ႁွင်ႈၵၢၼ်ၽွင်းလူင်ၾၢႆႇပၼ်ႊတႃႊငိုၼ်းတွင်း မိူင်းႁူမ်ႈတုမ်ဢမေႊရိၵၼ်ႊ ဢိုတ်းႁႅတ်ႉပၢႆးမၢၵ်ႈမီး ၽူႈၼမ်းၸိၵ်းၸွမ်သိုၵ်း မိူင်းႁူမ်ႈတုမ်မၢၼ်ႈလႄႈၸုမ်းၸိူဝ်း၊  ႁွင်ႈၵၢၼ်ၾၢႆႇၵႅတ်ႇၶႄ မိူင်းမၢၼ်ႈ လၢတ်ႈဝႃႈ ၼွၵ်ႈလိူဝ်တုမ်ႉတိူဝ်ႉၵုင်ႇသိၵ်ႈၶႃႇ ဢမ်ႇမီးလွင်ႈလုသုမ်းသင် ဝႃႈၼႆ။ ဝၼ်းတီႈ 10/12/2019 ႁွင်ႈၵၢၼ်ၽွင်းလူင် ၾၢႆႇပၼ်ႊတႃႊငိုၼ်းတွင်း ၾၢႆႇၵုမ်းၵမ် ၶူဝ်းၶွင်ၵူၼ်းၼွၵ်ႈ မိူင်း ၸိုင်ႈမိူင်းဢမေႊရိၵၼ်ႊပိုၼ်ၽၢဝ်ႇ ဢိုတ်းႁႅတ်ႉပၢႆးမၢၵ်ႈမီး ၸွမ်ၸိၵ်းသိုၵ်းလူင် မိၼ်းဢွင်ႇလၢႆႇ ၸွမ်ဢွၼ်ႁူဝ်ၾၢႆႇၵႅတ်ႇၶႄ   တပ်ႉသိုၵ်းမၢၼ်ႈ ၊...

တပ်ႉသိုၵ်းလူင်ပွင်ၸိုင်ႈမၢၼ်ႈ တင်း တပ်ႉသိုၵ်းတဢၢင်း TNLA ပဵၼ်ပၢင်တိုၵ်းၵၼ် ၼႂ်းၸႄႈဝဵင်းၼမ်ႉၶမ်း ၸိုင်ႈတႆး ပွတ်းႁွင်ႇ။ မိူဝ်ႈၼႆႉ ဝၼ်းတီႈ 6/12/2019 ယၢမ်းၵၢင်ၼႂ် မွၵ်ႈ 7 မူင်းၶိုင်ႈ တပ်ႉသိုၵ်းလူင်ပွင်ၸိုင်ႈမၢၼ်ႈ တင်း တပ်ႉသိုၵ်းတဢၢင်း ပဵၼ်ပၢင်တိုၵ်းၵၼ် ႁိမ်းဝၢၼ်ႈၼမ်ႉၸင်ႈ ဢိူင်ႇတူၼ်ႈႁုင်း  ၸႄႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ။ ၸဝ်ႈႁၢၼ် တႃႉဢၢႆႈၵျေႃႇ ၽူႈၶၢၼ်ပၢၵ်ႇ...

ဝၼ်းတီႈ 5/12/2019 ယၢမ်းၵၢင်ၼႂ် ပႃႇတီႇမႂ်ႇသုင်ၸိုင်ႈတႆး/ တပ်ႉသိုၵ်းၸိုင်ႈတႆး SSPP/SSA ၸတ်းႁဵတ်းပၢင်ၵႅဝ်ႈ ဝၼ်းၽူႈႁတ်းႁၢၼ် လုၵ်ႉၽိုၼ်ႉ တီႈငဝ်ႈငုၼ်းဝၢၼ်ႈႁႆးၸိုင်ႈတႆးပွတ်းႁွင်ႇ။ ၸဝ်ႈသိုၵ်းလူင် ၸၢႆးၵျေႃႇလႃႉ ၽူႈၼမ်းၼႂ်း 1 SSPP/SSA လၢတ်ႈတီႈၽူႈတွႆႇႁွၵ်ႈဝႃႈ “ ဝၼ်းၽူႈႁတ်းႁၢၼ်လုၵ်ႉၽိုၼ်ႉ ၼႆႉ ဢၼ်ႁဝ်းမၵ်းမၼ်ႈမႃးတႄႉ တႄႇဢဝ် ဝၼ်းတီႈ 5/121978 မႃး ပဵၼ်ဝၼ်းဢၼ်...

