ဝၼ်းတီႈ 14/07/2025 (ဝၼ်းၸၼ်) ၵၢင်ၼႂ်ၸဝ်ႉၼႆႉ ၸုမ်းမၢၵ်ႇၼင် ၶျႄႊသီႊတင်း ၸုမ်းမၢၵ်ႇၼင် PSG ပိတ်ႉၶႅင်ႇၵၼ် ပဵၼ်ပၢင်လိုၼ်းသုတ်း (Final) တီႈပၢင်ႇလဵၼ်ႈမၢၵ်ႇၼင် မတ်ႉလၢႆႉၾ် (Metlife) ဝဵင်းရူႊတႃႊၾွတ်ႉ ပွတ်းဢွၵ်ႇ (East Rutherford) ၸႄႈမိူင်းၼိဝ်းၵျႃႇၸီႇ (New Jersey) မိူင်းဢမေႊရိၵၼ်ႊ။ ၸုမ်းမၢၵ်ႇၼင် ၶျႄႊသီႊ သႂၢင်းၶဝ်ႈလႆႈ...

ဝဵင်းလႃႈသဵဝ်ႈၼႆႉ ပဵၼ်ငဝ်ႈဝဵင်းလူင် မိူင်းတႆးပွတ်းႁွင်ႇသေ ၵူၼ်းမိူင်းႁဵတ်းၵၢၼ်ၵႃႉငၢႆႈၶၢႆလီမႃး။ တင်ႈတႄႇသိုၵ်းမၢၼ်ႈယိုတ်းဢႃႇၼႃႇ ဝၢၼ်ႈမိူင်း ၸုမ်းသိုၵ်းၸၢဝ်းၶိူဝ်း ၽႅၼ်ယၼ်ႇသိုၵ်းသေ ပိုတ်ႇပၢင်တိုၵ်းယိုဝ်းသိုၵ်းမၢၼ်ႈ လိုပ်ႈဢွၵ်ႇဝဵင်းလၢႆလၢႆတီႈ ယဝ်ႉ ၵူၼ်းမိူင်းၸိူဝ်းယူႇၼႂ်းပိုၼ်ႉတီႈ ၸႄႈဝဵင်းမိူင်းတႆးပွတ်းႁွင်ႇၵမ်ႈၼမ်ၵေႃႈ သုမ်းတိုဝ်ႉတၢင်းသုၼ်ႇလႆႈၵၢၼ်ၵႃႉၶၢႆ၊ သုမ်းသုၼ်ႇ လႆႈၵူၼ်းမႃးၼမ်ႁႅင်းတေႉတေႉ။ ယၢမ်းလဵဝ် ၼႂ်းဝဵင်းလႃႈသဵဝ်ႈၼႆႉ မီးၶၢဝ်ႇႁူင်လိုဝ်းဝႃႈ သိုၵ်းမၢၼ်ႈၽိူမ်ႉႁႅင်းသိုၵ်း လႄႈ ၶိူင်ႈၵွင်ႈလူင် ဢိၵ်ႇပႃး ၵႃးတႅင်ႉ၊ ၵႃးၵၢပ်ႇလဵၵ်း...

ဝၢႆးလင် သိုၵ်းမၢၼ်ႈ ပိုၼ်ၽၢဝ်ႇ  ယိုတ်းဢဝ်လႆႈၶိုၼ်း မိူင်းပၢႆးယဝ်ႉသိုၵ်းမၢၼ်ႈ ထႅမ်ႁႅင်းထူဝ်းသိုၵ်းၶဝ်မႃးထႅင်ႈ ၾၢႆႇဢွၵ်ႇဝဵင်းၾၢႆၶုၼ်ႇလႄႈ ႁဵတ်းႁႂ်ႈ သိုၵ်းမၢၼ်ႈတင်း ၸုမ်းသိုၵ်းလုၵ်ႉၽိုၼ်ႉမိူင်းယၢင်းလႅင် သိုပ်ႇပဵၼ်ပၢင်တိုၵ်းၵၼ် ႁၢဝ်ႈႁႅင်း ၼိူဝ်သဵၼ်ႈတၢင်းလူင် မိူင်းပၢႆး – လွႆၶေႃ လႅၼ်လိၼ်တႆး-ယၢင်းလႅင်   ။ တပ်ႉသိုၵ်းၸိူဝ်ႉၸၢတ်ႈၵယၢၼ်း (KNA)  တႄႉပိုၼ်ၽၢဝ်ႇလၢတ်ႈဝႆႉဝႃႈ ယၢမ်းလဵဝ် ပၢင်တိုၵ်းသိုပ်ႇပဵၼ်ႁၢဝ်ႈႁႅင်းဝႆႉတီႈ ၼိူဝ်သဵၼ်ႈတၢင်းလူင် လွႆၶေႃ...

