼ်းမိူင်းပွၵ်ႈယူႇႁိူၼ်းၶိုၼ်း  ဝႃႈၼႆ။ ၵူၼ်းဝၢၼ်ႈ ၵေႃႉၼိုင်ႈ...

ၼႂ်းၶၢဝ်းတၢင်း 4-5 လိူၼ်မႃးၼႆႉသိုၵ်းမၢၼ်ႈပႂ်ႉၸွမ်းတၢင်းၵူတ်ႇထတ်းၸဝ်ႈရူတ်ႉၸဝ်ႈၵႃး ၸိူဝ်းတၢင်ႇၶူဝ်းၶွင်ၵိၼ်ယမ်ႉဢၼ်တေၸွႆႈထႅမ်ၵူၼ်းပၢႆႈၽေးသိုၵ်း၊ ဢမ်ႇပၼ်ၵႂႃႇမႃးတေႃႇသူင်ႇလွတ်ႈလႅဝ်းယဝ်ႉလႄႈ ၵူၼ်းပၢႆႈၽေးသိုၵ်းတီႈမိူင်းၵူဝ်းမီး 800 ပၢႆၼၼ်ႉလူဝ်ႇတၢင်းၸွႆႈထႅမ်။ ၵူၼ်းပၢႆႈၽေးသိုၵ်း တႃႇ 7 ဝၢၼ်ႈ ႁူဝ်ၵူၼ်း 800 ပၢႆ ဢၼ်ပၢႆႈသွၼ်ႈဝႆႉယူႇ ၸွမ်းၵျွင်းၶရိတ်ႉယၢၼ်ႇလႄႈ ၵျွင်းမုၼ်ၸဝ်ႈ တီႈဝဵင်းမိူင်းၵူဝ်း ၸႄႈ တွၼ်ႈမူႇၸေႊ ၸိုင်ႈတႆး ပွတ်းႁွင်ႇ လႅၼ်လိၼ်တႆး -...

ၵူၼ်းဝၢၼ်ႈၵွင်းႁုင်း ၸႄႈဝဵင်းသီႇပေႃႉၵေႃႉၼိုင်ႈ  ယဵပ်ႇၺႃးမၢၵ်ႇမႅင်းၾင်လိၼ်ၼႂ်းႁႆႈ   တၢႆထင်တီႈ လုၵ်ႈလၢင်းမေးၼၢင်းမၼ်းၸၢႆးၸိူဝ်း ၵိုတ်းတၢင်းလင်  ထူပ်းတၢင်းယၢပ်ႇၽိုတ်ႇ တႃႇလွင်ႈယူႇလွင်ႈၵိၼ် တႃႇလဵင်ႉလူၵၼ်ၵႂႃႇမိူဝ်းၼႃႈ။ မိူဝ်ႈဝၼ်းတီႈ 26/3/2022 ယၢမ်းၵၢင်ၼႂ် 6 မူင်းပၢႆ ၸၢႆးပႃႉသူၺ်ႇလႄႈ ၵူၼ်းဝၢၼ်ႈ 2 ၵေႃႉ ၵႂႃႇတီႇၽဵဝ်ႈႁႆႈၸွမ်းၵၼ် ႁိမ်းဝၢၼ်ႈၵွင်းႁုင်း ဢိူင်ႇၼမ်ႉယၢင်း ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ၊ ၸၢႆးပႃႉသူၺ်ႇ...

