ၵူၼ်းပၢႆႈၽေးသိုၵ်း တီႈဝဵင်းၼွင်ၶဵဝ် ႁူဝ်ၵူၼ်းမွၵ်ႈ 600 လူဝ်ႇတၢင်းၸွႆႈထႅမ် ယႃႈယႃ၊ ၶဝ်ႈၼမ်ႉတၢင်းၵိၼ်ၶွင်ၸႂ်ႉလႄႈ ၶူဝ်း ၼုင်ႈဝႆ ႁၢဝ်ႈႁႅင်ႈ။ တႄႇဢဝ် ဝၼ်းတီႈ 27/8/2022 ၼၼ်ႉမႃး တေႃႇထိုင်ယၢမ်းလဵဝ်  ၶၢဝ်းတၢင်း 10 ဝၼ်း  ၵူၼ်းပၢႆႈၽေးသိုၵ်း ဢၼ်ပၢႆႈမႃး သွၼ်ႈဝႆႉတီႈဝတ်ႉၶိူဝ်းၼိမ်း၊ ဝတ်ႉႁူဝ်ၶူဝ်လႄႈ ဝတ်ႉၵလၵွႆး ၼႂ်းၸႄႈဝဵင်းၼွင်ၶဵဝ် ၸႄႈတွၼ်ႈၵျွၵ်ႉမႄး...

တင်ႈတႄႇဝၼ်းတီႈ 28/8/2022 မႃး သိုၵ်း TNLA ဢႅဝ်ႇႁႃၵဵပ်းၵူၼ်းသိုၵ်းမႂ်ႇႁိမ်းႁွမ်း ဝဵင်းသီႇပေႃႉၸိုင်ႈတႆးပွတ်းႁွင်ႇ။  “ဢမ်ႇၵဵပ်းထိုင်ၼႂ်းဝဵင်းသီႇပေႃႉၼင်ႇၵဝ်ႇၶႃႈ။ ၵဵပ်းႁိမ်းႁွမ်းဝဵင်းၵူၺ်း။ ပဵၼ်သိုၵ်းလွႆ TNLA ၵေႃႉၵဵပ်း ။ ၵဵပ်းတႄႉၵဵပ်းပီႈၼွင်ႉလွႆၵူၺ်းၼင်ႇၵဝ်ႇၶႃႈ။ ၵူၺ်းၵႃႈ ၵဵပ်းၸမ်ဝဵင်းၼႃႇၶႃႈ”- ၵူၼ်းသီႇပေႃႉၵေႃႉၼိုင်ႈလၢတ်ႈၼင်ႇၼႆ။  သိုၵ်း TNLA ၵဵပ်းသိုၵ်းမႂ်ႇၸွမ်းဝၢၼ်ႈၺွင်ႇၵဝ်ႈတူၼ်ႈ၊ ဝၢၼ်ႈမႂ်ႇ၊ ၵျွင်းၸု၊ ၼႃးမုင်း ၸိူဝ်းၼႆႉ လႆႈၵႂႃႇၵူၼ်းသိုၵ်းမႂ်ႇမွၵ်ႈ 70...

ၵူၼ်းၼွင်ၶဵဝ် ၽူႈၸၢႆးၵေႃႉၼိုင်ႈ ၺႃးသိုၵ်းမၢၼ်ႈၶၢၼ်းၸႂ်ႉၶျေႃးရူတ်ႉၵႃးဢဝ်ၵႂႃႇၼႂ်းပိုၼ်ႉတီႈပၢင်တိုၵ်း ၺႃးၸၢၵ်ႇမၢၵ်ႇၼႂ်းပၢင်တိုၵ်း သိုၵ်းမၢၼ်ႈတင်း PDF   လႆႈမၢတ်ႇၸဵပ်းႁႅင်း    ဝႃႈၼႆ။ မိူဝ်ႈဝၼ်းတီႈ 28/7/2022 ယၢမ်းၵၢင်ဝၼ်း ၶွင်ႇသီႇသိုၵ်းမၢၼ်ႈ  ၶၢၼ်းရူတ်ႉၵႃး ဢူးတေႇၸ ဢႃယု 45 ပီ ၵူၼ်းဝၢၼ်ႈၶိူဝ်းၼိမ်း ႁႂ်ႈတေႃႉသူင်ႇၶဝ်၊ ၽွင်းႁွတ်ႈတီႈသဵၼ်ႈတၢင်း ဝၢၼ်ႈလူင်ၶၢၼ် - ပဵင်းဢွႆႈလႄႈ ၵုင်းတေႃႇမေႃႈ ၼႂ်းၸႄႈဝဵင်းၼွင်ၶဵဝ်...