ဝၼ်းတီႈ 09/07/2025 ၼႆႉ လူင်ပွင်ၸိုင်ႈၽွမ်ႉႁူမ်ႈၸိူဝ်ႉၸၢတ်ႈ (NUG) ဢွၵ်ႇလိၵ်ႈတိုၵ်းသူၼ်းႁႂ်ႈသိုၵ်းၶျၢင်း သွင်ၸုမ်း ၸႂ်ႉလၢႆးတၢင်းၵၢၼ်မိူင်း ႁူပ်ႉထူပ်းၵႄႈလိတ်ႈပၼ်ႁႃၵၢၼ်သိုၵ်းၵႂႃႇ လူၺ်ႈလၢႆးတၢင်းဢုပ်ႇဢူဝ်းငူပ်ႉငီႉၵၼ် ၼႆယဝ်ႉ။ ၵႅမ်ၸွမ်ၸိုင်ႈ NUG လၢတ်ႈၵႂႃႇဝႃႈ - “ထုၵ်ႇလီၵိုတ်းယိုတ်းဝႆႉ ၵၢၼ်ၸႂ်ႉတိုဝ်းၵွင်ႈၵၢင်ႇသေ ၵႄႈလိတ်ႈပၼ်ႁႃ ၼႂ်းၵႄႈၵၢင်ၸၢဝ်းၶိူဝ်းၼင်ႇၵၼ်သေ ၸႂ်ႉတိုဝ်းလၢႆးတၢင်းၶၵ်ႉၵၢၼ်ငမ်းယဵၼ် ဢၼ်ၵူၼ်းမိူင်းၶျၢင်းမုင်ႈမွင်းၶႂ်ႈလႆႈၶႂ်ႈပဵၼ်ၼၼ်ႉသေ ဢုပ်ႇဢူဝ်းငူပ်ႉငီႉ ႁႃၶေႃႈတွပ်ႇၵႄႈလိတ်ႈပၼ်ႁႃၵႂႃႇယူႇ”- ဝႃႈၼႆ။ ၼႂ်းၵႄႈၵၢင်ၸုမ်းယိပ်းၵွင်ႈၵၢင်ႇၸၢဝ်းၶိူဝ်းၼႆႉ တေမီးတၢင်းႁၼ်ထိုင်ဢမ်ႇမိူၼ်ၵၼ်သေ...

သိုၵ်းမၢၼ်ႈ သူင်ႇၶႃႈႁၢပ်ႇထၢမ်းၵၢၼ်သိုၵ်း ၼႂ်းႁွင်ႈၵၢၼ်ႁဵတ်းဢွၵ်ႇၶိူင်ႈၵွင်ႈၵၢင်ႇ ၵပၸ (ကပစ) ၵႂႃႇႁဵၼ်းသွၼ်ဢဝ်လၢႆးႁဵတ်းဢွၵ်ႇလၢၵ်ႈၼၢၵ်ႈၶိူင်ႈၵွင်ႈၵၢင်ႇ တီႈၸၼ်ႉၸွမ် Belarusian State University of Informatics and Radioelectronics (BSUIR) မိူင်းပႄႊလႃႊရူပ်ႊ ၼပ်ႉႁူဝ်သိပ်းၵေႃႉမၼ်းၼႆ ၸုမ်းပၵ်းတႃပႂ်ႉတူၺ်း လွင်ႈတူင်ႉၼိုင် ၸုမ်းသိုၵ်းမၢၼ်ႈ Justice For Myanmar ပိုၼ်ၽၢဝ်ႇဢွၵ်ႇဝႆႉ...

