မိူဝ်ႈဝႃးဝၼ်းတီႈ 12/2/2026 ယၢမ်းၵၢင်ၶမ်ႈ သိုၵ်းမၢၼ်ႈယိုတ်းမိူင်း ဢဝ်ႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ၼႂ်းဝဵင်းၵျွၵ်ႉတေႃႇ လႄႈ ဝဵင်းမျွၵ်ႉဢူး မိူင်းရၶႅင်ႇ ၵူၼ်းမိူင်းလူႉတၢႆထင်တီႈၵႂႃႇ 7 ၵေႃႉ မၢတ်ႇၸဵပ်းၵႂႃႇ 10 ၵေႃႉပၢႆ ၼႆယဝ်ႉ။ ယၢမ်းၵၢင်ၶမ်ႈ 9 မူင်းပၢႆ 15 မိၼိတ်ႉ ႁိူဝ်းမိၼ်တိုၵ်းၵျႅတ်ႉၾၢႆႇတႃႇ သိုၵ်းမၢၼ်ႈယိုတ်းမိူင်း ပွႆႇမၢၵ်ႇလူင်ႁႅင်း...

ၼႂ်းၵၢင်လိူၼ်ၾႅပ်ႉပိဝ်ႊရီႇၼႆႉ သိုၵ်းမၢၼ်ႈ တင်း သိုၵ်းၵဝ်ႈၵၢင်ႉ ၶဵင်ႈၶႅင်ၵၢၼ်သိုၵ်းတေႃႇၵၼ် ၼႂ်းဝဵင်းလႃႈသဵဝ်ႈ မိူင်းတႆးပွတ်းႁွင်ႇၶိုၼ်း ႁၢဝ်ႈႁႅင်းလႄႈ ၵူၼ်းမိူင်းၼႂ်းဝဵင်းလႃႈသဵဝ်ႈ ဢွၼ်ၵၼ်မႆႈၸႂ် ၵူဝ်တင်းသွင်ၸုမ်းပဵၼ်ပၢင်တိုၵ်းၵၼ်ၶိုၼ်း ၼႆယဝ်ႉ။ မိူဝ်ႈဝၼ်းတီႈ 7 ယၢမ်းၵၢင်ၼႂ်ၸဝ်ႉမွၵ်ႈ 8 မူင်း မၢၵ်ႇလူင် (သျွတ်ႉတၢႆႉတူင်း) ၵိုင်ႉၵၢင်ႉမႃးတူၵ်းသႂ်ႇ ၼႂ်းပွၵ်ႉ 11 ဝဵင်းလႃႈသဵဝ်ႈ 2 လုၵ်ႈ။...

မိူဝ်ႈၼႆႉ ဝၼ်းတီႈ 12 လိူၼ်ၾႅပ်ႉပိဝ်ႊရီႇ ယၢမ်းၵၢင်ၼႂ် သိုၵ်းမၢၼ်ႈ တင်း သိုၵ်းၶၢင် ပဵၼ်ပၢင်တိုၵ်းၵၼ်ႁၢဝ်ႈ ႁႅင်း ႁိမ်းတပ်ႉပႂ်ႉဝဵင်းမႂ်ႇ (ဝိုင်းမော်မြို့) ခလရ - 58 ၼႂ်းၸႄႈမိူင်းၶၢင် ၼႆယဝ်ႉ။ တႄႇၶၢဝ်းယၢမ်းၵၢင်ၼႂ်ၸဝ်ႉ သဵင်ၵွင်ႈသဵင်မၢၵ်ႇလူင်ပၼ်းႁႅင်း ၸွမ်းႁိမ်းတပ်ႉသိုၵ်းမၢၼ်ႈ ၶလယ (58) ၵူၺ်းဢမ်ႇၵႃး ၸွမ်းတပ်ႉပၢင်သဝ်းသိုၵ်းမၢၼ်ႈၸွမ်းသၼ်လွႆ ႁိမ်းၶူဝ်လူင်ပလမိၼ်းထိၼ်ႇ...

