ဝဵင်းၵႃလီႉ ၸႄႈဝဵင်းၵုၼ်ႁဵင် ၸတ်းႁဵတ်းပွႆးလူင်းပၢင်ၾိုၵ်းၽွၼ်ႉ လိၵ်ႈလၢႆးတႆး ပွၵ်ႈၵမ်း 16 မီးၽူႈယႂ်ႇၵူၼ်းလူင် ၼႂ်းတပ်ႉၸုမ်း 7 ၵႃလီႉ လႄႈ ၽူႈတႅၼ်းသၽႃး၊ ၶူးသွၼ် လႄႈ ၵူၼ်းမိူင်း ဢိၵ်ႇလုၵ်ႈႁဵၼ်း ၶဝ်ႈႁူမ်ႈ ၼပ်ႉပၢၵ်ႇ။ ပၢင်ၾိုၵ်းၽွၼ်ႉ လၢႆးပူင်သွၼ်လိၵ်ႈလၢႆးတႆး ပွၵ်ႈၵမ်း 16 တီႈ တပ်ႉၸုမ်း 7...

သင်ၶၸဝ်ႈလႄႈ ၸုမ်းပွင်ၵၢၼ်ႁူင်းႁဵၼ်းထမ်မ မိတ်ႉတ ဝူင်းမဵတ်ႉတႃႇ ႁူမ်ႈၵၼ် ၵေႃႇတင်ႈ ႁူင်းႁဵၼ်းၸၼ်ႉ ဢွၼ်ယဝ်ႉတူဝ်ႈသေ ၸတ်းပွႆးပိုတ်ႇပၢင်ၵႂႃႇ တီႈမိူင်းယူႉ ၸႄႈဝဵင်းၵူတ်ႉၶၢႆ ။ ဝၼ်းတီႈ 02/07/2018 သင်ၶၸဝ်ႈလႄႈၸုမ်းပွင်ၵၢၼ်ႁူင်းႁဵၼ်းထမ်မမိတ်ႉတ ဝူင်းမဵတ်ႉတႃႇ ဢိၵ်ႇၵူၼ်းဝၢၼ်ႈ ႁူမ်ႈၵၼ်ၸတ်းပၢင်ပိုတ်ႇ ႁူင်းႁဵၼ်းၸၼ်ႉဢွၼ် တီႈမိူင်းယူႉ ၸႄႈဝဵင်းၵူတ်ႉၶၢႆ မိူင်းတႆးပွတ်းႁွင်ႇ။ ၼႂ်းပၢင်ၼႆႉ မီးၸဝ်ႈၶူးဝိသေယ၊ ၸဝ်ႈၺႃႇၼိသရ၊...

ၽႅၼ်ႇလိၼ်ဝႆၼႂ်းၸိုင်ႈတႆးပွတ်းၸၢၼ်း တၢင်းႁႅင်း 4.5 ရိၵ်ႊတိူဝ်ႊ၊ ႁဵတ်းႁႂ်ႈၵူၼ်းၼႂ်းၸႄႈတွၼ်ႈတူၼ်ႈတီး လၢင်းၶိူဝ်း၊ လွႆလႅမ် မႆႈၸႂ်ၵူဝ်ၼႂ်းပိုၼ်ႉလိၼ်မီးႁွႆးၽႅၼ်ႇလိၼ်ဝႆ ဝႃႈၼႆ။ ဝၼ်းတီႈ 01/07/2018 ယၢမ်းၵၢင်ၶမ်ႈ 9:41 မူင်းၼၼ်ႉ ၽႅၼ်ႇလိၼ်ဝႆတီႈတၢင်းၾၢႆႇၸဵင်ႇၸၢၼ်းဝၼ်းဢွၵ်ႇ ဝဵင်း လၢင်းၶိူဝ်း ယၢၼ်ၵႆမွၵ်ႈ 5 လၵ်း။ သၼ်ႇယွၼ်ႈထိုင်ၸႄႈဝဵင်းမိူင်းၼၢႆး၊ မွၵ်ႇမႆႇ၊ မိူင်းပၼ်ႇ၊ ၼမ်ႉၸၢင်၊ ၶူဝ်လမ်၊...