  ၵူၼ်းပၢႆႈၽေးသိုၵ်း တီႈဝဵင်းၼွင်ၶဵဝ် မီး 600  ၵမ်ႈၼမ်ပဵၼ်  လုၵ်ႈဢွၼ်ႇလႄႈ ၼၢင်းယိင်း လူဝ်ႇတၢင်းၸွႆႈထႅမ် တႃႇပၢႆးယူႇလီ ယႃႈယႃ ၸိူဝ်းၼႆႉ။ ႁၢင်လိူၼ်ဢေႃႊၵတ်ႊသ်ၼႆႉ ၵူၼ်းမိူင်းပၢႆႈၽေးသိုၵ်း ႁွတ်ႈထိုင်ဝႆႉ တီႈဝတ်ႉၶိူဝ်းၼိမ်း ၸမ် 600 ။ မီးတီႈဝတ်ႉႁူဝ်ၶူဝ် 110 ၵေႃႉ လႄႈ ဝတ်ႉၵလႃးၵွႆး (ကလားကွဲဘုန်းကြီး) ႁူဝ်ၵူၼ်း...

မိူဝ်ႈၼႆႉဝၼ်းတီႈ 28/8/2022 ၸွမ်သိုၵ်းလူင်ယွတ်ႈသိုၵ်းႁူဝ်ပဝ်ႈ RCSS/SSA ဢွၼ်ၼမ်းၸုမ်းၸိူဝ်းၽူႈမီးပုၼ်ႈၽွၼ်းၵႂႃႇၼေႇပျီႇတေႃႇ တႃႇႁူပ်ႉထူပ်းဢုပ်ႇဢူဝ်းလွင်ႈငမ်းယဵၼ်တင်း ၸွမ်ၸိၵ်းသိုၵ်းလူင်မိၼ်းဢွင်ႇလၢႆႇ ပွၵ်ႈၵမ်း 2 ။ ၼုမ်ႇႁၢႆးၸၢႆးယိင်း ၵူၼ်းမိူင်းတႃႈၶီႈလဵၵ်း ဢွၼ်ၵၼ်ပႂ်ႉႁပ်ႉတွၼ်ႈတီႈၶူဝ် တႃႈၶီႈလဵၵ်း -မႄႈသၢႆ  မၢႆ 2။ ၸွမ်သိုၵ်းလူင်ယွတ်ႈသိုၵ်းလႄႈမူႇၸုမ်း ၶိုၼ်ႈၶိူင်ႈမိၼ်တီႈတႃႈၶီႈလဵၵ်း ဢွၵ်ႇၵႂႃႇၼေႇပျီႇတေႃႇ မိူဝ်ႈၶၢဝ်းယၢမ်းဝၢႆးဝၼ်းမိူဝ်ႈၼႆႉ။ ၸွမ်ၸိၵ်းသိုၵ်းမၢၼ်ႈယိုတ်းမိူင်း မိၼ်းဢွင်ႇလၢႆႇ ပိုၼ်ၽၢဝ်ႇယိုၼ်းမိုဝ်းႁွင်ႉၸုမ်းယိပ်းၵွင်ႈၵၢင်ႇၸၢဝ်းၶိူဝ်းတႃႇဢုပ်ႇဢူဝ်းလွင်ႈငမ်းယဵၼ် ပဵၼ်ပွၵ်ႈၵမ်း 2...

