Friday, March 29, 2024

ၽူႈၵွၼ်းတပ်ႉ 701 ၵေႃႉၵဝ်ႇ ၵႂႃႇၶဝ်ႈႁူမ်ႈ တပ်ႉသိုၵ်း SSPP

Must read

ၸဝ်ႈသိုၵ်း ၸွမ်မိူင်း ၽူႈၵွၼ်းတပ်ႉ 701 (ၵေႃႉၵဝ်ႇ) ဢၼ်လိုဝ်ႈၵၢၼ်ၵႂႃႇ 5-6 ပီ ယဝ်ႉၼၼ်ႉ တေႃႈလဵဝ် ပိုၼ်ၽၢဝ်ႇ ႁူမ်ႈၸွမ်း တပ်ႉသိုၵ်း SSPP/SSA ။

Photo by – SSPP/SSA/ ၸဝ်ႈသိုၵ်း ၸွမ်မိူင်း ၶဝ်ႈႁူမ်ႈၸွမ်း သိုၵ်း SSPP/SSA

ၸဝ်ႈသိုၵ်း ၸွမ်မိူင်း ပိုၼ်ၽၢဝ်ႇမိူဝ်ႈ ဝၼ်းတီႈ 30/09/2018 “ ယၢမ်းလဵဝ် ဝူၼ်ႉႁၼ်ဝႃႈ တွၼ်ႈတႃႇ ၵၢၼ်ၸိူဝ်ႉၶိူဝ်း တႆးၼႆႉ လူဝ်ႇႁဵတ်းလူဝ်ႇ သၢင်ႈၵၢၼ်လီၵူၺ်းလႄႈ ႁဝ်းၶႃႈၵေႃႉၼိုင်ႈ လႄႈၵေႃႉၼိုင်ႈ ဢမ်ႇလူဝ်ႇသႄႉၼႄးၵၼ်ယဝ်ႉ။ ၵွပ်ႈၼႆ ၶႃႈႁဝ်းၸွမ်မိူင်း ယၢမ်းလဵဝ် ဢွၼ်တပ်ႉ 701 ဢၼ်ယူႇမိူင်းတႆးပွတ်းႁွင်ႇ မႃးယူႇတႂ်ႈႁူမ်ႈတပ်ႉသိုၵ်း ပႃႇတီႇမႂ်ႇ သုင်ၸိုင်ႈတႆး/ တပ်ႉ သိုၵ်းၸိုင်ႈတႆး SSPP/SSA ဢၼ်ၸဝ်ႈသိုၵ်းလူင်ပၢင်ႇၾႃႉ ဢွၼ်ႁူဝ်ၼႆႉ” ဝႃႈၼႆ။

- Subscription -

လိူဝ်ၼၼ်ႉ တိုၵ်းသူၼ်းထိုင် သိုၵ်းႁၢၼ် လုၵ်ႈတပ်ႉ 701 တင်းသဵင်ႈ မႃးၶဝ်ႈႁူမ်ႈၸွမ်း။ တွၼ်ႈတႃႇ ၵၢၼ်ၸိူဝ်ႉၸၢတ်ႈ ပေႃးတေပွင်ႇၸႂ်လူင်ႉလႅင်းၼၼ်ႉ ၸင်ႇလႆႈတႅမ်ႈလိၵ်ႈဢွၵ်ႇၶေႃႈ ပိုၼ်ၽၢဝ်ႇ ဝႃႈၼႆ။

တပ်ႉ 701 ၼႆႉ ပဵၼ်တပ်ႉၸုမ်းၼႂ်း RCSS/SSA ဢၼ်ၼိုင်ႈ။ ၸဝ်ႈသိုၵ်း ၸွမ်မိူင်းၼႆႉ ယၢမ်းပဵၼ်ၽူႈၵွၼ်းတပ်ႉသိုၵ်း 701 မႃး တေႃႇထိုင် ပီ 2015။ လင်ၼၼ်ႉမႃး RCSS/SSA ပိုၼ်ၽၢဝ်ႇႁႂ်ႈ မၼ်းၸၢႆး လိုဝ်ႈၵၢၼ်ဝႆႉ။

ၸဝ်ႈသိုၵ်း ၸၢႆးဢူး ၽူႈၶၢၼ်ပၢၵ်ႇ လုမ်းၵၢပ်းသၢၼ် RCSS/SSA လၢတ်ႈတီႈၽူႈတွႆႇႁွၵ်ႈဝႃႈ “ ၸဝ်ႈၸွမ်မိူင်းၼႆႉ မၼ်းလႆႈယင်ႉၵၢၼ်ၵႂႃႇ မီး 5-6 ပီယဝ်ႉ။ ဢၼ်မၼ်းၵႂႃႇႁူမ်ႈၸွမ်း SSPP/SSA ၼၼ်ႉ ယူႇတီႈသုၼ်ႇတူဝ်မၼ်းႁင်းၵွႆးၵူၺ်း။ တေႃႈလဵဝ် ၽူႈၵွၼ်းတပ်ႉ 701 ၼႆႉ ဢမ်ႇၸႂ်ႈမၼ်းယဝ်ႉ ပဵၼ်ထႅင်ႈၵေႃႉၼိုင်ႈ” ဝႃႈၼႆ။

တေႃႈလဵဝ် တပ်ႉသိုၵ်း 701 ၼႆႉ တူင်ႉၼိုင် ၵႂႃႇမႃး ၸွမ်းလႅၼ်လိၼ် တႆး – ၶႄႇ ဝႆႉယူႇ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း