ဝၼ်းတီႈ 07/07/2025 ယၢမ်းၵၢင်ဝၼ်း 12 မူင်းၶိုင်ႈ ၸုမ်းသိုၵ်းလုၵ်ႉၽိုၼ်ႉၸၢဝ်းၶိူဝ်းမွၼ်း ၸႂ်ႉတိုဝ်းတရူၼ်ႊသေ ပွႆႇမၢၵ်ႇလူင်သႂ်ႇၼႂ်းတပ်ႉၵွင်ႈလူင် သိုၵ်းမၢၼ်ႈ (316) တႂ်ႈငဝ်ႈငုၼ်းၵုမ်းၵမ် ၽႅၼ်ၵၢၼ်ယၼ်ႇသိုၵ်း ၸၵၶ (19) ဢၼ်ပၵ်းတပ်ႉဝႆႉၼႂ်းၸႄႈဝဵင်းယေး ၸႄႈမိူင်းမွၼ်း ၼႆယဝ်ႉ။ ၸုမ်းလုၵ်ႉၽိုၼ်ႉတပ်ႉသိုၵ်းမၢၼ်ႈ မိူင်းမွၼ်း (MSRF) ပိုၼ်ၽၢဝ်ႇဢွၵ်ႇဝႆႉဝႃႈ လွင်ႈတုမ်ႉတိူဝ်ႉ ၵၢၼ်လူႉၵွႆလႄႈ လွင်ႈလူႉသုမ်းႁူဝ်ယွႆႈမၼ်းတႄႉ ပႆႇလႆႈႁူႉၸွမ်းတႅတ်ႈတေႃး...

ၵူၼ်းၸၢႆးၼုမ်ႇ ဢႃယု 21 ပီ ဝဵင်းဢေးတႃႇယႃႇ ဝဵင်းလူင်တူၼ်ႈတီး ၸိုင်ႈတႆးပွတ်းၸၢၼ်း ဢမ်ႇပႆႇပႃးၼႂ်းသဵၼ်ႈမၢႆ ဢမ်ႇမီးလိၵ်ႈသင်တီႈတပ်ႉသိုၵ်းပွင်ႇၶၢဝ်ႇမႃးသေတႃႉ ၵၢင်ႉၵႄႇၼႂ်းပွၵ်ႉယွမ်ႇ  တဵၵ်းၸႂ်ႉၵႂႃႇႁၢပ်ႇၵၢၼ်သိုၵ်း။ ၼႂ်းႁၢင်လိူၼ်ၵျႃၼ်ႊၼႆႉ တီႈၼႂ်းဝဵင်းဢေးတႃႇယႃႇ  ၵၢင်ႉၵႄႇႁွင်ႉၵူၼ်းမိူင်း ၸူၵ်းၶႅပ်းမႄး တႃႇႁၢပ်ႇၵၢၼ်သိုၵ်းတွၼ်ႈတႃႇၸုပ်ႈတီႈ 15 ။  ၵူၼ်းၼႂ်းပွၵ်ႉ (က) ၶဵတ်ႈမၢႆ 8 ၸူၵ်းလႆႈၶႅပ်းမႄး 3 ၵေႃႉ။...

သိုၵ်းမၢၼ်ႈပွႆႇမၢၵ်ႇ တူၵ်းသႂ်ႇတီႈပၢင်သဝ်း ၵူၼ်းပၢႆႈၽေးသိုၵ်းတီႈဝဵင်းၾၢႆၶုၼ် ၸိုင်ႈတႆးပွတ်းၸၢၼ်း၊  ၵူၼ်းမိူင်းတၢႆ 3 ၵေႃႉ  မိူင်းမၢတ်ႇၸဵပ်း 2 ၵေႃႉ။ မိူဝ်ႈဝႃး ဝၼ်းတီႈ 7/7/2025 ယၢမ်းၵၢင်ၶမ်ႈ 11 မူင်း သိုၵ်းမၢၼ်ႈ ဢဝ်ႁိူဝ်းမိၼ်သိုၵ်း ပွႆႇမၢၵ်ႇတူၵ်းသႂ်ႇတီႈ ဝၢၼ်ႈသွင်းၽူၺ်း ၾၢႆႇတူၵ်းဝဵင်းမိူင်းပၢႆး၊ ၵူၼ်းပၢႆႈၽေးသိုၵ်း သၢမ်ၵေႃႉပေႃႈမႄႈလုၵ်ႈတၢႆထင်တီႈ၊ မၢတ်ႇ ၸဵပ်းထႅင်ႈ...