PDF ဝဵင်းလိူဝ်ႇတင်း ၶွင်ႇသီႇသိုၵ်းမၢၼ်ႈ ယိုတ်းမိူင်း ပဵၼ်ပၢင်တိုၵ်းၵၼ် ၼႂ်းၶၢဝ်းတၢင်းလိူၼ်ၼႆႉ ဢမ်ႇယွမ်း 7 ပွၵ်ႈ၊ သွင်ၾၢႆႇ မီးလွင်ႈမၢတ်ႇၸဵပ်းလူႉတၢႆ  ။ ၼႂ်းလိူၼ်ဢေႃႊၵတ်ႊသ်ၼႆႉ ၸုမ်းၵႅတ်ႇၶႄၵူၼ်းမိူင်း PDF တၢင်းဝဵင်းတပဵၵ်ႉၵျိၼ်း တွၼ်ႈၼိူဝ် တိူင်းဝဵင်းလိူဝ်ႇတင်း ၶွင်ႇသီႇ သိုၵ်းမၢၼ်ႈ ယိုတ်းမိူင်း ပဵၼ်ပၢင်တိုၵ်းၵၼ် ၼႂ်းၸႄႈဝဵင်းမိူင်းမိတ်ႈ ၸိုင်ႈတႆးပွတ်းႁွင်ႇ ဢမ်ႇယွမ်း...

ၵူၼ်းမိူင်း သၢပ်ႇထုင်ႉ လႅၼ်လိၼ် တႆး-ယၢင်းလႅင် ဢၼ်ပၢႆႈၽေး သိုၵ်းမၢၼ်ႈ ႁႅၼ်းသိုၵ်းလေႃႇတိုၵ်း  ၸုတ်ႇၽဝ် ႁိူၼ်းယေးသေ ပၢႆႈၽေးသိုၵ်း မႃးမီးတီႈဝဵင်းပၢင်လွင်းယၢမ်းလဵဝ် ယၢပ်ႇၽိုတ်ႈ ၶဝ်ႈၼမ်ႉ တၢင်းၵိၼ်။ တင်ႈတႄႇ သိုၵ်းမၢၼ်ႈယိုတ်းဢႃႇၼႃႇ (1/2/2021) မႃး တေႃႇယၢမ်းလဵဝ် (25/8/2022) ၼႆႉ ၶၼ်ငိုၼ်းမၢၼ်ႈ တူၵ်း ၵူႈမိုဝ်ႉၵူႈဝၼ်း၊ ၶၼ်ၶူဝ်းၵုၼ်ႇၵိၼ်ယႅမ်ႉၶိုၼ်ႈယိုၵ်ႈယိုၵ်ႈ...

မိူဝ်ႈၼႆႉ ဝၼ်းတီႈ 25/8/2022 ယၢမ်းၵၢင်ၼႂ် 8:40 မူင်း ၶွင်ႇသီႇသိုၵ်းမၢၼ်ႈ ယိုတ်းမိူင်း တင်း သိုၵ်းၶၢင် KIA ပဵၼ်ပၢင် တိုၵ်းၵၼ် ႁၢဝ်ႈႁႅင်း ၼႂ်းၵႄႈဝၢၼ်ႈပၢင်ဝႃ (ပန်ဝါကျေးရွာ) လႄႈ ဝၢၼ်ႈၼႃးလိူဝ်ႇ (နားလေကျေးရွာ) ၼႂ်းၸႄႈဝဵင်းမၢၼ်ႈ တူင်ႈ ၸိုင်ႈတႆးပွတ်းႁွင်ႇ။ ၵူၼ်းမၢၼ်ႈတူင်ႈ လၢတ်ႈတီႈၽူႈတွႆႇႁွၵ်ႈဝႃႈ -...

