ဝၼ်းတီႈ 25/06/2025 ယၢမ်းဝၢႆးဝၼ်း 3 မူင်း ၸုမ်းပျီႇၸိတ်ႉတီႈဝဵင်းမူႇၸေႊ ၸိုင်ႈတႆးပွတ်းႁွင်ႇ ယိုဝ်းၼုမ်ႇၸၢႆးဢႃယု 20 ပၢႆၵေႃႉၼိုင်ႈတၢႆ ၼႂ်းဝၢၼ်ႈပၢင်ႇလူင်မႂ်ႇ  ၊  မၼ်းၸၢႆးဢၢၼ်းလၵ်ႉၶူဝ်းၶွင်ၼႆသေ လမ်းယိုဝ်း ၼႂ်းဝၢၼ်ႈၼႂ်းၶူင်ႇ ၵူၼ်းမိူင်းတူၵ်းၸႂ် ။ မိူဝ်ႈၼုမ်ႇၸၢႆးၵေႃႉၼႆႉ တေဢၢၼ်းလၵ်ႉၶူဝ်းၶွင် ၼၼ်ႉ ၵူၼ်းႁိမ်းႁွမ်းသမ်ႉတၼ်းႁၼ်လႄႈ ၸုမ်းပျီႇတူႉၸိတ်ႉဢၼ်ဢဝ်လွင်ႈႁူမ်ႇလူမ်ႈႁိမ်းၼၼ်ႉ ၸင်ႇလမ်းယိုဝ်း ၼႆ ၵူၼ်းပိုၼ်ႉတီႈလၢတ်ႈ။ ၵူၼ်းမူႇၸေႊၵေႃႉၼိုင်ႈ...

မိူင်းၶႄႇပိုၼ်ၽၢဝ်ႇဝႃႈ ၼႂ်းလိူၼ်သႅပ်ႊထိမ်ႊပိူဝ်ႊ ပီၼႆႉ တေၸတ်းႁဵတ်း ပၢင်ပွႆးၼႄ ၾၢင်ႁၢင်ႈသိုၵ်း ပိူဝ်ႈတႃႇပဵၼ်လွင်ႈမၢႆတွင်း ပၢင်တိုၵ်းသိုၵ်းလုမ်ႈၾႃႉယဝ်ႉတူဝ်ႈၵႂႃႇၶွပ်ႈတဵမ်  80 ပီ ဝႃႈၼႆ။ ပၢင်ၼႄၾၢင်ႁၢင်ႈသိုၵ်းၼႆႉ တေၸတ်းႁဵတ်းၼႂ်းဝၼ်းတီႈ 3 လိူၼ်သႅမ်ႊထိမ်ႊပိူဝ်ႊ တီႈဝဵင်းလူင်ပေႊၵျိၼ်ႊ၊ ၸွမ်ၸိုင်ႈမိူင်းၶႄႇ သျီႊၵျိၼ်ႊၽိင်ႊၵေႃႈတေၶဝ်ႈႁူမ်ႈၸွမ်းၼႆ - ၽူႈမီးၸၼ်ႉသုင် ၼႂ်းတပ်ႉသိုၵ်းမိူင်းၶႄႇ လၢတ်ႈၵႂႃႇ တီႈၼႂ်းပၢင်သပ်းၸႅင်ႈၶၢဝ်ႇၼင်ႇၼႆ။ တီႈၼႂ်းပၢင်ၼႄၾၢင်ႁၢင်ႈသိုၵ်းၼၼ်ႉ တေၼႄပႃးဢဵၼ်ႁႅင်းၾၢႆႇတပ်ႉလိၼ်၊ ၶိူင်ႈမိၼ်တိုၵ်း...

