ၶွင်ႊသီႊၵိူဝ်းၵုမ်ႇၵဵဝ်ႇလူၺ်ႈမိူင်းမၢၼ်ႈ SAC-M ဢွၵ်ႇၽိုၼ်ႁၢႆးငၢၼ်းဝႃႈ - ၶွမ်ႊမၼီႊ China South မိူင်းၶႄႇ ၸွႆထႅမ်ပၼ်ႁူင်းၸၢၵ်ႈႁဵတ်းဢွၵ်ႇၶိူင်ႈၾၢႆႇၵႅတ်ႇၶႄ ၶွင်ၸုမ်းသိုၵ်းမၢၼ်ႈ (ကပစ ၂၁) တႃႇႁႂ်ႈသိုၵ်းမၢၼ်ႈမီးမၢၵ်ႇလူင်တႃႇႁိူဝ်းမိၼ်လူင်းၼႂ်းဝၢၼ်ႈၼႂ်းဝဵင်း ဝႃႈၼႆ။ ၽိုၼ်လိၵ်ႈႁၢႆးငၢၼ်းၼႆႉဢွၵ်ႇမႃးဝၼ်းတီႈ 16/07/2025 ၼၼ်ႉမီးႁူဝ်ၶေႃႈဝႃႈ - ႁူင်းၸၢၵ်ႈ မရၼ- မိူင်းၶႄႇၸွႆႈထႅမ်သိုၵ်းမၢၼ်ႈ တႃႁဵတ်းၶိူင်ႈမၢၵ်ႇဢၼ်ဢဝ်ႁိူဝ်းမိၼ်သိုၵ်းယိုဝ်း - ၼႆသေ မီးပႃးသၢၵ်ႈသေႇလၵ်းထၢၼ်ၵူႈၸိူဝ်ႉၵူႈလွင်ႈ။ ဢၼ်မႃးၵမ်ႉၸွႆႈသိုၵ်းမၢၼ်ႈတႃႇႁႂ်ႈပူၼ်ႉပႅၼ်သုၼ်ႇလႆႈၵူၼ်းႁၢႆႉႁႅင်းယူႇမိူင်းမၢၼ်ႈၼႆႉပဵၼ်ၶွမ်ႊပၼီႊ...

တႄႇၵၢင်လိူၼ်ၵျူႊလၢႆႊမႃး ၶၢဝ်းတၢင်းသွင်ဝူင်ႈၼႆႉ သိုၵ်းမၢၼ်ႈ ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ၼႂ်းၸႄႈဝဵင်းသီႇပေႃႉ ၼႃႈတီႈသိုၵ်းတဢၢင်း TNLA ၵုမ်းၵမ် ဢမ်ႇၵိုတ်းဢမ်ႇထၢတ်ႇ တိူဝ်ႉၵူၼ်းမိူင်းလူႉတၢႆ မၢတ်ႇၸဵပ်း  ႁိူၼ်းၵူၼ်းမိူင်းၵေႃႈ  လူႉၵွႆတင်းၼမ်။  ဝၼ်းတီႈ 20 ယၢမ်းၵၢင်ၶိုၼ်း မွၵ်ႈ 10 မူင်းၶိုင်ႈ  သိုၵ်းမၢၼ်ႈၸႂ်ႉႁိူဝ်းမိၼ်တိုၵ်း ပွႆႇမၢၵ်ႇလူင် ႁႅင်း 250 ပွင်ႊ...

ယၢမ်းလဵဝ် တီႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇၼႆႉ သိုၵ်းမၢၼ်ႈ ပိုၼ်ၽၢဝ်ႇ ၵုမ်းၵမ်လႆႈၶိုၼ်းယဝ်ႉသေတႃႉ ၵူၼ်းပၢႆႈၽေးသိုၵ်းၶဝ် ပႆႇႁတ်းပွၵ်ႈႁိူၼ်းယေးၵၼ် ယွၼ်ႉပႆႇမီးလွင်ႈႁူမ်ႇလူမ်ႈ။ ဝၼ်းတီႈ 18/07/2025 ၼႆႉ သိုၵ်းမၢၼ်ႈ ယိုတ်းမိူင်း ပိုၼ်ၽၢဝ်ႇ ၵုမ်းၵမ်လႆႈၶိုၼ်း ဝဵင်းၼွင်ၶဵဝ်ယဝ်ႉ ၵူၼ်းမိူင်းပိုၼ်ႉတီႈတႄႉ တိုၵ်ႉမႆႈၸႂ်လွင်ႈႁူမ်ႇလူမ်ႈယူႇလႄႈ ယွၼ်ႉၼၼ် တေႃႇထိုင်ယၢမ်းလဵဝ် ပႆႇႁတ်းပွၵ်ႈၶိုၼ်းႁိူၼ်းယေးၵၼ် တိုၵ်ႉၵိုတ်းထႅင်ႈတင်းၼမ် ၼႆယဝ်ႉ။ ၵူၼ်းပၢႆႈၽေးသိုၵ်း ဝဵင်းၼွင်ၶဵဝ်...

