မိူဝ်ႈၼႆႉ ဝၼ်းတီႈ 21/05/2025 တူၵ်းမႅၼ်ႈဝၼ်းလုၵ်ႉၽိုၼ်ႉၸိုင်ႈတႆး ၶွပ်ႈတဵမ် 67 ပီ - ၵေႃႉသိုၵ်းၵေႃႉ ႁၢၼ်ၵဝ်ႇလႄႈ ၽူႈႁၵ်ႉၸိူဝ်ႉၸၢတ်ႈ ဢိၵ်ႇလုၵ်ႈလၢင်းပီႈၼွင်ႉ ၸဝ်ႈၼွႆႉသေႃးယၼ်ႇတ တင်းၵူၼ်းဝၢၼ်ႈ ၵုင်းၵျေႃႇ လၵ်းတႅင်ႇ ပဵင်းလူင် ႁူမ်ႈၵၼ် ၸတ်းပၢင်ၶုၵ်းထူပ်း ဝၼ်းလုၵ်ႉၽိုၼ်ႉ တီႈၶုမ်ၵုတ်း ၸဝ်ႈၼွႆႉ သေႃးယၼ်ႇတ ဢၼ်မီးတီႈဝၢၼ်ႈၵုင်းၵျေႃႇ...

သိုၵ်းမၢၼ်ႈ ၵဵပ်းငိုၼ်းၵူၼ်းမိူင်းဝဵင်းယႂႃႇငၢၼ်ႇ ၸိုင်ႈတႆးပွတ်းၸၢၼ်း ၵူႈလိူၼ် မၢင်လိူၼ် ဢမ်ႇမီးႁူဝ် ၶေႃႈသင်ၵေႃႈ ယွၼ်းငိုၼ်းလၢႆလၢႆ ၵူၼ်းမိူင်းပဵၼ်ဢၼ်ယၢပ်ႇၽိုတ်ႇၵိၼ်းၸႂ်။ တႄႇႁၢင်လိူၼ်တီႊသႅမ်ႊပိူဝ်ႊ ပီ 2024 ၼၼ်ႉမႃး သိုၵ်းမၢၼ်ႈ ယွၼ်းငိုၼ်းၵူၼ်းမိူင်း ဝၢၼ်ႈၼပၢၼ်းၵျီး ၸႄႈဝဵင်းယႂႃႇငၢၼ်ႇ ၵူႈလိူၼ် ထိုင်မႃးၶၢဝ်းတၢင်း 6 လိူၼ်ယဝ်ႉလႄႈ ႁဵတ်းႁႂ်ႈၵူၼ်းပိုၼ်ႉတီႈ ယၢပ်ႇၽိုတ်ႇၵိၼ်းၸႂ် ဢမ်ႇမီးလွင်ႈႁူမ်ႇလူမ်ႈ ဝႃႈၼႆ။ ၼၢင်းယိင်း...

ၵူၼ်းမိူင်းမၢၼ်ႈတူင်ႈပဵင်း သွင်ၵေႃႉ မႃးၽုၵ်ႇယႃႈလႅင်တီႈမိူင်းတႆးပွတ်းၸၢၼ်းသေ ႁွင်ႉႁူၺ်းၵူၼ်းမိူင်း ပိုၼ်ႉတီႈ ႁႂ်ႈသႂ်ႇငိုၼ်းႁူမ်ႈလူင်းတိုၼ်းလၢင်းၸွမ်းယဝ်ႉ လွၵ်ႇလႅၼ်ဢဝ်ငိုၼ်းပိူၼ်ႈပၢႆႈ ၼပ်ႉႁူဝ်သႅၼ်သႅၼ်။ ၵူၼ်းဝဵင်းလိူဝ်ႇ ၸၢႆးၵေႃႉၼိုင်ႈလႄႈ ယိင်းၵေႃႉၼိုင်ႈ လုၵ်ႉဝဵင်းလိူဝ်ႇ(မၼ်းတလေး) မႃး မိူင်းတႆးပွတ်း ၸၢၼ်း မႃးၽုၵ်ႇယႃႈလႅင် (ဝႃႊၵျီႊၼီႊယႃႊ) တီႈၼႂ်းၸႄႈဝဵင်းၵုၼ်ႁဵင် ၸဵမ်မိူဝ်ႈႁၢင်ပီ 2024 (ပီၵၢႆ) ပူၼ်ႉမႃး။ ၸိူဝ်းၶဝ်ႁူၺ်းၵူၼ်းပိုၼ်ႉတီႈ ႁႂ်ႈႁူမ်ႈလူင်းတိုၼ်းလၢင်းၼႂ်းၵၢၼ်ၽုၵ်ႇသွမ်ႈ။ ၵူၼ်းမိူင်းၼႂ်းၸႄႈဝဵင်း...