ၼႂ်းႁူဝ်လိူၼ် ၾႅပ်ႉပိဝ်ႊရီႇၼႆ ၵၢင်ႉၵႄႇပွၵ်ႉရတၼႃႇသီႇရိ ႁွင်ႉၵူၼ်းမိူင်းၸိူဝ်းယူႇၼႂ်းပွၵ်ႉ ႁဵတ်းပၢင်ၵုမ်သေ လွၵ်ႇငိုတ်ႈတီႈမုင်ႉႁေႃႁိူၼ်း ၸိူဝ်းမီးၼုမ်ႇၸၢႆး ဢႃႇယု 18 ပီ ထိုင် 35 ပီ ဢၼ်ပႃးၼႂ်းသဵၼ်ႈမၢႆ တႃႇႁၢပ်ႇၵၢၼ်သိုၵ်း ၼႂ်းဝဵင်းတူၼ်ႈတီးယဝ်ႉ ယွၼ်းငိုၼ်း ၼိုင်ႈၵေႃႉလႂ် 40 သႅၼ်ပျႃး ၼႆယဝ်ႉ။ သင်ဢမ်ႇပၼ်ငိုၼ်းလႆႈၼႂ်းၶၢဝ်းတၢင်း 3 ဝၼ်းၸိုင် တေသူင်ႇၾိုၵ်းၵၢၼ်သိုၵ်းၵမ်းသိုဝ်ႈၼႆ...

ဝၢႆးလင်သိုၵ်းမၢၼ်ႈယိုတ်းဢဝ်ဝဵင်းမိူင်းၵုတ်ႇလႆႈၶိုၼ်းၼႂ်းမိုဝ်းသိုၵ်းတဢၢင်း TNLA ႁၢင်ပီ 2025 ၼၼ်ႉသေ ယၢမ်းလဵဝ်သိုၵ်းမၢၼ်ႈဢၢၼ်းၶွတ်ႇၽွတ်ႈၾၢႆႇၽွင်းငမ်းသေၶိုၼ်း ဢၢၼ်းတေပၼ်ႇၵၢၼ်ၶိုၼ်းယူႇယဝ်ႉဝႃႈၼႆ။ သိုၵ်းမၢၼ်ႈယိုတ်းဢဝ်လႆႈၼႂ်းဝဵင်းၵူၺ်း ၸွမ်းဝၢၼ်ႈၸွမ်းဢိူင်ႇတႄႉ တိုၵ်ႉၵိုတ်းယူႇထႅင်ႈလၢႆတီႈ လႄႈ တေႃႇထိုင်မိူဝ်ႈဝႃး ဝၼ်းတီႈ 8/2/2026 ၼႆႉတႄႉ တၢင်းဝၢၼ်ႈၵုင်းၸၢမ်လႄႈ ဝၢၼ်ႈၶျွင်းၵျီး တိုၵ်ႉမီးသဵင်ၵွင်ႈတႅၵ်ႇယူႇ ။ သိုၵ်းမၢၼ်ႈတၢင်းၼႂ်းဝဵင်းၼႆႉၵေႃႈ ယိုဝ်းၵွင်ႈလူင်ၸွႆႈ ၼႆၵူၼ်းပိုၼ်ႉတီႈလၢတ်ႈၼင်ႇၼႆ။ ၵူၼ်းပိုၼ်ႉတီႈလၢတ်ႈဝႃႈ - တေႃႇထိုင်လိူၼ်ၵျႅၼ်ႊၼိဝ်ႊရီႊ 2026...

ၵူၼ်းမိူင်း 9 ၵေႃႉ ၼႂ်းဢိူင်ႇဝၢၼ်ႈၸေႈ ၸိူဝ်းသိုၵ်းၵဝ်ႈၵၢင်ႉ တီႉၺွပ်းၵႂႃႇၶင်ၶွၵ်ႈဝႆႉသေ ၺႃးပေႃႉထုပ်ႉၼၼ်ႉ ထိုင်ဝၼ်းမိူဝ်ႈၼႆႉ 6/2/2026 ႁိုင်ၶၢဝ်းတၢင်း 5 ဝၼ်းယဝ်ႉၵေႃႈ သိုၵ်း ၵဝ်ႈၵၢင်ႉပႆႇပွႆႇပွၵ်ႈႁိူၼ်းၶိုၼ်းလႄႈ ၸုမ်းၵူၼ်းၼုမ်ႇ ၸိူဝ်းတူင်ႉၼိုင် တႃႇတူင်ႇဝူင်းတႆး 11 ၸုမ်းႁူမ်ႈၵၼ် ႁဵတ်းၽိုၼ်လိၵ်ႈဢွၵ်ႇ သၢၼ်ၶတ်း လွင်ႈႁဵတ်း သၢင်ႈၸုမ်းသိုၵ်းၵဝ်ႈၵၢင်ႉ MNDAA...

