သင်ၶၸဝ်ႈလႄႈ ၵူၼ်းမိူင်းၵိုင် ႁူမ်ႈၵၼ်ၸတ်းႁဵတ်း ပၢင်ၾိုၵ်းၽွၼ်ႉ ၼႃႈၵၢၼ်ပုတ်ႉထသႃသၼႃ ပွၵ်ႈၵမ်းႁႅၵ်ႈ သင်ၶၸဝ်ႈၶဝ်ႈႁူမ်ႈလဵပ်ႈႁဵၼ်း 150 ပၢႆ။ ဝၼ်းတီႈ 13 – 17/06/2018 ၸဝ်ႈတူၼ်ၶူး Dr.ၸဝ်ႈမႁေႃႇသထႃႇလင်ႇၵႃႇရ လႄႈသင်ၶၸဝ်ႈ ဢိၵ်ႇၵူၼ်းဝၢၼ်ႈ ဝဵင်းမိူင်းၵိုင် ႁူမ်ႈၵၼ်ၸတ်းႁဵတ်း ပၢင်ၾိုၵ်းၽွၼ်ႉ လၢႆးပူၵ်းပွင်ၼမ်ႉၵတ်ႉ ၽူႈၼင်ႈၵျွင်းလႄႈ လၢႆးပူၵ်းပွင်ၵၢၼ်သႃသၼႃ ၸိူဝ်းၼႆႉ မီးသင်ၶၸဝ်ႈမိူင်းၵိုင်...

ၽူႈတႅၼ်းသၽႃးၸိူဝ်ႉၸၢတ်ႈ ၸႄႈတွၼ်ႈလွႆလႅမ် လႄႈ ၸႄႈတွၼ်ႈလၢင်းၶိူဝ်း တုၵ်းယွၼ်း တၢင်ႇထိုင် ၼႂ်းပၢင်ၵုမ်သၽႃးၸိူဝ်ႉၸၢတ်ႈ လွင်ႈၼမ်ႉ ၼွင်ၶမ်း ဢၼ်ၵူၼ်းမိူင်းလႆႈၸႂ်ႉတိုဝ်းတႃႇႁဵတ်းႁႆႈသူၼ်ၼႃး ႁိမ်း 100 ဢေႊၶိူဝ်ႊၼၼ်ႉ ႁႂ်ႈၾၢႆႇလူင်ပွင်ၸိုင်ႈ ၸွႆႈ ၵုမ်းလုမ်းလႃးၸွႆႈ ဝႃႈၼႆ။ ဝၼ်းတီႈ 15/06/2018 ပၢင်ၵုမ်သၽႃးၸိူဝ်ႉၸၢတ်ႈ ပွၵ်ႈၵမ်း 2 ၵမ်းထူၼ်ႈ 6 ၼၼ်ႉ...

ၾူၼ်တူၵ်းထပ်းၵၼ်လၢႆဝၼ်းသေ လိၼ်ၵူၼ်ႇတဵင်တၢင်း တၢင်းငွၵ်း S ၵူၺ်ႉ (သူႉၶိၼ်းတႃႇ) ၸႄႈဝဵင်းၵူတ်ႉၶၢႆ ႁဵတ်းႁႂ်ႈ လူတ်ႉၵႃး ၵိုတ်းၶမ်တၢင်း ဢမ်ႇၸၢင်ႈၵႂႃႇမႃး ၶၢဝ်းတၢင်းႁိုင်ၸူဝ်ႈမူင်း ဝႃႈၼႆ။ ဝၼ်းတီႈ 16/06/2018 ယၢမ်းၵၢင်ဝၼ်း မွၵ်ႈ 11 မူင်းၼၼ်ႉ လိၼ်ၵူၼ်ႇတဵင်တၢင်းလူင် မိူင်းႁူမ်ႈတုမ် ၼႂ်းၵႄႈ ၵူတ်ႉၶၢႆ တင်းဝၢၼ်ႈၼမ်ႉၵူတ်ႉ တီႈ...

