ၵူၼ်းမိူင်းၸိူဝ်းႁၢမ်းသုၼ်ႇလႆႈ တွတ်ႈၶႅပ်းၵၢင်ၸႂ် ၼႂ်းၸႄႈဝဵင်းၵျွၵ်ႉမႄး တုၵ်းယွၼ်းလွင်ႈၽဵင်ႇပဵင်း၊ လွင်ႈႁူမ်ႇလူမ်ႈ၊ ႁႂ်ႈမီးလွင်ႈငမ်းယဵၼ် ႁႂ်ႈလႆႈႁပ်ႉၶိုၼ်းသုၼ်ႇလႆႈတွတ်ႈၶႅပ်းၵၢင်ၸႂ်။ ဝၼ်းတီႈ 22/10/2020 မိူဝ်ႈၼႆႉ ၵၢင်ၼႂ် ၵူၼ်းဝၢၼ်ႈၵူၼ်းမိူင်း ၵမ်ႈၽွင်ႈသၢၼ်မိုဝ်းၵၼ် တူင်ႉၼိုင် ၼႄၵၢင်ၸႂ် တုၵ်းယွၼ်းၶိုၼ်း သုၼ်ႇလႆႈ လၢႆၸိူဝ်ႉလၢႆယၢင်ႇ ပႃးၸဵမ်တႃႇလႆႈတွတ်ႈၶိုၼ်းၶႅပ်းၵၢင်ၸႂ်၊ ပၢင်တူင်ႉ ၼိုင်ၼႆႉ ၸတ်းႁဵတ်းတီႈ ၵၢင်ဝၢၼ်ႈ ဢိူင်ႇပုင်ႇဝူဝ်း ဢၼ်မီး...

ဝၼ်းတီႈ 22/10/2020 ယၢမ်းႁူဝ်ၶမ်ႈ ၵႃးသူၼ်းတုမ်ႁႃသဵင် ပႃႇတီႇႁူဝ်သိူဝ် ၸႄႈဝဵင်းတႃႈၶီႈလဵၵ်း ထုၵ်ႇၵူၼ်း ဢဝ် မၢၵ်ႇၵၢင်ႇၵွၼ် ပိုတ်းသႂ်ႇ ရူတ်ႉၵႃး တီႈဝၢၼ်ႈၼႃးဢွၼ်ႇ ဢိူင်ႇၼႃးယၢဝ်း ၵိင်ႇၸႄႈဝဵင်းတႃႈလိူဝ်ႇ ၸႄႈဝဵင်းတႃႈၶီႈလဵၵ်း ၸိုင်ႈတႆး ပွတ်းဢွၵ်ႇၶူင်း။ ငဝ်ႈငုၼ်းၻီႇမူဝ်ႇၶရေၸီႇ ၸိူဝ်ႉၶိူဝ်းတႆး SNLD ႁိုဝ် ပႃႇတီႇႁူဝ်သိူဝ် ၸႄႈဝဵင်းတႃႈၶီႈလဵၵ်းသမ်ႉ လူင်းသူၼ်းတုမ်ႁႃသဵင် တၢင်းပွတ်းၵိင်ႇၸႄႈဝဵင်းတႃႈလိူဝ်ႇ၊...

ပႃႇတီႇႁူဝ်သိူဝ်ၸႄႈဝဵင်းၵျွၵ်ႉမႄး ႁဵတ်းလိၵ်ႈတၢင်ႇ ၶွမ်ႊမသျိၼ်ႊၵၢၼ်လိူၵ်ႈတင်ႈ ႁႂ်ႈ ၵူၼ်းဝၢၼ်ႈၵူၼ်း မိူင်း 12 ဢိူင်ႇ ဢၼ်ၶွမ်ႊမသျိၼ်ႊၵမ်ၵၢၼ်လိူၵ်ႈတင်ႈ ယုၵ်ႉလိူၵ်ႈပႅတ်ႈ ၶဵတ်ႇသဵင်ႈလိူၵ်ႈတင်ႈ ၼၼ်ႉ ႁႂ်ႈ ၵူၼ်းမိူင်းလႆႈတွတ်ႈၶႅပ်းၵၢင်ၸႂ် ။ ဝၼ်းတီႈ 20/10/2020 ယူႇတီႈ ငဝ်ႈငုၼ်းတီႇမူဝ်ႇၶရေႇၸီႇၸိူဝ်ႉၶိူဝ်းတႆး (SNLD) ႁိုဝ် ပႃႇတီႇႁူဝ်သိူဝ် ၸႄႈဝဵင်းၵျွၵ်ႉမႄး ႁဵတ်းလိၵ်ႈတၢင်ႇယိုၼ်ႈထိုင် ၶွမ်ႊမသျိၼ်ႊၵၢၼ်လိူၵ်ႈတင်ႈ...