 ၵၢင်ႉၵႄႇႁွင်ႉၵူၼ်းမိူင်းတူၼ်ႈတီးၸူၵ်းမႄး တႃႇၾိုၵ်းၵၢၼ်သိုၵ်းၸုပ်ႈ 15 ယဝ်ႉဢမ်ႇႁိုင် ၼႂ်းႁၢင်လိူၼ် ၵျူႊလၢႆႊ ၼႆႉ  သိုၵ်းမၢၼ်ႈဢႅဝ်ႇႁႃတီႉၺွပ်း ၵူၼ်းမိူင်းတီႈဝဵင်းတူၼ်ႈတီး   ယၢမ်းၵၢင်ၶမ်ႈၵၢင်ၶိုၼ်း  ။ ၼႂ်းဝၼ်းတီႈ15/7/2025 ယၢမ်းၵၢင်ၶမ်ႈ 9 မူင်း ပလိၵ်ႈမၢၼ်ႈ တီႉၺွပ်း ၵူၼ်းၸၢႆး မွၵ်ႈ 20 ၵေႃႉတၢင်းၾၢႆႇႁွင်ႇၵၢတ်ႇလူင်လႄႈ ၼႂ်းပွၵ်ႉၵၢၼ်ႇဢွၵ်ႉ ၸိူဝ်းၼၼ်ႉ။   ၽူႈၸၢႆးၵူၼ်းပိုၼ်ႉတီႈ ဢၼ်ႁူႉလွင်ႈတၢင်းၼၼ်ႉ...

ပူၼ်ႉမႃး ဝၼ်းတီႈ 13/07/2025 ၼႆႉ ၾၢႆႇမိူင်းဢိၼ်ႊတီႊယိူဝ်ႊ ၸႂ်ႉၶိူင်ႈၵွင်ႈလူင်တင်း ၶိူင်ႈတရူၼ်ႊ UAV သေ ယိုဝ်းပူၼ်ႉလႅၼ်လိၼ်ၶဝ်ႈမႃးထိုင် ၼႂ်းထုင်ႉၼႃႇၵ တိူင်းၸႄႈၵႅင်း။ မိူင်းဢိၼ်ႊတီႊယိူဝ်ႊ ၼႄၶေႃႈဢၢင်ႈဝႃႈ လႆႈယိုဝ်းတိုၵ်းသႂ်ႇတပ်ႉပၢင်သဝ်း ၸုမ်းလုၵ်ႉၽိုၼ်ႉ ဢႃႇသမ်ႇ ႁွင်ႉ ၸုမ်းပူတ်းပွႆႇၽွမ်ႉႁူမ်ႈ ဢႃႇသမ်ႇ ULFA ဢၼ်တိုၵ်ႉၶတ်းၸႂ် တႃႇတေ ၽၢတ်ႇ ဢွၵ်ႇမိူင်းဢိၼ်ႊတီႊယိူဝ်ႊ...

တႄႇဢဝ် ဝၼ်းတီႈ 14/07/2025 ၼႆႉမႃး ၸိုင်ႈမိူင်း 19 မိူင်း ပႃးၸဵမ်မိူင်းဢမေႊရိၵၼ်ႊ၊ မိူင်းပရဵင်ႊတဵင်ႊ၊ မိူင်းၵျပၼ်ႊလႄႈ မိူင်းဢိၼ်ႊတီႊယိူဝ်ႊ ၸိူဝ်းၼႆႉ ဢဝ်ဢဵၼ်ႁႅင်းသိုၵ်း 35,000 ပၢႆသေ ႁူမ်ႈၵၼ်ၾိုၵ်းၽွၼ်ႉၵၢၼ်သိုၵ်းယႂ်ႇလူင် တီႈမိူင်းဢေႃးသတြေးလီးယိူဝ်း ဝႃႈၼႆ။ ပၢင်ႁူမ်ႈၵၼ်ၾိုၵ်းၽွၼ်ႉၵၢၼ်သိုၵ်းပွၵ်ႈၼႆႉ ပဵၼ်ပွၵ်ႈၵမ်း 11 ၊ ပၼ်ၸိုဝ်ႈဝႆႉဝႃႈ Talisman Sabre။...