တၵ်ႉၵႃႇသတ်ႉထႃး ၸိုင်ႈတႆးပွတ်းဢွၵ်ႇ တေႁူမ်ႈၵၼ်ယုၵ်ႉယွင်ႈ ၸဝ်ႈငမ်းပၢႆးလူင်၊ ၸဝ်ႈၵွၼ်းပၢႆး လႄႈ ၸဝ်ႈ ၵမ်ႉပၢႆး ၵိင်ႇၽႄငဝ်ႈငုၼ်းမုၵ်ႉၸုမ်းလူင်သင်ႇၶႃႇၸိုင်ႈတႆး ပွတ်းဢွၵ်ႇၶူင်း။ တႄႇဢဝ်ဝၼ်းတီႈ 20-22/06/2018 တၵ်ႉၵႃႇသတ်ႉထႃး ၸႄႈဝဵင်းၵဵင်းတုင်ဢိၵ်ႇလူၺ်ႈ တၵ်ႉၵႃႇသတ်ႉထႃး တီႈ ၸမ်ၵႆ ႁူမ်ႈၵၼ်သေ တေယုၵ်ႉယွင်ႈ ၸဝ်ႈငမ်းပၢႆးလူင် 2 ၸဝ်ႈ။ ၸဝ်ႈတူၼ်ၶူးလူင် ဝိၸေယ (ၸဝ်ႈၵွၼ်းပၢႆးၵဝ်ႇ)...

ၸုမ်းၵူၼ်းၼုမ်ႇတႆးထုင်ႉမၢဝ်း တႆးလႅင် ႁူမ်ႈၵၼ်လၢႆၸုမ်းႁွမ်းငိုၼ်းၵၼ် ၸွႆႈထႅမ်ၵူၼ်းထူပ်းၽေး ၼမ်ႉထူမ်ႈ တီႈၼမ်ႉလၼ်ႈ။ ဝၼ်းတီႈ14/06/2018 ၸုမ်းၵူၼ်းၼုမ်ႇတႆး TYO ထုင်ႉမၢဝ်း၊ ၸုမ်းမူၼ်ႈသိူဝ်းမိူင်းမၢဝ်း၊ ၸုမ်းၶွတ်ႇၽၼ်ႈ ၼႂ်းၸုမ်းၶိူဝ်းတႆး မိူင်းမၢဝ်းလူင်၊ ၸုမ်းၵူၼ်းၼုမ်ႇတႆးလႅင်လႄႈပီႈၼွင်ႉဝၢၼ်ႈႁူဝ်ၼႃး ဝဵင်းမူႇၸေႊတင်းဝၢၼ်ႈၸိူဝ်းၼႆႉႁူမ်ႈ ႁွမ်းၶူဝ်းၶွင်မိူၼ်ၼင်ႇ တၢင်းၵိၼ်ယႅမ်ႉ၊ သိူဝ်ႈၶူဝ်း၊ ၶႅပ်းတိၼ်၊ ၽွင်သၵ်ႉၶူဝ်း ဢိၵ်ႇငိုၼ်းတွင်းၸိူဝ်းၼႆႉ ႁူမ်ႈတင်းမူတ်းတူၵ်းမႅၼ်ႈငိုၼ်း 50 သႅၼ်ပၢႆ...

ႁွင်ႈၵၢၼ်ၾၢႆႇတေႃႉသူင်ႇ လူင်ပွင်ၸိုင်ႈမိူင်းတႆး တေႁဵတ်းပၼ်ဝႂ်ၶွၼ်ႇ လၢႆႊသိၼ်ႊလူတ်ႉၶိူင်ႈ တီႈလၢႆးၶႃႈ ၼႂ်းဝၼ်းတီႈ 27 -28/06/2018 လႄႈပွင်ႇလႅင်းႁႂ်ႈၵူၼ်းမိူင်း လူင်းသဵၼ်ႈသၢႆမၢႆဝႆႉ တီႈၽူႈမီးပုၼ်ႈၽွၼ်းၶဝ်ဝႃႈၼႆ။ တႄႇဝၼ်းတီႈ 15/06/2018 ၸဝ်ႈၼႃႈတီႈၾၢႆႇလူတ်ႉၵႃးၸႄႈဝဵင်းလၢႆးၶႃႈ ပွင်ႇလႅင်းထိုင်ၵူၼ်း ဝၢၼ်ႈၵူၼ်းမိူင်း ၼႂ်းပွၵ်ႉၼႂ်းယွမ်ႇ ႁႂ်ႈဢွၼ်ၵၼ်လူင်းသဵၼ်ႈသၢႆမၢႆ တႃႇႁဵတ်းဝႂ်လၢႆႊသိၼ်ႊလူတ်ႉၶိူင်ႈ။ ဢၼ်ၾၢႆႇၸဝ်ႈၼႃႈတီႈလူတ်ႉၵႃး တေလူင်းႁဵတ်းပၼ် ၼႂ်းဝၼ်းတီႈ 27 – 28/06/2018...