ၵူၼ်းၵေႃႉၼိုင်ႈပႂ်ႉယိုဝ်းလူတ်ႉၵႃး တီႈဝဵင်းတႃႈၶီႈလဵၵ်း ၸဝ်ႈၵႃးတၢႆထင်တီႈ။ ၵေႃႉယိုဝ်းၼၼ်ႉပၢႆႈလွတ်ႈဝႃႈၼႆ။ ဝၼ်းတီႈ 02/07/2018 ယၢမ်းၵၢင်ၶမ်ႈ 7 မူင်းပၢႆၼၼ်ႉ မီးၵူၼ်းၵေႃႉၼိုင်ႈပႂ်ႉယိုဝ်းလူတ်ႉၵႃးလမ်းၼိုင်ႈ တၢင်းပွၵ်ႉ ဝဵင်းၵႅဝ်ႈ ၼႂ်းၸႄႈဝဵင်းတႃႈၶီႈလဵၵ်း။ ၵူၼ်းႁေႃႈၵႃးၺႃးမၢၵ်ႇၵွင်ႈသၢမ်လုၵ်ႈတၢႆထင်တီႈ။ ၸဝ်ႈၼႃႈတီႈပလိၵ်ႈၸႄႈဝဵင်းတႃႈၶီႈလဵၵ်းလၢတ်ႈဝႃႈ “ ၼႂ်းၵႃးၼၼ်ႉမီးၵူၼ်းမႃးၸွမ်းၵၼ် 2 ၵေႃႉ။ ၵူၼ်းႁေႃႈၵႃး ဢၼ်ၺႃးမၢၵ်ႇၵွင်ႈသေတၢႆၵႂႃႇၼၼ်ႉၸိုဝ်ႈႁွင်ႉယၢၼ်ႇၵျႃးၸဵင်ႇ။ ၵေႃႉၶီႇလူတ်ႉမႃးၸွမ်းၵၼ်တႄႉဢမ်ႇပဵၼ်သင်။ ၵေႃႉယိုဝ်းၼၼ်ႉတႄႉပၢႆႈလွတ်ႈဝႆႉယူႇ” ဝႃႈၼႆ။ တူဝ်တၢႆၵူၼ်းႁေႃႈၵႃးၼၼ်ႉ ယူႇတီႈၸုမ်းၸွႆႈထႅမ်လွင်ႈလူႉတၢႆ (တာချီလိတ်နာရေးကူညီမှုအသင်း)...

ပလိၵ်ႈထႆးၾၢႆႇၵူတ်ႇထတ်းၵူၼ်းၶဝ်ႈမိူင်း ၶဝ်ႈၵူတ်ႇထတ်းႁႅင်းၵၢၼ်မိူင်းမၢၼ်ႈ ၼႂ်းၵၢတ်ႇမႄႈသွတ်ႇ ၸႄႈတွၼ်ႈတၢၵ်ႇ ၸိုင်ႈထႆး၊ တီႉလႆႈႁႅင်းၵၢၼ်မိူင်းမၢၼ်ႈ 10 ၵေႃႉပၢႆဝႃႈၼႆ။ ဝၼ်းတီႈ 03/07/2018 ယၢမ်းၵၢင်ၼႂ်၊ ပလိၵ်ႈထႆးလၢႆလၢႆၾၢႆႇႁူမ်ႈၵၼ်ၶဝ်ႈၵူတ်ႇထတ်းႁႅင်းၵၢၼ်မိူင်းမၢၼ်ႈ ဢၼ်ၶၢႆ ၶူဝ်းၼႂ်းၵၢတ်ႇမႄႈသွတ်ႇ ၸႄႈဝဵင်းမႄႈသွတ်ႇ ၸႄႈတွၼ်ႈတၢၵ်ႇ ၼႂ်းၸိုင်ႈထႆး။ တီႉလႆႈႁႅင်းၵၢၼ်မိူင်းမၢၼ်ႈဢၼ် ၽိတ်းပၵ်းပိူင်မၢႆမီႈ 10 ၵေႃႉပၢႆလႄႈ ႁႅင်းၵၢၼ်မိူင်းမၢၼ်ႈၵမ်ႈၽွင်ႈ ၸိူဝ်းၶၢႆၶူဝ်းလႄႈၸိူဝ်းမႃးၸၢႆႇၵၢတ်ႇ လႆႈဢွၼ် ၵၼ်လႅၼ်ႈပၢႆႈတင်းၼမ်-ဝႃႈၼႆ။ ယူႇတီႈလူင်ပွင်ၸိုင်ႈမိူင်းထႆးပိုၼ်ၽၢဝ်ႇဝႃႈ...