သိုၵ်းမၢၼ်ႈတႄႇႁွင်ႉၼၢင်းယိင်းဢႃယု 18 ပီ ၶိုၼ်ႈၼိူဝ် တႃႇႁၢပ်ႇၵၢၼ်သိုၵ်း တီႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်း  ။ တႄႇႁူဝ်လိူၼ် ၵျႅၼ်ႊၼိဝ်ႊရီႊၼႆႉမႃးၼၢင်းယိင်းၵူၼ်းယူႇဝဵင်းသီႇသႅင်ႇ  ဢႃယု မီး18 ပီ ထိုင် 27 ပီ ၵၢင်ႉၵႄႇလူင်းၵဵပ်းသဵၼ်ႈမၢႆ တႃႇ ႁၢပ်ႇၵၢၼ်သိုၵ်း ၊ ၼႂ်းသဵၼ်ႈမၢႆ ၼၼ်ႉ ပႃးသဵၼ်ႈၸိုဝ်ႈ လုၵ်ႈဢွၼ်ႇႁဵၼ်းတိုၵ်ႉၵႂႃႇၶိုၼ်ႈႁဵၼ်းပႃး ၼႆယဝ်ႉ...

ဝၼ်းတီႈ 2 လိူၼ်ၾႅပ်ႉပိဝ်ႊရီႊ ယၢမ်းၵၢင်ၼႂ် 9 မူင်းပၢႆ မၢၵ်ႇၵွင်ႈလူင် တူၵ်းသႂ်ႇတီႈႁွင်ႈသွၼ်လိၵ်ႈ လုၵ်ႈႁဵၼ်းၸၼ်ႉဢွၼ်ႇ KG ၼႂ်းဝၢင်းႁူင်းႁဵၼ်းၸၼ်ႉသုင် မၢႆ 1 (အထက) ပွၵ်ႉ မဵဝ်ႉမ ဝဵင်းၽႃၵၢၼ်ႉ ၸႄႈမိူင်းၶၢင်။လုၵ်ႈဢွၼ်ႇယိင်း ၵေႃႉၼိုင်ႈလႄႈ လုၵ်ႈဢွၼ်ႇၸၢႆးၵေႃႉၼိုင်ႈ မၢတ်ႇၸဵပ်းၵႂႃႇၸွမ်း ဝႃႈၼႆ။ ႁူင်းႁဵၼ်းၸၼ်ႉသုင်လင်ၼႆႉ မီးၸမ်တပ်ႉမ 33...

ဝၼ်းတီႈ 29 /1/2026 ယၢမ်းဝၢႆးဝၼ်း 2 မူင်းသိုၵ်းၵဝ်ႈၵၢင်ႉ တီႉၺွပ်းထဝ်ႈၸၢႆး ၵူၼ်းဝၢၼ်ႈပၢင်မႅင်း ဢိူင်ႇၼွင်ၵေႃႈ ၸႄႈဝဵင်းသီႇပေႃႉ ၸိုင်ႈတႆးပွတ်းႁွင်ႇ ၵူတ်ႇထတ်းပေႃႉထုပ်ႉႁၢဝ်ႈႁႅင်း ထိုင်တီႈလႆႈလူႉတၢႆ ဝႃႈၼႆ။  ထဝ်ႈၸၢႆးဢၼ်လႆႈလူႉသဵင်ႈၵႂႃႇၼၼ်ႉ ၸိုဝ်ႈႁွင်ႉလုင်းပၢင်ႇ ဢႃယု 63 ပီ ပဵၼ်ၵူၼ်းၼႂ်းပွၵ်ႉပၢင်သႅၼ်ႇ ဝၢၼ်ႈပၢင်မႅင်း ဢိူင်ႇၼွင်ၵေႃႈ ။  မၼ်းၸၢႆး ဢၢၼ်းလုၵ်ႉတီႈႁိူၼ်းသေ...

