မိူဝ်ႈၼႆႉ ဝၼ်းတီႈ 4 ယၢမ်းၵၢင်ၼႂ်မွၵ်ႈ 10 မူင်းၶိုင်ႈ သိုၵ်းမၢၼ်ႈၸႂ်ႉႁိူဝ်းမိၼ်တိုၵ်း ပွႆႇမၢၵ်ႇလူင်သႂ်ႇ ၼႂ်းဝဵင်းၵျွၵ်ႉမႄး ၼႃႈတီႈသိုၵ်းတဢၢင်း ၵုမ်းၵမ်ၸူဝ်ႈၶၢဝ်း ၸိုင်ႈတႆးပွတ်းႁွင်ႇ။ ၵူၼ်းမိူင်းၵေႃႉယူႇၼႂ်းဝဵင်းၵျွၵ်ႉမႄး လၢတ်ႈၼႄဝႃႈ “ တိုၵ်ႉမႃးပွႆႇၵႂႃႇ မိူဝ်ႈၵႆႈၼႆႉ။ ပဵၼ်တၢင်းလႂ်တေႉတေႉတႄႉၵေႃႈ ပႆႇလႆႈႁူႉၸွမ်း။ မၢၵ်ႇၵႂႃႇတူၵ်းတၢင်း ပွၵ်ႉ 6 ၼၼ်ႉ - တူၵ်းႁိမ်းၵၢတ်ႇ...

မိူဝ်ႈၼႆႉ ဝၼ်းတီႈ 2/8/2025 ယၢမ်းၵၢင်ၼႂ် 8 မူင်းၶိုင်ႈ သိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ၼႂ်းပွၵ်ႉ 1 ၵွင်းပႃႇ ဝဵင်းမိူင်းၵုတ်ႈ တိူဝ်ႉၺႃးႁိူၼ်းၵူၼ်းမိူင်းလူႉၵွႆၵႂႃႇတင်းၼမ် ၵူၼ်းမိူင်းတၢႆ 12 ၵေႃႉ မၢတ်ႇၸဵပ်း 10 ပၢႆ ။ မၢၵ်ႇလူင်ႁိူဝ်းမိၼ်သိုၵ်းမၢၼ်ႈ တူၵ်းသႂ်ႇၺႃးႁိူၼ်းၵူၼ်းမိူင်း ပွတ်းတူၵ်းဝဵင်းမိူင်းၵုတ်ႈ (မိုးကုတ်အနောက်ပိုင်း)...

ဝၼ်းတီႈ 31 /07/2025 ႁူဝ်ၼႃႈသိုၵ်းမၢၼ်ႈယိုတ်းမိူင်း မိၼ်းဢွင်ႇလၢႆႇ ၶွတ်ႇၽွတ်ႈၸုမ်းလူင်ပွင်ၸိုင်ႈမႂ်ႇ ယုၵ်ႉယွင်ႈတူဝ်ၵဝ်ႇ ၶိုၼ်ႈပဵၼ် ၸွမ်ၸိုင်ႈၸူဝ်ႈၶၢဝ်း သိုပ်ႇႁပ်ႉပဵၼ်ႁူဝ်ပဝ်ႈ ၸွမ်ပွင်ၵၢၼ်သိုၵ်းသေ ပိုၼ်ၽၢဝ်ႇ ငဝ်းလၢႆးၶိုၵ်ႉၶၵ်ႉ 63 ဝဵင်း တႃႇသိုပ်ႇၸတ်းၽႅၼ်ၵၢၼ်သိုၵ်း ၼႂ်းၼႃႈတီႈၸုမ်းသိုၵ်းၸၢဝ်းၶိူဝ်းၵုမ်းၵမ်ဝႆႉ ၼႂ်းၶၢဝ်းတၢင်းသၢမ်လိူၼ် ဝႃႈၼႆ။ 63 ဝဵင်းဢၼ် သိုၵ်းမၢၼ်ႈ တေသိုပ်ႇၸတ်းၽႅၼ်ၵၢၼ်သိုၵ်းၵႂႃႇ ၼႂ်းၶၢဝ်းတၢင်းသၢမ်လိူၼ်ၼႆႉ ၼႂ်းမိူင်းတႆးပႃး...

