ပလိၵ်ႈမၢၼ်ႈ တီႉလႆႈၶိူင်ႈတူမ်ႈႁုင်( ႁဵတ်း) ယႃႈမဝ်းၵမ် ၼိူဝ်သဵၼ်ႈတၢင်း လွႆလႅမ် – တူၼ်ႈတီး တႃႇၶၼ်ငိုၼ်း 1,422 သႅၼ်ပျႃး ဝႃႈၼႆ။
ဝၼ်းတီႈ 14/10/2018 ယၢမ်းၵၢင်ဝၼ်း ၶွမ်ႊမတီႊ ၾၢႆႇၽဵဝ်ႈမူၺ်ႉယႃႈမဝ်းၵမ် ပိုၼ်ၽၢဝ်ႇဢွၵ်ႇဝႃႈ တီႉလႆႈၶိူင်ႈ တူမ်ႈႁုင် (ႁဵတ်း) ယႃႈမဝ်းၵမ် ၼိူဝ်သဵၼ်ႈတၢင်း တူၼ်ႈတီး – လွႆလႅမ် တီႈဝၢၼ်ႈႁူဝ်တိုဝ်ႉ ၸႄႈဝဵင်းလွႆလႅမ် ၸိုင်ႈ တႆးပွတ်းၸၢၼ်း။
ၼႂ်းလိၵ်ႈၽိုၼ်ၽၢဝ်ႇၼၼ်ႉ ဢွၵ်ႇဝႆႉဝႃႈ “ တီႉလႆႈၶိူင်ႈတူမ်ႈႁုင် (ထၢတ်ႈ) ႁဵတ်းယႃႈ ၼႂ်းရူတ်ႉၵႃးလူင် ပုင်းပေႇပႃႇ 79 ပုင်း။ ၼမ်ႉဢႅၵ်ႉသိတ်ႊ(Sulphuric Acid) 14,220 လီႇတႃႇ တူၵ်းမႅၼ်ႈၶၼ်ငိုၼ်း 1,422 သႅၼ်ပျႃး” ဝႃႈၼႆ။
တေႃႈလဵဝ် ယူႇတီႈၾၢႆႇပလိၵ်ႈၸႄႈဝဵင်းလွႆလႅမ် လႆႈပိုတ်ႇဢမူႉ/ၶၻီႊ ဢဝ်လိူင်ႈလၢဝ်း ၸွမ်းၼင်ႇပၵ်းပိူင်မၢႆမီႈ ဝၢၼ်ႈမိူင်း မီးၼၼ်ႉ ဝႃႈၼႆ။