တပ်ႉသိုၵ်းဝႃႉ UWSA ဢၼ်တူင်ႉၼိုင်ယူႇတၢင်း မိူင်းတႆးပွတ်းၸၢၼ်း ၼႃႈလိၼ်သိုၵ်း 171 ၶိုၼ်းၶွတ်ႇၽွတ်ႈမႂ်ႇ တပ်ႉၸုမ်း 713 သေ မႃးပၵ်းသဝ်း တူင်ႉၼိုင်ယူႇၼႂ်းၸႄႈဝဵင်းတၢင်ႉယၢၼ်း ႁိမ်းႁွမ်းသူၼ်ၶွမ်ႊ ပၼီႊႁူင်ပင်းၼၼ်ႉ ၸီႉသင်ႇယွၼ်းၵူၼ်းမႂ်ႇ ၼပ်ႉႁူဝ်ပၢၵ်ႇၵေႃႉ ၼႂ်းမိူင်းတႆးပွတ်းႁွင်ႇ။ တႄႇႁူဝ်လိူၼ်မေႊၼႆႉမႃး ၽူႈၵွၼ်းၼႃႈလိၼ်သိုၵ်း 171 ဢွၵ်ႇၶေႃႈပူင် ၸီႉသင်ႇတေႃႇၵူၼ်းမိူင်းၼႂ်းၸႄႈ ဝဵင်းတၢင်ႉယၢၼ်း ၵူႈပွၵ်ႉၵူႈဢိူင်ႇၵူႈဝၢၼ်ႈ ႁႂ်ႈႁႃပၼ်ၵူၼ်းၼုမ်ႇ...

ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ လၢတ်ႈၵႂႃႇ ၼႂ်းပၢင်ၵုမ် ဢၼ်ၸတ်းႁဵတ်းၵႂႃႇ တီႈၼေႇပျီႇတေႃႇ ၼႂ်း ဝၼ်းတီႈ 19/05/2025 ယၢမ်းၵၢင်ၼႂ်ၼၼ်ႉဝႃႈ - မိူဝ်ႈပီ 2015 ပၢၼ်လူင်ပွင်ၸိုင်ႈၼူၵ်ႉယုင်း NLD ၼၼ်ႉ ယူႇတီႈတပ်ႉသိုၵ်းမၢၼ်ႈ ပၼ်လွင်ႈႁူမ်ႈမိုဝ်းႁဵတ်းသၢင်ႈမႃး တဵမ်တီႈယူႇသေတႃႉ ၼႂ်းငဝ်းလၢႆးလမ်ႇလွင်ႈၼၼ်ႉ ဢမ်ႇႁွင်ႉႁဵတ်းပၢင်ၵုမ် ၶွင်ႇသီႇၾၢႆႇ ႁူမ်ႇလူမ်ႈလႄႈ ၾၢႆႇၵၢၼ်ၵႅတ်ႇၶႄႁႄႉၵင်ႈမႃး...

တႄႇဢဝ် ဝၼ်းတီႈ 28 လိူၼ်မၢတ်ႊၶျ် တေႃႇထိုင် ဝၼ်းတီႈ 18 လိူၼ်မေႊ ၶၢဝ်းတၢင်း လိူၼ်ပၢႆ ၸမ်သွင်လိူၼ်ၼႆႉ ဢိင်ႇသၼ်ႇ (ၽႅၼ်ႇလိၼ်ဝႆ) ယွၼ်ႉလင်တူင်ႉၼိုင်ၵႂႃႇထႅင်ႈ 176 ၵမ်း၊ ၼႂ်း ၼၼ်ႉ ဢိင်ႇသၼ်ႇ ဢၼ်မီးႁႅင်း ၾၢႆႇၼိူဝ် 5 ရိတ်ႊတႃႇသၵေႊ တူင်ႉၼိုင်ဝႆၶွၼ်းၵႂႃႇ...

