မိူင်းထႆး ပိၵ်ႉဢိုတ်းႁႄႉႁၢမ်ႈ ဢမ်ႇပၼ်ၶႂၢင်ႉ ၵူၼ်းဢွၵ်ႇၶၢဝ်းတၢင်းၼႂ်းမိူင်း ၼွၵ်ႈမိူင်း၊ ၸိူဝ်းတေလုၵ်ႉတီႈ ၼႂ်းမိူင်းထႆးသေ ဢွၵ်ႇၶၢဝ်းတၢင်းၵႂႃႇ မိူင်းၵမ်ႊပေႃႊတီႊယိူဝ်ႊ၊ ယွၼ်ႉလွင်ႈၶဵင်ႈၶႅင်ၵႄႈၵၢင်သွင်ၸိုင်ႈမိူင်း ႁၢဝ်ႈႁႅင်းဝႆႉ ဝႃႈၼႆ။
ပိူင်လူင်ႁႄႉႁၢမ်ႈ ၵူၼ်းမိူင်း ၸိူဝ်းတေၶီႇရူတ်ႉၵႃး လတ်းၽၢၼ်ႇ ၵဵတ်ႉ/လၢၼ်ႇၵူတ်ႇထတ်း ၼႂ်းၵူႈၸႄႈတွၼ်ႈ ၼႂ်းမိူင်းထႆးသေ ဢၼ်တေ ၶဝ်ႈၵႂႃႇၸူးမိူင်းၵမ်ႊပေႃႊတီႊယိူဝ်ႊ။ ပႃးၸဵမ် ၵူၼ်းၸိူဝ်းဢွၵ်ႇ ၶၢဝ်းတၢင်းၼွၵ်ႈမိူင်း ၸိူဝ်းတေၶီႇၶိူင်ႈမိၼ်လုၵ်ႉတီႈမိူင်းထႆးသေ တေၵႂႃႇလူင်းတီႈ ဝဵင်းသယၢမ်ႊရိပ်ႉ(Siem Reap) မိူင်းၵမ်ႊ ပေႃႊတီႊယိူဝ်ႊၸိူဝ်းၼႆႉၵေႃႈထုၵ်ႇထတ်း ။
ၵူၺ်းၵႃႈ သင်ဝႃႈပဵၼ် လုၵ်ႈႁဵၼ်းဢမ်ႇၼၼ် ၵူၼ်းပဵၼ်ၸိူဝ်းလူဝ်ႇလႆႈယူတ်းယႃတူဝ် ၸိူဝ်းၼၼ်ႉတႄႉ ယူႇတီႈ ၽူႈမီးပုၼ်ႈၽွၼ်း တီႈၵဵတ်ႉ/လၢၼ်ႇ ၶဝ်ၵူတ်ႇထတ်းၵူၺ်း ဝႃႈၼႆ။
မိူဝ်ႈလိူၼ်မေႊ ပူၼ်ႉမႃးၼႆႉ ၵဵဝ်ႇလူၺ်ႈလွင်ႈပိုၼ်ႉတီႈ ၸွမ်းလႅၼ်လိၼ်သေ မိူင်းထႆး တင်း ၵမ်ႊပေႃႊ တီႊယိူဝ်ႊ မီးလွင်ႈထဵင်မေႃးၵၼ် ထိုင်တီႈၸႂ်ႉဢဵၼ်ႁႅင်း တိုၵ်းတေႃးတေႃႇၵၼ်သေ ႁဵတ်းႁႂ်ႈၵူၼ်းသိုၵ်းၾၢႆႇ မိူင်းၵမ်ႊပေႃႊတီႊယိူဝ်ႊ လူႉတၢႆၵႂႃႇၵေႃႉၼိုင်ႈ။ ဝၢႆးၼၼ်ႉမႃး လွင်ႈၶဝ်ႈဢွၵ်ႇၵပ်းသိုပ်ႇၵႄႈ ၵၢင်သွင်ၸိုင်ႈ မိူင်းၵေႃႈ ပဵၼ်ဢၼ်တႅမ်ႇယေႃႈၵႂႃႇလိူဝ်ႁႅင်း ၼႂ်းၶၢဝ်းတၢင်း 10 ပီ။
လိူဝ်ၼၼ်ႉ သွင်ၾၢႆႇ မီးလွင်ႈဢဝ်လိူင်ႈတေႃႇၵၼ်။ ၾၢႆႇမိူင်းၵမ်ႊပေႃႊတီႊယိူဝ်ႊ ပိၵ်ႉဢိုတ်းပႅတ်ႈ လွင်ႈႁပ်ႉ သိုဝ်ႉ မၢၵ်ႇမႆႉမၢၵ်ႇတွၵ်ႇ၊ ၽၵ်းယွတ်ႈၼၢင်းၶဵဝ်၊ ၾႆးၾႃႉ ၊ ၵၢၼ်ၸႂ်ႉတိုဝ်းဢိၼ်ႊထိူဝ်ႊၼႅတ်ႊ လႄႈ ၶူဝ်း ၵုၼ်ႇ မိူင်းထႆး၊ ပိၵ်ႉဢိုတ်းပႃး ၸိူင်းငဝ်းတူင်ႉထႆး ၸိူဝ်းၼႆႉ ၼႆယဝ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