ပၢင်တိုၵ်းၽွင်းပၢၼ်ၵွၼ်ႇဢွၼ်ၼႆႉ လႆႈၸႂ်ႉႁႅင်းၵူၼ်းၼမ် ။ ၶိူင်ႈသိုၵ်းၵေႃႈဢမ်ႇပႆႇၶိုတ်းၵၢပ်ႈ တၼ်းပၢၼ် လႄႈ ပၢင်တိုၵ်းယဝ်ႉၼိုင်ႈပၢင်ၼႆႉၵူၼ်းၵေႃႈတၢႆၼမ်။ ၵူၺ်းၵႃႈပၢင်တိုၵ်းဝၼ်းမိူဝ်ႈၼႆႉ ၶိူင်ႈၸႂ်ႉသိုၵ်း ၶိုၼ်ႈသင်ႉၶိုတ်းပၢၼ်မႃး။မၢင်ပၢင် ဢမ်ႇလႆႈၸႂ်ႉႁႅင်းၵူၼ်းယိုဝ်းၵေႃႈ ပဵၼ်ပၢင်တိုၵ်းယဝ်ႉတူဝ်ႈၵႂႃႇၵေႃႈမီး။ ဢွၼ်ၵၼ်ၸႂ်ႉ ၶိူင်ႈၻရူၼ်ႊ (ၶိူင်ႈမိၼ်ဢွၼ်ႇ ဢၼ်ယူႇတီႈၵႆသေၵုမ်းဢဝ်) ၼၼ်ႉၶဝ်ႈယိုဝ်း လႆႈပၢင်သဝ်း ၽူႈၶဵၼ်ပဵၼ်ပၢင်ပဵၼ်ပၢင်ၵေႃႈယၢမ်ႈမီးမႃး။ ပေႃးတူၺ်းၶိုၼ်းပၢင်တိုၵ်းၽႅၼ်ယၼ်ႇသိုၵ်း ၼႂ်းၸိုင်ႈတႆး ပွတ်းႁွင်ႇလႄႈသင် ပၢင်တိုၵ်းၽႅၼ်ယၼ်ႇသိုၵ်းၼႂ်းမိူင်းယၢင်းလႅင်- မိူင်းယၢင်းၸိူဝ်းၼႆႉလႄႈသင်...

မိူဝ်ႈၼႆႉ ဝၼ်းတီႈ 31 လိူၼ်ၵျူႊလၢႆႊ သိုၵ်းမၢၼ်ႈယိုတ်းမိူင်း ႁွင်ႉဢဝ်ၶႃႈႁၢပ်ႇၵၢၼ်ၶုၼ် ၼႂ်းၸုမ်းလူင်ပွင်ၸိုင်ႈ ၸိူဝ်းယူႇတႂ်ႈဢၢမ်းၼၢတ်ႈၶဝ်သေ ၸတ်းပၢင်ၵုမ်တီႈၼေႇပျီႇတေႃႇ တႅပ်းတတ်းယုၵ်ႉလိူၵ်ႈၶေႃႈပိုၼ်ၽၢဝ်ႇ ငဝ်းလၢႆးၶိုၵ်ႉၶၵ်ႉ ၸိုင်ႈမိူင်း သေ ၸွမ်ၸိၵ်းသိုၵ်းမၢၼ်ႈ ၸီႉသင်ႇပုတ်ႈၶၢႆႉတၼ်းႁဵၼ်းတူဝ်ၵဝ်ႇၶိုၼ်း။ ပၢင်ၵုမ်ဝၼ်းမိူဝ်ႈၼႆႉ သိုၵ်းမၢၼ်ႈပိုၼ်ၽၢဝ်ႇဝႃႈ - “ ယူႇတီႈၸွမ်ပွင်ၵၢၼ်သိုၵ်း ဢၼ်လႆႈႁပ်ႉပုၼ်ႈၽွၼ်း ယိပ်းဢႃႇၼႃႇၸိုင်ႈမိူင်းမႃး တင်ႈတႄႇဝၼ်းတီႈ 1 လိူၼ်ၾႅပ်ႊပိဝ်ႊရီႊ...