မိူင်းထႆး ပိၵ်ႉဢိုတ်းႁႄႉႁၢမ်ႈ ဢမ်ႇပၼ်ၶႂၢင်ႉ ၵူၼ်းဢွၵ်ႇၶၢဝ်းတၢင်းၼႂ်းမိူင်း ၼွၵ်ႈမိူင်း၊  ၸိူဝ်းတေလုၵ်ႉတီႈ ၼႂ်းမိူင်းထႆးသေ ဢွၵ်ႇၶၢဝ်းတၢင်းၵႂႃႇ မိူင်းၵမ်ႊပေႃႊတီႊယိူဝ်ႊ၊ ယွၼ်ႉလွင်ႈၶဵင်ႈၶႅင်ၵႄႈၵၢင်သွင်ၸိုင်ႈမိူင်း ႁၢဝ်ႈႁႅင်းဝႆႉ ဝႃႈၼႆ။ ပိူင်လူင်ႁႄႉႁၢမ်ႈ ၵူၼ်းမိူင်း ၸိူဝ်းတေၶီႇရူတ်ႉၵႃး လတ်းၽၢၼ်ႇ ၵဵတ်ႉ/လၢၼ်ႇၵူတ်ႇထတ်း ၼႂ်းၵူႈၸႄႈတွၼ်ႈ ၼႂ်းမိူင်းထႆးသေ ဢၼ်တေ ၶဝ်ႈၵႂႃႇၸူးမိူင်းၵမ်ႊပေႃႊတီႊယိူဝ်ႊ။  ပႃးၸဵမ် ၵူၼ်းၸိူဝ်းဢွၵ်ႇ ၶၢဝ်းတၢင်းၼွၵ်ႈမိူင်း ၸိူဝ်းတေၶီႇၶိူင်ႈမိၼ်လုၵ်ႉတီႈမိူင်းထႆးသေ...

ၼႂ်းၵၢင်လိူၼ်ၵျုၼ်ႊ 2025 ၼႆႉ ၵူၼ်းဝၢၼ်ႈလိၼ်ပူၵ်ႇတႅၵ်ႇလႄႈထႅင်ႈလၢႆလၢႆဝၢၼ်ႈ ၼႂ်းၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ၸိူဝ်းဢွၼ်ၵၼ်ပၢႆႈၽေးသိုၵ်းၵႂႃႇသွၼ်ႈဝႆႉ တီႈၼွင်ႁၢႆးယႃႈၼၼ်ႉ ၸပ်းတၢင်းပဵၼ် ၶႆႈၼၢဝ်ၵၼ်ၼမ် ။ ၵူၼ်းဝၢၼ်ႈလိၼ်ပူၵ်ႇတႅၵ်ႇၼႆႉ ဢၼ်ပၢႆႈၽေးသိုၵ်းယူႇၼႆႉ ယၢမ်းလဵဝ် ၸုမ်းတူင်ႇၵူၼ်းၼပ်ႉဝႆႉ မီး 250 မုင်ႉႁေႃႁိူၼ်း ၼႂ်းၼၼ်ႉ ၸၢႆး 516 ၵေႃႉ ယိင်း 511 ၵေႃႈ...

တပ်ႉသိုၵ်းထၼူႉ DPLA ၸတ်းႁဵတ်းပွႆးလူင်းပၢင်သွၼ်ၵၢၼ်သိုၵ်း ၸုပ်ႈထီႉ 6 မိူဝ်ႈဝၼ်းတီႈ 21/06/2025 ၼႂ်းၸိုင်ႈတႆးပွတ်းၸၢၼ်းတီႈၼိုင်ႈ။ တီႈပွႆးလူင်းပၢင်သွၼ်ၼၼ်ႉ ၵူၼ်းမႂ်ႇၾိုၵ်းၵၢၼ်သိုၵ်း ၸဵမ်ယိင်းလႄႈၸၢႆး ဢဵၼ်ႁႅင်းမီးမွၵ်ႈ 300 ၵေႃႉ။ ႁူဝ်ပဝ်ႈတပ်ႉသိုၵ်းထၼူႉ DPLF ဢူးထုၼ်းထုၼ်းၼၢႆႇၶဝ်ႈႁူမ်ႈပွႆးလူင်းပၢင်သွၼ်သေလၢတ်ႈဝႃႈ - ႁႂ်ႈၵႅတ်ႇၶႄပၼ်ၵူၼ်းၶိူဝ်းထၼူႉ၊ ႁႂ်ႈမေႃထွမ်ႇၶေႃႈပူင်၊ ထိုင်ငဝ်းလၢႆးၸိူင်ႉႁိုဝ်ၵေႃႈယႃႇယွမ်းၵၢၼ်ႉသေ ႁႂ်ႈတိုၵ်းလိုပ်ႈၸဝ်ႈဢႃႇၼႃႇသိုၵ်းလႆႈတင်းတူၼ်ႈတင်းႁၢၵ်ႈ၊ ယိူင်းဢၢၼ်းႁႂ်ႈၸဵဝ်းထိုင် - ဝႃႈၼႆ။ ပၢင်သွၼ်ၵၢၼ်သိုၵ်းၵမ်းၼႆႉ...