မိၼ်းဢွင်ႇလၢႆႇ ၸႂ်ႉတၼ်းႁဵင်း ၵႅမ်ၸွမ်ၸိုင်ႈသေ ဢွၵ်ႇလိၵ်ႈၶေႃႈပူင်ၸူး ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ၵေႃႉႁပ်ႉတၼ်းႁဵင်းသုင်သုတ်းပဵၼ် ၸွမ်ပွင်ၵၢၼ်သိုၵ်းဝႆႉ ၵဵဝ်ႇလူၺ်ႈလွင်ႈတိူဝ်းဢႃႇယု ၵၢၼ်ပိုၼ်ၽၢဝ်ႇငဝ်း လၢႆးၶိုၵ်ႉၶၵ်ႉ တႃႇ 63 ၸႄႈဝဵင်း ၼႆယဝ်ႉ။ မိူဝ်ႈဝၼ်းတီႈ 30/7/2025 သိုၵ်းမၢၼ်ႈပိုၼ်ၽၢဝ်ႇဢွၵ်ႇဝႆႉ ၸႄႈဝဵင်းၸိူဝ်းၸုမ်းယိပ်းၵွင်ႈၵၢင်ႇၸၢဝ်းၶိူဝ်းၶဝ် ၵုမ်းၵမ်ဝႆႉၼၼ်ႉ ႁႂ်ႈပဵၼ်ဝႆႉငဝ်းလၢႆးၶိုၵ်ႉၶၵ်ႉ (အရေးပေါ်အခြေအနေ) တႃႇ 63 ၸႄႈဝဵင်း...

တႄႇၼႂ်းလိူၼ်ၵျႅၼ်ႊၼိဝ်ႊရီႊ ၼႆႉမႃးပျီႇတူႉၸိတ်ႉPNO တဵၵ်းၶၢၼ်း ၵူၼ်းဝၢၼ်ႈထီႇရီး ၊ ၼမ်ႉပွၼ် ၊ ၼမ်ႉဢုၼ်ႇဢၼ်မီးၼႂ်းထုင်ႉၸၢမ်ၵႃး ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း 15 ဝၼ်းၼိုင်ႈပွၵ်ႈ ဢဝ်ႁူမ်ႇလူမ်ႈၼႂ်းဝၢၼ်ႈၼႆယဝ်ႉ ။ ၵူၼ်းၵႂႃႇဢဝ်ႁူမ်ႇလူမ်ႈၼႆႉ လႆႈၼုင်ႈၶိူဝ်းပျီႇတူႉၸိတ်ႉပဢူဝ်းသေ ယိပ်းၵွင်ႈ ပႂ်ႉၸွမ်းပိုၼ်ႉတီႈPNO  ။ ၽွင်းပျီႇတူႉၸိတ်ႉၶၢၼ်းတႃႇဢဝ်ႁူမ်ႇလူမ်ႈၼၼ်ႉသင်ဝႃႈ ဢမ်ႇၶႂ်ႈၵႂႃႇၼႆၸိုင်ႇ လႆႈဢဝ်ငိုၼ်း 3သႅၼ်5 မိုၼ်ႇပျႃးၸၢင်ႈၵူၼ်းၵႂႃႇတႅၼ်းတၢင်ႇ ၼႆယဝ်ႉ...

ဝၢႆးလင်ပၢင်လိူၵ်ႈတင်ႈ ဝဵင်းလႃႈသဵဝ်ႈမႃးၼႆႉ သိုၵ်းမၢၼ်ႈၶိုင်ပွင်ၵဵပ်းၵူၼ်းသိုၵ်းမႂ်ႇဢမ်ႇထၢတ်ႇ ၵူၼ်းမိူင်းၼႂ်းပိုၼ်ႉတီႈ ဝူၼ်ႉၵႂင်။ တႄႇမိူဝ်ႈဝၼ်းတီႈ 21/1/2026 မႃးသိုၵ်းမၢၼ်ႈ လႄႈ ၶႃႈႁၢပ်ႇၵၢၼ်ၶုၼ် ၾၢႆႇၽွင်းငမ်း ၸိူဝ်းမီးယူႇ ၼႂ်းဝဵင်းလႃႈသဵဝ်ႈ လူင်းၵဵပ်း၊ လူင်းၵူတ်ႇထတ်း သဵၼ်ႈမၢႆႁူဝ်ၼပ်ႉၵူၼ်း ႁႂ်ႈတႅတ်ႈတေႃးထႅင်ႈၵမ်းၼိုင်ႈယူႇ လႆႈႁူႉၼင်ႇၼႆ။ ဢိင်ၼိူဝ်ပၵ်းပိူင်ၾိင်ႈမိူင်းတႃႇႁၢပ်ႇၵၢၼ်သိုၵ်း ဢၼ်သိုၵ်းမၢၼ်ႈယိုတ်းမိူင်းတႄႇၸႂ်ႉတိုဝ်းမႃး မိူဝ်ႈလိူၼ်ၵျႅၼ်ႊၼိဝ်ႊရီႊ ပီ 2024 ၼၼ်ႉသေ ယၢမ်းလဵဝ် သိုၵ်းမၢၼ်ႈ...

