Friday, March 29, 2024

လူင်ပွင်ၸိုင်ႈမိူင်းထႆး ႁၢင်ႈႁႅၼ်းဢွၵ်ႇမၢႆမီႈ တေၵဵပ်းသဵၼ်ႈမၢႆသတ်းလဵင်ႉ

Must read

လူင်ပွင်ၸိုင်ႈမိူင်းထႆး တေႁဵတ်းမၢႆမီႈ ၵဵပ်းသဵၼ်ႈသၢႆမၢႆသတ်းလဵင်ႉ။ တေႁႂ်ႈၵူၼ်းၸိူဝ်းလဵင်ႉမႃ လဵင်ႉမႅဝ်းၵိုၵ်းႁိူၼ်းမႃးပၼ်သဵၼ်ႈသၢႆမၢႆတီႈလုမ်း။ သင်ဝႃႈဢမ်ႇမႃးပၼ်သၢႆမၢႆၸိုင် ၸၢင်ႈၺႃးမႂ်ငိုၼ်းၼပ်ႉႁူဝ်မိုၼ်ႇ။

Photo by – Google လူင်ပွင်ၸိုင်ႈမိူင်းထႆး ႁၢင်ႈႁႅၼ်းဢွၵ်ႇမၢႆမီႈ တေၵဵပ်းသဵၼ်ႈမၢႆသတ်းလဵင်ႉ

ဝၼ်းတီႈ 10/10/2018 သိုဝ်ႇၶၢဝ်ႇ Dailynews ပိုၼ်ၽၢဝ်ႇဝႃႈ ၸွမ်သိုၵ်းသၼ်ႊသိူၼ်ႊ ၵႅဝ်ႊၵမ်ႊၼိူတ်ႊ ၽူႈၶၢၼ်ပၢၵ်ႇ လုမ်းၽွင်းလူင်မိူင်းထႆးဝႃႈ ႁၼ်လီၵမ်ႉထႅမ်ၸွမ်း လွင်ႈဢၼ်ႁွင်ႈၵၢၼ်ၾၢႆႇၽုၵ်ႇသွမ်ႈ ယိုၼ်ႈလဝ်ႈမႃးႁႂ်ႈမီးၵၢၼ်ၵဵပ်းသဵၼ်ႈသၢႆမၢႆ သတ်းလဵင်ႉၼႂ်းႁိူၼ်း မိူၼ်ၼင်ႇမႃ၊ မႅဝ်းတႃႇႁႄႉၵင်ႈလွင်ႈ ပေႃႉထုပ်ႉၶႃႈႁႅမ်သတ်းသေဢမ်ႇၵႃး တႃႇလူတ်းယွမ်းသတ်း ၵၢင်လၢႆဢၼ်တေ ၸၢင်ႈပဵၼ်ၽေး တေႃႇၵူၼ်းဝၢၼ်ႈ ဝႃႈၼႆ။

- Subscription -

ၸၢႆးပိူင်း ၸဝ်ႈၼႃႈတီႈၾၢႆႇမၢႆမီႈ HRDF လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ “ မိူဝ်ႈလဵဝ်ၼႆႉ ပဵၼ်ၽွင်း တိုၵ်ႉႁၢင်ႈႁႅၼ်းမၼ်းၶႃႈ။ ပိူၼ်ႈတေပိုၼ်ၽၢဝ်ႇၸႂ်ႉမိူဝ်ႈလႂ်ဢၼ်ဝႃႈၼၼ်ႉတႄႉ ႁဝ်းပႂ်ႉတူၺ်းထႅင်ႈၵမ်းၼိုင်ႈ။ ပေႃးပိူၼ်ႈပိုၼ်ၽၢဝ်ႇၸႂ်ႉယဝ်ႉတႄႉ ပီႈၼွင်ႉတႆးၸိူဝ်းလဵင်ႉဝႆႉမႃမႅဝ်းၼၼ်ႉၵေႃႈ တေလႆႈၵႂႃႇတၢင်ႇသၢႆမၢႆၼင်ႇၵဝ်ႇ ။ ပေႃးဢမ်ႇႁဵတ်းၸွမ်းသမ်ႉတၢင်းတေၸၢင်ႈၺႃးမႂ်ငိုၼ်းၼႆၶႃႈဢေႃႈ ” ဝႃႈၼႆ။

ၼႂ်းမၢႆမီႈဢၼ်ႁၢင်ႈႁႅၼ်းတေၸႂ်ႉၼၼ်ႉ ပဵၼ်တွၼ်ႈတႃႇသတ်းၵူႈသႅၼ်း ပႃးၸဵမ်ၼူၵ်ႉ၊ ၵႃ ၵူၺ်းၵႃႈတေဝႆႉမႃ ၊ မႅဝ်းပဵၼ် ပိူင်လူင် ။ ပိူဝ်ႈပဵၼ်ၵၢၼ်ၵဵပ်းသဵၼ်ႈမၢႆတူဝ်သတ်း၊ ႁႂ်ႈၵူၼ်းလဵင်ႉသတ်း မီးလွင်ႈဢဝ်ပုၼ်ႈၽွၼ်း တူဝ်သတ်းၸဝ်ႈၵဝ်ႇၼင်ႇႁိုဝ်တေဢမ်ႇၸၢင်ႈၵႂႃႇႁဝ်ႇၵႂႃႇၶူပ်းပိူၼ်ႈၸွမ်းတၢင်း ဝႃႈၼႆ။ သင်ဝႃႈဢမ်ႇႁဵတ်းၸွမ်းၼႆ တေၺႃးတူတ်ႈတၢမ်ႇမႂ်ငိုၼ်း 25,000 ၿၢတ်ႇ မွၵ်ႈ ႑႐ သႅၼ်ပျႃးငိုၼ်းမၢၼ်ႈၼႆယဝ်ႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း