သိုၵ်းမၢၼ်ႈယိုတ်းမိူင်းလႄႈ ၸုမ်းလုၵ်ႉၽိုၼ်ႉၶဝ်ပိုတ်းယိုဝ်းတိုၵ်းတေႃးၵၼ်ၼႂ်းၶၢဝ်းတၢင်း 4 ပီပၢႆၼႆႉ ၵူၼ်းမိူင်းတုမ်ႉတိူဝ်ႉလူႉတၢႆၵႂႃႇပဵၼ်မူႇပဵၼ်ၾုင်မီး 95 ၵမ်း၊ ႁူဝ်ၼပ်ႉၵူၼ်းတၢႆၵႂႃႇ 1770 ပၢႆ ၼႆ ISP Myanmar ပိုၼ်ၽၢဝ်ႇဢွၵ်ႇမႃးၼႂ်းဝၼ်းတီႈ 3 လိူၼ်ၵျႅၼ်ႊၼိဝ်ႊရီႊ ၼင်ႇၼႆ။
တပ်ႉသိုၵ်းမၢၼ်ႈယိုဝ်းတိုၵ်းၵူၼ်းမိူင်း ပဵၼ်မူႇပဵၼ်ၸုမ်းၼႆႉ မီးဝႆႉ 91 ၵမ်း၊ ယွၼ်ႉၸုမ်းလုၵ်ႉၽိုၼ်ႉၶဝ် ယိုဝ်းတိုၵ်းသေ ၵူၼ်းမိူင်းလူႉတၢႆပဵၼ်မူႇပဵၼ်ၸုမ်းၼႆႉ မီးဝႆႉ 4 ၵမ်း။
ၵမ်ႈၼမ်ၼႆႉ ၵူၼ်းမိူင်း လႆႈလူႉတၢႆယွၼ်ႉ ႁိူဝ်းမိၼ်သိုၵ်းမၢၼ်ႈယိုဝ်းတိုၵ်း။ ၵမ်ႈၽွင်ႈ ၺႃးၶိူင်ႈမၢၵ်ႇၵွင်ႈလူင်သေ လူႉတၢႆပဵၼ်ၵေႃႇပဵၼ်ၵွင်ႈ။ မၢင်ၸိူဝ်းသမ်ႉ လူႉတၢႆယွၼ်ႉ ၾႆးမႆႈ။
ဝၢႆးလင်ၼႆႉ ယွၼ်ႉၸႂ်ႉၶိူင်ႈတရူၼ်ႊ၊ ၶိူင်ႈၵွင်ႈလူင် တင်း ႁိူဝ်းမိၼ်တိုၵ်းၼမ်မႃးႁႅင်းသေ ၵူၼ်းလူႉတၢႆပဵၼ်မူႇပဵၼ်ၸုမ်းၵေႃႈ ၸၢင်ႈၼမ်ၶိုၼ်ႈမႃး ဝႃႈၼႆ။
ၽွင်းငဝ်းလၢႆးဝၢၼ်ႈမိူင်းဢမ်ႇၼိမ်သဝ်း ၵၢၼ်သိုၵ်းသိူဝ်ႁၢဝ်ႈႁႅင်းယူႇၼႆႉ တွၼ်ႈတႃႇၵူၼ်းမိူင်းပိုၼ်ႉတီႈသမ်ႉ ထိုင်ဝႆႉတီႈၸၼ်ႉ ႁၢမ်းသုၼ်ႇလႆႈၵႅတ်ႇၶႄတူဝ်ၵဝ်ႇ ယွမ်းဢႄႇသုတ်း၊ မီးၽေးသုင်သုတ်းယဝ်ႉ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