မိူဝ်ႈၼႆႉ ဝၼ်းတီႈ 30/07/2025 ယၢမ်းၵၢင်ဝၼ်း 11 မူင်း သိုၵ်းမၢၼ်ႈ လုၵ်ႉတၢင်းၸႄႈဝဵင်းၼွင်ၶဵဝ် ယိုဝ်းၶိူင်ႈၵွင်ႈလူင် ၵႂႃႇတၢင်း ၸႄႈဝဵင်းၵျွၵ်ႉမႄး 10 လုၵ်ႈ။ တူၵ်းသႂ်ႇ ဝိႁၢရ်ပုပ်ႉၽႃႇယူင်ႇ ဢမ်ႇၼၼ် ၵျွင်းတူၵ်း တီႈဢိူင်ႇၼွင်ပိင်လူႉၵွႆ၊ တိူဝ်ႉၺႃး ၸဝ်ႈသၢင်ႇ ပႃးၼိုင်ႈ ၶႅၼ်သၢႆႉၶၢတ်ႇၵႂႃႇ ထိုင်တီႈလူႉလွၼ်ႇ၊ မၢတ်ႇၸဵပ်းႁၢဝ်ႈႁႅင်း 4...

ၽွင်းသိုၵ်းမၢၼ်ႈ တင်း သိုၵ်းတဢၢင်း ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းၸႄႈဝဵင်းၼွင်ၶဵဝ်၊ ၵူၼ်းမိူင်းၼႂ်းၸႄႈဝဵင်းၵျွၵ်ႉမႄး-ဝဵင်းသီႇ ပေႃႉၵေႃႈ ဢမ်ႇလႆႈယူႇသႃႇ ၺႃးသိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇလူင်သႂ်ႇ ၸွမ်းဝၢၼ်ႈ၊ ၸွမ်းဝဵင်း ဢွင်ႈတီႈဢၼ်ၶဝ် ၼပ်ႉသွၼ်ႇဝႃႈ မီးသိုၵ်းတဢၢင်းမူၵ်းယူႇသဝ်းဝႆႉၼႆလႄႈ ၵူၼ်းမိူင်းၸိူဝ်းလႆႈယူႇဝႆႉ ၼႂ်းၼႃႈတီႈသိုၵ်းတဢၢင်း ၵုမ်းၵမ်ၸူဝ်ႈၶၢဝ်းၵေႃႈ လႆႈတုၵ်ႉၶယၢပ်ႇၽိုတ်ႇၸွမ်း။ မိူၼ်ၼင်ႇ ၽွင်းပၢင်တိုၵ်းတိုၵ်ႉယုင်ႈယၢင်ႈ ၼႂ်းၸႄႈဝဵင်းၼွင်ၶဵဝ်ၼၼ်ႉ မီးၶၢဝ်ႇႁူင်လိုဝ်းဢွၵ်ႇမႃးဝႃႈ ပေႃးသိုၵ်းတဢၢင်း...

မိူဝ်ႈဝၼ်းတီႈ 28 လိူၼ်ၵျူႊလၢႆႊ သိုၵ်းမၢၼ်ႈယိုတ်းမိူင်း ပိုၼ်ၽၢဝ်ႇဢွၵ်ႇ ပၵ်းပိူင်ၾိင်ႈမိူင်းတႃႇၵႅတ်ႇၶႄႇ ႁေႉၵင်ႈ ၶေႃႈမုလ်းလပ်ႉ ၾၢႆႇၵၢၼ်သိုၵ်း၊ ဢွၵ်ႇၶေႃႈပူင် ႁၢမ်ႈႁႂ်ႈၶႃႈႁၢပ်ႇၵၢၼ်ၶုၼ် ၵူၼ်းၵဝ်ႇ ၵူၼ်းမႂ်ႇတင်းသဵင်ႈ ဢမ်ႇပၼ်တိတ်းတေႃႇၵပ်းသိုပ်ႇ လႄႈ ၵမ်ႉၸွႆႈ ၸုမ်းယိပ်းၵွင်ႈၵၢင်ႇၸိူဝ်းလုၵ်ႉၽိုၼ်ႉ ဝႃႈၼႆ ။ ပၵ်းပိူင်တႃႇၵႅတ်ႇၶႄႁေႉၵင်ႈ ၶေႃႈမုလ်းလပ်ႉၼႂ်းၵၢၼ်သိုၵ်း ဢၼ်သိုၵ်းမၢၼ်ႈယိုတ်းမိူင်း မိၼ်းဢွင်ႇလၢႆႇ ႁဵတ်း ဢွၵ်ႇ...

