ၽူႈယိင်းၵူၼ်းၼမ်ႉၶမ်း ဢၼ်သိုၵ်းတဢၢင်း TNLA တီႉၺွပ်းၵႂႃႇၼၼ်ႉ ယူႇတီႈၸုမ်းၵူၼ်းၼုမ်ႇၼမ်ႉၶမ်းသေ ႁူမ်ႈၵၼ် တုၵ်းယွၼ်းႁႂ်ႈၸဵဝ်းပွႆႇတူဝ်ပၼ်ၶိုၼ်းၽႂ်းၽႂ်း ဝႃႈၼႆ။ ဝၼ်းတီႈ 19/08/2018 ယၢမ်းၵၢင်ၼႂ် ၸုမ်းၵူၼ်းၼုမ်ႇၼမ်ႉၶမ်း ဢၼ်မီးမူႇၸုမ်း ႁူမ်ႈၵၼ် 20 ၸုမ်းပၢႆၼၼ်ႉ တုၵ်းယွၼ်း ႁႂ်ႈပွႆႇ ပၼ်ၶိုၼ်း ၼၢင်းမူဝ်ႁွမ် ၵူၼ်းမိူင်းၼမ်ႉၶမ်း ဢၼ်သိုၵ်းတဢၢင်း TNLA တီႉၺွပ်းၵႂႃႇၼၼ်ႉ ၽႂ်း...

ၵဵဝ်ႇလူၺ်း ပၼ်ႁႃ သိုၵ်းတႆး 2 ၸုမ်း ဢၼ်ပဵၼ်ယူႇၼႂ်းၸိုင်ႈတႆးပွတ်းႁွင်ႇၼၼ်ႉ ငဝ်ႈငုၼ်းၵေႃလိၵ်ႈလၢႆး တုၵ်းယွၼ်း ႁႂ်ႈတိတ်းတေႃႇၵပ်းသိုပ်ႇၶဝ်ႈႁႃၵၼ်သေ ၵႄႈလိတ်ႈလွင်ႈပၼ်ႁႃပၢင်တိုၵ်း ဝႃႈၼႆ။ ဝၼ်းတီႈ 17/08/2018 ယူႇတီႈငဝ်ႈငုၼ်း ၵေႃလိၵ်ႈလၢႆးလႄႈၾိင်ႈငႄႈတႆး မိူင်းတႆးပတ်းပိုၼ်ႉ ဢွၵ်ႇလိၵ်ႈတုၵ်းယွၼ်း ထိုင် ႁူဝ်ပဝ်ႈ တပ်ႉသိုၵ်းတႆး 2 ၸုမ်း။ ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA...

ၸဝ်ႈၸၢမ်ႇမိၼ်ႉ ၽူႈမီးၸၼ်ႉ ၼႂ်းတပ်ႉသိုၵ်း SSPP/SSA ဢၼ်ယၢမ်ႈႁပ်ႉပုၼ်ႈၽွၼ်း ပဵၼ်ၽူႈၵွၼ်းၸႄႈတွၼ်ႈမူႇ ၸေႊ ၼၼ်ႉ ၺႃးသိုၵ်းမၢၼ်ႈတီႉၺွပ်းသေ ပွႆႇဢွၵ်ႇၶွၵ်ႈၶိုၼ်း မိူဝ်ႈလိူၼ်မေႊ 2018 ၼၼ်ႉ ဢွၵ်ႇၶွၵ်ႈမႃး ဢမ်ႇ တၼ်းႁိုင် လႆႈလူႉသဵင်ႈၵႂႃႇ တီႈႁူင်းယႃဝဵင်းလိူဝ်ႇ ဝႃႈၼႆ။ ဝၼ်းတီႈ 20/08/2018 ယၢမ်းၵၢင်ၼႂ် ၸဝ်ႈၸၢမ်ႇမိၼ်ႉ လႆႈလူႉသဵင်ႈၵႂႃႇတီႈႁူင်းယႃ ဝဵင်းလိူဝ်ႇ...