မိူဝ်ႈဝၼ်းတီႈ 16/07/2025 ယၢမ်းၵၢင်ဝၼ်း 12 မူင်း သိုၵ်းမၢၼ်ႈ ပိုၼ်ၽၢဝ်ႇဢွၵ်ႇဝႃႈ ယိုတ်းၵုမ်းဢဝ်လႆႈ ၸႄႈဝဵင်းၼွင်ၶဵဝ်ၶိုၼ်းတင်းသဵင်ႈ ၼႂ်းမိုဝ်းတပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA ယဝ်ႉ ဝႃႈၼႆ။ တႄႇႁၢင်လိူၼ်ၵျုၼ်ႊမႃး သိုၵ်းတဢၢင်းတင်း သိုၵ်းမၢၼ်ႈ ပဵၼ်ပၢင်တိုၵ်းၵၼ်မႃးၶိုၼ်းႁၢဝ်ႈႁႅင်း ၼႂ်းၸႄႈ ဝဵင်းၼွင်ၶဵဝ်သေ ပိူဝ်ႈတႃႇသိုၵ်းမၢၼ်ႈ တေယိုတ်းၵုမ်းဢဝ်လႆႈ ၶဝ်ႈထိုင် ၶိုၼ်း ၼႂ်းဝဵင်းၼွင်ၶဵဝ်ၼႆႉ ၾၢႆႇသိုၵ်းမၢၼ်ႈ...

ၼႂ်းပီ 2026 တေထိုင်ၼႆႉ မိူင်းၵမ်ႇပူးၶျႃး တေတႄႇၸႂ်ႉတိုဝ်းပၵ်းပိူင် ၵူၼ်းမိူင်းၵူႈၵေႃႉ တၵ်းတေလႆႈႁၢပ်ႇထၢမ်းၵၢၼ်သိုၵ်း ဝႃႈၼႆ။ ယွၼ်ႉပၼ်ႁႃ လွင်ႈၶဵင်ႈၶႅင်ၸွမ်းလႅၼ်လိၼ်ထႆး - ၵမ်ႇပူးၶျႃးသေ ယူႇတီႈမိူင်းၵမ်ႇပူးၶျႃး ၸင်ႇလႆႈႁၢင်ႈႁႅၼ်း တေတႄႇၸႂ်ႉတိုဝ်းပၵ်းပိူင်ဢၼ်ၼႆႉၵႂႃႇ ၼႆယဝ်ႉ။ ပၵ်းပိူင် ၵဵဝ်ႇလူၺ်ႈလွင်ႈၵူၼ်းမိူင်းၵမ်ႇပူးၶျႃးၵူႈၵေႃႉ ၼႂ်းၵႄႈဢႃယု 18 – 30 ပီ တၵ်းတေလႆႈ ႁၢပ်ႇထၢမ်းၵၢၼ်သိုၵ်းၼႆၼၼ်ႉ ယူႇတီႈ...

တႄႇဝၼ်းတီႈ 14 လိူၼ်ၵျူႊလၢႆႊမႃး သိုၵ်းမၢၼ်ႈ တင်း သိုၵ်းၶၢင် ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းၸႄႈဝဵင်းၽႃၵၢၼ်ႉ တင်း ထုင်ႉၼွင် မႄႈမၢႆႈ (အင်းတော်ကြီးဒေသ)  သိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇလူင်သႂ်ႇႁၢဝ်ႈႁႅင်း ၼႂ်းဝဵင်းၽႃၵၢၼ်ႉ ၼႃႈတီႈသိုၵ်း ၶၢင် KIA ၵုမ်းၵမ် ၼႂ်းမိူင်းၶၢင်။ ပၢင်တိုၵ်းၼႆႉ ပဵၼ်ၾၢႆႇတူၵ်းဝဵင်းၽႃၵၢၼ်ႉ တၢင်းဝၢၼ်ႈမေႃႇဝၼ်းလေး (မှော်ဝမ်းလေး)၊...