ၵူၼ်းမိူင်း မိုၼ်ႇပၢႆ တင်း ၼေႃႇၽူႈတႅၼ်း ပႃႇတီႇႁူဝ်သိူဝ် ႁူမ်ႈၵၼ် လူင်းလၢႆးၸိုဝ်ႈ တႅမ်ႈလိၵ်ႈတၢင်ႇထိုင် ၶွမ်ႊမသျိၼ်ႊၵမ်ၵၢၼ်လိူၵ်ႈတင်ႈ ႁႂ်ႈၵူၼ်းမိူင်း ၼႂ်းၸႄႈဝဵင်းမိူင်းၵိုင်ၵူႈၵေႃႉ လႆႈႁပ်ႉသုၼ်ႇလႆႈတွတ်ႈၶႅပ်းၵၢင်ၸႂ်။ မိူဝ်ႈၼႆႉ ဝၼ်းတီႈ 22/10/2020 ယၢမ်းၵၢင်ဝၼ်း ယူႇတီႈၽူႈၵွၼ်းပွၵ်ႉ/ဢိူင်ႇ ထဝ်ႈဝၢၼ်ႈထဝ်ႈၼႃးလႄႈ ၵူၼ်းဝၢၼ်ႈၵူၼ်းမိူင်း 11,238 ၵေႃႉ တင်း ၼေႃႇၽူႈတႅၼ်း သၽႃးပႃႇတီႇႁူဝ်သိူဝ် SNLD...

လုၵ်ႈဢွၼ်ႇ ဢႃယု 5 ၶူပ်ႇ ဢၼ်ပႃးၼႂ်းၵႃး ၸုမ်းသူၼ်းတုမ်ႁႃသဵင် ပႃႇတီႇႁူဝ်သိူဝ် တီႈၸႄႈဝဵင်းမူႇၸေႊ လႆႈပဵၼ်ၽေးဢုပၢတ်ႈ တူၵ်းၵႂႃႇၼႂ်းၼမ်ႉမၢဝ်းၼၼ်ႉ တေႃႇထိုင်ယၢမ်းလဵဝ် ပႆႇႁၼ်တူဝ်တၢႆ မၼ်းၸၢႆး ဝႃႈၼႆ။ ၸုမ်းသွၵ်ႈႁႃတူဝ်တၢႆ ၸၢႆးၸိုၼ်ႈၶိူဝ်း ဢႃယု 5 ၶူပ်ႇ ဢၼ်ပႃးၵႂႃႇၸွမ်းၵႃးၸုမ်းသူၼ်းတုမ် ပႃႇတီႇႁူဝ်သိူဝ် ၊ ဢၼ်တူၵ်းၵႂႃႇၼႂ်းၼမ်ႉမၢဝ်း ၼၼ်ႉ သေႃႉႁႃမႃး...

ၵူၼ်းၵျွၵ်ႉမႄး ႁူဝ်ၵူၼ်း ဢမ်ႇယွမ်းမိုၼ်ႇ ႁၢမ်းသုၼ်ႇတွတ်ႈၶႅပ်းၵၢင်ၸႂ် ယွၼ်ႉၼႂ်းပိုၼ်ႉတီႈ ဢမ်ႇၼိမ်သဝ်း/ ဢမ်ႇ မီးလွင်ႈ ႁူမ်ႇလူမ်ႈၼႆသေ ယူႇတီႈ UEC မိူင်းႁူမ်ႈတုမ် ပိုၼ်ၽၢဝ်ႇ ႁၢမ်ႈၸတ်းႁဵတ်း ပၢင်လိူၵ်ႈတင်ႈ ဝႃႈၼႆ။ ၵူၼ်းမိူင်း တႃႇ 12 ဢိူင်ႇ ႁူဝ်ၵူၼ်း ဢမ်ႇယွမ်းမိုၼ်ႇ ၼႂ်းၸႄႈဝဵင်းၵျွၵ်ႉမႄး ၸိုင်ႈတႆး ပွတ်းႁွင်ႇ...