ပၢင်တိုၵ်းသိုပ်ႇပဵၼ်ၼႂ်းၸေႈဝဵင်းၼမ်ႉတူႈ  မၢၵ်ႇလူင်တူၵ်းသႂ်ႇႁိမ်းဝၢၼ်ႈ  ၵူၼ်းဝၢၼ်ႈမၢတ်ႇၸဵပ်း 3 ၵေႃႉ။ ဝၼ်းတီႈ 29/11/2019 တင်ႈဢဝ်ယၢမ်းၵၢင်ၼႂ် ပၢင်တိုၵ်းသိုပ်ႇပဵၼ်ၼႂ်းၵႄႈမၢၼ်ႈဝႃႈလႄႈ ၼႃးႁၢင်း ၾၢႆႇၸၢၼ်းမၢၼ်ႈၸၢမ်မွၵ်ႈ 4 လၵ်း ။  တိူဝ်ႉၺႃးၵူၼ်းဝၢၼ်ႈ မၢၼ်ႈဝႃႈ 3 ၵေႃႉ။ပဵၼ်ၼၢင်းယိင်းတင်းသၢမ်။ တႃးဢၢႆႈထၢႆႉ ႁူဝ်ပဝ်ႈ ပႃႇတီႇၸိူဝ်ႉၸၢတ်ႈတဢၢင်းလၢတ်ႈတီႈၽူႈတွႆႇႁွၵ်ႈဝႃႈ- ၸႂ်ႈဢေႃႈ တိူဝ်ႉၺႃးၵူၼ်းဝၢၼ်ႈ 3 ၵေႃႉ။ ၵေႃႉၼိုင်ႈတၢႆထင်တီႈၼႂ်းဝၢၼ်ႈ။...

သဵင်ၵွင်ႈတႅၵ်ႇၼႂ်းၵႄႈမၢၼ်ႈဝႃႈလႄႈၼႃးႁၢင်း ႁိမ်းမၢၼ်ႈၸၢမ်  ဢိူင်ႇမိူင်းမု  ၸႄႈဝဵင်းၼမ်ႉတူႈ ။ ၵူၼ်းမိူင်း 2 ဝၢၼ်ႈဢမ်ႇၸၢင်ႈဢွၵ်ႇဝၢၼ်ႈမႃး ထိုင်ယၢမ်းလဵဝ်။ သဵင်ၵွင်ႈတႅၵ်ႇ ဝၼ်းတီႈ 28 /11/2019 မိူဝ်ႈၼႆႉ ယၢမ်းၵၢင်ၼႂ် 8 မူင်းထိုင်ၵၢင်ဝၼ်းတဵင်ႈ။ မၢၼ်ႈဝႃႈလႄႈၼႃးႁၢင်းၼႆႉမီးၾၢႆႇၸၢၼ်းမၢၼ်ႈၸၢမ်မွၵ်ႈ 4-5 လၵ်း။ ၸၢႆးၸေႃးလ ၵူၼ်းၼမ်ႉတူႈလၢတ်ႈဝႃႈ - “တပ်ႉသိုၵ်းမၢၼ်ႈ သူင်ႇႁႅင်းသိုၵ်း ၸဵမ်မိူဝ်ႈ...

တီႉလႆႈၶိူင်ႈၵွင်ႈၵၢင်ႇ ၶွင်တပ်ႉသိုၵ်းတဢၢင်း တီႈႁိမ်းဝၢၼ်ႈႁူဝ်မိူင်း ဢိူင်ႇႁူးၶိၼ်း ၸႄႈဝဵင်းၼမ်ႉသၼ်ႇ ၸိုင်ႈတႆးပွတ်း ႁွင်ႇ။ ဝၼ်းတီႈ 23/11/2019 တပ်ႉသိုၵ်းလူင်ပွင်ၸိုင်ႈမၢၼ်ႈ ပိုၼ်ၽၢဝ်ႇ တီႉလႆႈၶိူင်ႈၵွင်ႈၵၢင်ႇ ၶွင်တပ်ႉသိုၵ်းတဢၢင်း TNLA တီႈ ႁိမ်းဝၢၼ်ႈႁူဝ်မိူင်း ဢိူင်ႇႁူးၶိၼ်း ၸႄႈဝဵင်းၼမ်ႉသၼ်ႇ ၸိုင်ႈတႆးပွတ်းႁွင်ႇ။ ၵူတ်ႇထတ်းတီႉလႆႈ ၶိူင်ႈၵွင်ႈၵၢင်ႇ မိူဝ်ႈဝၼ်း တီႈ 22/11/2019 ဝႃႈၼႆ။ ၼႂ်းလိၵ်ႈပိုၼ်ၽၢဝ်ႇၼၼ်ႉ...