ၵေႃလိၵ်ႈလၢႆးလႄႈ ၾိင်ႈငႄႈတႆး ဝဵင်းၵျွၵ်ႉမႄး ၸတ်းႁဵတ်းပၢင်ယုၵ်ႉယွင်ႈ တွၼ်ႈသူး/ရၢင်းဝလ်း ပၼ်လုၵ်ႈႁဵၼ်း ၸိူဝ်းဢွင်ႇပူၼ်ႉၸၼ်ႉသိပ်း ၼႂ်းပီ 2017-2018 တွၼ်ႈသူးပၼ်လုၵ်ႈႁဵၼ်းတင်းမူတ်း 324 ၵေႃႉ။ ဝၼ်းတီႈ 19/08/2018 ယူႇတီႈၵေႃလိၵ်ႈလၢႆးလႄႈ ၾိင်ႈငႄႈတႆး ၸႄႈဝဵင်းၵျွၵ်ႉမႄး ဢွၼ်ႁူဝ်ၼမ်းၼႃႈၸတ်း    ႁဵတ်း ပၢင်တွၼ်ႈသူး/ရၢင်းဝလ်း ၵူၼ်းၼုမ်ႇတႆး ၸိူဝ်းဢွင်ႇပူၼ်ႉၸၼ်ႉသိပ်း ၼႂ်းၸႄႈဝဵင်းၵျွၵ်ႉမႄး။ ပၢင်တွၼ်ႈသူးၼႆႉ...

ႁွင်ႈၵၢၼ်ၾၢႆႇတေႃႉသူင်ႇ လူင်ပွင်ၸိုင်ႈမိူင်းထႆး ဢုပ်ႇဢူဝ်းႁၢင်ႈႁႅၼ်းတေဢွၵ်ႇပၵ်းပိူင်မႂ်ႇ တႃႇပၼ်တူတ်ႈတၢမ်ႇ ၵူၼ်းႁေႃႈလူတ်ႉၵႃးၼႂ်းမိူင်းထႆး ၸိူဝ်းဢမ်ႇမီးဝႂ်ဢၼုၺၢတ်ႈၶပ်းၶီႇ တေၺႃးတူတ်ႈၶွၵ်ႈ 3 လိူၼ် မႂ်ငိုၼ်း 1 – 5 မိုၼ်ႇၿၢတ်ႇ။ ဝၼ်းတီႈ 20/08/2018 သိုဝ်ႇၶၢဝ်ႇထႆး khaosod ပိုၼ်ၽၢဝ်ႇဝႃႈ - ႁွင်ႈၵၢၼ်ၾၢႆႇၵၢၼ်တေႃႉသူင်ႇ လူင်ပွင်ၸိုင်ႈမိူင်းထႆး ဢုပ်ႇဢူဝ်းႁၢင်ႈႁႅၼ်း တေဢွၵ်ႇပၵ်းပိူင်မႂ်ႇ တႃႇပၼ်တူတ်ႈတၢမ်ႇ...

သဵၼ်ႈတၢင်း တႃႈၶီႈလဵၵ်း – မိူင်းတုမ်း – မိူင်းသၢတ်ႇ တၢင်းယၢဝ်း 60 လၵ်းပၢႆ ဢၼ်ၵၢႆႇၸူးၵၼ်ဝႆႉၼၼ်ႉ ပေႃးထိုင် ၶၢဝ်းၾူၼ်မႃး သဵၼ်ႈတၢင်း လူႉလႅဝ်ၼမ် ၵူၼ်းမိူင်းဢွၵ်ႇတႃႈပႆတၢင်း ႁူပ်ႉလွင်ႈယၢပ်ႇၽိုတ်ႇၶၢၼ်ၸႂ်လိူဝ်ႁႅင်း ဝႃႈၼႆ။ တႄႇဢဝ်ႁူဝ်လိူၼ်ၵျူႊလၢႆႊ ပီ 2018 ၼႆႉမႃး သဵၼ်ႈတၢင်း တႃႈၶီႈလဵၵ်း – မိူင်းသၢတ်ႇ...