မေႃတႅမ်ႈႁၢင်ႈလူၼ်ႉ ႁၢၼ်လဵတ်း (ႁွင်ႉ) ၸၢႆးသၢႆလႅတ်ႇ ၸတ်းႁဵတ်းပၢင်ပိုတ်ႇပပ်ႉ ႁၢင်ႈလူၼ်ႉၵိူဝ်ႉၵၢၼ်မိူင်း တီႈ ဝဵင်းတႃႈၵုင်ႈ ပဵၼ်ပွၵ်ႈၵမ်းႁႅၵ်ႈ။ ဝၼ်းတီႈ 14/06/2018 မေႃတႅမ်ႈႁၢင်ႈလူၼ်ႉ ၸိုဝ်ႈသဵင်ယႂ်ႇ ၼႂ်းမိူင်းႁူမ်ႈတုမ် ႁၢၼ်လဵတ်း(ႁွင်ႉ) ၸၢႆး သၢႆလႅတ်ႇ ၸတ်းႁဵတ်းပၢင်ပိုတ်ႇပပ်ႉႁၢင်ႈလူၼ်ႉ ၵိူဝ်ႉၵၢၼ်မိူင်း မၢႆ 3 လႄႈ ၸတ်းပႃးပၢင်သပ်းၸႅင်ႈၶၢဝ်ႇ တီႈႁူင်းၼႄပၢၼ်း သီ(ႁၢင်ႈ)...

မီးၵူၼ်းၸုမ်းၼိုင်ႈ ပႃးၵွင်ႈ ၶဝ်ႈၼႂ်းႁၢၼ်ႉၶၢႆ ၶဝ်ႈၽၵ်း သေ ယိုဝ်းသႂ်ႇၸဝ်ႈၶွင်ႁၢၼ်ႉ သွင်ၽူဝ်မေး လူႉတၢႆထင်တီႈ တီႈဝၢၼ်ႈသူၼ်ဢွႆႈ ၸႄႈဝဵင်း သီႇပေႃႉ - ဝႃႈၼႆ။ ဝၼ်းတီႈ 15/06/2018 ယၢမ်းၵၢင်ၶိုၼ်း မွၵ်ႈ 10 မူင်း မီး ၵူၼ်းသွင်ၵေႃႉ ပႃးၵွင်ႈ ၶဝ်ႈမႃးၼႂ်းႁၢၼ်ႉတၢင်းၶၢႆ ၶဝ်ႈၽၵ်းလုင်းၸၢႆးၸၢမ်ႇၺုၼ်ႇ တင်း...

ၸူၼ်ပႃးမိတ်ႈၶဝ်ႈႁိူၼ်းၵူၼ်းဝၢၼ်ႈ ပွၵ်ႉ 9 ၸႄႈဝဵင်းလႃႈသဵဝ်ႈသေ ၸူၼ်ဢဝ်ငိုၼ်းၶမ်းၵႂႃႇ တင်းၼမ်၊ ယၢမ်းလဵဝ် ပၢႆႈလွတ်ႈဝႆႉ။ ဝၼ်းတီႈ 14/06/2018 ယၢမ်းၵၢင်ဝၼ်း 1:30 မူင်းၼၼ်ႉ ၽူႈၸၢႆးၵေႃႉၼိုင်ႈ ဢမ်ႇႁူႉၸိုဝ်ႈ ယိပ်းမိတ်ႈသေ ၶဝ်ႈ ၸူၼ်ၼႂ်းႁိူၼ်းၵူၼ်းဝၢၼ်ႈ တီႈပွၵ်ႉ 9 ၼႃႈလိၼ် 5 ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ဢဝ်မိတ်ႉ...

