Friday, March 29, 2024

လုၵ်ႈလၢင်းၸဝ်ႈၾႃႉလႄႈ ၽူႈတႅၼ်းယွင်ႁူၺ်ႈ တေပၵ်းႁုၼ်ႇႁၢင်ႈတွင်း ၸဝ်ႈၾႃႉလူင်ယွင်ႁူၺ်း တီႈၶုမ်ၵုတ်း မၼ်းၸဝ်ႈ ႁိမ်းႁေႃယွင်ႁူၺ်ႈ

Must read

ပီႈၼွင်ႉၸိူဝ်ႉၶိူဝ်းလုၵ်ႈလၢင်း ၸဝ်ႈသူၺ်ႇတႅၵ်ႈ ၸဝ်ႈၾႃႉလူင်မိူင်းယွင်ႁူၺ်ႈ တေဢဝ်ႁုၼ်ႇႁၢင်ႈတွင်းၸဝ်ႈ ဝႆႉတီႈ ၶုမ်ၵုတ်းမၼ်းၸဝ်ႈ တႃႇႁႂ်ႈပဵၼ်တီႈမၢႆတွင်း ဝႃႈၼႆ။

Photo by – SHAN/ လိၵ်ႈမွၵ်ႇထိုင် တႃႈပၵ်းႁုၼ်ႇႁၢင်ႈ ၸဝ်ႈသူၺ်ႇတႅၵ်ႈ ၸဝ်ႈၾႃ့ယွင်ႁူၺ်ႈ ၼႂ်းဝၼ်းတီႈ 19/10/2018 ဢၼ်တေထိုင်ၼႆ့

ဝၼ်းတီႈ 19/10/2018 ယၢမ်းၵၢင်ဝၼ်း 11 မူင်း ပီႈၼွင်ႉၸိူဝ်ႉၶိူဝ်းလုၵ်ႈလၢင်း ၸဝ်ႈသူၺ်ႇတႅၵ်ႇ ၸဝ်ႈၾႃႉယွင်ႁူၺ်ႈ ႁူမ်ႈတင်း ၵူၼ်းမိူင်း၊ ၸုမ်းတူင်ႉၼိုင်တူင်ႇဝူင်းၵူၼ်း၊ ပႃႇတီႇၵၢၼ်မိူင်းလႄႈ ႁွင်ႈၵၢၼ်လူင်ပွင်ၸိုင်ႈ တေဢွၼ်ၵၼ် ၼမ်းဢဝ်ႁုၼ်ႇႁၢင်ႈ ၸဝ်ႈသူၺ်ႇတႅၵ်ႈ ဢၼ်လေႃႇ(သွၼ်း) ဝႆႉၼၼ်ႉ မိူဝ်းပၵ်းတမ်းဝႆႉတီႈ ၶုမ်ၵုတ်းမၼ်းၸဝ်ႈ ၼႂ်း ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ဝႃႈၼႆ။

- Subscription -

ၸဝ်ႈႁေႇမႃႇတႅၵ်ႈလုၵ်ႈယိင်းၸဝ်ႈၾႃႉလူင် ၸဝ်ႈသူၺ်ႇတႅၵ်ႈ လၢတ်ႈတီႈၽူႈတွႆႇႁွၵ်ႈဝႃႈ “ ဝၼ်းတီႈ 16 ၼႆႉ ၽြႃးၸၢမ်ၵဝ်ႈတွၼ်ႈ လတ်းၼႃႈႁေႃလႄႈ ပႃႈပႃႈၶဝ်လႆႈၵၢပ်ႈသွမ်း၊ ဝၼ်းတီႈ 19 ၸင်ႇဢဝ်ႁုၼ်ႇႁၢင်ႈၵႂႃႇတီႈၵျွင်းၵၢၼ်ႇၵျီး ၵျွင်းဢၼ်ၸဝ်ႈပေႃႈတႄႇတင်ႈဝႆႉၼၼ်ႉသေ တေၵၢပ်ႈသွမ်းလဵင်ႉလူၶႅၵ်ႇ။ ယဝ်ႉၼၼ်ႉ ၸင်ႇပႃးၵၼ်ၵႂႃႇဝၢင်းႁၢင်ႈတွင်းၼႃႈၶုမ်ၵုတ်း” ဝႃႈၼႆ။

တီႈၶုမ်ၵုတ်းၼၼ်ႉတေမီး ပၢင်လၢတ်ႈပိုၼ်းတူဝ်ၸဝ်ႈၾႃႉလူင်သေ ပၵ်းဝၢင်းႁုၼ်ႇႁၢင်ႈ။ ၶုမ်ၵုတ်းၸဝ်ႈၾႃႉ မီးတေႃႇ ၼႃႈႁေႃၵဝ်ႇယွင်ႁူၺ်ႈ တင်ႈတႄႇပီ 1962 ဢမ်ႇမီးၽႂ်လုမ်းလႃး၊ ပီဢွၼ် 2015 ၼၼ်ႉ လုၵ်ႈလၢင်းၸိူဝ်ႉၶိူဝ်းလႆႈ တၢင်ႇလိၵ်ႈယွၼ်းဢၼုၺၢတ်ႈတီႈလူင်ပွင်ၸိုင်ႈသေ ၶိုၼ်းမႄးပတ်းၽဵဝ်ႈၽုၵ်ႇမွၵ်ႇၶုတ်းၼွင်ၼမ်ႉဝႆႉယဝ်ႉ ဝႃႈၼႆ။