ဝၼ်းသုၵ်း တီႈ 16/10/2020 ပူၼ်ႉမႃးၼႆႉ ၶွမ်ႊမသျိၼ်ႊၵမ်ၵၢၼ်လိူၵ်ႈတင်ႈ ပိုၼ်ၽၢဝ်ႇၶဵတ်ႇသဵင်လိူၵ်ႈတင်ႈ ။  ၼွၵ်ႈသေ ၼႃႈလိၼ် ၽွင်းငမ်းတူဝ်ၵဝ်ႇ ဝႃႉ တင်း မိူင်းလႃး ယဝ်ႉ ဝဵင်းမိူင်းၵိုင် တင်းၸေႊဝဵင်း ဢမ်ႇလႆႈၸတ်းပၢင်လိူၵ်ႈတင်ႈ။ လိူဝ်ၼၼ်ႉ ၵျွၵ်ႉမႄး 12 ဢိူင်ႇ၊ ၼွင်ၶဵဝ် 1 ဢိူင်ႇ၊...

ပႃႇတီႇသိူဝ်ၽိူၵ်ႇ ၸႄႈဝဵင်းမူႇၸေႊ တႅမ်ႈလိၵ်ႈသူင်ႇၸူး UEC ဢွင်ႈတီႈဢၼ်ထုၵ်ႇယုၵ်ႉလိူၵ်ႈ ပၢင်လိူၵ်ႈတင်ႈဝႆႉ ၸိူဝ်း ၼၼ်ႉ ႁႂ်ႈၶိုၼ်းပိုတ်ႇပၼ်ၵူၼ်းမိူင်း ႁႂ်ႈလႆႈတွတ်ႈၶႅပ်းၵၢင်ၸႂ်ၵၼ် ၵူႈၵေႃႉ ဝႃႈၼႆ။ မိူဝ်ႈၼႆႉ ဝၼ်းတီႈ 20/10/2020 ယူႇတီႈၼေႃႇၽူႈတႅၼ်းသၽႃးပႃႇတီႇသိူဝ်ၽိူၵ်ႇ ၸႄႈဝဵင်းမူႇၸေႊ 4 ၵေႃႉ ႁူမ်ႈၵၼ် တႅမ်ႈ လိၵ်ႈသူင်ႇၸူး ၶွမ်ႊမသျိၼ်ႊၵၢၼ်လိူၵ်ႈတင်ႈမိူင်းႁူမ်ႈတုမ် တုၵ်းယွၼ်းထိုင် ႁႂ်ႈပိုတ်ႇပၼ်ၶိုၼ်းႁႂ်ႈၵူၼ်းမိူင်း...

ငဝ်ႈငုၼ်းတီႇမူဝ်ႇၶရေႇသီႇၸိူဝ်ႉၶိူဝ်းတႆး (ႁိုဝ်) ပႃႇတီႇႁူဝ်သိူဝ် SNLD  ၸႄႈဝဵင်းတၢင်ႉယၢၼ်း ႁၢင်ႈႁႅၼ်းတႃႇယိုၼ်ႈလိၵ်ႈထိုင်ၶွမ်ႊမသျိၼ်ႊပၢင်လိူၵ်ႈတင်ႈမိူင်းႁူမ်ႈတုမ်တႃႇႁႂ်ႈၵူၼ်းမိူင်းတၢင်ႉယၢၼ်းတေလႆႈတွတ်ႈၶႅပ်းၵၢင်ၸႂ် ပၢင်လိူၵ်ႈတင်ႈ 2020။  ဢိင်ၼိူဝ်ၶွမ်ႊမသျိၼ်ႊပၢင်လိူၵ်ႈတင်ႈ မိူင်းႁူမ်ႈတုမ်ပိုၼ်ၽၢဝ်ႇ ပိုၼ်ႉတီႈဢၼ်တေဢမ်ႇၸတ်းပၢင်လိူၵ်ႈတင်ႈ မိူဝ်ႈဝၼ်းတီႈ 16/10/2020 ၼၼ်ႉ ၸႄႈဝဵင်းတၢင်ႉယၢၼ်းၵေႃႈၶဝ်ႈပႃး  11 ဢိူင်ႇ။  ၼင်ႇႁိုဝ်ၵူၼ်းမိူင်းတၢင်ႉယၢၼ်း တေဢမ်ႇသုမ်းသုၼ်ႇလႆႈၵူၼ်းမိူင်းၼၼ်ႉ ယူႇတီႈၸုမ်းပွင်ၵၢၼ် ၸႄႈဝဵင်းတၢင်ႉယၢၼ်း တေတႅမ်ႈလိၵ်ႈယိုၼ်ႈယွၼ်းတၢင်ႇထိုင် ၶွမ်ႊမသျိၼ်ႊ မိူင်းႁူမ်ႈတုမ် ဝႃႈၼႆ။ ၸၢႆးပႃႉ...