ႁူဝ်ၼႃႈ သိုၵ်းမၢၼ်ႈ ယိုတ်းမိူင်းလၢတ်ႈပဵၼ်တၢင်းၵၢၼ်ဝႃႈ ၸုမ်းယိပ်းၵွင်ႈၵၢင်ႇၸၢဝ်းၶိူဝ်း သင်ဝႃႈ ၶႂ်ႈသိုပ်ႇယိပ်းၵွင်ႈၵၢင်ႇၼႆၸိုင် တၵ်းလႆႈယူႇၼႂ်း တပ်ႉသိုၵ်းမၢၼ်ႈလႄႈ ႁဵတ်းတပ်ႉပႂ်ႉလႅၼ်လိၼ် BGF ဝႃႈၼႆ။ မိူဝ်ႈဝႃး ဝၼ်းတီႈ 22/8/2022 ၼႆႉ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ႁူဝ်ၼႃႈ သိုၵ်းယိုတ်းမိူင်း လၢတ်ႈတီႈပၢင်ၵုမ် ႁူပ်ႉ ထူပ်း ၸုမ်းၽွင်းလူင် တီႈၼေႇပျီႇတေႃႇၼၼ်ႉဝႃႈ သင်ဝႃႈ...

မိူဝ်ႈၼႆႉ ဝၼ်းတီႈ 16/8/2022 ပဵၼ်ဝၼ်းၵေႃႇတင်ႈ ပႃႇတီႇမႂ်ႇသုင်ၸိုင်ႈတႆး  ၶွပ်ႈတဵမ် 51 ပီ၊ ယၢမ်းၵၢင်ၼႂ် 8 မူင်း ပႃႇတီႇမႂ်ႇသုင်ၸိုင်ႈတႆး/ တပ်ႉသိုၵ်းၸိုင်ႈတႆး SSPP/SSA ၸတ်း ႁဵတ်း ပၢင်ၵႅဝ်ႈ   တီႈလၵ်း သဝ်ႁိၼ် ပီၵွၼ်းၶမ်း ဝၢၼ်ႈပဵင်း ဢိူင်ႇၶုမ်ႇပၢင် ငဝ်ႈငုၼ်းဝၢၼ်ႈႁႆး  ။ ၽူႈၼမ်းၼႃႈ...

ၸဝ်ႈသိုၵ်း ၸၢႆးမိူင်း ၽူႈၵွၼ်းႁွင်ႈၵၢၼ်ၶၢဝ်ႇ တႆးလွတ်ႈလႅဝ်း တေပူၼ်ႉၶၢပ်ႈတူဝ် ၼႂ်းဝၼ်းသုၵ်း 19/8/2022 တေထိုင်ၼႆႉ ယၢမ်းလဵဝ် ၶၢပ်ႈတူဝ်မၼ်းၸဝ်ႈ မီးတီႈဝတ်ႉၵူႇမၢၼ်ႉ မူင်းၶူၼ်းၶျႆး ၸႄႈဝဵင်းလွႆသၵဵတ်း ၸႄႈတွၼ်ႈၵဵင်းမႆႇ ၸိုင်ႈထႆး။ မိူဝ်ႈၼႆႉ ဝၼ်းတီႈ 15/8/2022 ယၢမ်းၵၢင်ၼႂ် 3 မူင်း ၸဝ်ႈသိုၵ်း ၸၢႆးမိူင်း (ၸၢႆးသႅင်မိူင်း) ၽူႈၵွၼ်းႁွင်ႈၵၢၼ်ၾၢႆႇ...

မိူဝ်ႈၼႆႉ ဝၼ်းတီႈ 15/8/2022 ယၢမ်းၵၢင်ၼႂ် 3 မူင်း ၸဝ်ႈသိုၵ်း ၸၢႆးမိူင်း (ၸၢႆးသႅင်မိူင်း) ၽူႈၵွၼ်းႁွင်ႈၵၢၼ်ၾၢႆႇပိုၼ်ၽၢဝ်ႇ  တႆးလွတ်ႈလႅဝ်း ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်း ၸိုင်ႈတႆး RCSS/SSA လူႉသဵင်ႈသုတ်းမုၼ် တီႈႁူင်းယႃပႃႇငႄႉ (ၼၶွၼ်ႊၽိင်း) ၸႄႈဝဵင်းမႄႈရိမ်း ၸႄႈတွၼ်ႈၵဵင်းမႆႇ ၸိုင်ႈထႆး။ ၸဝ်ႈႁၢၼ် ၶမ်းၸၢမ်ႇ ၽူႈၶၢၼ်ပၢၵ်ႇ RCSS...