သိုၵ်းမၢၼ်ႈ တင်း သိုၵ်းတဢၢင်း တိုၵ်ႉသိုပ်ႇပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းၸႄႈဝဵင်းၼွင်ၶဵဝ်  ၾၢႆႇသိုၵ်းမၢၼ်ႈထႅမ်ႁႅင်းသိုၵ်းၶဝ်ႈယူႇတင်းၼမ် ၵူၺ်းၵႃႈသိုၵ်းတဢၢင်းတိုၵ်ႉၵုမ်းဝႆႉပႆႇထွႆပၼ်။ ယၢမ်းလဵဝ် သိုၵ်းမၢၼ်ႈ လုၵ်ႉတၢင်းဝၢၼ်ႈတွင်းၶမ်း ၸႂ်ႉႁိူဝ်းမိၼ်၊ ၶိူင်ႈတရူၼ်ႊ၊ ၶိူင်ႈၵွင်ႈလူင် ပႃးၸဵမ်ႁႅင်း သိုၵ်းတပ်ႉပႆလိၼ် ၼပ်ႉႁူဝ်ႁဵင် ႁႅၼ်းသိုၵ်းၽိုတ်ႉၶဝ်ႈမႃးႁိမ်းတၢင်းၶဝ်ႈဝဵင်းၼွင်ၶဵဝ်  ပဵၼ်ပၢင်တိုၵ်းၵၼ် တင်း သိုၵ်းတဢၢင်း TNLA ႁၢဝ်ႈႁႅင်းၼႆ  လူၺ်းယေႇဢူး ၽူႈၶၢၼ်ပၢၵ်ႇ သိုၵ်းတဢၢင်း...

ၸဝ်ႈၸၢင်းတူၼ်ၼိုင်ႈ ယူႇဝဵင်းယႂႃႇငၢၼ်ႇၸိုင်ႈတႆးပွတ်းၸၢၼ်း ၵိုင်ႉၵၢင်ႉႁၢႆၵႂႃႇလႆႈၶၢဝ်းတၢင်း 10 ဝၼ်းပၢႆယဝ်ႉ ပႆႇႁၼ်ၶိုၼ်း ပဵၼ်ၽႂ်တီႉၵႂႃႇ - ႁၢႆၵႂႃႇမီးလႂ် ၽႂ်ပႆႇႁူႉငိူၼ်ႈငဝ်ႈမၼ်း - ဝႃႈၼႆ။   မုၼ်ၸဝ်ႈဢၼ်ႁၢႆၵႂႃႇၼႆႉ ဢႃယုမီးၸမ် 60 ပီယဝ်ႉ။ မၼ်းၸဝ်ႈပဵၼ်ၵူၼ်းဝၢၼ်ႈ တပိၼ်ႇပျေႃႇ ဝဵင်းယႂႃႇငၢၼ်ႇ။ ၸင်ႇႁႃၼုင်ႈသၢင်ႇၵၢၼ်းသေမႃးယူႇတီႈဝတ်ႉၵျွင်း လႆႈ 6 ပီၵူၺ်း ၊...

မိူဝ်ႈၼႆႉ ဝၼ်းတီႈ 15 /07/2025 ယၢမ်းၵၢင်ဝၼ်း မွၵ်ႈ 1 မူင်း ႁိူဝ်းမိၼ်သိုၵ်းမၢၼ်ႈ ပွႆႇမၢၵ်ႇသႂ်ႇ ၵဵၵ်ႉလၢၼ်ႇသိုၵ်းတဢၢင်း ဢၼ်တင်ႈဝႆႉႁိမ်းၶူဝ် တၢင်းၽႄမၢၼ်ႈပိုၼ်ႉ သဵၼ်ႈတၢင်းၶဝ်ႈဝဵင်းမိူင်းငေႃႉ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။ ၼၢင်းယိင်းၵူၼ်းမိူင်းငေႃႉ  လၢတ်ႈတီႈၽူႈတွႆႇႁွၵ်ႈဝႃႈ “ဢမ်ႇၸႂ်ႈၶူဝ်ဢၼ်မီးၼႂ်းဝဵင်း။ မၢၵ်ႇတူၵ်းသႂ်ႇႁိမ်းၶူဝ် တီႈတၢင်းၽႄ မၢၼ်ႈပိုၼ်ႉ တၢင်းၶဝ်ႈမႃးဝဵင်းမိူင်းငေႃႉၼၼ်ႉ။ ၶူဝ်ဢမ်ႇပေႃးတိူဝ်ႉႁႅင်းလႄႈ ယင်းတိုၵ်ႉတေႃႉတႄႉၵႂႃႇမႃးလႆႈယူႇ”...