ႁွင်ႈၵၢၼ်ၾၢႆႇလိူမ်ႈလႆႇ ဢၼ်ယူႇတႂ်ႈသိုၵ်းမၢၼ်ႈယိုတ်းမိူင်း ဝဵင်းမိူင်းတူၼ် ၸိုင်ႈတႆးပွတ်းဢွၵ်ႇ ပႂ်ႉၵဵပ်းၶွၼ်ႇ ရူတ်ႉၶိူင်ႈ( ဘီးခွန်) တီႈဝၢၼ်ႈၾၢႆၶႄႇ ၼိုင်ႈလမ်းလႂ် 5000 ပျႃး   ။ ဝၢႆးသိုၵ်းမၢၼ်ႈပိုၼ်ၽၢဝ်ႇ ယိုတ်းရူတ်ႉၵႃးဢၼ်ဢမ်ႇမီးဝႂ် မိူဝ်ႈႁူဝ်လိူၼ်ၵျုၼ်ႊၼႆႉယဝ်ႉ ၵူၼ်းမိူင်းတူၼ် ဢမ်ႇသူႈဢွၵ်ႇႁိူၼ်းၵႂႃႇမႃး တၢင်းလႂ် ၊ သင်ဢွၵ်ႇၵေႃႈ ၵမ်ႈၼမ် တေႁေႃႈရူတ်ႉၶိူင်ႈပဵၼ်ပိူင်လူင်။ မိူဝ်ႈဝၼ်းတီႈ 23/6/2025 ၼႆႉ...

ၼႂ်းဝၼ်းတီႈ 23 လိူၼ်ၵျုၼ်ႊ ဝၼ်းၸၼ်ၼႆႉ ငဝ်ႈငုၼ်းၾၢႆႇၵုမ်းၵမ်သိုၵ်း တပ်ႉၸုမ်းယိပ်းၵွင်ႈၵၢင်ႇ ယူႊၶရဵၼ်ႊ ပိုၼ်ၽၢဝ်ႇဢွၵ်ႇမႃးဝႃႈ ရတ်ႉသျႃႊ ၸႂ်ႉၶိူင်ႈတရူၼ်ႊ 352 လမ်း လႄႈ ၶိူင်ႈမၢၵ်ႇၼူၾႆး 16 ဢၼ် ယိုဝ်းတိုၵ်းသႂ်ႇဝဵင်းလူင် ၶေႊယပ်ႊၾ် (Kyiv) မိူင်းယူႊၶရဵၼ်ႊ ဝႃႈၼႆ။ ၽႅၼ်ၵၢၼ်ယိုဝ်းတိုၵ်းပွၵ်ႈၼႆႉ တႄႇယၢမ်းၵၢင်ၶမ်ႈ 8...