သိုၵ်းမၢၼ်ႈ တင်ႈလၢၼ်ႇၵူတ်ႇထတ်း ၵူၼ်းၶဝ်ႈဢွၵ်ႇဝဵင်းမိူင်းမိတ်ႈ ႁၢဝ်ႈႁႅင်း  ၊ ၵူတ်ႇထတ်းပႃးၼႂ်းမိုဝ်းထိုဝ် ။ ၶၢဝ်းတၢင်း လိူၼ် 2 လိူၼ်ၼႆႉ သဵင်ၵွင်ႈၵႆႉတႅၵ်ႇ ၼႂ်းၸႄႈဝဵင်းမိူင်းမိတ်ႈ။ ပၢင်တိုၵ်းပဵၼ်တင်းၸုမ်းသိုၵ်း   PDF ။ ၵူၼ်းမိူင်းမိတ်ႈဝႃႈ သိုၵ်း PDF  ဢဵၼ်ႁႅင်း 200 ပၢႆ လုၵ်ႉ တၢင်းတိူင်းလိူဝ်ႇ(မၼ်းတလေး) တွၼ်ႈၼိူဝ်...

ၵူၼ်းပၢႆႈၽေးသိုၵ်း ႁဵင်ပၢႆဢၼ်မီးတီႈဝဵင်းပၢင်လွင်းယၢမ်းလဵဝ် ယၢပ်ႇၽိုတ်ႇၵိၼ်းၸႂ်ႁႅင်း   လူဝ်ႇတၢင်းၸွႆႈထႅမ် ၶဝ်ႈၼမ်ႉတၢင်းၵိၼ်။ တႄႇဢဝ် ႁူဝ်လိူၼ်မေႊၼၼ်ႉမႃး တေႃႇထိုင်ယၢမ်းလဵဝ် ၵူၼ်းဝဵင်းၾၢႆၶုၼ်၊ မိူင်းပၢႆး ၼႂ်းၸိုင်ႈတႆး ပွတ်း ၸၢၼ်းလႄႈ ၵူၼ်း ဝဵင်းတီႇမူဝ်ႇသူဝ်ႇ ၸႄႈမိူင်းယၢင်းလႅင် ဢၼ်ပၢႆႈမႃးသွၼ်ႈဝႆႉ တီႈၼႂ်းၸႄႈဝဵင်း ပၢင်လွင်း ၸႄႈတွၼ်ႈတူၼ်ႈတီး ၸိုင်ႈတႆး ပွတ်းၸၢၼ်းၼႆႉ   ဢမ်ႇမီးၸဝ်ႈတႃႇၼ မႃးၸွႆႈထႅမ် ၶၢဝ်းတၢင်း...

သိုၵ်းမၢၼ်ႈဢွၵ်ႇမၢႆမီႈသိုၵ်း မႃႇသျႄႇလေႃးပိူင်ႁၢမ်ႈဢွၵ်ႇႁိူၼ်းယေး တီႈဝဵင်းသီႇပေႃႉ လႆႈမႃး 2 လိူၼ် ပႆႇယိုတ်းပၼ်ၶိုၼ်း ၵူၼ်းမိူင်းဢမ်ႇၸၢင်ႈႁႃၵိၼ်လဵင်ႉတွင်ႉလီလီ ၵူၼ်းသီႇပေႃႉလၢတ်ႈ။ တႄႇဢဝ် ဝၼ်းတီႈ 8/6/2022  မႃး ၽူႈၵွၼ်းၸႄႈဝဵင်း သီႇပေႃႉ တႂ်ႈသိုၵ်းမၢၼ်ႈ ယိုတ်းမိူင်း ၵုမ်းၵမ် ဢွၵ်ႇမၢႆမီႈႁၢမ်ႈဢွၵ်ႇၼွၵ်ႈႁိူၼ်းယေး  တႄႇဢဝ် ၵၢင်ၶမ်ႈ 8 မူင်းထိုင် 4 မူင်းၵၢင်ၼႂ်ၸဝ်ႉ...