ၸဝ်ႈႁေႇမႃႇတႅၵ်ႈ ၵေႃႉပဵၼ် လုၵ်ႈယိင်းၸဝ်ႈသူၺ်ႇတႅၵ်ႈ လၢတ်ႈတီႈၽူႈတွႆႇႁွၵ်ႈဝႃႈ “ ယူႇတီႈႁဝ်းၶႃႈ ၸိူဝ်းပဵၼ် လုၵ်ႈလၢင်း ပဵၼ်ဢၼ်ၸူမ်းၸွမ်းတႄႉတႄႉ ၸဝ်ႈပေႃႈႁဝ်းၶႃႈ လႆႈႁဵတ်းသၢင်ႈမႃး တႃႇဝၢၼ်ႈမိူင်းတႃႇမိူင်းႁူမ်ႈတုမ် ၼႂ်းပၢင်ၵုမ်ပၢင်လူင်ၵေႃႈ ၸဝ်ႈႁဝ်းလႆႈတူင်ႉၼိုင်ႁဵတ်းမႃး။ ယဝ်ႉၵေႃႈ ၸွမ်ၸိုင်ႈမိူင်းႁူမ်ႈတုမ်ၵေႃႈ ပေႃႈၸဝ်ႈႁဝ်းၶႃႈ ၶိုၼ်ႈပဵၼ်ၵေႃႉႁႅၵ်ႈ ၵေႃႈ ၸႂ်ႈ။ တႃႇၵူၼ်းမိူင်းယွင်ႁူၺ်ႈ၊ ၵူၼ်းမိူင်းတႆးႁဝ်းလႄႈ မိူင်းႁူမ်ႈတုမ်တင်းမူတ်းၼၼ်ႉ မၼ်းၸဝ်ႈလႆႈႁဵတ်းသၢင်ႈမႃး ”ဝႃႈၼႆ။

ႁုၼ်ႇႁၢင်ႈၸဝ်ႈသူၺ်ႇတႅၵ်ႈၼႆႉ တင်းသုင်မီး 6 ထတ်း၊ ၼမ်ႉၼၵ်း 300 ၸွႆႉပၢႆ။ ဢဝ်တွင်းသေလေႃႇ(သွၼ်း)ဝႆႉ တေ တူၵ်းၶၼ်ငိုၼ်း မွၵ်ႈ 60 သႅၼ်ပျႃး။ တႄႇႁဵတ်းႁုၼ်ႇႁၢင်ႈၼႆႉမႃး မိူဝ်ႈဝၼ်းတီႈ 08/07/2018 ယဝ်ႉတူဝ်ႈၵႂႃႇ မိူဝ်ႈ ဝၼ်းတီႈ 12/10/2018။ ၼႂ်းဝၼ်းတီႈ 13/10/2018 လႆႈၼမ်းဢဝ်ႁုၼ်ႇႁၢင်ႈ ၸဝ်ႈသူၺ်ႇတႅၵ်ႈမႃးဝႆႉတီႈ ႁေႃယွင် ႁူၺ်ႈဝႆႉယဝ်ႉ။ ႁုၼ်ႇႁၢင်ႈၸဝ်ႈသူၺ်ႇတႅၵ်ႇ ဢၼ်လေႃႇသွၼ်းဝႆႉၼႆႉ သႂ်ႇဝႆႉၶူဝ်းၸွမ်ၸိုင်ႈသေ လေႃႇသွၼ်းဝႆႉ ဝႃႈၼႆ။

ၸဝ်ႈသူၺ်ႇတႅၵ်ႈၼႆႉ လႆႈထုၵ်ႇယုၵ်ႉတၢင်ႇပဵၼ် ၸွမ်ၸိုင်ႈမိူင်းႁူမ်တုမ်ၵေႃႉႁႅၵ်ႈ။ ပဵၼ်ၸဝ်ႈၾႃႉ ဢၼ်ၶဝ်ႈ ပႃးတူင်ႉ ၼိုင် ၸွမ်းၼႂ်းၵၢၼ်လိၵ်ႈႁူမ်ႈမၢႆပၢင်လူင်ၸဝ်ႈၼိုင်ႈ၊ မၼ်းၸဝ်ႈ ၼွၼ်းၽႄး ၵႂႃႇမိူဝ်ႈပီ 1962 ၼူဝ်ႊဝႅမ်ႊၿိူဝ်ႊ ဝၼ်းတီႈ 21။ မၼ်းၸဝ်ႈၼႆႉ ထုၵ်ႇသိုၵ်းလူင်ပွင်ၸိုင်ႈမၢၼ်ႈၵုမ်းၶင်ၵႂႃႇ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း