ၸုမ်းၶႅၵ်ႇလီပၢင်ၸႃႉၼမ်ႉၶူင်း ဢွၼ်ႁူဝ်ၸတ်းႁဵတ်း ပၢင်ပွႆးယုၵ်ႉယွင်ႈၽူႈၵတ်ႉၶႅၼ်ႇ လုၵ်ႈႁဵၼ်းၸိူဝ်း ဢွင်ႇပူၼ်ႉ ၸၼ်ႉသိပ်း ၼႂ်းပီ 2017-2018 တီႈဝဵင်းတူၼ်ႈတီး၊ တင်းမူတ်း ယုၵ်ႉယွင်ႈလုၵ်ႈႁဵၼ်း 15 ၵေႃႉ ဝႃႈၼႆ။ ဝၼ်းတီႈ 08/07/2018 ယၢမ်းၵၢင်ၼႂ် 9 မူင်း ထိုင် 11 မူင်းၵၢင်ဝၼ်း ၸုမ်းၼမ်ႉၶူင်းၶႅၵ်ႇလီပၢင်ၸႃႉတႆး ဝဵင်းတူၼ်ႈ တီး...

ၵေႃလိၵ်ႈလၢႆးလႄႈ ၾိင်ႈငႄႈတႆး ဝဵင်းလႃႈသဵဝ်ႈ ၸတ်းႁဵတ်းပၢင်ၵုမ် ဢုပ်ႇဢူဝ်းၵၼ် လႆႈၸႂ်တူၵ်းလူင်းဝႃႈ တေႁပ်ႉႁဵတ်းပွႆးလူင် တၢင်တူဝ်ငဝ်ႈငုၼ်းၵေႃလိၵ်ႈလၢႆးလႄႈၾိင်ႈငႄႈတႆး ပတ်းပိုၼ်ႉ မိူင်းႁူမ်ႈတုမ် သေ  ႁပ်ႉတွၼ်ႈပီမႂ်ႇတႆး 2113 ၼီႈ တီႈဝဵင်းလႃႈသဵဝ်ႈ ႁူမ်ႈၵၼ်။ ဝၼ်းတီႈ 7/7/2018 ၼီႈ ၵေႃၵမ်ၵၢၼ် ၵေႃႈလိၵ်ႈလၢႆးလႄႈၾိင်ႈငႄႈတႆး ဝဵင်းလႃႈသဵဝ်ႈ ဢုပ်ႇဢူဝ်း လႆႈၸႂ်တႅပ်းတတ်း တႃႇပဵၼ်ငဝ်ႈ...

ၵေႇသိပ်းႁိူၼ်း ဝၢၼ်ႈသီႇသူင်ႇ ဢိူင်ႇမိူင်းလၢင်းၸႄႈဝဵင်းသီႇပေႃႉ ၸိုင်ႈတႆး ပွတ်းႁွင်ႇ ၺႃးၵူၼ်းႁၢႆႉ ၶီႇလူတ်ႉၶိူင်ႈမႃးၵိုတ်းၼႃႈႁိူၼ်းသေ ၶဝ်ႈယိုဝ်းလႄႈ လုတၢႆထင်တီႈ ၼႂ်းၶမ်ႈၶိုၼ်း ဝၼ်းသုၵ်းပူၼ်ႉမႃးၼႆႉ။ မိူဝ်ႈဝၼ်းတီႈ 5/7/2018 ယၢမ်းတဵင်ႈၶိုၼ်းၼၼ်ႉ ၵူၼ်းႁၢႆႉ ၶီႇလူတ်ႉၶိူင်ႈသွၼ်ႉၵၼ်မႃး 2 ၵေႃႉ၊ မႃးၵိုတ်း ၼႃႈႁိူၼ်း လုင်းၵျေႃႇဝုၼ်းၼၢႆႇ ဢႃႇယု 52 ၵေႇသိပ်းႁိူၼ်း ဝၢၼ်ႈသီႇသူင်ႇသေ...

ပၢင်ၵုမ်လူင်လွင်ႈငမ်းယဵၼ်မိူင်းႁူမ်ႈတုမ် 21 ပၢင်လူင် ပွၵ်ႈၵမ်း 3 ဢၼ်တေၸတ်းႁဵတ်း ၵၢင်လိူၼ်ၵျူႊလၢႆႊၼႆႉ ယူႇတီႈၸုမ်းဢူၺ်းလီပွတ်းႁွင်ႇ 7 ၸုမ်း ၸိူဝ်းပႆႇလူင်းလၢႆးမိုဝ်း NCA ၼၼ်ႉ တေၶဝ်ႈႁူမ်ႈၸွမ်း ဝႃႈၼႆ။ ပၢင်ၵုမ်လူင်ပၢင်လူင် ႁူဝ်ပၢၵ်ႇပီ 21 ပွၵ်ႈၵမ်း 3 ၼႆႉ တေၸတ်းႁဵတ်းတီႈ ငဝ်ႈဝဵင်းလူင်မိူင်းႁူမ်ႈတုမ်မၢၼ်ႈ တီႈၼေႇ ပျီႇတေႃႇ...

