ရတ်ႉသျႃး ၸႂ်ႉတိုဝ်းၶိူင်ႈတရူၼ်ႊလႄႈ မၢၵ်ႇၼူၾႆးတၢင်းၼမ်သေ တိုၵ်းတေႃးၶဝ်ႈၼႂ်းပွတ်းတူၵ်း မိူင်းယူႊၶရဵၼ်ႊ၊ ပဵၼ်လွင်ႈတိုၵ်းတေႃး ဢၼ်ႁၢဝ်ႈႁႅင်းလိူဝ်ပိူၼ်ႈၼႂ်းဝူင်ႈဝၢင်ႈၼႆႉ – ၽူႈမီးပုၼ်ႈၽွၼ်း ၾၢႆႇမိူင်းယူႊၶရဵၼ်ႊ လၢတ်ႈၼင်ႇၼႆ။

ယွၼ်ႉလွင်ႈတိုၵ်းတေႃးၼႆႉသေ ၼႂ်းပိုၼ်ႉတီႈ ၸႃႇပူဝ်ႇရိတ်ႉၸီးယိူဝ်း၊ တီႇၼီႇပရူဝ်ႇပႅတ်ႉရွပ်ႉလႄႈ လႃႇပိတ်ႉ ၸိူဝ်းၼႆႉ မီးလွင်ႈတုမ်ႉတိူဝ်ႉလူႉသုမ်း၊ ၵူၼ်းမိူင်းလူႉတၢႆ ၵေႃႉၼိုင်ႈ။

တပ်ႉသိုၵ်း မိူင်းယူႊၶရဵၼ်ႊ လၢတ်ႈဝႃႈ – ရတ်ႉသျႃး ၸႂ်ႉတိုဝ်းၶိူင်ႈတရူၼ်ႊ၊ မၢၵ်ႇၼူၾႆး 600 လုၵ်ႈသေ ၶဝ်ႈတိုၵ်းတေႃး၊ ၼႂ်းၼၼ်ႉ ယူႇတီႈမိူင်းယူႊၶရဵၼ်ႊ လႆႈယိုဝ်းတူၵ်းပႅတ်ႈ 577 လုၵ်ႈ ဝႃႈၼႆ။

ၽွင်းလူင်ၾၢႆႇၼွၵ်ႈမိူင်း မိူင်းယူႊၶရဵၼ်ႊ လၢတ်ႈဝႃႈ – ၼႂ်းမၢၵ်ႇၼူၾႆး ဢၼ်ရတ်ႉသျႃး ပိုတ်းယိုဝ်း တိုၵ်းတေႃးသႂ်ႇတင်းၼမ်ၼၼ်ႉ တႃႇလုၵ်ႈၼိုင်ႈ ၵႂႃႇတူၵ်းသႂ်ႇတီႈ ၶွမ်ႊပၼီႊ ႁဵတ်းဢွၵ်ႇၶိူင်ႈဢီႊ လႅတ်ႉထရေႃႊၼိတ်ႉ မိူင်းဢမေႊရိၵၼ်ႊ ဢၼ်မီးဝႆႉၼႂ်းပွတ်းဝၼ်းတူၵ်း မိူင်းယူႊၶရဵၼ်ႊ၊ မီးလွင်ႈတုမ်ႉတိူဝ်ႉမၢတ်ႇၸဵပ်း လူႉသုမ်းတင်းၼမ် ဝႃႈၼႆ။

ဝၢႆးၸွမ်ၸိုင်ႈ မိူင်းယူႊၶရဵၼ်ႊ လၢတ်ႈဝႃႈ ပၢင်ဢုပ်ႇၵုမ်ၵၼ်တင်း ၸွမ်ၸိုင်ႈမိူင်းရတ်ႉသျႃး တေၸၢင်ႈပဵၼ်လႆႈတီႈ မိူင်းသုၺ်ႊၸႃႊလၼ်ႊ ဢမ်ႇၼၼ် မိူင်းဢေႃႊသတြေႊလီႊယိူဝ်ႊ ဢမ်ႇၼၼ် မိူင်းတူႊရၵီႊၼႆ။ ၵွပ်ႈၼႆလႄႈ တင်းရတ်ႉသျႃး ၸင်ႇပွႆႇၶိူင်ႈတရူၼ်ႊ ၶဝ်ႈတိုၵ်းမိူင်းယူႊၶရဵၼ်ႊၼႆ – သိုဝ်ႇၶၢဝ်ႇ BBC ဢွၵ်ႇဝႆႉၼင်ႇၼႆ။