တႄႇႁူဝ်လိူၼ်ၵျူႊလၢႆႊမႃးၼႆႉ သိုၵ်းၶျၢင်း CNO/CNDF လႄႈ သိုၵ်းၶျၢင်း CDF-Hualngoram ၶဵင်ႈၶႅင်ၵၢၼ်သိုၵ်းၵၼ်မႃးႁၢဝ်ႈႁႅင်း တီႈဝဵင်းရိၶေႃႊတႃႊ ၸႄႈဝဵင်းၾလမ်း (ဖလမ်းမြို့နယ်) ၸႄႈမိူင်းၶျၢင်း လႅၼ်လိၼ်ၶျၢင်း - ဢိၼ်ႊတီႊယိူဝ်ႊ။ ဝၼ်းတီႈ 05/07/2025 ယၢမ်းၵၢင်ၼႂ် သွင်ၾၢႆႇယိုဝ်းတိုၵ်းၵၼ်ႁၢဝ်ႈႁႅင်း ၵူၼ်းပိုၼ်ႉတီႈ ၸဵမ်ယိင်းၸၢႆး လုၵ်ႈဢွၼ်ႇၵူၼ်းထဝ်ႈ ဢွၼ်ၵၼ်ငိူင်ႉပၢႆႈ ၶၢမ်ႈၶူဝ်လႅၼ်လိၼ်သေ ၵႂႃႇသွၼ်ႈယူႇဝႆႉတီႈဝဵင်းၸူဝ်ႊၶေႃႊထႃး ၸႄႈမိူင်းမီႊၸူဝ်ႊရမ်ႊ...

သိုၵ်းမၢၼ်ႈၵႆႉမႃးပွႆႇမၢၵ်ႇ လႄႈႁဵတ်းႁႂ်ႈ ၵူၼ်းမိူင်းၵျွၵ်ႉမႄး ၸိုင်ႈတႆးပွတ်းႁွင်ႇ မႆႈၸႂ် လွင်ႈႁူမ်ႇလူမ်ႈ ငိူင်ႉပၢႆႈၽေးသိုၵ်းထႅင်ႈ   ။ ဝၢႆးလင် သိုၵ်းမၢၼ်ႈႁဵတ်းပၢင်ၵုမ်တီႈၼေႇပျီႇတေႃႇ ၽူဝ်ႊရမ်ႊ လွင်ႈငမ်းယဵၼ် ၼႂ်းဝၼ်း 25-27 /6/2025 ၼၼ်ႉမႃး သိုၵ်းမၢၼ်ႈ ၵႆႉဢဝ်ၶိူင်ႈမိၼ် ပွႆႇမၢၵ်ႇတီႈဝဵင်းၵျွၵ်ႉမႄး ၵူၼ်းမိူင်း ငိူင်ႉပၢႆႈၽေးသိုၵ်း ၵႂႃႇတၢင်း ဝၢၼ်ႈတွင်ႇၶျေႇ ၼႂ်းၵႄႈၵၢင်ၸႄႈဝဵင်းၵျွၵ်ႉမႄးတင်း ၸႄႈဝဵင်းၼွင်ၶဵဝ်...