ႁိူဝ်းဝိၼ်ၾၢႆႇႁူမ်ႇလူမ်ႈ ၶွင်သိုၵ်းထႆး လမ်းၼိုင်ႈ တူၵ်းၼႂ်းထိူၼ်ႇ ၼႂ်းၸႄႈဝဵင်းပၢင်မၢၵ်ႇၽႃႈ ၸႄႈတွၼ်ႈမႄႈႁွင်ႈ သွၼ် ဢၼ်တေႃႇၼႃႈ ဝဵင်းႁူဝ်မိူင်း ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်းၼၼ်ႉ သိုၵ်းထႆးလႆႈလုတၢႆၵႂႃႇ 3 ၵေႃႉ၊ မၢတ်ႇၸဵပ်းလိူဝ်ႁႅင်းၵေႃႉၼိုင်ႈ။ ဝၼ်းတီႈ 05/07/2018 ၼၼ်ႉ ႁိူဝ်းဝိၼ်တပ်ႉသိုၵ်းၾၢႆႇႁူမ်ႇလူမ်ႈ မိူင်းထႆး ဢၼ်မိၼ်ဝၢႆႈၼႂ်းၸႄႈဝဵင်းပၢႆး၊ ပၢင်မၢၵ်ႇၽႃႈ၊ မႄႈႁွင်ႈသွၼ်ၼၼ်ႉ ႁၢႆဢွၵ်ႇၼွၵ်ႈၵၢၼ်ၵပ်းသိုပ်ႇတိတ်းတေႃႇ “ရေႊတိူဝ်ႊ”...

ရူတ်ႉတူႈ (ၵႃးမၢၼ်ႇလူင်ႇ) လမ်းၼိုင်ႈ ႁပ်ႉၸၢင်ႈတၢင်ႇၵူၼ်းလုၵ်ႉတၢင်းမူႇၸေႊ မုင်ႈၸူးမိူင်းမၢၼ်ႈ ၼေႇပျီႇတေႃႇ ၼၼ်ႉ ၵႂႃႇပိၼ်ႈတူၵ်းတၢင်းတီႈၼႂ်းႁူၺ်ႈၵိုတ်ႈ(ဂုတ်တွင်း) ၵူၼ်းမႃးၸွမ်းၵႃးတိူဝ်ႉမၢတ်ႇ 16 ၵေႃႉတၢႆထင်တီႈ 1 ၵေႃႉ ဝႃႈၼႆ။ ဝၼ်းတီႈ 04/07/2018 ယၢမ်းၵၢင်ၶိုၼ်းမွၵ်ႈ11 မူင်းၼၼ်ႉ ၵႃးႁပ်ႉၸၢင်ႈတၢင်ႇၵူၼ်း Express ဢၼ်တၢင်ႇၵူၼ်း လုၵ်ႉတၢင်းမူႇၸေႊ တေလူင်းၵႂႃႇတၢင်းၼေႇပျီႇတေႃႇၼၼ်ႉ လႆႈဢဝ်လူတ်ႉၵႃးၵႂႃႇပိၼ်ႈၶႂမ်ႈတူၵ်း တၢင်းၼႂ်းၵူတ်ႉ...

သင်ၶၸဝ်ႈလႄႈ ၵူၼ်းၼုမ်ႇတႆး ၼႂ်းၸႄႈဝဵင်းတူၼ်ႈတီး တိုၵ်းသူၼ်းၵူၼ်းမိူင်းတႆးပတ်းပိုၼ်ႉ ၽုၵ်ႇတူၼ်ႈမႆႉ တီႈၽႂ်တီႈမၼ်း ၼႂ်းဝၼ်းလဵဝ်ၵၼ်ဝႃႈၼႆသေ ဝၼ်းတီႈ 07/07/2018 ၼႆႉ ႁၢင်ႈႁႅၼ်း ၽုၵ်ႇတူၼ်ႈမႆႉ တီႈၽႂ်တီႈမၼ်း။ သင်ၶၸဝ်ႈလႄႈ ၵူၼ်းၼုမ်ႇတႆး ႁူမ်ႈၵၼ် သူင်ႇလိၵ်ႈထိုင် ၵေႃႈလိၵ်ႈလၢႆး ၵူႈၸႄႈဝဵင်းပႃးၸဵမ် ပႃႇတီႇႁူဝ်သိူဝ်၊ သိူဝ်ၽိူၵ်ႇ၊ လုမ်းၵပ်းသၢၼ်တပ်ႉသိုၵ်း RCSS , SSPP...