ဝၼ်းသိုၵ်းမၢၼ်ႈၸတ်းပၢင်လိူၵ်ႈတင်ႈ ပွၵ်ႈၵမ်း (3) ဝၼ်းမိူဝ်ႈၼႆႉ တင်ႈတႄႇယၢမ်းၵၢင်ၼႂ်ၸဝ်ႉမႃး သဵင်ၵွင်ႈသဵင်မၢၵ်ႇပၼ်းၼႂ်းဝဵင်းၽႃၵၢၼ်ႉ ၸႄႈမိူင်းၶၢင်။ သိုၵ်းမၢၼ်ႈ တင်း သိုၵ်းၶၢင် KIA ပဵၼ်ပၢင်တိုၵ်းၵၼ်ႁၢဝ်ႈႁႅင်း တၢင်း ႁူင်းပလိၵ်ႈ ဝဵင်း ၽႃၵၢၼ်ႉ သဵင်ၵွင်ႈ သဵင်မၢၵ်ႇပၼ်းဢမ်ႇထၢတ်ႇတၢင်းၼႂ်ၼႆ ၵူၼ်းမိူင်းပိုၼ်ႉတီႈ လၢတ်ႈၼင်ႇ ၼႆ။ “ၼႂ်ၼႆႉ သဵင်ၵွင်ႈသဵင်မၢၵ်ႇပၼ်းယူႇတၢင်းၼႂ် ဢမ်ႇပႆႇထၢတ်ႇ။ ၸဵမ်မိူဝ်ႈၵၢင်ၼႂ်ၸဝ်ႉၼၼ်ႉယဝ်ႉ။ မိူဝ်ႈၼႆႉသမ်ႉပဵၼ်...

ပျီႇတူႉၸိတ်ႉ PNO ႁၢမ်ႈၵူၼ်းမိူင်းထုင်ႉ ၸၢမ်ၵႃး ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ၶဝ်ႈဢွၵ်ႇၼႂ်းဝၢၼ်ႈ ၼႂ်းဝၼ်းပၢင်လိူၵ်ႈတင်ႈသေ ဢဝ်ႁူမ်ႇလူမ်ႈဝႆႉ ႁၢဝ်ႈႁႅင်း   ။ ပၢင်လိူၵ်ႈတင်ႈ ပွၵ်ႈၵမ်း 3 ၼႆႉ တေၸတ်းႁဵတ်း  မိူင်းႁူမ်ႈတုမ်ပတ်းပိုၼ်ႉ   63 ၸႄႈဝဵင်း မိူဝ်ႈၽုၵ်ႈဝၼ်းတီႈ 25/1/2026 ။ ၼႂ်းမိူင်းတႆး ပႃး 9...

တီႈဝဵင်းဝၢၼ်ႈငႂ်ႈၼႆႉ သိုၵ်းမၢၼ်ႈၶဝ်ႈဝၢၼ်ႈ ၶဝ်ႈဝဵင်းမႃးမိူဝ်ႈလႂ်ၵေႃႈ ၵၢင်ႉၵႄႇၺႃးၶႃႈတၢႆတႃႇသေႇ ၊ မိူဝ်ႈဝၼ်းတီႈ 22/1/2026 ၼႆႉၵေႃႈ    ပူႇၵႄႇ ဝၢၼ်ႈမျေႇၼီႇၵူင်း (မြေနီကုန်း) ၊ ဢိူင်ႇဢလႄႇၶျွင်ႇ ၸႄႈဝဵင်းဝၢၼ်ႈငႂ်ႈ ထုၵ်ႇၶႃႈႁႅမ်တၢႆ ႁဵတ်းႁႂ်ႈသိုၵ်းမၢၼ်ႈ ႁႅၼ်းသိုၵ်းသွၵ်ႈတဝ် ႁိမ်းႁွမ်းဝၢၼ်ႈ   ပဵၼ်ပၢင်တိုၵ်းၵၼ်တင်း ၸုမ်းသိုၵ်းထၼူႉ။ ဝၢႆး ပူႇၵႄႇ ထုၵ်ႇၶႃႈႁႅမ်ယဝ်ႉ သိုၵ်းမၢၼ်ႈပႂ်ႉၵူတ်ႇထတ်းတၢင်းၶဝ်ႈတၢင်းဢွၵ်ႇဝၢၼ်ႈ ႁၢဝ်ႈႁႅင်းသေ ၼႂ်းဝၼ်းတီႈ...