UNOCHA Myanmar ပိုၼ်ၽၢဝ်ႇမိူဝ်ႈဝၼ်းတီႈ 19/3/2022 ဝႃႈ ၶၢဝ်းတၢင်းသိုၵ်းမၢၼ်ႈယိုတ်းမိူင်းမႃး ပီပၢႆၼႆႉ ၵူၼ်းမိူင်းပတ်းပိုၼ်ႉမိူင်းမၢၼ်ႈ ဢၼ်လႆႈပၢႆႈယၢၼ်ႁိူၼ်းယေးတီႈယူႇ ယွၼ်ႉၽေးသိုၵ်းသိူဝ် မီးယူႇ 889,900 ၵေႃႉယဝ်ႉဝႃႈၼႆ။ သဵၼ်ႈမၢႆၼႆႉ ပဵၼ်ဢၼ်ၵဵပ်းလႆႈတေႃႇထိုင်ဝၼ်းတီႈ 14/3/2022 ။ ပေႃးပၢင်တိုၵ်းယဵၼ် သမ်ႉမီးၵူၼ်းၶိုၼ်းပွၵ်ႈယူႇႁိူၼ်းယေးဝၢၼ်ႈဢိူင်ႇၸဝ်ႈၵဝ်ႇၵေႃႈမီးလႄႈ သဵၼ်ႈမၢႆၸၢင်ႈမီး ၶိုၼ်ႈလူင်းဢိတ်းဢီႈဝႃႈၼႆဝႆႉ။ ၵူၼ်းပၢႆႈၽေးသိုၵ်းႁိမ်းၸမ် 9 သႅၼ်ၼႆႉ ပဵၼ်ၵူၼ်းမိူင်းၸႄႈၵႅင်းၼမ်လိူဝ်ပိူၼ်ႈမီး 195,300...

သိုၵ်းၵႅတ်ႇၶႄၵူၼ်းမိူင်း PDF မိူင်းယၢင်း ၵေႃႉၼိုင်ႈ ၶဝ်ႈပၢင်တိုၵ်းယိုဝ်းသိုၵ်းမၢၼ်ႈတၢႆ ၊ ဢဝ်လၢဝ်တီႈႁူဝ်မႃႇသိူဝ်ႈ သိုၵ်းမၢၼ်ႈၸိူဝ်းၼၼ်ႉ မႃးတိတ်းပႃႉဝႆႉတီႈသွၵ်းတိၼ်မၼ်း၊ ၼႄၾၢင်ႁၢင်ႈဢွင်ႇပေႉသိုၵ်းမၢၼ်ႈ၊ ၵူၼ်းၶိူဝ်းမၢၼ်ႈ  ၸိူဝ်းယူႇၼွၵ်ႈမိူင်းၸွႆႈၵၼ် ဢဝ်မႃးတမ်းဝၢင်းၶၢႆ  ၶဵင်ႇတႃႉၵၼ်သိုဝ်ႉ ယၢမ်းလဵဝ်ၵႃႈၶၼ်သုင်ထိုင် 10000 တေႃႊလႃႊယဝ်ႉ။ သိုၵ်းၵႅတ်ႇၶႄၵူၼ်းမိူင်း PDF ၸဝ်ႈၶွင်သွၵ်းတိၼ်ၵူႈၼႆႉ ၸိုဝ်ႈႁွင်ႉ ၵူဝ်ႇလၢတ်ႉ၊ ပဵၼ်ၵူၼ်းၼုမ်ႇဢၼ်ဢွၵ်ႇၼႄၵၢင်ၸႂ်သၢၼ်ၶတ်းသိုၵ်းမၢၼ်ႈသေ သိုၵ်းမၢၼ်ႈ လိုပ်ႈလမ်း...

ၵူၼ်းမိူင်း ယၢင်းလႅင်၊ မိူင်းပၢႆး၊ ၾၢႆၶုၼ် ႁူဝ်ၵူၼ်း 300 ပၢႆ ဢၼ်ပၢႆႈမႃးသွၼ်ႈဝႆႉတီႈဝၢၼ်ႈၼွင်ထဝ်ႈ ၸႄႈဝဵင်းသီႇသႅင်ႇ ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်းၼၼ်ႉ လူဝ်ႇတၢင်းၸွႆႈထႅမ်တၢင်းၵိၼ်ႁႅင်ႈလႄႈ ၽၵ်းၶဵဝ် တင်းၼမ် မၢင်ၵေႃႉ ထိုင်တီႈပေႃးလႆႈလူင်း ၵႂႃႇလူႇၶၢမ်ႇ ၽႅဝ်ၼႂ်းၶူးၼႂ်းဝဵင်း ၼႂ်းၵၢတ်ႇ ၸိူဝ်းၼႆႉ ၵေႃႈမီး။   ၽူႈၸွႆႈထႅမ် ၵူၼ်းပၢႆႈၽေးသိုၵ်း တီႈဝၢၼ်ႈၼွင်ထဝ်ႈ...