လုၵ်ႈႁဵၼ်း Tai Kids Organization (TKO) ဝဵင်းၵျွၵ်ႉမႄး ႁူမ်ႈၵၼ်ၵႂႃႇၽဵဝ်ႈယုၵ်းယၵ်းတီႈလွႆသၢမ်သိပ်း ၼႂ်းၸႄႈ ဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ။ ဝၼ်းတီႈ 02/07/2018 ယၢမ်းၵၢင်ၼႂ် 10:30 မူင်းထိုင် 3:00 မူင်းဝၢႆးဝၼ်းၼၼ်ႉ ၶူးသွၼ်လႄႈလုၵ်ႈႁဵၼ်းၼႂ်း ႁူင်းႁဵၼ်း Tai Kids Organization ၸႄႈဝဵင်းၵျွၵ်ႉမႄး ႁူမ်ႈၵၼ်ဢဵၼ်ႁႅင်း 36...

ၵူၼ်းဝဵင်းမူႇၸေႊ /ထုင်ႉမၢဝ်း ႁွတ်ႈထိုင်မႃး မိူင်းတႆးပွတ်းၸၢၼ်း ၸႄႈဝဵင်းလၢႆးၶႃႈသေ ၸွႆႈထႅမ်ၶဝ်ႈ ၼမ်ႉတၢင်း ၵိၼ် ငိုၼ်းတွင်းတီႈ ႁူင်းႁဵၼ်းၸိူဝ်ႉၸၢတ်ႈ၊ ႁူင်းႁဵၼ်းပရႁိတ ၼႂ်းၸႄႈဝဵင်းလၢႆးၶႃႈ။ ဝၼ်းတီႈ 03/07/2018 ၸုမ်းမွၵ်ႇသၢဝ်းႁႃႈႁဵင်လႄႈ ႁူမ်ႈႁႅင်းတႆးပရႁိတ ဝဵင်းမူႇၸေႊ ႁွတ်ႈထိုင် မႃးမိူင်းတႆး ပွတ်းၸၢၼ်း ၸႄႈဝဵင်းလၢႆးၶႃႈသေ ၵမ်ႉၸွႆႈ ႁူင်းႁဵၼ်းပရႁိတ ၵွင်းဝူဝ်းလူင် ဝဵင်းလၢႆးၶႃႈ...

