ဝၼ်းတီႈ 9/8/2025 ယၢမ်းႁူဝ်ၶမ်ႈ 6 မူင်းၶိုင်ႈၼႆႉ သိုၵ်းမၢၼ်ႈဢဝ်ႁိူဝ်းမိၼ်ယိုဝ်းသႂ်ႇ တွၼ်ႈဝၼ်းဢွၵ်ႇဝဵင်းမိူင်းၵုတ်ႈ မၢၵ်ႇလူင်တူၵ်းတိူဝ်ႉသႂ်ႇၵူၼ်းမိူင်းတၢႆ 5 ၵေႃႉ ပႃးသင်ႇၶၸဝ်ႈတူၼ်ၼိုင်ႈ။
သိုၵ်းမၢၼ်ႈဢဝ်ႁိူဝ်းမိၼ်သိုၵ်းမႃးယိုဝ်းမၢၵ်ႇလူင်သႅၼ်း 500 ပွင်ႇ 2 လုၵ်ႈ။ သင်ၶၸဝ်ႈတူၼ်ၼိုင်ႈ ထဝ်ႈၸၢႆးဢႃယု 71 ပီၵေႃႉၼိုင်ႈ၊ ၼၢင်းယိင်းဢႃယု 32 ပီၵေႃႉၼိုင်ႈ၊ လုၵ်ႈဢွၼ်ႇဢႃယု 11 ၶူပ်ႇၵေႃႉၼိုင်ႈလႄႈ ဢႃယု 8 ၶူပ်ႇၵေႃႉၼိုင်ႈ လူႉတၢႆဝႃႈၼႆ။
“ တိူဝ်ႉၵျွင်းမုၼ်ၸဝ်ႈဢေႃႈ။ တိူဝ်ႉပႃးႁိူၼ်းယေးၵူၼ်းမိူင်းၸိူဝ်းမီးႁိမ်းႁွမ်းၼၼ်ႉ။ ၵူၼ်းမၢတ်ႇၸဵပ်းမီး 3 ၵေႃႉ။ မီးသင်ၶၸဝ်ႈတူၼ်ၼိုင်ႈလႄႈ ၼၢင်းယိင်း 2 ၵေႃႉ။” -ၵူၼ်းမိူင်းၵုတ်ႈၵေႃႉၼိုင်ႈလၢတ်ႈၼင်ႇၼႆ။
ဝၼ်းတီႈ 9 ၼၼ်ႉၵူၺ်းၼင်ႇၵဝ်ႇ ယၢမ်းဝၢႆးဝၼ်း 4 မူင်းၶိုင်ႈၼၼ်ႉ ႁိူဝ်းမိၼ်သိုၵ်းမၢၼ်ႈ ပိုတ်းယိုဝ်းသႂ်ႇဝဵင်းသီႇပေႃႉ ၸၢၵ်ႇမၢၵ်ႇမၢတ်ႇၵူၼ်းၸၢႆးၵေႃႉၼိုင်ႈ ႁိူၼ်းယေးလူႉၵွႆၵႂႃႇ 7 လင်။
ဝၼ်းတီႈ 2/8/2025 ၼႆႉသမ်ႉသိုၵ်းမၢၼ်ႈပိုတ်းယိုဝ်းတီႈပွတ်းတူၵ်းမိူင်းၵုတ်ႈ ၵူၼ်းမိူင်းတၢႆ 13 ၵေႃႉ မၢတ်ႇၸဵပ်း 14 ၵေႃႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