သိုၵ်းမၢၼ်ႈဢဝ်ႁိူဝ်းမိၼ်ပွႆႇမၢၵ်ႇ တီႈဝဵင်းသီႇပေႃႉ ၸိုင်ႈတႆးပွတ်းႁွင်ႇ ႁဵတ်းႁႂ်ႈၵူၼ်းမိူင်းလူႉတၢႆ 2 ၵေႃႉ ၊ မၢတ်ၸဵပ်း 2 ၵေႃႉ   ။ မိူဝ်ႈၼႆႉ ဝၼ်းတီႈ 14/7/2025 ယၢမ်းႁူဝ်ၶမ်ႈ 6 မူင်း သိုၵ်းမၢၼ်ႈ ဢဝ်ႁိူဝ်းမိၼ် Jet Fighter ပွႆႇမၢၵ်ႇတူၵ်းတႅၵ်ႇ တိူဝ်ႉၾၢႆႇၸၢၼ်း ၵျွင်းၽြႃးၶရိတ်ႉယၼ်ႇ Immanuel...

မိူဝ်ႈဝၼ်းတီႈ 11/07/2025 သိုၵ်းဝႃႉ (UWSA) ဢွၵ်ႇၶေႃႈပူင် ၸီႉသင်ႇႁႂ်ႈႁုပ်ႈသိမ်း ယႃႉပႅတ်ႈၵဵတ်ႉလၢၼ်ႇ တင်းသဵင်ႈ ၸိူဝ်းတင်ႈဝႆႉၼိူဝ်ႈသဵၼ်ႈတၢင်းလူင် တႃႇၵူတ်ႇထတ်း ၵူၼ်းၸိူဝ်းၶဝ်ႈဢွၵ်ႇၵႂႃႇမႃး ၼႂ်းၼႃႈတီႈ ၶဝ်ၵုမ်းၵမ် ၼႂ်းၸႄႈဝဵင်းမိူင်းပွၵ်ႉ၊ မိူင်းလိူၼ်း၊ မိူင်းမွၵ်ႇ (မိုင်းမော)၊ ႁူဝ်ပၢင်ႇ ၸဵမ်ၸိူဝ်းၼႆႉ။ ၵဵတ်ႉလၢၼ်ႇၸိူဝ်းၺႃးသင်ႇယႃႉပႅတ်ႈၼႆႉ ပဵၼ်ၵဵတ်ႉလၢၼ်ႇ ၼိူဝ်သဵၼ်ႈတၢင်းလူင် ဢၼ်ၸုမ်းသိုၵ်းဝႃႉလႄႈ မိူင်းၶႄႇ ၸႂ်ႉတိုဝ်းႁဵတ်းၵၢၼ်ၵႃႉၶၢႆတေႃႉသူင်ႇၶူဝ်းၵုၼ်ႇၵၼ်ၵႂႃႇမႃးလႆႈၼၼ်ႉ...

သိုၵ်းမၢၼ်ႈတင်း သိုၵ်းတဢၢင်း (TNLA) ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼိူဝ်သဵၼ်ႈတၢင်းလူင်ၵၢၼ်ၵႃႉၶၢႆ မိူင်းမၢၼ်ႈ - မိူင်းၶႄႇ သဵၼ်ႈတၢင်းဝဵင်းၼွင်ၶဵဝ် - ဝဵင်းၵျွၵ်ႉမႄးသေ ႁႅင်းတပ်ႉပႆလိၼ်သိုၵ်းမၢၼ်ႈ ၶဝ်ႈၽႅဝ်ထိုင်လႆႈတီႈပၢႆႉတၢင်းၶဝ်ႈဝဵင်းၼွင်ၶဵဝ် ယၢၼ်ၵႆၵၼ်တင်းဝဵင်းၼွင်ၶဵဝ်မွၵ်ႈ 3 လၵ်းယဝ်ႉ ဝႃႈၼႆ။ သိုၵ်းမၢၼ်ႈၸတ်းငႃးသိုၵ်း 3 ငႃး၊ ၸႂ်ႉႁႅင်းတပ်ႉပႆလိၼ် တပ်ႉမ 11 (အင်းတိုင်) ၊...