ပႃႇတီႇႁူဝ်သိူဝ် တၵ်ႉယမ်ၶႂၼ်ငဝ်း ယွၼ်းသူး တိူင်ႇၵၢဝ်ႇပၼ် ၽူႈၸိူဝ်းပဵၼ်လုၵ်ႈၸုမ်း ပႃႇတီႇလႄႈၽူႈၶႅပ်ႇၶၢင်ႈ ဢၼ်လႆႈသဵင်ႈၵၢမ်ႇသုတ်းမုၼ်ၵႂႃႇ ၽွင်းလူင်းသူၼ်းတုမ်ႁႃသဵင် တီႈဝဵင်းမူႇၸေႈ။ ဝၼ်းတီႈ 19/10/2020 မိူဝ်ႈၼႆႉ ယၢမ်းၵၢင်ၼႂ်ၽွင်းတေလူင်းသူၼ်းတုမ်ၼၼ်ႉ ငဝ်ႈငုၼ်းတီႇမူဝ်ႇၶရေႇၸီႇ ၸိူဝ်ႉၶိူဝ်းတႆး (SNLD) ႁိုဝ် ပႃႇတီႇႁူဝ်သိူဝ် ၵူႈၸေႈဝဵင်း လႆႈတၵ်ႉယမ်  ၶႂၼ်ငဝ်း ယွၼ်းသူးတိူင်ႇၵၢဝ်ႇပၼ်  လုၵ်ႈၸုမ်း ပႃႇတီႇလႄႈၽူႈၶႅပ်ႇၶၢင်ႈ ၵမ်ႉၸွႆႈႁႃသဵင်...

ဝၼ်းတီႈ 16/10/2020 ၶွမ်ႊမသျိၼ်ႊပၢင်လိူၵ်ႈတင်ႈမိူင်းႁူမ်ႈတုမ်ပိုၼ်ၽၢဝ်ႇ ၼႃႈလိၼ်ဢၼ်တေဢမ်ႇလိူၵ်ႈတင်ႈ ၼႂ်းမိူင်းႁူမ်ႈတုမ် ၵမ်ႈၼမ်ပဵၼ်ၼႂ်းၼႃႈလိၼ်ၸၢဝ်းၶိူဝ်း ၼႂ်းၼၼ်ႉမိူင်းတႆးပႃး 23 ၸႄႈဝဵင်း လႄႈ 134 ဢိူင်ႇ ။ ၼႂ်းၶေႃႈပိုၼ်ၽၢဝ်ႇၼၼ်ႉၼႂ်းမိူင်းတႆး ၼွၵ်ႈလိူဝ် 5 ၸႄႈဝဵင်း မိူင်းလႃး၊ ပၢင်သၢင်း၊ ၼႃးၽၢၼ်း၊မိူင်းမႂ်ႇ၊ ပၢင်ဝၢႆ (ၼႃႈလိၼ်ဝႃႉၽွင်းငမ်း)ယဝ်ႉ ဝဵင်းမိူင်းၵိုင် ၸိုင်ႈတႆးပွတ်းၸၢၼ်း တီႈဢမ်ႇမီးပၢင်တိုၵ်းသိုၵ်းသိူဝ်လႄႈ...

ပႃႇတီႇသၢင်ႇသီႈ ၼႂ်းၸႄႈဝဵင်းမိူင်းသူႈ ယွၼ်းတၢင်းၸွႆႈထႅမ် ၽူႈၵွၼ်းဝၢၼ်ႈ/ဢိူင်ႇ ၸွႆႈႁွင်ႉၵူၼ်းဝၢၼ်ႈ ၵူၼ်းၼုမ်ႇ ၸွႆႈပႃႇတီႇသၢင်ႇသီႈလဵပ်ႈဝဵင်း ၼႄဢဵၼ်ႁႅင်းတႃႇဢွင်ႇပေႉပၢင်လိူၵ်ႈတင်ႈ။ မိူဝ်ႈဝၼ်းတီႈ 15/10/2020 တင်ႈတႄႇၵၢင်ၼႂ်ယၢမ်း 09:00 မူင်း တေႃႇထိုင်ယၢမ်းဝၢႆးဝၼ်းႁူဝ်ၶမ်ႈ၊ ပႃႇတီႇသၢင်ႇသီႈ (USDP) ၸႄႈဝဵင်းမိူင်းသူႈ ႁႂ်ႈႁူဝ်ၼႃႈၵၢင်ႉၵႄႇ ဝၢၼ်ႈ/ဢိူင်ႇ ၼႄၾၢင်ႁၢင်ႈ ပႃႇတီႇ တႃႇဢွင်ႇပေႉ၊ ဢၼ်မႃး မီး ယၢင်းလမ်...