ၾၢႆႇပလိၵ်ႈၵုမ်းထိင်းလူတ်ႉၵႃး ပိုတ်ႇလၢတ်ႈတီႈၼၵ်ႉၶၢဝ်ႇဝႃႈ ဢမ်ႇလႆႈတီႉၺွပ်း လူတ်ႉၵႃးဢၼ်ဢမ်ႇမီးၶွၼ်ႇ (Without) ၼႂ်းၸႄႈမိူင်းတႆး ဢၼ်လႆႈၵူတ်ႇထတ်းတီႉၺွပ်းၼၼ်ႉ ၸွမ်းၼင်ႇပိူင်လူတ်ႉၵႃးမီးၼၼ်ႉသေ ၵူတ်ႇထတ်းၵူၺ်း ဝႃႈၼႆ။ ဝၼ်းတီႈ 12/06/2018 မဵဝ်းသေႃႇဢွင်ႇ ၵႅမ်ပလိၵ်ႈၾၢႆႇၵုမ်းထိင်းလူတ်ႉ မၢႆ 18 ၸႄႈဝဵင်းတူၼ်ႈတီး သပ်းၸႅင်ႈ ၶၢဝ်ႇ ဝႃႈ လွင်ႈၵၢၼ်တီႉၺွပ်းလူတ်ႉၵႃး ဢၼ်ၸိူဝ်းဢမ်ႇမီးၶွၼ်ႇၼၼ်ႉ ဢမ်ႇၸႂ်ႈ။ ယူႇတီႈပလိၵ်ႈၾၢႆႇၵုမ်းထိင်းလူတ်ႉလူင်း ၵူတ်ႇထတ်း...

ၵူၼ်းပၢႆႈၽေးသိုၵ်း ဢၼ်ယူႇၸွမ်းၶႅမ်ႉပၢင်သဝ်းပၢႆႈၽေး လႅၼ်လိၼ်တႆး - ထႆး 6 တီႈ ႁူဝ်ၵူၼ်း 6,000 ပၢႆ ၸိူဝ်း ႁူပ်ႉထူပ်းလွင်ႈယၢပ်ႇ ၽိုတ်ႇၼႆႉ မီးၸဝ်ႈတႃႇၼၵမ်ႉၸွႆႈၶဝ်ႈသၢၼ်တႃႇၶဝ်ႈ 1,000 ထူင်ပၢႆ ဝႃႈၼႆ။ ယူႇတီႈၶွမ်ႊမတီႊၵူၼ်းမိူင်းတႆးပၢႆႈၽေး(လႅၼ်လိၼ်ထႆး) လႆႈဢွၼ်ၵၼ်တူင်ႉၼိုင် ႁႃငိုၼ်းၵွင်ၵၢင်သေ သိုဝ်ႉၶဝ်ႈ သၢၼ်သူင်ႇၵႂႃႇ တင်းမူတ်း 1,130 ထူင်...

ၶွမ်ႊမသျိၼ်ႊၵၢၼ်လိူၵ်ႈတင်ႈ မိူင်းႁူမ်ႈတုမ် ၸတ်းႁဵတ်းပၢင်ႁူပ်ႉထူပ်း တူဝ်တႅၼ်းပႃႇတီႇ ၼႂ်းမိူင်းႁူမ်ႈတုမ် ၼႂ်းၼၼ်ႉပႃႇတီႇတႆးႁူဝ်သိူဝ်/သိူဝ်ၽိူၵ်ႇၵေႃႈၵႂႃႇၶဝ်ႈႁူမ်ႈၸွမ်း။ ဝၼ်းတီႈ14/06/2018 ၶၢဝ်းယၢမ်းၵၢင်ၼႂ် 09:00 တေႃႇထိုင် 1:00 မူင်း ၶွမ်ႊမသျိၼ်ႊၵၢၼ်လိူၵ်ႈတင်ႈမိူင်းႁူမ်ႈ တုမ် ၸတ်းႁဵတ်းပၢင်ႁူပ်ႉထူပ်း တူဝ်တႅၼ်းပႃႇတီႇၼႂ်းမိူင်းႁူမ်ႈတုမ်တင်းမူတ်း 92 ပႃႇတီႇ။ ဢၼ်မႃးၶဝ်ႈႁူမ်ႈမီး 69 ပႃႇတီႇ ။ ၼႂ်းတႆးၼႆႉဢၼ်ၵႂႃႇၶဝ်ႈႁူမ်ႈမီး ၸၢႆးဢွင်ႇမျိၼ်ႉၶၢႆႇ ႁိုဝ်...