မိူဝ်ႈၼႆႉ ဝၼ်းတီႈ 29 လိူၼ်ၵျူႊလၢႆႊ သိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇလူင် တူၵ်းသႂ်ႇ ၾၢႆႇဝၼ်းဢွၵ်ႇမိူင်းၵုတ်ႈ 3 ၵမ်း မီးၵူၼ်းလူႉမၢတ်ႇၸဵပ်းၸွမ်း ။ ၵူၼ်းမိူင်းၵေႃႉယူႇၼႂ်းၸႄႈဝဵင်းမိူင်းၵုတ်ႈ လၢတ်ႈၼႄဝႃႈ “ယၢမ်းလဵဝ် တီႈမိူင်းၵုတ်ႈၼႆႉ ၾူၼ်တူၵ်းႁႅင်းၼႃႇ။ ဢမ်ႇပႆႇၸၢင်ႈၵႂႃႇတူၺ်း ႁႂ်ႈႁူႉဢွင်ႈတီႈမၼ်းလီလီ။ ႁိူဝ်းမိၼ်မႃးသွင်လမ်း။ ပွႆႇမၢၵ်ႇလူင်းၵႂႃႇ သွင်လုၵ်ႈ။ သဵင်ရူတ်ႉၵႃးတၢင်ႇၵူၼ်းပဵၼ်တႄႉ ဢွၵ်ႇၵႂႃႇယဝ်ႉ”...

ၽွင်းသိုၵ်းမၢၼ်ႈ တင်း သိုၵ်းတဢၢင်း ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းၸႄႈဝဵင်းၼွင်ၶဵဝ်၊ ၵူၼ်းမိူင်းၼႂ်းၸႄႈဝဵင်းၵျွၵ်ႉမႄး-ဝဵင်းသီႇ ပေႃႉၵေႃႈ ဢမ်ႇလႆႈယူႇသႃႇ ၺႃးသိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇလူင်သႂ်ႇ ၸွမ်းဝၢၼ်ႈ၊ ၸွမ်းဝဵင်း ဢွင်ႈတီႈဢၼ်ၶဝ် ၼပ်ႉသွၼ်ႇဝႃႈ မီးသိုၵ်းတဢၢင်းမူၵ်းယူႇသဝ်းဝႆႉၼႆလႄႈ ၵူၼ်းမိူင်းၸိူဝ်းလႆႈယူႇဝႆႉ ၼႂ်းၼႃႈတီႈသိုၵ်းတဢၢင်း ၵုမ်းၵမ်ၸူဝ်ႈၶၢဝ်းၵေႃႈ လႆႈတုၵ်ႉၶ ယၢပ်ႇၽိုတ်ႇၸွမ်း။ မိူၼ်ၼင်ႇ ၽွင်းပၢင်တိုၵ်းတိုၵ်ႉယုင်ႈယၢင်ႈ ၼႂ်းၸႄႈဝဵင်းၼွင်ၶဵဝ်ၼၼ်ႉ မီးၶၢဝ်ႇႁူင်လိုဝ်းဢွၵ်ႇမႃးဝႃႈ...