ၽူႈၵွၼ်းၸႄႈတွၼ်ႈမႄႈႁွင်ႈသွၼ်လႄႈ ၾၢႆႇၵဵဝ်ႇၶွင်ႈႁွင်ႈၵၢၼ်ၾၢႆႇၼႂ်းမိူင်းမွပ်ႈယိုၼ်ႈဝႂ်ထႆးပၼ် တီႈလုၵ်ႈလၢၼ် ၸၢဝ်းၶိူဝ်း ၸိူဝ်းၵိူတ်ႇၼႂ်းမိူင်းထႆး 100 ၵေႃႉပၢႆ။ ဝၼ်းတီႈ 05/07/2018 ၸၢႆးသိုပ်ႇသၵ်ႇ ဢဵမ်ႇဝိၸၢရ်ႊ ၽူႈၵွၼ်းၸႄႈတွၼ်ႈ မႄႈႁွင်ႈသွၼ်လႄႈ ၸဝ်ႈၼႃႈတီႈ ၾၢႆႇၵဵဝ်ႇၶွင်ႈ မွပ်ႈယိုၼ်ႈဝႂ်ၵပ်းတူဝ်ထႆး ပၼ်လုၵ်ႈဢွၼ်ႇ (ယၢင်း၊ တႆး၊ ဢိၵ်ႇတၢင်ႇ ၸၢဝ်းၶိူဝ်း) ၼႂ်းမႄႈႁွင်ႈသွၼ် တႃႇ 123 ၵေႃႉ...

သင်ၶၸဝ်ႈထုင်ႉမၢဝ်းတေႁူမ်ႈၵၼ် ၸတ်းႁဵတ်းပၢင်ပွၼ်ႈထမ်းတြႃးလႄႈ ပၢင်ဢုပ်ႇလၢတ်ႈတၢၼ်ႈၶႆႈ သၢမ် ၸႄႈဝဵင်း မိူၼ်ၼင်ႇၸႄႈဝဵင်းမူႇၸေႊ၊ ၼမ်ႉၶမ်းလႄႈ မိူင်းမၢဝ်း။ ဝၼ်းတီႈ 06 – 07 /7/2018 ၵၢင်ၶမ်ႈႁေႃးတြႃး၊ ၵၢင်ဝၼ်းမီးပၢင်တၢၼ်ႈၶႆႈတီႈဝတ်ႉမႁႃႇဝုၼ်ႇ (ၵျွင်းႁွင်ႇ) ဝဵင်းမူႇၸေႊ။ ၸဝ်ႈသြႃႇၵုမႃႇရႃႇၼၼ်တဝတ်ႉဝၢၼ်ႈၼွင်၊ Dr. ၸဝ်ႈၶူးတိုၼ်းတႆး ၵႅမ်ႁူဝ်ပဝ်ႈလုမ်းပုတ်ႉထ သႃသၼႃၸိုင်ႈမိူင်း(မိူင်းၶႄႇ)- တေယေႃးမုၼ် ပွၼ်ႈထမ်းမဵတ်ႉတႃႇတြႃး ပၼ်သေ...

ၸုမ်းၵူၼ်းၼုမ်ႇတႆး T.Y.O ၸတ်းႁဵတ်းပၢင်ၵုမ်လူင် တီႈလုမ်းငဝ်ႈငုၼ်း ဝဵင်းတူၼ်ႈတီး ၸိုင်ႈတႆးပွတ်းၸၢၼ်း မိူဝ်ႈဝၼ်းတီႈ 15-19/05/2018 ၼၼ်ႉသေ တႅပ်းတတ်း ၼႃႈၵၢၼ်တႃငၢၼ်းလၢႆၸိူဝ်ႉလၢႆပိူင် ဝႃႈၼႆ။ ဝၼ်းတီႈ 05/07/2018 ယူႇတီႈၵေႃပွင်ၵၢၼ်ငဝ်ႈငုၼ်း ၸုမ်းၵူၼ်းၼုမ်ႇတႆး Tai Youth Organization (T.Y.O) ဢွၵ်ႇၶေႃႈပိုၼ်ၽၢဝ်ႇ ၵိုတ်းယိုတ်းပႅတ်ႈ ၵၢၼ်ၸႂ်ႉ ၸုမ်ႈငဝ်ႈငုၼ်းဢၼ်ၵဝ်ႇ၊ ၸုမ်ႈၸႄႈတွၼ်ႈဢၼ်ၵဝ်ႇ၊...

