လုၵ်ႈႁဵၼ်းသင်ၶတႆး ၸၼ်ႉၸွမ်တင်းလူင် ဝဵင်းတႃႈလိူဝ်ႇ တေၸတ်းႁဵတ်းပၢင်သွၼ်ၵၢၼ်လိၵ်ႈလၢႆး ၊ လၢႆးၸႂ်ႉတိုဝ်းပၺ်ၺႃတၢင်းမေႃ၊ လၢႆးတိုဝ်းၵမ်သင်ၶၸဝ်ႈပၢၼ်မႂ်ႇသေ ၵွၼ်းဝတ်ႉ(ၼင်ႈၵျွင်း) ၸိူဝ်းၼႆႉ။

ဝၼ်းတီႈ 29 – 30/09/2018 ၸုမ်းလုၵ်ႈႁဵၼ်းသင်ၶတႆး ၸၼ်ႉၸွမ်တင်းလူင် ဝဵင်းတႃႈလိူဝ်ႇ ဢွၼ်ႁူဝ်ၼမ်းၼႃႈသေ  ၸတ်းႁဵတ်းပၢင်သွၼ်ၵၢၼ်လိၵ်ႈလၢႆး ၊ လၢႆးၸႂ်ႉတိုဝ်းပၺ်ၺႃတၢင်းမေႃ၊ လၢႆးမုၼ်ၸဝ်ႈၵွၼ်းပၢၼ်မႂ်ႇၸိူဝ်းၼႆႉ ပၢင်သွၼ်   ၸတ်းႁဵတ်းတီႈဝတ်ႉမႁႃႇၵမ်ႇပေႃးၸ တႆးလႅင်း တိူၵ်ႈပွၵ်ႉမႅင်ႇ ဝဵင်းတႃႈလိူဝ်ႇ ။

ၸဝ်ႈၶူးၶေႇမႃႇၸႃႇရ ၽူႈႁူမ်ႈၸတ်းပၢင် လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ယိူင်းဢၢၼ်းဢၼ် ႁဝ်းၶႃႈတေၸတ်း  ႁဵတ်းၼႆႉ ပိူဝ်ႈပဵၼ်တီႈမၢႆတွင်း လုၵ်ႈႁဵၼ်းသင်ၶတႆးလႆႈႁပ်ႉၸုမ်ႈၶူး B.A & Diploma ၸိူဝ်းၼႆႉ ပေႃးယဝ်ႉၸၼ်ႉၸွမ်ၵႂႃႇယဝ်ႉ ႁႂ်ႈလႆႈဢဝ်တၢင်းႁူႉတၢင်းမေႃၸိူဝ်းၼႆႉ ၵႂႃႇၸႂ်ႉတိုဝ်း ႁႂ်ႈပဵၼ်ၽွၼ်းလီတႃႇတူင်ႇဝူင်းၵူၼ်း၊ ႁႂ်ႈပဵၼ်မႃးၽူႈၼင်ႈၵျွင်းပၢၼ်မႂ်ႇ ဢၼ်မီးၼမ်ႉၵတ်ႉသေ မေႃပွင်ၵၢၼ် သႃသၼႃ ႁႂ်ႈၶိုၼ်ႈယႂ်ႇ မႂ်ႇသုင်မိူဝ်းၼႃႈ” ဝႃႈၼႆ။

သင်ၶၸဝ်ႈဢၼ်လႆႈၸုမ်းၶူးမီး 8 ၸဝ်ႈ ၸၼ်ႉ B.A 5 ၸဝ်ႈ ၸၼ်ႉ Diploma 2 ၸဝ်ႈ၊ ပဵၼ်သင်ၶၸဝ်ႈ တၢင်းမိူင်းသႅၼ်ဝီ၊ တၢင်ႉယၢၼ်း၊ ၵျွၵ်ႉမႄး ၊ၵူတ်ႉၶၢႆ၊ မိူင်းသူႈၸိူဝ်းၼႆႉ ၊ ဢၼ်တိုၵ်ႉၶိုၼ်ႈႁဵၼ်းယူႇယၢမ်း လဵဝ်မီး 20 ပၢႆ ၼႆယဝ်ႉ။