ၸဝ်ႈၼႃႈတီႈထႆးလၢႆၾၢႆႇ ႁူမ်ႈၵၼ်ၵူတ်ႇထတ်းတီႉၺွပ်းႁႅင်းၵၢၼ်ယၢၼ်မိူင်း - ၵူၼ်းမိူင်းမၢၼ်ႈ၊ မိူင်းလၢဝ်း၊ မိူင်းၵမ်ႊပူႊၶျႃႊ ၸိူဝ်းၶဝ်ႈႁဵတ်းၵၢၼ်မိူင်းထႆး ဢၼ်ဢမ်ႇထုၵ်ႇမႅၼ်ႈၸွမ်းမၢႆမီႈ။ ၸွမ်းၼင်ႇမၢႆမီႈ ဢၼ်လူင်ပွင်ၸိုင်ႈမိူင်းထႆး တမ်းဝၢင်းဝႆႉသေ ႁူဝ်လိူၼ်ၵျူႊလၢႆႊ 2018 မႃးၼႆႉ ၸဝ်ႈၼႃႈတီႈ ပလိၵ်ႈ၊ ၾၢႆႇၵူတ်ႇထတ်းၵူၼ်းၶဝ်ႈမိူင်း၊ ၾၢႆႇႁႅင်းၵၢၼ်ၸိူဝ်းၼႆႉ ႁူမ်ႈၵၼ်လူင်းပိုၼ်ႉတီႈ လၢႆလၢႆၸႄႈတွၼ်ႈ၊ ၸႄႈဝဵင်းသေ ၵူတ်ႇထတ်းတီႉၺွပ်း ႁႅင်းၵၢၼ်ယၢၼ်မိူင်း ၸိူဝ်းႁဵတ်းၵၢၼ် ဢမ်ႇမႅၼ်ႈၶွပ်ႇ...

ၾၢႆႇႁူမ်ႇလူမ်ႈပွင်လူင်ပွင်ၸိုင်ႈ ဢွၵ်ႇၶၢဝ်ႇဝႃႈလူတ်ႉတူႈ ၵႃးႁပ်ႉၸၢင်ႈတၢင်ႇၵူၼ်း(မၢၼ်ႇလူင်ႇ) တင်း ၵႃးတၢင်ႇၵုၼ်ႇ 22 လေႃႉ ၽႃႇ/တမ်ၵၼ် ၼႂ်းၸႄႈဝဵင်းလႃႈသဵဝ်ႈ မီးၵူၼ်းလႆႈမၢတ်ႇၸဵပ်းၸွမ်း 13 ၵေႃႉ ဝႃႈၼႆ။ ဝၼ်းတီႈ 01/07/2018 ယၢမ်းဝၢႆးဝၼ်းမွၵ်ႈ 4 မူင်း တီႈႁိမ်းဝၢၼ်ႈၼွင်လၢင်း ၼိူဝ်သဵၼ်ႈတၢင်းလူင် လႃႈသဵဝ်ႈ - ဝဵင်းလိူဝ်ႇ ၼႂ်းၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇၼၼ်ႉ...

လုၵ်ႈဢွၼ်ႇ13 ၵေႃႉဢၼ်ႁၢႆၶဝ်ႈၵႂႃႇၼႂ်းထမ်ႈလူင်ၼၢင်း ၼွၼ်းၼၼ်ႉ ထူပ်းႁၼ်တူဝ်ၶိုၼ်းယဝ်ႉ ၵူႈၵေႃႉလွတ်ႈ ၽေးလီ။ ဝၼ်းတီႈ 02/07/2018 ၶၢဝ်းယၢမ်း10:22 ၼႆႉၽူႈၵွၼ်း ၸႄႈတွၼ်ႈၵဵင်းႁၢႆးလႄႈ ၸုမ်းၸိူဝ်းသပ်းၸႅင်ႈၶၢဝ်ႇ တီႈၼႃႈထမ်ႈလူင်ၶုၼ်ၼမ်ႉၼၢင်းၼွၼ်းၼၼ်ႉဝႃႈ ထူပ်း ႁၼ်တူဝ်လုၵ်ႈဢွၼ်ႇ ၸုမ်းပိတ်ႉမၢၵ်ႇၼင်မူပႃႇဢၶႃႊ ၻေႊမီႊ 12 ၵေႃႉလႄႈ ၶူးၾိုၵ်းသွၼ် 1ၵေႃႉၼၼ်ႉယဝ်ႉ ။ ၵူႈၵေႃႉယူႇလီလွတ်ႈၽေး မိူဝ်ႈလဵဝ်ၸဝ်ႈၼႃႈတီႈၾၢႆႇ ၸွႆႈထႅမ်...