သိုၵ်းလူင်ပွင်ၸိုင်ႈမၢၼ်ႈလႄႈ တပ်ႉသိုၵ်းဢူၺ်းလီပွတ်းႁွင်ႇ 3 ၸုမ်း ပိုတ်းယိုဝ်းၵၼ် ၼႂ်းၸိုင်ႈတႆးပွတ်းႁွင်ႇႁၢဝ်ႈႁႅင်း ၸႂ်ႉၶိူင်ႈၵွင်ႈလူင်ယိုဝ်း၊ ဢဝ်ၶိူင်ႈမိၼ်မႅင်းမီႈ မႃးမိၼ် ၼႂ်းဝၢၼ်ႈၼႂ်းသူၼ်လႄႈၵူၼ်းမိူင်းတူၵ်းၸႂ်ၵူဝ်ႁႄ ဢမ်ႇႁတ်းယူႇၼႂ်းဝၢၼ်ႈ။ ဝၼ်းတီႈ 20/11/2019 ယၢမ်းၵၢင်ၼႂ် 8 မူင်း တပ်ႉသိုၵ်းလူင်ပွင်ၸိုင်ႈမၢၼ်ႈ ယူႇတၢင်းမိူင်းငေႃႉ ၸေႈဝဵင်းၵျွၵ်ႉမႄးသေ ယိုဝ်းၵွင်ႈလူင်ၵႂႃႇတၢင်း ၸၶၢၼ်းသႃႇ ၸေႈဝဵင်းၼမ်ႉသၼ်ႇ၊ ၽွင်းၵၢင်ဝၼ်းသမ်ႉ ဢဝ်ၶိူင်ႈမိၼ်မႅင်းမီႈ မႃးမိၼ်ၼိူဝ်ဝၢၼ်ႈ...

ပၢင်တိုၵ်းဢၼ်ပဵၼ်ၼိူဝ်သဵၼ်ႈတၢင်းလူင် ၼႂ်းၸိုင်ႈတႆးပွတ်းႁွင်ႇၼႆႉႁဵတ်းႁႂ်ႈတုမ်ႉတိူဝ်ႉ ၵူၼ်းမိူင်းမႃးႁၢဝ်ႈႁႅင်း၊ ဢဝ်ၵူၼ်းမိူင်းႁဵတ်းပဵၼ်ႁူဝ်ႉ ႁဵတ်းယိူဝ်ႇသိုၵ်း တိုၵ်းတေႃးၵၼ် လႄႈ ၸုမ်းတူင်ႇဝူင်းၵူၼ်း ၼႂ်းၸိုင်ႈတႆး 50 ၸုမ်းပၢႆ ႁူမ်ႈတုၵ်းယွၼ်း ႁႂ်ႈသွင်ၾၢႆႇၵိုတ်းၵၢၼ်တိုၵ်းတေႃးသေ ၵႅတ်ႇၵင်ႈသၢႆၸႂ် ၶူဝ်းၶွင်ၵူၼ်းမိူင်းသေ ၵမ်းဝႃႈၼႆ။ ႁူဝ်လိူၼ်ၼူဝ်ႊဝႅမ်ႊပိူဝ်ၼႆႉမႃး ၸုမ်းဢူၺ်းလီသိုၵ်းပွတ်းႁွင်ႇ တင်း သိုၵ်းလူင်ပွင်ၸိုင်ႈမၢၼ်ႈ ႁႅတ်းသိုၵ်း တေႃႇၵၼ် ၼႂ်းၸႄႈဝဵင်းၵူတ်ႉၶၢႆ လႃႈသဵဝ်ႈ သီႇပေႃႉ...

ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/ SSA တင်း တူဝ်တႅၼ်းတပ်ႉသိုၵ်းလူင်ပွင်ၸိုင်ႈမၢၼ်ႈ တေႁူပ်ႉ ဢုပ်ႇဢူဝ်းငူပ်ႉငီႉၵၼ် တီႈၵဵင်းမႆႇ ၸိုင်ႈထႆး။ ဝၼ်းတီႈ 19/11/2019 ယၢမ်းၵၢင်ၼႂ် 10 မူင်း ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA တင်း တူဝ် တႅၼ်းတပ်ႉသိုၵ်းလူင်ပွင်ၸိုင်ႈမၢၼ်ႈ တေႁူပ်ႉဢုပ်ႇဢူဝ်းငူပ်ႉငီႉၵၼ် တီႈၸႄႈဝဵင်းၵဵင်းမႆႇ ၸိုင်ႈထႆး။ ၾၢႆႇ...

မိူဝ်ႈၼႆႉ ဝၼ်းတီႈ 16/11/2019 တွၼ်ႈၼႂ် ၸုမ်းဢူၺ်းလီသိုၵ်းပွတ်းႁွင်ႇ မႃးယူႇတၢင်းလွႆသၢႆး ႁူဝ်လွႆၸၢင်ႉ သေ ပွႆႇမၢၵ်ႇသႂ်ႇၼႂ်းဝဵင်းလႃႈသဵဝ်ႈလၢႆလုၵ်ႈ - တူၵ်းၼႂ်းပွၵ်ႉၵဝ်ႇ၊ ႁိမ်းၶူင်ႇႁိူဝ်းမိၼ်၊ ႁိမ်းတပ်ႉသိုၵ်းမၢၼ်ႈၸိူဝ်းၼႆႉလႄႈ ၶမ်ႈၼႆႉ ၾၢႆႇၸုမ်းသိုၵ်းမၢၼ်ႈ ၶဵင်ႈၶႅင်လွင်ႈႁူမ်ႇလူမ်ႈ ၵူတ်ႇထတ်းၵူၼ်းၵႂႃႇမႃး။ ၶမ်ႈၼႆႉ တင်ႈတႄႇ မွၵ်ႈ 8 မူင်း ၸုမ်းသိုၵ်းမၢၼ်ႈ ပိၵ်ႉတၢင်းတမ်းလွင်ႈႁူမ်ႇလူမ်ႇ ႁိမ်းပွၵ်ႉၸၢင်ႈလဵၵ်း...

ၼႂ်းၶၢဝ်းတၢင်း 5 ဝၼ်းထပ်းၵၼ်မႃးၼႆႉ တပ်ႉသိုၵ်းလူင်ပွင်ၸိုင်ႈမၢၼ်ႈ တင်း တပ်ႉသိုၵ်းတဢၢင်း TNLA ပဵၼ်ပၢင်တိုၵ်း ၵၼ် တၢင်းဝဵင်းၵျွၵ်ႉမႄး ဢမ်ႇယွမ်း 17 ပွၵ်ႈယဝ်ႉ ႁွင်ႈၵၢၼ်ပိုၼ်ၽၢဝ်ႇ TNLA ပိုၼ်ၽၢဝ်ႇဢွၵ်ႇဝႆႉၼင်ႇၼႆ။ မိူဝ်ႈၼႆႉ ဝၼ်းတီႈ 15/11/2019 ယၢမ်းၵၢင်ၼႂ် တပ်ႉသိုၵ်းလူင်ပွင်ၸိုင်ႈမၢၼ်ႈ တင်း တပ်ႉသိုၵ်းတဢၢင်း TNLA ပဵၼ်ပၢင်...

