ၸဝ်ႈၼႃႈတီႈပလိၵ်ႈထႆး ဝဵင်းၵဵင်းလၢဝ် ႁူမ်ႈၵၼ်ၶဝ်ႈတီႉၺွပ်း ႁႅင်းၵၢၼ်ယၢၼ်မိူင်း ၽွင်းတိုၵ်ႉၼွၼ်းလပ်းယူႇ ယိုတ်းလႆႈပႃးယႃႈမႃႉယႃႈၾိၼ်လိပ်းလႄႈ တေၺႃးတူတ်ႈပႃးလိူင်ႈယႃႈမဝ်းၵမ်။

ဝၼ်းတီႈ 25/09/2018 ၸဝ်ႈၼႃႈတီႈပလိၵ်ႈႁူင်းပလိၵ်ႈဝဵင်းၵဵင်းလၢဝ် ၸႄႈတွၼ်ႈၵဵင်းမႆႇ လႆႈႁပ်ႉၸႅင်ႈသေ လူင်းပိုၼ်ႉတီႈၶဝ်ႈၵူတ်ႇထတ်း တီႉၺွပ်းလွင်ႈၽိတ်းမၢႆမီႈ တီႈဢိူင်ႇမႄႈၼႃႉ ၸႄႈဝဵင်းၵဵင်းလၢဝ် ၸႄႈတွၼ်ႈၵဵင်းမႆႇ တီႉၺွပ်းလႆႈၸၢႆး  မိူင်း ၽွင်းတိုၵ်ႉၼွၼ်းလပ်းယူႇ ယိုတ်းလႆႈပႃးယႃႈမႃႉ 16 မဵတ်ႉ၊ ယႃႈၾိၼ်ႇလိပ်း 80 ၵရမ်ႊ။

ၸၢႆးမိူင်း လၢတ်ႈတီႈပလိၵ်ႈဝႃႈ -“ ယႃႈမႃႉလႄႈယႃႈၾိၼ်ႇလိပ်းပဵၼ်ၶွင်မၼ်းၸၢႆးတႄႉ မၼ်းၸၢႆးၵေႃႈ ၵိၼ်ယႃႈမဝ်းၵမ်တႄႉ လႆႈသိုဝ်ႉယႃႈမဝ်းၵမ်မႃးတီႈၽူႈၸၢႆးၵေႃႉၼိုင်ႈဢမ်ႇႁူႉၸိုဝ်ႈတႄႉ ယႃႈမႃႉ 20 မဵတ်ႉၵႃႈၶၼ် 600 ၿၢတ်ႇ၊ ယႃႈၾိၼ်ႇလိပ်း 1 ႁေႃႇ ၵႃႈၶၼ် 1,200 ၿၢတ်ႇ“ ဝႃႈၼႆ။

ၸိူင်ႉၼၼ်ၼင်ႇၵဝ်ႇ ၽွင်းၸဝ်ႈၼႃႈတီႈ တင်ႈလၢၼ်ႇၵူတ်ႇထတ်း တီႈၵႅင်ႇၿၼ်ႊတဝ်ႊ ယူႇၼၼ်ႉ မီးၼၢင်းယိင်းၵေႃႉၼိုင်ႈ  ၸိုဝ်ႈ ၼၢင်းၾူၼ် ၼင်ႈ ရူတ်ႉ Bus ၵဵင်းမႆႇ – ၾၢင် ၶဝ်ႈၸူးဝဵင်းၵဵင်းမႆႇ ထူပ်းႁၼ်ယႃႈမဝ်းၵမ် 12 မဵတ်ႉ၊ ႁေႊရူဝ်ႊဢိၼ်ႊ 1.5 ၵရမ်ႊ၊ ၾိၼ်ႇလိပ်း 2.1 ၵရမ်ႊ ဢဝ်သႂ်ႇ ၼႂ်းထူင်ၶွပ်ႊၾီႊမဵၵ်ႊသေ ၸပ်းတူဝ်မႃး။

ၸဝ်ႈၼႃႈတီႈ ၸင်ႇတီႉၺွပ်းတူဝ်လႄႈ ယႃႈမဝ်းၵမ် သူင်ႇႁူင်းပလိၵ်ႈ ဝဵင်းၵဵင်းလၢဝ် ပၼ်တူတ်ႈတၢမ်ႇ ၸွမ်းၼင်ႇပၵ်းပိူင်မၢႆမီႈဝၢၼ်ႈမိူင်းမီးၼၼ်ႉ ဝႃႈၼႆ။