ၸုမ်းၸိူင်းလႅဝ်းတင်းၵေႃလိၵ်ႈလၢႆးလႄႈၾိင်ႈငႄႈတႆး ၵဵင်းမႆႇ တေၸတ်း Concert ပၢင်မူၼ်ႈသိူဝ်းၵိုၵ်းပိုၼ်း ၸၢႆးသၢႆမၢဝ်း လႄႈ ဝူင်းၸိူင်းလႅဝ်း ဢွၼ်ၼႃႈၶဝ်ႈဝႃႇသႃ တီႈဝတ်ႉၵူႇတဝ်ႈ ဢိူင်ႇသီၽုမ်း ဝဵင်းၵဵင်းမႆႇ။ ဢိင်လူၺ်ႈတိုဝ်ႉတၢင်း ၼႃႈၶဝ်ႈဝႃႇသႃ ပီ 2018 ၼႆႉ ဝူင်းၸိူင်းလႅဝ်းတင်းၵေႃလိၵ်ႈလၢႆးလႄႈၾိင်ႈငႄႈတႆး ၵဵင်းမႆႇ လႆႈဢုပ်ႇၵိူဝ်းၵုမ်ၵၼ် ပိူဝ်ႈတႃႇယူၵ်ႉယွင်ႈၸၢႆးသၢႆမၢဝ်း ဢိၵ်ႇတင်းၵမ်ႉၸွႆႈလႄႈတွပ်ႇတႅၼ်းမုၼ်ၵုၼ်း ၸဝ်ႈပၢႆး မွၼ်းလူင် ၸၢႆးသၢႆမၢဝ်း...

ၽူႈတွႆႇႁွၵ်ႈ / ယိင်းၸၢမ်ၽူၺ်း ၶွမ်ႊပၼီႊ  ၶိူင်ႈၸၢၵ်ႈႁဵတ်းဢွၵ်ႇႁႅင်းထၢတ်ႈၾႆးၾႃႉ  ၸတ်းႁဵတ်းပၢင်သပ်းလႅင်း ၸႅင်ႈၶၢဝ်ႇ  ပုၼ်ႈတႃႇတေႁဵတ်းဢွၵ်ႇႁႅင်းထၢတ်ႈၾႆးၾႃႉ ၼႂ်းၵႄႈၵၢင်ဝဵင်းၵုၼ်ႁဵင်လႄႈဝဵင်းလၢင်းၶိူဝ်း ၊ ပၢင်သပ်းၸႅင်ႈၶၢဝ်ႇၸတ်းႁဵတ်းတီႈႁူင်းႁေႃးၵၢင်ဝဵင်း ဝဵင်းလူင်တူၼ်ႈတီး ၸိုင်ႈတႆးပွတ်းၸၢၼ်း ။ ၸုမ်းၶွမ်ႊပၼီႊ Green Lotus၊ CMN၊ Hydroques၊ Banyan Green Service 4 ၸုမ်းႁူမ်ႈ ၵၼ်ဝႆႉၼၼ်ႉ မႃးသပ်းလႅင်း...

