Thursday, March 28, 2024

လူင်ပွင်ၸိုင်ႈမိူင်းတႆး ပိုၼ်ၽၢဝ်ႇဝႃႈ တမ်းဝၢင်းၵူၼ်းၼုမ်ႇ 1,700 ပၢႆၼႂ်းၵၢၼ်လူင်ပွင်ၸိုင်ႈ

Must read

လူင်ပွင်ၸိုင်ႈမိူင်းတႆး ၸတ်းၵၢၼ်ပၼ်တီႈယူႇ ၵူၼ်းၼုမ်ႇတီႈလႆႈႁပ်ႉၸုမ်ႈၶူး(ပွႆႉ) 1,700 ပၢႆ သေတႃႉ မၢင်ၸႄႈ ဝဵင်း တိုၵ်ႉလူဝ်ႇထႅမ်ႁႅင်းၶႃႈႁၢပ်ႇၵၢၼ်လူင်ပွင်ၸိုင်ႈထႅင်ႈယူႇ ဝႃႈၼႆ။

Photo by – SHAN/ ပၢင်ၵုမ်သၽႃးၸႄႈမိူင်းတႆး တီႈဝဵင်းတူၼ်ႈတီး

ဝၼ်းတီႈ 24/09/2018 ပၢင်ၵုမ်သၽႃးမိူင်းတႆး ၵမ်းတီႈ 2 ပွၵ်ႈထူၼ်ႈ 11 ဝၼ်းထူၼ်ႈ 5 ဢၼ်ၸတ်းႁဵတ်းတီႈ လုမ်း သၽႃးမိူင်းတႆး ၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်းၼၼ်ႉ ဢူးၺီႇၺီႇ(ႁွင်ႉ) ဢူးၺီႇလေးသျၢၼ်း ၽူႈတႅၼ်း သၽႃးၸႄႈမိူင်း ၶဵတ်ႇလိူၵ်ႈတင်ႈ မၢႆ 2 ၸႄႈဝဵင်းပၢင်းတရႃႉ တွင်ႈထၢမ် ၼႂ်းပၢင်ၵုမ်သၽႃး လွင်ႈၵၢၼ်ႁဵၼ်း ၼႂ်းပီ 2018-2019 ၵူၼ်းၼုမ်ႇ ဢၼ်ယဝ်ႉၸၼ်ႉၸွမ်၊ ၵေႃးလဵၵ်ႉ၊ ၸၼ်ႉၸွမ်တၢင်းၵႆ(အဝေးသင်) ၸိူဝ်းၼၼ်ႉ တွၼ်ႈ တႃႇတေလႆႈမီးၵၢၼ်ႁဵတ်းၼၼ်ႉ တေႁၢင်ႈႁႅၼ်းၶပ်းၶိုင်ပၼ်ၸိူင်ႉႁိုဝ် ဝႃႈၼႆ။

- Subscription -

ၻွၵ်ႊတိူဝ်ႊ မဵဝ်းထုၼ်း ၽွင်းလူင်ၾၢႆႇတူင်ႇဝူင်းၵူၼ်း တွပ်ႇလၢတ်ႈဝႃႈ “ ၵူၼ်းၼုမ်ႇ ဢၼ်ႁပ်ႉၸုမ်ႈၶူး(ပွႆႉ) မႃးၼၼ်ႉ ၼင်ႇႁိုဝ် တေလႆႈတိုဝ်ႉတၢင်းႁဵတ်းၵၢၼ် ၼႂ်းပိုၼ်ႉတီႈလႄႈသင်၊ ၼႂ်းႁွင်ႈၵၢၼ်လူင်ပွင်ၸိုင်ႈလႄႈသင် လွင်ႈၼႆႉ ႁဝ်း ၶႃႈ ႁၢင်ႈႁႅၼ်းၶပ်းၶိုင်ပၼ်ယူႇ။ ၼႂ်းၶၢဝ်းတၢင်း 2 ပီမႃးၼႆႉ ၵူၼ်းၼုမ်ႇ ဢၼ်လႆႈၶဝ်ႈႁဵတ်းၵၢၼ် ၼႂ်းႁွင်ႈၵၢၼ် လူင်ပွင် ၸိုင်ႈ မီး 1,700 ပၢႆ လႄႈ ၵူၼ်းႁဵတ်းၵၢၼ်သုၼ်ႇလဵဝ်သမ်ႉ မီး 6,900 ပၢႆ” ဝႃႈၼႆ။

မိူဝ်ႈပူၼ်ႉမႃး ဝၼ်းတီႈ 19 လိူၼ်သႅပ်ႊထႅမ်ႊၿိူဝ်ႊ 2017 ယူႇတီႈၽူႈတႅၼ်းသၽႃး ၵူၼ်းမိူင်း ၸႄႈဝဵင်းမိူင်းၵိုင် ၸိုင်ႈ တႆးပွတ်းၸၢၼ်း တၢင်ႇထိုင် ၼႂ်းပၢင်ၵုမ်သၽႃးဝႃႈ တီႈၼေႇပျီႇတေႃႇ ႁႂ်ႈထႅမ်ပၼ် ၵႅမ်ၵွၼ်းႁွင်ႈၵၢၼ် ၾၢႆႇယူႇလီ တီႈ မိူင်းၵိုင်ၼႆႉ တိုၵ်ႉလူဝ်ႇႁႅင်းမေႃယႃ ထႅင်ႈယူႇ။ ၵဵဝ်ႇလူၺ်ႈလွင်ႈၼႆႉ ယူႇတီႈၻွၵ်ႊတိူဝ်ႊ တေႃႇမျႃႉလေးၸဵင်ႇ ၽွင်းလူင် ၾၢႆႇလဵၼ်ႈႁႅင်းလႄႈ ပၢႆးယူႇလီတွပ်ႇလၢတ်ႈဝႃႈ တွၼ်ႈတႃႇတေတမ်းဝၢင်းတီႈယူႇ မေႃယႃၼိုင်ႈၵေႃႉၼႆႉ ပႆႇမီး။ ၼႂ်းပီ 2019 ႁွင်ႈယႃၼႂ်းပိုၼ်ႉတီႈၼၼ်ႉ တေဝႆႉလမ်ႇလွင်ႈသေ တေႁၢင်ႈႁႅၼ်းပၼ်ၾၢႆႇမေႃယႃၵႂႃႇထႅင်ႈ ၵေႃႉၼိုင်ႈယူႇ ဝႃႈၼႆ။

ၼႂ်းၸႄႈမိူင်းတႆးၼႆႉ ၸၼ်ႉၸွမ်/ ၵေႃးလဵၵ်ႉ တင်းမူတ်းမီး 13 လင်။ တႄႇဢဝ် ပီ 2016 လိူၼ်ဢေႊပရိူဝ်ႊ ဝၼ်းတီႈ 1 ထိုင် ပီ 2018 လိူၼ်ၵျူႊလၢႆႊ ဝၼ်းတီႈ 31 ၼႆႉ ႁွင်ႈၵၢၼ်လူင်ပွင်ၸိုင်ႈမီး 613 ႁွင်ႈ။ ႁွင်ႈၵၢၼ်သုၼ်ႇလဵဝ် မီး 687 ဢၼ် လႆႈႁၢင်ႈႁႅၼ်းၶပ်းၶိုင်ပၼ်ၵႂႃႇယဝ်ႉ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း