ရူတ်ႉၵႃး ႁေႃႈဝႆး ဢမ်ႇၵုမ်းလႆႈႁႅင်းရူတ်ႉ ၽႃႇၵၼ် သႂ်ႇၵႃးဢၼ်ၵိုတ်းဝႆႉၶၢင်ႈတၢင်း ၼႂ်းၸႄႈဝဵင်းမိူင်းၽျၢၵ်ႈ ႁဵတ်းႁႂ်ႈ ၵူၼ်းမၢတ်ႇၸဵပ်း 6 ၵေႃႉ ဝႃႈၼႆ။ ဝၼ်းတီႈ 19/08/2018 ယၢမ်းဝၢႆးဝၼ်း မွၵ်ႈ 1 မူင်း ရူတ်ႉၵႃး ႁပ်ႉၸၢင်ႈတၢင်ႇၵူၼ်း ဢၼ်လုၵ်ႉတၢင်းၵဵင်းတုင် မုင်ႈ ၼႃးၸူးတၢင်းမိူင်းၽျၢၵ်ႈၼၼ်ႉ ႁေႃႈမႃးဝႆး၊ ဢမ်ႇၵုမ်းလႆႈႁႅင်းရူတ်ႉ လေႃႈတမ်သႂ်ႇရူတ်ႉလမ်းၼိုင်ႈ...

ၸုမ်းယေးငိုၼ်း ဝူင်းမဵတ်ႉတႃႇ ၸႄႈဝဵင်းမူႇၸေႊ ၵေႃႇတင်ႈမႃး မီး 7 ပီတဵမ် မီးၽူႈၶဝ်ႈၸုမ်း 2,420 ၵေႃႉလႄႈ ငိုၼ်းၵၢၼ်မုၼ်ပၼ်ႇဝႆႉ တင်းမူတ်း 6 ႁဵင်သႅၼ်ပျႃးပၢႆ ဝႃႈၼႆ။ ဝၼ်းတီႈ 17/08/2018 ယၢမ်းၵၢင်ၼႂ် 8:30 ထိုင် 11:30 မူင်း ၵၢင်ဝၼ်း ၸုမ်းယေးငိုၼ်း ဝူင်းမဵတ့်တႃႇ...

ၵူၼ်းပၢႆႈၽေးသိုၵ်း ဢၼ်လုၵ်ႉတၢင်း ဢိူင်ႇပၢင်လူင် ၸႄႈဝဵင်းၼမ်ႉတူႈ မႃးသွၼ်ႈယူႇ တီႈသီႇပေႃႉ ႁူဝ်ၵူၼ်း 162 ၵေႃႉၼၼ်ႉ ပႃးမႄႈမၢၼ်း 4 ၵေႃႉ ၼႂ်း 4 ၵေႃႉၼၼ်ႉ လႆႈၵိူတ်ႇ လုၵ်ႈတီႈႁူင်းယႃ ၵူၼ်းမိူင်း ၸႄႈဝဵင်းသီႇပေႃႉ ၵေႃႉၼိုင်ႈ ဝႃႈၼႆ။ ဝၼ်းတီႈ 17/08/2018 ယၢမ်းၵၢင်ဝၼ်း 12:30...

ငဝ်ႈငုၼ်းမုၵ်ႉၸုမ်းလူင်သင်ႇၶႃႇၸိုင်ႈတႆး ဝဵင်းပၢင်လူင် ဢုပ်ႇဢူဝ်းၵၼ်သေ တူၵ်းလူင်းလႆႈၸႂ်ၵၼ်ဢွၵ်ႇလိၵ်ႈတိုၵ်းသူၼ်းထိုင်သင်ၶၸဝ်ႈ ၵူႈၸႄႈဝဵင်း ႁႂ်ႈသုတ်ႇမုၼ်းမိူဝ်ႈၵၼ် ။ ယိူင်းဢၢၼ်းႁႂ်ႈသိုၵ်းတႆးသွင်ၸုမ်း ၶဝ်ႈၸႂ်ၵၼ်သေ ၵိုတ်းလွင်ႈပိုတ်းယိုဝ်းၵၼ်။ ဝၼ်းတီႈ 20/08/2018 သင်ၶၸဝ်ႈပတ်းပိုၼ်ႉၸိုင်ႈတႆး 55 ၸႄႈဝဵင်း ႁူမ်ႈပႃးထိုင်ဝတ်ႉလႅင်းႁၢၼ်တႆး ဢၼ်မီးတီႈငဝ်ႈၸိုင်ႈလွႆတႆးလႅင်း သုတ်ႇမုၼ်းၽႄမဵတ်ႉတႃႇ ၶၢဝ်းလဵဝ်ၵၼ်ဝႃႈၼႆ။ ယိူင်းဢၢၼ်းတႄႉ ႁႂ်ႈတပ်ႉသိုၵ်းၸိုင်ႈတႆးသွင်ၸုမ်း ၶဝ်ႈၸႂ်ၵၼ်သေ ၵိုတ်းလွင်ႈပိုတ်းယိုဝ်းၵၼ်၊ ႁႂ်ႈပေႃႈမႄႈၵူၼ်း မိူင်းတႆး လႆႈယူႇသဝ်းၵတ်းယဵၼ်၊...