ၸၢႆးၵျေႃႇထေး ႁူဝ်ပဝ်ႈပႃႇတီႇသိူဝ်ၽိူၵ်ႇ ဝဵင်းမိူင်းသၢတ်ႇ လူႉသဵင်ႈသုတ်းမုၼ် လူၺ်ႈတၢင်းပဵၼ် လိူတ်ႈသုင် ။ ဝၼ်းတီႈ 13/06/2018 ၸၢႆးၵျေႃႇထေး ယႃယု 58 ပီ ႁူဝ်ပဝ်ႈပႃႇတီႇသိူဝ်ၽိူၵ်ႇ ဝဵင်းမိူင်းသၢတ်ႇ လူႉသဵင်ႈသုတ်းမုၼ် တီႈၼႂ်းဝၢင်းႁိူၼ်းမၼ်းၸၢႆး ပွၵ်ႉဝဵင်းၵွင်း ၸႄႈဝဵင်းမိူင်းသၢတ်ႇ ၸႄႈတွၼ်ႈ မိူင်းသၢတ်ႇ ၸိုင်ႈတႆးပွတ်းဢွၵ်ႇ လူၺ်းတၢင်းပဵၼ်လိူတ်ႈၶိုၼ်ႈ။ ၸၢႆးၼွင်ႉ ၽူႈတႅၼ်းသၽႃးၸႄႈမိူင်း SNDP...

လုၵ်ႈဢွၼ်ႇႁူင်းႁဵၼ်း ဢႃယု ပႆႇတဵမ် 18 ပီ ၼႂ်းၸႄႈဝဵင်းလၢင်းၶိူဝ်း ၺႃးၸုမ်းယိပ်းၵွင်ႈၵၢင်ႇၸုမ်းၼိုင်ႈ တီႉၺွပ်းၵႂႃႇ ဝႃႈၵဵဝ်ႇၶွင်ႈယႃႈမဝ်းၵမ်လႄႈ တေဢဝ်ၵႂႃႇမူၼ်ႉမႄးတူဝ်ၸႂ်ပၼ် ဝႃႈၼႆ။ ဝၼ်းတီႈ 11/06/2018 ယၢမ်းၵၢင်ၶမ်ႈ ၸုမ်းယိပ်းၵွင်ႈၵၢင်ႇၸုမ်းၼိုင်ႈ မႃးတီႉၺွပ်းႁွင်ႉ လုၵ်ႈဢွၼ်ႇႁူင်းႁဵၼ်း 10 ပၢႆ တီႈတၢင်းၶဝ်ႈဝဵင်းလၢင်းၶိူဝ်း ၸႄႈဝဵင်းလၢင်းၶိူဝ်း ၸိုင်ႈတႆး ပွတ်းၸၢၼ်း။ လုင်းၸၢႆးလူင် ၵူၼ်းပိုၼ်ႉတီႈ လၢင်းၶိူဝ်းလၢတ်ႈဝႃႈ...

ၵူၼ်းမိူင်းပိုၼ်ႉတီႈ ထူပ်းလွင်ႈယၢပ်ႇ လွင်ႈဢွၵ်ႇတႃႈပႆတၢင်း ၼႂ်းၵႄႈမူႇၸေႊ-ၼမ်ႉၶမ်း ယွၼ်ႉသဵၼ်ႈတႃႈသၢႆတၢင်း လူႉလႅဝ်ၼမ် ဝႃႈၼႆ။ မူႇၸေႊ- ၼမ်ႉၶမ်းၼႆႉ ယၢၼ်ၵႆၵၼ် 19 လၵ်း။ ၵႃးတၢင်ႇသၢႆး၊ တၢင်ႇမႆႉ၊ တၢင်ႇထၢၼ်ႇ၊ တၢင်ႇၶဝ်ႈၵၢပ်ႇ၊ တၢင်ႇႁႄႈ ၵႂႃႇမႃးတႃႇသေႇ၊ ၶူဝ်းၵုၼ်ႇဢၼ်လုၵ်ႉတၢင်းမိူင်းၶႄႇၶဝ်ႈၶိုၼ်း ၶိူင်ႈၸၢၵ်ႈဢိၵ်ႇၶူဝ်းၸႂ်ႉၶူဝ်းသွႆၵေႃႈ ၵႂႃႇမႃးၼမ်။ ႁဵတ်းႁႂ်ႈတၢင်းလူင်မူႇၸေႊ-ၼမ်ႉၶမ်းလူႉၵွႆၼမ်သေပိူၼ်ႈ တီႈဝၢၼ်ႈပၢင်ႇၶမ်း၊ တိုင်းလူင်၊ ၸႄႈလၢၼ်ႉ၊...