မိူဝ်ႈၼႆႉ ဝၼ်းတီႈ 18/3/2022 ယၢမ်းၵၢင်ဝၼ်းမွၵ်ႈ 12 မူင်း ၸၢႆးဢွင်ႇၵႅၼ်ႇ ဢႃယု 22 ပီ ၵူၼ်းဝၢၼ်ႈသူၼ်ဢွႆႈ ဢိူင်ႇ ၼမ်ႉသိမ်ႇ ၸႄႈဝဵင်းသီႇ ပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ၵႂႃႇၵၢၼ်ႉၶဝ်ႈၵၢပ်ႇ ၼႂ်းသူၼ်  ယဵပ်ႇၺႃး မၢၵ်ႇမႅင်းၾင်လိၼ် တီႈႁိမ်းထဵင်ၶဝ် မၢၵ်ႇ တႅၵ်ႇ...

ၸူဝ်ႈသိုၵ်းမၢၼ်ႈ ယိုတ်းမိူင်းမႃး ၶၢဝ်းတၢင်းပီပၢႆၼႆႉ ၸုတ်ႇၽဝ်ႁိူၼ်းယေးၵူၼ်းမိူင်းမႃး 7,200 လင်ပၢႆ ၼႂ်းၼၼ်ႉ  မိူင်းတႆး ပႃး 90 လင်ပၢႆ ၸုမ်း Data For Myanmar ပိုၼ်ၽၢဝ်ႇဢွၵ်ႇဝႆႉ။ ၸုမ်း Data for Myanmar ၸုမ်းၶူၼ်ႉၶႂႃႉလွင်ႈ တုမ်ႉယွၼ်ႈ ဝၢႆးလင်ပၢင်တိုၵ်း ပိုၼ်ၽၢဝ်ႇဢွၵ်ႇမႃးဝႃႈ တႄႇဢဝ်ဝၼ်းတီႈ...

ဢွၼ်ႇၸၢႆး ဢႃယု 3 ၶူပ်ႇ ဢၼ်ယဵပ်ႇၺႃးမၢၵ်ႇၸွမ်းပေႃႈမႄႈ တီႈမိူင်းၵိုင်ၼၼ်ႉ ယၢမ်းလဵဝ်  ယူတ်းယႃတူဝ်ဝႆႉ တီႈႁူင်းယႃ ဝဵင်းလွႆလႅမ် ၊ လူဝ်ႇ တၢင်းၸွႆႈထႅမ်ၵႃႈယူတ်းယႃ ထႅင်ႈတင်းၼမ်။ ဢၢႆႈၼႄး/ မၢႆးဢၢႆႈၼႄး ဢွၼ်ႇၸၢႆး ဢႃယု 3 ၶူပ်ႇ ပေႃႈမႄႈမၼ်း ယဵပ်ႇၺႃးမၢၵ်ႇလႄႈ မၢတ်ႇၸဵပ်းၸွမ်း ၼႂ်းၵႄးပၢင်ႇၵေႇတု...

သိုၵ်းမၢၼ်ႈ ႁူဝ်ၵူၼ်းၼပ်ႉႁူဝ်ပၢၵ်ႇ ၵႃးသိုၵ်း 30 လမ်းပၢႆ မုင်ႈၸူး တၢင်းမိူင်းၵူဝ်း မူႇၸေႊထႅင်ႈ လႄႈ ၵူၼ်းမိူင်း မႆႈၸႂ် ၵူဝ်ပဵၼ် ပၢင်တိုၵ်းသိုၵ်းသိူဝ် ယႂ်ႇလူင် ထႅင်ႈ။ မိူဝ်ႈဝၼ်းတီႈ 15/3/2022 ၵႃးသိုၵ်းမၢၼ်ႈ 33 လမ်း လုၵ်ႉတၢင်းလႃႈသဵဝ်ႈ ၵႂႃႇတၢင်းမူႇၸေႊ သိုပ်ႇပူၼ်ႉၵႂႃႇတၢင်းပၢင်ႇသၢႆး မုင်ႈၸူးတၢင်းမိူင်းၵူဝ်း။ ၵႃးသိုၵ်းၸိူဝ်းၼၼ်ႉ...