ၵူၼ်းပၢႆႈၽေးသိုၵ်း ဢၼ်ပၢႆႈမႃးသွၼ်ႈဝႆႉတီႈ ဢိူင်ႇမၢၼ်ႈၸၢမ် ၸႄႈဝဵင်းၼမ်ႉတူႈၼၼ်ႉ မိူဝ်ႈၼႆႉ ဢွၼ်ၵၼ်ပွၵ်ႈ ၶိုၼ်းႁိူၼ်းယေးၽႂ်မၼ်းယဝ်ႉ ဝႃႈၼႆ။ ဝၼ်းတီႈ 20/08/2018 ယၢမ်းၵၢင်ၼႂ် ၵူၼ်းပၢႆႈၽေးသိုၵ်း ၼႂ်းဢိူင်ႇပၢင်လူင် ၸႄႈဝဵင်းၼမ်ႉတူႈ ႁူဝ်ၵူၼ်း 300 ပၢႆ ဢၼ်မႃးပိုင်ႈယူႇဝႆႉတီႈၵျွင်းႁွင်ႇမၢၼ်ႈၸၢမ် မိူဝ်ႈဝၼ်းတီႈ 15 ၼၼ်ႉ မိူဝ်ႈၼႆႉ ဢွၼ်ၵၼ်ပွၵ်ႈၶိုၼ်း ႁိူၼ်းၽႂ်မၼ်း ယွၼ်ႉငဝ်းလၢႆးသိုၵ်းသိူဝ်ၼိမ်ၶိုၼ်းၽွင်ႈ...

ႁႅင်းၵၢၼ်တႆး ႁွတ်ႈမိူင်းထႆးႁဵတ်းၵၢၼ်သူၼ် ယွၼ်ႉငိုၼ်းၸႂ်ႉၸၢႆႇဢမ်ႇပဵင်းပေႃးလႄႈ ႁႃႁဵတ်းၵၢၼ်တၢင်းၼွၵ်ႈ ပေႃႈလဵင်ႉဢမ်ႇႁၢၼ်ႉၸႂ် ၸွမ်းယိုဝ်း ထိုင်တီႈပေႃးတၢႆ။ ဝၼ်းတီႈ17/08/2018 ပူၼ်ႉမႃးၼၼ်ႉ ၸဝ်ႈၼႃႈတီႈပလိၵ်ႈ၊ ၵဝ်ႉငဝ်ႈပူၵ်းပွင်သုၼ်ႇလႆႈၵူၼ်း HRDF ၊ ၵေႃႁူမ်ႈသၢင်ႈၸိူဝ်ႉၸၢတ်ႈတႆး ၸိူဝ်းၼႆႉႁူမ်ႈၵၼ်သေ လူင်းပိုၼ်ႉတီႈၵႂႃႇတီႈဢိူင်ႇပၢင်ႁိၼ်ၾူၼ် ၸႄႈဝဵင်းမႄႈၸႅမ်ႇ ၸႄႈတွၼ်ႈၵဵင်းမႆႇ ၸိုင်ႈထႆး။ ၸဝ်ႈၼႃႈတီႈႁူမ်ႈၵၼ်တီႉၺွပ်း ၸၢႆးသိတ်ႊထိရူတ်ႊ သႅင်ၽဵတ်ႊၽႆးၿုၼ်ႊ ဢႃယု 50 ပီ...