မုၵ်ႉၸုမ်းၸၢဝ်းၶိူဝ်းတႆး ၵဵင်းမႆႇ၊ မိူင်းၵွၵ်ႇ၊ ရယွင်းလႄႈ ပထုမ်းထႃးၼီး ဢွၼ်ႁူဝ်ၼမ်းၼႃႈ ႁပ်ႉငိုၼ်းၵွင်ၵၢင် တီႈ တႆးႁွတ်ႈမိူင်းထႆး (ပီႈၼွင်ႉတႆးယၢၼ်မိူင်း)၊ ဢိၵ်ႇလူၺ်ႈ ၵူၼ်းထႆး၊ ၵူၼ်းမိူင်း - လႆႈငိုၼ်း 73,300 ဝၢတ်ႇ တူၵ်းမႅၼ်ႈ ငိုၼ်းမၢၼ်ႈ 3,111,111 ပျႃးသေ တေဢဝ်ၵႂႃႇၸွႆႈထႅမ် ၵူၼ်းၺႃးၼမ်ႉထူမ်ႈ တီႈဝဵင်းၼမ်ႉလၼ်ႈ...

ဝၼ်းတီႈ 04/07/2018 သိလ်ထမ်းၸဝ်ႈ ၶူးဝႃးဝုၼ်းၸုမ်ႉ ယေႃးတူဝ် ႁွတ်ႈထိုင် ထမ်ႈလူင် ၶုၼ်ၼမ်ႉ ၼၢင်းၼွၼ်းသေ မဵတ်ႉတႃႇတြႃး ပၼ်ႁႅင်းပေႃႈမႄႈလုၵ်ႈဢွၼ်ႇ 13 ၵေႃႉ သူင်ႇမဵတ်ႉတႃႇ ပၼ်ဝေၼေယ သတ်ႉတဝႃႇ တင်းသဵင်ႈ။ လုၵ်ႈဢွၼ် 13 ၵေႃႉ ဢၼ်တိတ်းၶမ်ၼႂ်းထမ်ႈ တင်ႈတႄႇ ဝၼ်းတီႈ 23/6/2018 ။...

ယေးငိုၼ်းသုၼ်ၵၢင်လူင် လူင်ပွင်ၸိုင်ႈ မိူင်းထႆး ဢိတ်ႇငိုၼ်းၸေႈ ၶႅပ်းႁဵင် (1000) ဢၼ်ပႃးႁၢင်ႈ ၸဝ်ႈႁေႃၶမ်းထႆး တူၼ်မႂ်ႇ၊ မၢႆတွင်း ယွင်ႈယေႃး ဝၼ်းၵိူတ်ႇမၼ်းၸဝ်ႈၶွပ်ႈတဵမ် 66 ပီ ။ ဝၼ်းတီႈ 03/07/2018 ယူႇတီႈတွၵ်ႊတိူဝ်ႊ ဝီႊရထႆး သၼ်ၻီႊပရ ၽူႈယႂ်ႇၵူၼ်းလူင် ယေးငိုၼ်းမိူင်းထႆး ပိုၼ်ၽၢဝ်ႇပဵၼ်တၢင်းၵၢၼ်ၵႂႃႇဝႃႈ တေၸႂ်ႉတိုဝ်းၵႂႃႇ ငိုၼ်းၸေႈ...

ႁူဝ်လိူၼ်ၵျူႊလၢႆႊၼႆႉမႃး လူင်ပွင်ၸိုင်ႈမိူင်းထႆး သူင်ႇၽူႈမီးပုၼ်ႈၽွၼ်းလၢႆႁွင်ႈၵၢၼ် ၵူတ်ႇထတ်း တီႉၺွပ်း ၵူၼ်းႁဵတ်းၵၢၼ် ဢမ်ႇမႅၼ်ႈမၢႆမီႈ ၶိူဝ်းယႂ်း ၵူၼ်းမိူင်းမၢၼ်ႈ မိူင်းတႆး ၺႃးတီႉ သူင်ႇပွၵ်ႈမိူင်းၶိုၼ်း ၼပ်ႉႁဵင်။ တႄႇဢဝ် ႁူဝ်လိူၼ်ၵျူႊလၢႆႊ ၼႆႉမႃး ပလိၵ်ႈထႆးၵူတ်ႇထတ်း ႁႅင်းၵၢၼ်ယၢၼ်မိူင်း မိူင်းႁူမ်ႈတုမ်မၢၼ်ႈ၊ မိူင်းလၢဝ်း၊ မိူင်းၵမ်ႇပူးၶျႃး တီႉၺွပ်း ၵူၼ်းၸိူဝ်းဢမ်ႇမႅၼ်ႈပၵ်းပိူင်မၢႆမီႈ ၵူၼ်းၶဝ်ႈႁဵတ်းၵၢၼ် ၼႂ်းမိူင်းထႆး။...