ဝၼ်းတီႈ 24/06/2025 ယၢမ်းဝၢႆးဝၼ်း မွၵ်ႈ 5 မူင်း(ၶၢဝ်းယၢမ်းမိူင်းတႆး) သိုၵ်းမၢၼ်ႈဢဝ်ၶိူင်ႈမိၼ် သႅၼ်းၵျႅတ်ႊၾၢႆႊတိူဝ်ႊ ပွႆႇမၢၵ်ႇသႂ်ႇတီႈဝဵင်းၵျွၵ်ႉမႄး တိူဝ်ႉသႂ်ႇႁိူၼ်းယေးၵူၼ်းမိူင်း လူႉၵွႆ ၊ ၵူၼ်းၵေႃႈလူႉတၢႆ။ ၵူၼ်းပိုၼ်ႉတီႈလၢတ်ႈဝႃႈ ၶိူင်ႈမိၼ်သိုၵ်းမၢၼ်ႈမႃးပွႆႇမၢၵ်ႇလူင် 2 ၵမ်း။ တူၵ်းသႂ်ႇတီႈႁိမ်းၵျွင်းပလီႇလႄႈ ႁၢၼ်ႉၵိၼ်ၶဝ်ႈၽၵ်း ၸၢၼ်ႇပျႃႉ ပွၵ်ႉ 3 ဝဵင်းၵျွၵ်ႉမႄး။ ႁိူၼ်းယေးၵေႃႈၵွႆတင်းၼမ်။ ၵူၼ်းမိူင်းတၢႆ...

လုၵ်ႈဢွၼ်ႇယိင်း ဢႃယု 16  ၶူပ်ႇၵူၼ်းဝၢၼ်ႈလွႆၼွႆႉဝဵင်းမိူင်းပၼ်ႇ ၸႄႈတွၼ်ႈလၢင်းၶိူဝ်း ၸိုင်ႈတႆး ပွတ်းၸၢၼ်း တၢႆယွၼ်ႉသျွၵ်ႉ (Shock) ယႃႈမဝ်းၵမ် ၵူၼ်းပိုၼ်ႉတီႈ တူၵ်းၸႂ်ၽေးယႃႈမဝ်းၵမ်မီးၸမ်တူဝ်။ ဝၼ်းတီႈ 21/6/2025 ယၢမ်းၵၢင်ၶမ်ႈ လုၵ်ႈဢွၼ်ႇယိင်းဢႃယုပႆႇတဵမ် 18 ၶူပ်ႇၵေႃႉၼိုင်ႈ ပဵၼ်သျွၵ်ႉတၢႆ ၽွင်းၵႂႃႇတီႈႁၢၼ်ႉမူၼ်ႈသိူဝ်းၵိၼ်ၵျေႃႇKTV ဢၼ်မီးတီႈဝၢၼ်ႈလွႆႇၼွႆႉ ၊ ၵူၼ်းပိုၼ်ႉတီႈလၢတ်ႈဝႃႈ မၼ်းၼၢင်းတၢႆယွၼ်ႉယႃႈမဝ်းၵမ် ယႃႈမိုၼ်လိုမ်း...

တႄႇလိူၼ်ၵျုၼ်ႊၼႆႉမႃး သိုၵ်းၵဝ်ႈၵၢင်ႉ MNDAA ၸိူဝ်းပၵ်းတပ်ႉ ၵုမ်းၵမ်ယူႇၼႂ်းထုင်ႉၼမ်ႉပွင်ႈလႄႈ ၼွၵ်ႈဝဵင်းလႃႈသဵဝ်ႈၼၼ်ႉ ဢွၵ်ႇၶေႃႈၸီႉသင်ႇ တီႈၵၢင်ႉၵႄႇၸွမ်းဝၢၼ်ႈၸွမ်းသူၼ် ႁႂ်ႈႁႃပၼ်ၵူၼ်းတႃႇ ၶဝ်ႈႁဵတ်းသိုၵ်းၼိုင်ႈဝၢၼ်ႈလႂ် ဢေႇသုတ်းၼိုင်ႈၵေႃႉ ဝႃႈၼႆ။ ဝၢႆးလင် သိုၵ်းၵဝ်ႈၵၢင်ႉ လႆႈထွႆဢွၵ်ႇၼႂ်းဝဵင်းလႃႈသဵဝ်ႈ ပၼ်သိုၵ်းမၢၼ်ႈယဝ်ႉၼၼ်ႉ သိုၵ်းၵဝ်ႈၵၢင်ႉ ဢွၵ်ႇ ၶေႃႈၸီႉသင်ႇ တေႃႇၵူၼ်းမိူင်း ၸိူဝ်းယူႇၸွမ်းသၢပ်ႇဝဵင်းလႃႈသဵဝ်ႈလႄႈ ထုင်ႉၼမ်ႉပွင်ႈၼၼ်ႉ ႁႂ်ႈႁႃၵူၼ်း သေ ဢဝ်သဵၼ်ႈမၢႆၵူၼ်း...