မိူဝ်ႈၼႆႉ ဝၼ်းတီႈ 07/07/2025 သိုၵ်းမၢၼ်ႈ ပိုၼ်ၽၢဝ်ႇယိုတ်းၵုမ်းလႆႈၶိုၼ်း ဝဵင်းမိူင်းပၢႆးတင်းသဵင်ႈယဝ်ႉ ဢၼ်တပ်ႉသိုၵ်းယၢင်းလႅင် ၵုမ်းၵမ်ဝႆႉၼၼ်ႉ ဝႃႈၼႆ။ တႃႇတေယိုတ်းၵုမ်းလႆႈၶိုၼ်း ဝဵင်းမိူင်းပၢႆး ဢွင်ႈတီႈလႅၼ်လိၼ်တႆး - ယၢင်းလႅင်ၼၼ်ႉ သိုၵ်းမၢၼ်ႈလႆႈၸႂ်ႉၶၢဝ်းယၢမ်း 6 လိူၼ်သေ ၸႂ်ႉလၢႆးတၢင်းတိုၵ်းၵူႈသႅၼ်းသႅၼ်း ပႃးၸဵမ်ၶိူင်ႈမိၼ်တိုၵ်းၸိူဝ်းၼႆႉ ၶဝ်ႈလေႃႇတိုၵ်းတပ်ႉသိုၵ်းယၢင်းလႅင် ၼႆယဝ်ႉ။ ဝဵင်းမိူင်းပၢႆး လႅၼ်လိၼ်တႆး - ယၢင်းလႅင်ၼႆႉ သိုၵ်းယၢင်းလႅင်ၶဝ်...

တႄႇႁၢင်လိူၼ်ၵျုၼ်ႊၼၼ်ႉမႃး တေႃႇႁူဝ်လိူၼ်ၵျူႊလၢႆႊမႃးၼႆႉ သိုၵ်းမၢၼ်ႈတင်း သိုၵ်းတဢၢင်း ပဵၼ်ပၢင်တိုၵ်းၵၼ်ႁၢဝ်ႈႁႅင်း ၾၢႆႇသိုၵ်းမၢၼ်ႈ ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇလူင်သႂ်ႇ ၸွမ်းဝဵင်းၼွင်ၶဵဝ်၊ ဝဵင်းၵျွၵ်ႉမႄး၊ ဝဵင်းသီႇပေႃႉ၊ မိူင်းၵုတ်ႈ ၸိူဝ်းပဵၼ်ၼႂ်းၼႃႈတီႈတပ်ႉသိုၵ်းတဢၢင်း (TNLA) ၵုမ်းၵမ်ဝႆႉၸိူဝ်းၼၼ်ႉ ၸၢၵ်ႇမၢၵ်ႇတိူဝ်ႉၺႃးၵူၼ်းမိူင်း မၢတ်ႇၸဵပ်းလူႉတၢႆၵႂႃႇၸွမ်းတင်းၼမ် ၼႆယဝ်ႉ။ မိူဝ်ႈဝၼ်းတီႈ 04/07/2025 ၼႆႉ သိုၵ်းမၢၼ်ႈတင်း သိုၵ်းတဢၢင်း ပဵၼ်ပၢင်တိုၵ်းၵၼ်ႁၢဝ်ႈႁႅင်း ၸွမ်းဝၢၼ်ႈ...

တႄႇႁူဝ်လိူၼ်ၵျူႊလၢႆႊၼႆႉမႃး သိုၵ်းၵဝ်ႈၵၢင်ႉ (MNDAA) ၸိူဝ်းၵုမ်းၵမ်ယူႇဝႆႉၼႂ်းပိုၼ်ႉတီႈၸွမ်းသၢပ်ႇဝဵင်းလႄႈ ၼွၵ်ႈဝဵင်းလႃႈသဵဝ်ႈ ဢိၵ်ႇပႃးဝဵင်းသႅၼ်ဝီ၊ ၵုၼ်လူင်၊ ႁူဝ်ပၢင်ႇ တေႃႇပေႃးထိုင် ဝဵင်းၼမ်ႉၽႃႈ (ၶျိၼ်ႊသူၺ်ႇႁေႃႇ) ၼႆႉ ဢမ်ႇမီးငဝ်းလၢႆးတႃႇထွႆဢွၵ်ႇပၼ်ၶိုၼ်းသိုၵ်းမၢၼ်ႈ ၸွမ်းၼင်ႇ ၶၢဝ်ႇႁူင်လိုဝ်းၵၼ်ၵူၺ်းဢမ်ႇၵႃး ယင်းပၢႆၵဵပ်းသိုၵ်းမႂ်ႇ ယွၼ်းၵူၼ်း ၼုမ်ႇ တႃႇၶဝ်ႈႁၢပ်ႇထၢမ်းၵၢၼ်သိုၵ်း တီႈၵူၼ်းမိူင်းထႅင်ႈၵွၼ်ႇ ၼႆယဝ်ႉ။ မိူဝ်ႈဝၼ်းတီႈ 02/07/2025 ပူၼ်ႉမႃးၼႆႉ သိုၵ်းၵဝ်ႈၵၢင်ႉ...

