Friday, March 29, 2024

ပၢင်တိုၵ်း တီႈမိူင်းမိတ်ႈ ၾၢႆႇသိုၵ်းမၢၼ်ႈ မၢတ်ႇၸဵပ်းႁႅင်း 3 ၵေႃႉ

Must read

သိုၵ်းၶၢင် KIA, PDF တင်းသိုၵ်းမၢၼ်ႈ ယိုတ်းမိူင်း ပဵၼ်ပၢင်တိုၵ်းၵၼ် ႁၢဝ်ႈႁႅင်း တီႈဝဵင်းမိူင်းမိတ်ႈ ၾၢႆႇသိုၵ်းမၢၼ်ႈ မၢတ်ႇ ၸဵပ်း 3 ၵေႃႉ။  

တၢင်းၶဝ်ႈဝဵင်း မိူင်းမိတ်ႈ

ပူၼ်ႉမႃး မိူဝ်ႈဝၼ်းတီႈ 16/7/2022 ယၢမ်းၵၢင်ၼႂ် 8:40 မူင်း – 9:05 မူင်း သိုၵ်းၶၢင် KIA တင်း ၸုမ်းၵႅတ်ႇၶႄၵူၼ်းမိူင်း PDF ပဵၼ်ပၢင်တိုၵ်းၵၼ် တီႈၵွင်းမူးလွႆသၼ်ၾႃႉ တၢင်းႁူဝ်ဝၢၼ်ႈသၢႆးလႅင် ၸႄႈဝဵင်းမိူင်းမိတ်ႈ ၸိုင်ႈတႆးပွတ်းႁွင်ႇ ႁၢဝ်ႈႁႅင်း  ။

- Subscription -

ၵူၼ်းမိူင်းမိတ်ႈ လၢတ်ႈတီႈၽူႈတွႆႇႁွၵ်ႈဝႃႈ – “ၶဝ်သွင်ၾၢႆႇ ပဵၼ်ပၢင်တိုၵ်းႁၢဝ်ႈႁႅင်း သိုၵ်းမၢၼ်ႈမၢတ်ႇ 3 ၵေႃႉ ယၢမ်းလဵဝ် သူင်ႇယူတ်းယႃဝႆႉတီႈ ၼႂ်းတပ်ႉလူင် မိူင်းမိတ်ႈၶဝ်ယဝ်ႉ။ တၢင်းၾၢႆႇ KIA, PDF ၶဝ်တႄႉ မၢတ်ႇၸဵပ်း 1 ၵေႃႉ။ သိုၵ်းမၢၼ်ႈ ဢၼ်ပဵၼ်တၢင်းၵၼ် KIA, PDF ၼၼ်ႉ ပဵၼ်ၶလယ 348 မိူင်းမိတ်း ဢဵၼ်ႁႅင်း 25 ၵေႃႉ”- ဝႃႈၼႆ။

ဝၢႆးသေ ပဵၼ်ပၢင်တိုၵ်းၵၼ် ယဝ်ႉၼၼ်ႉ ၾၢႆႇသိုၵ်းမၢၼ်ႈ ယိုတ်းမိူင်း ပႂ်ႉၵူတ်ႇထတ်း ၵူၼ်းမိူင်းၵႂႃႇမႃးႁၢဝ်ႈႁႅင်း ၼိူဝ်သဵၼ်ႈ တၢင်းလူင် မိူင်းမိတ်ႈ – ဝၢၼ်ႈမၢၵ်ႇမူင်ႈဝၢၼ် လႄႈ သၢႆးလႅင် ၽူႈယႂ်ႇၵူၼ်းလူင် လုၵ်ႇဢွၼ်ႇဢမ်ႇဝႆႉ ၵူတ်ထတ်းၸႅတ်ႈထၢမ် မူတ်း ႁၢၼ်ႉတေႃႇထိုင် ယၢမ်းလဵဝ်။  

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း