တႄႇႁူဝ်ပီ 2025 မႃးၼႆႉ ၼႂ်းၸႄႈဝဵင်းလၢႆးၶႃႈ၊ ၸႄႈဝဵင်းမိူင်းၵိုင်လႄႈ ၸႄႈဝဵင်းၵေးသီး ၵူၼ်းၸၢဝ်းၶႄႇ မႃးတင်ႈပဵၼ်ၸုမ်းၵျႃးၽႅၼ်ႉသေ ႁဵတ်းၵၢၼ်လွၵ်ႇလႅၼ်ၵိၼ်ငိုၼ်းၼိူဝ်ဢွၼ်ႊလၢႆႊ၊ ပိုတ်ႇႁူင်းလဵၼ်ႈၵဵမ်း၊ ပၢင်တေႃႇလွင်းၼိူဝ်ဢွၼ်ႊလၢႆႊၸိူဝ်းၼႆႉ ၼမ်ႁႅင်းမႃးလိူဝ်ၵဝ်ႇသေ မီးၸုမ်းယိပ်းၵွင်ႈၵၢင်ႇၶဝ် ပႂ်ႉဢဝ်ႁူမ်ႇလူမ်ႈပၼ်ပႃး ဝႃႈၼႆ။   ၼႂ်းပိုၼ်ႉတီႈၸွမ်းသၢႆၼမ်ႉတဵင်း ၸိူဝ်းထႅဝ်ၸႄႈဝဵင်းလၢႆးၶႃႈ၊ ၸႄႈဝဵင်းမိူင်းၵိုင်လႄႈ ၸႄႈဝဵင်းၵေးသီးၼႆႉ မီးၸုမ်းသိုၵ်းတႆးလႄႈ ၸုမ်းပျီႇတူႉၸိတ်ႉ ဢၼ်ယူႇတႂ်ႈဢႃႇၼႃႇသိုၵ်းမၢၼ်ႈၶဝ် တူင်ႉၼိုင်ၵႂႃႇမႃးဝႆႉၼႆ ၵူၼ်းမိူင်းၼႂ်းပိုၼ်ႉတီႈ...

ဝၼ်းတီႈ 21/06/2025 ၼႆႉ သိုၵ်းမၢၼ်ႈ ယိုတ်းမိူင်း တေႃႉဢဝ်ႁႅင်းၵူၼ်းသိုၵ်းၸမ်ႁူဝ်ႁဵင်ၵေႃႉလႄႈ ႁႅင်းၶိူင်ႈၵွင်ႈလူင် လၢႆလၢႆသႅၼ်း ၶဝ်ႈၵႂႃႇဢဝ်ဢွင်ႈတီႈ တင်ႈဝႆႉၶိုၼ်းၼႂ်းဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ဝၼ်းၼၼ်ႉ သၢႆၵႃးသိုၵ်းမၢၼ်ႈ လုၵ်ႉတၢင်းၼွၵ်ႈ ၶဝ်ႈမႃးၼႂ်းဝဵင်းမီးမွၵ်ႈ 50 လမ်း ပႃးတင်းၵူၼ်းသိုၵ်း တဵမ်ၵႃး မွၵ်ႈၼိုင်ႈႁဵင်ၵေႃႉ။ ၵွၼ်ႇသိုၵ်းမၢၼ်ႈပႆႇတေႃႉဢဝ် ၵူၼ်းသိုၵ်းလႄႈ ၶိူင်ႈၸႂ်ႉတိုဝ်းၼႂ်းပၢင်တိုၵ်း ၶဝ်ႈမႃး ၼႂ်းဝဵင်းၼႆႉ...