ငဝ်ႈငုၼ်းမုၵ်ႉၸုမ်းလူင်သင်ႇၶႃႇၸိုင်ႈတႆး ဝဵင်းပၢင်လူင် ၸတ်းႁဵတ်းပၢင်ႁူပ်ႉထူပ်းဢုပ်ႇဢူဝ်းၵၼ်သေ လႆႈၸႂ်ဢွၵ်ႇလိၵ်ႈတိုၵ်းသူၼ်းထိုင်သင်ၶၸဝ်ႈ ၵူႈၸႄႈဝဵင်း ႁႂ်ႈႁူမ်ႈၵၼ်သုတ်ႇမုၼ်း ၶၢဝ်းယၢမ်းလဵဝ်ၵၼ် တူဝ်ႈၸိုင်ႈတႆး ႁႂ်ႈ   သိုၵ်းတႆးသွင်ၸုမ်း ၶဝ်ႈၸႂ်ၵၼ်သေ ၵိုတ်းယိုတ်းၵၢၼ်တိုၵ်းတေႃးၵၼ်။ ဝၼ်းတီႈ 14/08/2018 ငဝ်ႈငုၼ်းမုၵ်ႉၸုမ်းလူင်သင်ႇၶႃႇၸိုင်ႈတႆး ဢွၵ်ႇလိၵ်ႈတိုၵ်းသူၼ်းထိုင်သင်ၶၸဝ်ႈၵူႈၸႄႈဝဵင်း ႁႂ်ႈႁူမ်ႈၵၼ်သုတ်ႇမုၼ်းၶၢဝ်းယၢမ်းလဵဝ်ၵၼ်တူဝ်ႈမိူင်း ၼႂ်းဝၼ်းတီႈ 20/08/ 2018 ၶၢဝ်းယၢမ်း 8:30 ႁၢင်ႈ ႁႅၼ်းတူဝ် ၊...

ၸုမ်းတူင်ႇဝူင်းၸိူဝ်ႉၶိူဝ်းတႆး ႁူမ်ႈၵၼ်ၸတ်းႁဵတ်းပၢင်ႁူပ်ႉထူပ်းဢုပ်ႇဢူဝ်းၵၼ် တီႈဝဵင်းတူၼ်ႈတီးသေ ႁူမ်ႈဝၢင်း ၽႅၼ်တႃႇႁူမ်ႈသၢင်ႈၼႃႈၵၢၼ်ပူၵ်းပွင်မိူဝ်းၼႃႈ။ ဝၼ်းတီႈ 15 – 17 /08/2018 ၸုမ်းတူင်ႇဝူင်းၸိူဝ်ႉၶိူဝ်းတႆး ႁူမ်ႈၵၼ်ၸတ်းႁဵတ်း ပၢင်ႁူပ်ႉထူပ်း သင်ၶၸဝ်ႈလႄႈ ဢုပ်ႇဢူဝ်းလွင်ႈပူၵ်းပွင်တူင်ႇဝူင်းၵူၼ်း ။ တီႈပၢင်ႁူပ်ႉထူပ်းၵၼ်ၼၼ်ႉမီးသင်ၶၸဝ်ႈ၊ ပႃႇတီႇၵၢၼ်မိူင်း၊ ၸုမ်း ၵူၼ်းၼုမ်ႇ၊ ၵေႃတႆး၊ ၸုမ်းတူင်ႉၼိုင်တူင်ႇဝူင်းၵူၼ်းဢိၵ်ႇၽူႈသူၼ် ၸႂ်ၶဝ်ႈႁူမ်ႈ 100 ပၢႆ...

ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး ၸတ်းႁဵတ်း ပၢင်ၵႅဝ်ႈ ႁပ်ႉတွၼ်ႈႁူမ်ၸူမ်း ဝၼ်းၵိူတ်ႇ ပႃႇတီႇမႂ်ႇသုင်ၸိုင်ႈတႆး SSPP/SSA ၶွပ်ႈၶူပ်ႇတဵမ် ( 47 ) ပီ တီႈႁူင်းႁေႃးၼွင်သႅင် ၸေႈဝဵင်းၵေးသီး ၸိုင်ႈတႆးပွတ်းၸၢၼ်း။ မိူဝ်ႈၼႆႉ ဝၼ်းထီႉ 16/08/2018  တင်ႈတႄႇ ၶၢဝ်းယၢမ်းၵၢင်ၼႂ် 5:00 AM ၼၼ်ႉ ယူႇတီႈ...