ဝၼ်းတီႈ 02-04/07/2025 ၼႆႉ ပၢင်ၵုမ်ၶွမ်ႊမတီႊလႅၼ်လိၼ်မိူင်းထႆး - မိူင်းမၢၼ်ႈ (RBC) ပွၵ်ႈၵမ်း (37) မီးတူဝ်တႅၼ်းသိုၵ်းမၢၼ်ႈလႄႈ တပ်ႉသိုၵ်းႁေႃၶမ်းမိူင်းထႆး ၶဝ်ႈႁူမ်ႈဢုပ်ႇ ဢူဝ်းၵႂႃႇၸွမ်း တႃႇၶၢဝ်းတၢင်းသၢမ်ဝၼ်း တီႈဝဵင်းၵဵင်းမႂ်ႇ ၸိုင်ႈထႆး။ ၼႂ်းပၢင်ၵုမ်ၼၼ်ႉ ဢုပ်ႇဢူဝ်းၵၼ်ၵႂႃႇ ၵဵဝ်ႇၵပ်းၵၢၼ်ႁူမ်ႇလူမ်ႈ၊ ပၼ်ႁႃလိူင်ႈၵျႃးၽႅၼ်ႉ ၵၢၼ်လွၵ်ႇလႅၼ် ၵိၼ်ငိုၼ်းၼိူဝ်ဢွၼ်ႊလၢႆႊ၊ ပၼ်ႁႃၵႄးၼမ်ႉၵူၵ်း၊ ၼမ်ႉမႄႈသၢႆ ၸိူဝ်းၼႆႉ။...

ၵူၼ်းဢၼ်ပႃးသဵၼ်ႈသၢႆမၢႆ တႃႇၶဝ်ႈႁၢပ်ႇၵၢၼ်သိုၵ်းၼၼ်ႉသင်ၸိူဝ်ႉဝႃႈ ဢမ်ႇၶႂ်ႈၶဝ်ႈႁၢပ်ႇၵၢၼ်သိုၵ်းၼႆၸိုင် လႆႈၵႂႃႇငူပ်ႉငီႉၵၼ်တၢင်းၵၢင်ႉၵႄႇ ၼႂ်းပွၵ်ႉသေ လႆႈပၼ်ငိုၼ်းတီႈၵၢင်ႉၵႄႇ ၼပ်ႉႁူဝ်သိပ်းသႅၼ်ပျႃး တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ဝႃႈၼႆ   ။ တႄႇၼႂ်းႁူဝ်လိူၼ်ၵျူႊလၢႆႊ ၼႆႉမႃးၵၢင်ႉၵႄႇ သူင်ႇလိၵ်ႈၸူးၵူၼ်းမိူင်း ၼႂ်းဝဵင်းတူၼ်ႈတီးလၢႆလၢႆပွၵ်ႉ လွင်ႈၵဵပ်းၵူၼ်းတႃႇႁၢပ်ႇၵၢၼ်သိုၵ်း ၸုပ်ႈ  15 ၊ၵၢင်ႉၵႄႇလၢတ်ႈဝႃႈ  ပေႃးဢမ်ႇၶႂ်ႈၶဝ်ႈႁၢပ်ႇၵၢၼ်သိုၵ်း ၼႆၸိုင် တႃႇတေၸၢင်ႈၵူၼ်းၵႂႃႇတႅၼ်းၼၼ်ႉ တေလႆႈပၼ်ငိုၼ်းတီႈၵၢင်ႉၵႄႇ ၼပ်ႉႁူဝ်သိပ်းသႅၼ်ပျႃး ဝႃႈၼႆ...