တႄႇၼႂ်းႁၢင်လိူၼ် ၵျူႊလၢႆႊမႃး ထိုင်ဝၼ်းတီႈ 27/7/2025 ၼႂ်းၶၢဝ်းတၢင်း 4 ဝၼ်းမႃးၼႆႉ သိုၵ်းမၢၼ်ႈ ယိုဝ်းၵွင်ႈလူင် ၼႂ်းဢိူင်ႇၼႃးႁီး ၾၢႆႇဢွၵ်ႇၼွင်ၾၢႆၶုၼ် ဢမ်ႇထၢတ်ႇ ႁဵတ်းႁႂ်ႈၵူၼ်းမိူင်း 3 ႁဵင်ပၢႆ ၶမ်ၼႂ်းၵႄႈပၢင်တိုၵ်းဝႆႉ ဝႃႈၼႆ။ ယၢမ်းလဵဝ်ၾၢႆႇတၢင်းသိုၵ်းမၢၼ်ႈတင်း ပျီႇတူႉၸိတ်ႉပဢူဝ်း PNO ဢဝ်ဢဵၼ်ႁႅင်း ၸမ် 2ႁဵင် ထႅမ်ႁႅင်းသိုၵ်း တၢင်းဝၢၼ်ႈလွႆပဝ်း...

ၵူၼ်းမိူင်းဝဵင်းလွႆၶေႃ ပၢႆႈၽေးသိုၵ်းသိူဝ်ယဝ်ႉ ပွၵ်ႈၶိုၼ်းႁိူၼ်း ၵိုတ်းႁိူၼ်းပဝ်ႇ၊ ၽွင်းပၢႆႈၽေးသိုၵ်းၼၼ်ႉ သိုၵ်းမၢၼ်ႈၶဝ်ႈတဝ်ႁိူၼ်းယေးသေဢဝ်ၶူဝ်းၶွင်ဢၼ်မီးၵႃႈၶၼ်ၸိူဝ်းၼႆႉၵႂႃႇမူတ်း   ဝႃႈၼႆ ။  ပၢင်တိုၵ်း ၽႅၼ်ယၼ်ႇသိုၵ်း 1111   သိုၵ်းယၢင်းလႅင် KNDF- PDF ပိုတ်းယိုဝ်းသိုၵ်းမၢၼ်ႈတီႈ ဝဵင်းလွႆ ၶေႃ ၼႂ်းႁၢင်ပီ 2024 ၼၼ်ႉ ၵူၼ်းမိူင်းၼႂ်းဝဵင်း ပႃးၸဵမ်တၢင်းဝၢၼ်ႈ လႆႈဢွၼ်ၵၼ် ပၢႆႈၽေးသိုၵ်းၵႂႃႇယူႇသဝ်းဝႆႉ ႁိမ်းႁွမ်းဝဵင်းလွႆၶေႃ...

ဝၼ်းတီႈ 23/07/2025 ပူၼ်ႉမႃးၼႆႉ သိုၵ်းမၢၼ်ႈ ယိုတ်းမိူင်း ပိုၼ်ၽၢဝ်ႇဢွၵ်ႇမႃးဝႃႈ ယိုတ်းၵုမ်းလႆႈၶိုၼ်း ဝဵင်းၽိတ်ႉၶျၢင်း (သပိတ်ကျင်း) တင်းဝဵင်းယဝ်ႉ ဝႃႈၼႆ။ တႃႇတေယိုတ်းလႆႈၶိုၼ်း ဝဵင်းၽိတ်ႉၶျၢင်းၼႆႉ သိုၵ်းမၢၼ်ႈ ၸႂ်ႉတပ်ႉလိၼ်၊ တပ်ႉလူမ်း၊ တပ်ႉၼမ်ႉသေ ထူဝ်းသိုၵ်းလေႃႇတိုၵ်းမႃး ႁိုင်ၶၢဝ်းတၢင်းၸမ်လိူၼ်ယဝ်ႉ ၸင်ႇယိုတ်းၵုမ်းလႆႈ - ၾၢႆႇတပ်ႉသိုၵ်းမၢၼ်ႈ ပိုၼ်ၽၢဝ်ႇဝႆႉၼင်ႇၼႆ။ ဝဵင်းၽိတ်ႉၶျၢင်း (သပိတ်ကျင်း) ၼႆႉ...