ၵူၼ်းမိူင်းၼမ်ႉၶမ်း ႁူမ်ႈၵၼ်တုၵ်းယွၼ်း ႁႂ်ႈလႆႈၸႂ်ႉၶိုၼ်း ၸိုဝ်ႈပွၵ်ႉယွမ်ႇမိူၼ်ၼင်ႇမိူဝ်ႈၵဝ်ႇၶိုၼ်း ဝႃႈၼႆ။ ဝၼ်းတီႈ 28/06/2018 ၵူၼ်းမိူင်းၼမ်ႉၶမ်း ၼပ်ႉႁူဝ်ႁဵင် ႁူမ်ႈၵၼ်သေ ၵဵပ်းသဵၼ်ႈၸိုဝ်ႈ၊ လူင်းလၢႆးမိုဝ်း တီႈႁူင်းႁေႃ သိူဝ်ၽိူၵ်ႇ ၸႄႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ။ တုၵ်းယွၼ်းၸိုဝ်ႈပွၵ်ႉ ဢၼ်သႂ်ႇဝႆႉၸွမ်းမၢႆၼပ်ႉၼၼ်ႉ ႁႂ်ႈလႅၵ်ႈ လၢႆႈ ပိၼ်ႇၶိုၼ်းၸိုဝ်ႈပွၵ်ႉ မိူၼ်ၼင်ႇ ဢၼ်ယၢမ်ႈႁွင်ႉမႃး မိူဝ်ႈၵူႈပွၵ်ႈၼၼ်ႉ ဝႃႈၼႆ။ ၸၢႆးၵမ်ႇ...

သင်ၶၸဝ်ႈ ၊ ၶူးသွၼ်လႄႈ လုၵ်ႈႁဵၼ်း ႁူင်းႁဵၼ်းထမ်မ ႁူမ်ႈၵၼ်ၽုၵ်ႇတူၼ်ႈမႆႉ တီႈလွႆသၢမ်သိပ်း ၸႄႈဝဵင်းၵူတ်ႉ ၵူတ်ႉၶၢႆ။ ဝၼ်းတီႈ 02/07/2018 ၸုမ်းႁူင်းႁဵၼ်းထမ်မ ၸႄႈဝဵင်းၵူတ်ႉၶၢႆလႄႈ သႅၼ်ဝီဢဵၼ်ႁႅင်း 100 ပၢႆ ႁူမ်ႈၵၼ်ၽုၵ်ႇတူၼ်ႈမႆႉ တီႈတိၼ်လွႆပုမ်ႇၶဝ်ႈ တိၼ်လွႆသၢမ်သိပ်း ဢၼ်မီးၼႂ်းၸႄႈဝဵင်းၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈတႆး   ပွတ်းႁွင်ႇ။ တူၼ်ႈမႆႉဢၼ်ၽုၵ်ႇၼၼ်ႉမီးမိူၼ်ၼင်ႇ မႆႉသၵ်း၊ မႆႉၶဵတ်ႉလႃး၊...

ပႃႇတီႇႁူဝ်သိူဝ် တင်း ပႃႇတီႇမွၼ်း တေႁူမ်ႈၵၼ် ၸတ်းႁဵတ်းပၢင်သွၼ်ၵဵဝ်ႇၵပ်းၾႅတ်ႊတရႄႊ တီႈၼႃးၵွင်းမူး တေမွၵ်ႇထိုင် ၵူႈပႃႇတီႇလႄႈ ၵူႈၸၢဝ်းၶိူဝ်းမႃးၶဝ်ႈႁူမ်ႈ ဝႃႈၼႆ။ ပၢင်သွၼ်ၾႅတ်ႊၻရႄႊၼႆႉ တေၸတ်းႁဵတ်းတႃႇၶၢဝ်းတၢင်း 2 ဝၼ်း ဝၼ်းတီႈ 03-04/07/2018 ယၢမ်းၵၢင်ၼႂ် 9:00 မူင်း ထိုင် 4:30 မူင်းဝၢႆးဝၼ်း တေၸတ်းႁဵတ်းတီႈႁူင်းႁေႃၵေႃလိၵ်ႈလၢႆးလႄႈၾိင်ႈငႄႈတႆး ဢိူင်ႇၼႃးၵွင်းမူး ၸႄႈဝဵင်းမိူင်းတူၼ်...