မိူဝ်ႈဝႃး ဝၼ်းတီႈ 8 လိူၼ်ၵျူႊလၢႆႊ တေႃႊၼႄႊလ်ထရမ်ႉ ၸွမ်ၸိုင်ႈမိူင်းဢမေႊရိၵၼ်ႊပိုၼ်ၽၢဝ်ႇ ၶေႃႈတူၵ်းလူင်းၵိုတ်းတိုၵ်း ဢီႊရၼ်ႊ တင်း ဢမေႊရိၵၼ်ႊ ႁူမ်ႈၵၼ်လူင်းလၢႆးမိုဝ်းဝႆႉ ၼႂ်းလိူၼ်ၵျုၼ်ႊပူၼ်ႉမႃးၼၼ်ႉ သုတ်းသဵင်ႈၵႂႃႇယဝ်ႉၼႆသေ သိုပ်ႇၸတ်းၽႅၼ်ၵၢၼ်သိုၵ်း ယိုဝ်းတိုၵ်းသႂ်ႇ မိူင်းဢီႊရၼ်ႊၶိုၼ်းႁၢဝ်ႈႁႅင်း။
ငဝ်ႈငုၼ်းတိူင်းသိုၵ်းပွတ်းၵၢင် မိူင်းဢမေႊရိၵၼ်ႊပိုၼ်ၽၢဝ်ႇဝႆႉဝႃႈ – ၵၢၼ်တိုၵ်းတေႃးပွၵ်ႈၼႆႉ ပဵၼ်တႃႇႁႂ်ႈတီႊႁီႊရၼ်ႊ လူတ်းယွမ်းၵၢၼ်လွၵ်ႇငိုတ်ႈ ၸွမ်းသဵၼ်ႈတၢင်းၼမ်ႉ ဢၼ်ႁိူဝ်းသၢင်းၽေႃးၵူႈၸိုင်းမိူင်းၵႂႃႇမႃးလတ်းၽၢၼ်ႇယူႇၼၼ်ႉ ဝႃႈၼႆ။
ထိုင်မႃးဝၼ်းတီႈ (8/7/2026) ၼႆႉတႄႉ လႆႈငိၼ်းသဵင်တႅၵ်ႇယွၼ်ႈလင်ႁႅင်း တီႈတႃႈႁိူဝ်းႁေႃႊမုၵ်ႊ ဝဵင်းသီႊရိၵ်ႊ လႄႈ ပႃႊတႃႊဢပၢတ်ႉ ၼႂ်းမိူင်းဢီႊရၼ်ႊ ပွတ်းၸၢၼ်းယူႇ ၼႆယဝ်ႉ။
တေႃႊၼႄႇထရမ်ႉ ၸွမ်ၸိုင်ႈမိူင်းဢမေႊရိၵၼ် တွပ်ႇလၢတ်ႈတီႈသိုဝ်ႇၶၢဝ်ႇဝႆႉဝႃႈ “ဢမ်ႇၶႂ်ႈသိုပ်ႇဢုပ်ႇဢူဝ်းငူပ်ႉငီႉၸွမ်းဢီႊရၼ်ႊယဝ်။ ၶဝ်ပဵၼ်ၵူၼ်းၶုၺ်ႈ ဢမ်ႇမီးၼမ်ႉၵတ်ႉသင်ၵူၺ်း ။ ၵူၼ်းၸိူင်ႉၼႆႉ ပဵၼ်ၵူၼ်းယွင်ႇၵူၺ်း” ဝႃႈၼႆ။
ယွၼ်ႉဢမေႊရိၵၼ်ႊ တိုၵ်းတေႃးသေ တီႈဝဵင်းၶျႃႊပႃႊႁႃႊၼၼ်ႉ ၾႆးၾႃႉၶၢတ်ႇၵူၺ်းဢမ်ႇၵႃး ၸွမ်းဢွင်ႈတီႈ တပ်ႉပၢင်သဝ်းသိုၵ်း ၼႂ်းဝဵင်း ပူႊသျီႊယႃး ၼၼ်ႉၵေႃႈ ပဵၼ်လွင်ႈၾႆးမႆႈၵႂႃႇၸွမ်းထႅင်ႈ ၼႆယဝ်ႉ။
ဝၢႆးလင်ဢီႊရၼ်ႊယိုဝ်းၵၼ်တင်း မိူင်းဢမေႊရိၵၼ်ႊယဝ်ႉ ၸွမ်းၼႂ်းမိူင်းပႃႊရိၼ်ႊ လႄႈ ၵူႊဝိတ်ႊ ၸိုင်ႈမိူင်းၸိူဝ်းမီးယူႇႁိမ်းၵူတ်ႉၼမ်ႉပၢင်ႇလၢႆႇ ၼၼ်ႉၵေႃႈ သိုၵ်းမိူင်းဢီႊရၼ်ႊၶဝ် ဢဝ်ၶိူင်ႈတရူၼ်း လႄႈ မၢၵ်ႇၼူၾႆး ယိုဝ်းသႂ်ႇထႅင်ႈ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