ဝၼ်းတီႈ 23/06/2025 ယၢမ်းၵၢင်ၼႂ်မွၵ်ႈ 10 မူင်းၶိုင်ႈ သိုၵ်းတႆး SSPP တင်း သိုၵ်းတဢၢင်း TNLA ပဵၼ် ပၢင်တိုၵ်းၵၼ် ၾၢႆႇၸၢၼ်းဝၢၼ်ႈမိူင်းႁူၵ်း ၸႄႈဝဵင်းမိူင်းမိတ်ႈ ၸႄႈတွၼ်ႈမိူင်းမိတ်ႈ ၸိုင်ႈတႆးပွတ်းႁွင်ႇ။ လွင်ႈပၢင်တိုၵ်းၼႆႉ သိုၵ်းတင်းသွင်ၾၢႆႇ ပိုၼ်ၽၢဝ်ႇဢွၵ်ႇဝႆႉ ပဵၼ်တၢင်းၵၢၼ် ၼိူဝ်ၼႃႈလိၵ်ႈ သိုဝ်ႇတူင်ႇဝူင်းၵူၼ်း ၽႂ်မၼ်းဝႆႉၼင်ႇၼႆ။ ၾၢႆႇသိုၵ်းတႆး တႄႉပိုၼ်ၽၢဝ်ႇဢွၵ်ႇဝႆႉဝႃႈ...

ဝၼ်းတီႈ 22/06/2025 ၶၢဝ်းယၢမ်းမိူင်းဢီႊရၢၼ်ႊ ၵၢင်ၼႂ် 2 မူင်းပၢႆ 10 မိၼိတ်ႉၼၼ်ႉ မိူင်းဢမေႊရိၵၼ်ႊ ၸႂ်ႉၶိူင်ႈမိၼ် B-2 သေ ပွႆႇမၢၵ်ႇသႂ်ႇ ၼႂ်းဢွင်ႈတီႈၶူၼ်ႉၶႂႃႉ ၵဵဝ်ႇၵပ်းပၢႆးသၢႆႊ ၼိဝ်ႊၶလီႊယိူဝ်ႊ ၼႂ်းမိူင်းဢီႊရၢၼ်ႊ။ ၶိူင်ႈမိၼ်ဢမေႊရိၵၼ်ႊၼၼ်ႉ ပွႆႇမၢၵ်ႇသႂ်ႇ 2 လုၵ်ႈ ဢၼ်မီးၼမ်ႉၼၵ်းပွၼ်ႊ 3 မိုၼ်ႇ။...

ၽွင်းမိူဝ်ႈသွင်ၸိုင်ႈမိူင်း မီးလွင်ႈၶဵင်ႈၶႅင်ၵၼ်ၸွမ်းလႅၼ်လိၼ်ယူႇၼႆႉ ၸွမ်ၽွင်းလူင် မိူင်းၵမ်ႇပူးၶျႃး (ၵမ်ႊပေႃႊတီႊယိူဝ်ႊ) လၢတ်ႈၵႂႃႇ မိူဝ်ႈဝၼ်းတီႈ 23/06/2025 ၼႆႉဝႃႈ တေၵိုတ်းလိုဝ်ႈပႅတ်ႈ ၵၢၼ်တေႃႉတၢင်ႇၼမ်ႉမၼ်းၸိူဝ်ႉၾႆးလႄႈ ႁႅင်းထၢတ်ႈသၽႃႇဝ တၢင်းမိူင်းထႆးတင်းမူတ်းယဝ်ႉ ဝႃႈၼႆ။ ယွၼ်ႉသွင်ၸိုင်ႈမိူင်း ထဵင်မေႃးၵၼ်လွင်ႈပိုၼ်ႉတီႈသေ ၵူၼ်းသိုၵ်း မိူင်းၵမ်ႇပူးၶျႃး လူႉတၢႆ 1 ၵေႃႉ၊ ဝၢႆးလင်ၼၼ်ႉ လွင်ႈၶဵင်ႈၶႅင် ၼႂ်းၵႄႈၵၢင်သွင်ၸိုင်ႈမိူင်း တိူဝ်းၶိုၼ်ႈသုင်မႃး။ ၸွမ်ၽွင်းလူင်...