ဢိင်ၼိူဝ်သိုၵ်းဢူၺ်းလီ 3 ၸုမ်း တင်း တပ်ႉသိုၵ်းလူင်ပွင်ၸိုင်ႈမၢၼ်ႈ ပဵၼ်ပၢင်တိုၵ်း တၢင်းပွတ်းၵူတ်ႉၶၢႆၼၼ်ႉသေ ရူတ်ႉ ၵႃးၵူၼ်းမိူင်းၶိုၼ်ႈလူင်းတၢင်းပွတ်းၼၼ်ႉ ၺႃးယိုဝ်းလၢႆလမ်း ဝႃႈၼႆ။ မိူဝ်ႈၼႆႉ ဝၼ်းတီႈ 15/11/2019 ယၢမ်းၵၢင်ၼႂ် မွၵ်ႈ 8 မူင်းၼႆႉ ရူတ်ႉၵႃးလူင် ၺႃးယိုဝ်း တီႈႁိမ်းဝၢၼ်ႈသျူႉၶိၼ်းတႃႇ ၼႂ်းၵႄႈ ၵူတ်ႉၶၢႆ - ၼမ်ႉၽၵ်းၵႃ...

မိူဝ်ႈၼႆႉ ဝၼ်းတီႈ 14/11/2019 ယၢမ်းၵၢင်ၼႂ် မွၵ်ႈ 8 မူင်းၼႆႉ တပ်ႉသိုၵ်းတဢၢင်း(လွႆ) TNLA တင်း တပ်ႉသိုၵ်းလူင်ပွင် ၸိုင်ႈမၢၼ်ႈ ပဵၼ်ပၢင်တိုၵ်းၵၼ်ထႅင်ႈ ၾၢႆႇၸၢၼ်းၵူတ်ႉၶၢႆ ႁိမ်းလွႆသၢမ်သိပ်း ၸႄႈဝဵင်းၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈ တႆးပွတ်းႁွင်ႇ လႄႈ ႁဵတ်းႁႂ်ႈရူတ်ႉၵႃး/ ၵူၼ်းဢွၵ်ႇတႃႈပႆတၢင်း ပႆႇၸၢင်ႈၵႂႃႇမႃး တိုၵ်ႉၵိုတ်းယင်ႉဝႆႉ...

မိူဝ်ႈၼႆႉ ဝၼ်းတီႈ 13/11/2019 ယၢမ်းၵၢင်ၼႂ်မွၵ်ႈ 7 မူင်း တပ်ႉသိုၵ်းလူင်ပွင်ၸိုင်ႈမၢၼ်ႈ တင်း တပ်ႉသိုၵ်းတဢၢင်း TNLA ပဵၼ်ပၢင်တိုၵ်းၵၼ် ၾၢႆႇၸၢၼ်းၵူတ်ႉၶၢႆ ဢမ်ႇပေႃးၵႆလွႆသၢမ်သိပ်းၼၼ်ႉလႄႈ သဵၼ်ႈတၢင်းလူင်မူႇၸေႊ - လႃႈသဵဝ်ႈ လႆႈ ၵိုတ်းၶၢတ်ႇၵႂႃႇ ၸူဝ်ႈၶၢဝ်း။ လုင်းၸၢႆးလႃႉ ၵူၼ်းမိူင်းၵူတ်ႉၶၢႆ လၢတ်ႈတီႈၽူႈတွႆႇႁွၵ်ႈဝႃႈ “ ၸႂ်ႈၶႃႈဢေႃႈ ပဵၼ်ပၢင်တိုၵ်းၵၼ်...

တပ်ႉသိုၵ်းလူင်ပွင်ၸိုင်ႈမၢၼ်ႈ တင်း တပ်ႉသိုၵ်းတဢၢင်း ပဵၼ်ပၢင်တိုၵ်းၵၼ် တၢင်းပွတ်းဝၢၼ်ႈတေႃႉၽေႇ ဢိူင်ႇၵုၼ်ၵွၵ်ႇ သေ သိုၵ်းလူင်ပွင်ၸိုင်ႈမၢၼ်ႈ ယိုဝ်းၵွင်ႈလူင်ပႃးၵူၼ်းမိူင်း ဢမ်ႇၸၢင်ႈၵႂႃႇ တၢင်းပွတ်းသၢႆတၢင်း မိူင်းငေႃႉ - ၵျွၵ်ႉမႄး။ ဝၼ်းတီႈ 11/11/2019 တႄႇဢဝ်ယၢမ်းၵၢင်ၼႂ်ႁိမ်း 7 မူင်း သိုၵ်းလူင်ပွင်ၸိုင်ႈမၢၼ်ႈ တင်း သိုၵ်းတဢၢင်း (လွႆ) TNLA ပဵၼ်ပၢင်တိုၵ်းၵၼ်...