ၸိုင်ႈတႆးပွတ်းဢွၵ်ႇၶူင်း ၼႂ်းၸႄႈတွၼ်ႈမိူင်းသၢတ်ႇ ၸႄႈဝဵင်းမိူင်းသၢတ်ႇၼၼ်ႉ မီးၶၢဝ်ႇလိုဝ်းၵၼ်ဝႃႈ သင်ၵူၼ်းၶိူဝ်းတႆး တွတ်ႈၶႅပ်းၵၢင်ၸႂ်ပၼ်ပႃႇတီႇတႆးၼႆ ၵူၼ်းၼုမ်ႇတႆး တင်းသဵင်ႈ တေလႆႈၵႂႃႇႁဵတ်းသိုၵ်းတႆးလွႆတႆးလႅင်း ဢၼ်ဝႃႈၼၼ်ႉ RCSS/SSA တွပ်ႇလၢတ်ႈဝႃႈ “ပဵၼ်ၵၢၼ်ယႃႉၸိုဝ်ႈသဵင်ပႃႇတီႇတႆး၊ တပ်ႉသိုၵ်းတႆးၵူၺ်း” ဝႃႈၼႆ။ ၵၢင်လိူၼ်ဢွၵ်ႇထူဝ်ႇပိူဝ်ႊ ၼႃႈပၢင်လိူၵ်ႈတင်ႈ လူဝ်ႇထႅင်ႈမွၵ်ႇ 20 ဝၼ်းၵူၺ်းၼႆႉ ပႃႇတီႇ ဢၼ်ဢဵၼ်ႁႅင်းယႂ်ႇဢၼ်ၼိုင်ႈ လူင်းသူၼ်းတုမ်ႁႃသဵင် ဝႃႈ “သင်ဝႃႈ...

တင်ႈတႄႇ ၶွင်ႇသီႇဢဝ်ၶိုၼ်းၸိုင်ႈတႆး/တပ်ႉသိုၵ်းၸိုင်ႈတႆး RCSS/SSA လူင်းလၢႆးမိုဝ်းၵိုတ်းတိုၵ်း ၸၼ်ႉၸႄႈမိူင်း တေႃႇ ထိုင်ပၢၼ်လူင်းလၢႆးမိုဝ်း NCA ၼႆႉ ၺႃးတပ်ႉသိုၵ်းလူင်ပွင်ၸိုင်ႈမၢၼ်ႈ လေႃႇတိုၵ်းလႄႈ  သွင်ၾၢႆႇလႆႈပဵၼ်ပၢင်တိုၵ်းၵၼ် ႁိမ်း 300 ပွၵ်ႈဝႃႈၼႆ။ ဝၼ်းတီႈ 15/10/2020 ၼႆႉ ၸုမ်းသိုၵ်းၸၢဝ်းၶိူဝ်း၊ လူင်ပွင်ၸိုင်ႈမၢၼ်ႈ၊ သိုၵ်းမၢၼ်ႈ လူင်းလၢႆးမိုဝ်း ႁဵတ်းလိၵ်ႈၵိၼ်ၵႅၼ်ႇ ၵိုတ်းတိုၵ်းတူဝ်ႈမိူင်း NCA...

ပႃႇတီႇသိူဝ်ၽိူၵ်ႇ ပူၵ်းပၢႆႉ သူၼ်းတုမ်ႁႃသဵင် ၼႂ်းၸႄႈဝဵင်းမူႇၸေႊ ၼပ်ႉႁူဝ်သိပ်းတီႈ ၼႂ်းၼၼ်ႉ ဢၼ်ထုၵ်ႇယႃႉလႅဝ် လၢႆလၢႆတီႈ။ ပႃႇတီႇ သိူဝ်ၽိူၵ်ႇ တေၶဝ်ႈၶႅင်ႇ ၼႂ်းၸႄႈဝဵင်းမူႇၸေႊ မီး 4 တီႈၼင်ႈ၊ ပူၵ်းပၢႆႉ ႁႃသဵင် ဝႆႉ 50 တီႈ ပၢႆ ၼႂ်းၼၼ်ႉ ဢၼ်ၺႃးယႃႉလႅဝ် ပဵၼ်တီႈ ဝၢၼ်ႈႁႆး...