ဝၼ်းတီႈ 24 /07/2025 ဝၼ်းၽတ်း ယၢမ်းၵၢင်ၼႂ် သဵင်ၵွင်ႈလူင်တႅၵ်ႇတီႈလႅၼ်လိၼ်ထႆး-ၵမ်ႊပေႃႊတီႊယိူဝ်ႊ၊ ၾၢႆႇၵမ်ႊပေႃႊတီႊယိူဝ်ႊ ယိုဝ်းၵွင်ႈလူင် မႃးတူၵ်းတႅၵ်ႇၼႂ်းပႃႇထိူၼ်ႇ ႁိမ်းႁေႃၵဝ်ႇ တႃႈမိူၼ်းထူမ်ႊ သိုဝ်ႇၶၢဝ်ႇထႆး ႁၢႆးငၢၼ်းဝႆႉၼင်ႇၼႆ။ ဢိင်ၼိူဝ်သွင်ၸိုင်ႈမိူင်း ဢုပ်ႇဢူဝ်းၵႄႈလိတ်ႈလွင်ႈပၼ်ႁႃလႅၼ်လိၼ်ၵၼ်ဢမ်ႇလႆႈလႄႈ သွင်ၾၢႆႇထႅမ်ႁႅင်းသိုၵ်း ၶဵင်ႈၶႅင်တေႃႇၵၼ်ႁၢဝ်ႈႁႅင်းမႃးၼႂ်းဝူင်ႈၼႆႉတင်းဝူင်ႈယဝ်ႉ။ တပ်ႉပႂ်ႉလႅၼ်လိၼ်မိူင်းထႆးလၢတ်ႈဝႃႈ မိူဝ်ႈၼႆႉယၢမ်းၵၢင်ၼႂ်ၸဝ်ႉ ၵမ်ႊပေႃႊတီႊယိူဝ်ႊပွႆႇၶိူင်ႈၻရူၼ်ႊၶၢမ်ႈလႅၼ်လိၼ်မႃးတၢင်းမိူင်းထႆး။ ၵူၺ်းၵႃႈၻရူၼ်ႊၼၼ်ႉမီးသဵင်ၵူၺ်း ဢမ်ႇႁၼ်တူဝ်လႄႈဢမ်ႇၸၢင်ႈၽဵဝ်ႈ။ ထိုင်မႃးၶၢဝ်းယၢမ်း 8 မူင်း 20...

သိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်း ပီ 2021 ၼႆႉ ဢမ်ႇၸႂ်ႈပွၵ်ႈၵမ်းဢွၼ်တၢင်းသုတ်းၼႂ်းပိုၼ်း။ မိူဝ်ႈ ပီ 1962 ၵေႃႈ ယၢမ်ႈယိုတ်းမႃးယဝ်ႉ။ တွၼ်ႈသွၼ်မၢင်ပွတ်းမၢင်တွၼ်ႈၵေႃႈ ယၢမ်ႈလႆႈမႃးယဝ်ႉ ဝႃႈၼႆသေ ထိုင်မိူဝ်ႈလဵဝ် ၵၢၼ်လုၵ်ႉၽိုၼ်ႉၵူႈၸိူဝ်းၵူႈၸၢဝ်းပႆႇထိုင်တီႈလႆႈ။ ဢၼ်သိုၵ်းလုၵ်ႉၽိုၼ်ႉ ယိုတ်းဝၢၼ်ႈဝဵင်း ၼႂ်းၶၢဝ်းၽႅၼ်ၵၢၼ်ယၼ်ႇသိုၵ်း 1027 ၸိူဝ်းၼႆႉၵေႃႈသမ်ႉ ပေႃးလႆႈမွပ်ႈပၼ်သိုၵ်းမၢၼ်ႈၶိုၼ်းၵေႃႈမီး။ ယွၼ်ႉပၢင်တိုၵ်းသေ ၵူၼ်းဝၢၼ်ႈ ၵူၼ်းမိူင်း...