သိုၵ်းမၢၼ်ႈယိုတ်းမိူင်း ၸႂ်ႉၶိူင်ႈမိၼ် ပွႆႇမၢၵ်ႇသႂ်ႇ ၼႂ်းၸႄႈဝဵင်းမိၼ်းတႅတ်ႉ ၸႄႈမိူင်းၶျၢင်း 3 ဝၼ်းထပ်းၵၼ် ႁဵတ်းႁႂ်ႈၵူၼ်းမိူင်း မၢတ်ႇၸဵပ်းလူႉတၢႆ ႁိူၼ်းယေးၵေႃႈလူႉၵွႆၼမ်ၼႆ ၸုမ်း ၾၢႆႇၽွင်းငမ်း ပိုၼ် ၽၢဝ်ႇပဵၼ်တၢင်းၵၢၼ်ဝႆႉ ၼင်ႇၼႆ။ တႄႇဝၼ်းတီႈ 15 တေႃႇထိုင် 17 ၼႂ်းလိူၼ်မေႊၼႆႉ ၶိူင်ႈမိၼ်သိုၵ်းမၢၼ်ႈ ပွႆႇမၢၵ်ႇသႂ်ႇၼႂ်းၸႄႈဝဵင်း မိၼ်းတႅတ်ႉၵူႈဝၼ်း၊ ၸႂ်ႉပႃးမၢၵ်ႇသႅၼ်း ပလႅတ်ႈသတႃႊ...

တၢင်းပဵၼ်ၶူဝ်ႊဝိတ်ႉ - 19 ၽႄႈလၢမ်းၶိုၼ်ႈသုင်ၶိုၼ်း ၼႂ်းပိုၼ်ႉတီႈဢေႊသျႃႊ၊ ပိူင်လူင် ပဵၼ်ၼႂ်းမိူင်းၶႄႇ၊ မိူင်းႁွင်ႊၵွင်ႊ၊ မိူင်းထႆး၊ မိူင်းသိင်ႊၵပူဝ်ႊ ၸိူဝ်းၼႆႉ ယွၼ်ႉၼၼ် ႁွင်ႈၵၢၼ် ၽွင်းလူင်ၾၢႆႇ ပၢႆးယူႇလီ မိူင်းမလေးသျႃးၵေႃႈ လႆႈပၵ်းတႃပႂ်ႉတူၺ်းၸွမ်း ငဝ်းလၢႆးတၢင်းပဵၼ်ၶူဝ်ႊဝိတ်ႉ ၼႂ်းမိူင်းၼွၵ်ႈမိူင်းဝႆႉယူႇ ဝႃႈၼႆ။ ၼႂ်းၶၢဝ်းတၢင်းၼိုင်ႈဝူင်ႈ ၵူၼ်းတိတ်းၸပ်းတၢင်းပဵၼ်ၶူဝ်ႊဝိတ်ႉ - 19 တီႈမိူင်းမလေးသျႃး...

ၶမ်ႈၶိုၼ်းလိုၵ်းယဵၼ် ၽွင်းၵူၼ်းလပ်းမွႆႈၼွၼ်းဝၢၼ် ပႃႈၼၢင်းၵေႃႉၼိုင်ႈ  ဢမ်ႇၸၢင်ႈလပ်း ၸၢင်ႈၼွၼ်း ။ တေဝႃႈ  ယွၼ်ႉပၢႆးယူႇလီၵေႃႈဢမ်ႇၸႂ်ႈ၊ ယွၼ်ႉငဝ်းလၢႆးပၢင်တိုၵ်းသိုၵ်းသိူဝ် ၼႆၵေႃႈဢမ်ႇၸႂ်ႈ ယွၼ်ႉဝႃႈ မိူင်းတႆးပွတ်းၸၢၼ်းၼႆႉဢမ်ႇမီးပၢင်တိုၵ်းဢၼ်ထိုင်တီႈလႆႈၵူဝ် ၶိူင်ႈမိၼ်မႃးပွႆႇမၢၵ်ႇ။ ပဵၼ်ယွၼ်ႉ ပႃႈၼၢင်း ၵပ်းသိုပ်ႇၽူၼ်ႊတေႃႇၸူးလုၵ်ႈယိင်း ဢမ်ႇလႆႈလႄႈ ၼႂ်းၸႂ်ၼႆႉမႆႈမိူၼ်ၼင်ႇၾႆး။  ၼွၼ်းဢမ်ႇလပ်း တေလုၵ်ႉဢမ်ႇၸၢင်ႈ တေယၢင်ႈဢမ်ႇထုၵ်ႇ။ ၶွင်ပိူဝ်ႈလုၵ်ႈယိင်းပႃႈၼၢင်း ၸိုဝ်ႈႁွင်ႉ ၼၢင်းဢေးၼွင်ႉ...

SHRF ပိုၼ်ၽၢဝ်ႇဢွၵ်ႇမႃး ၶႅပ်းႁၢင်ႈလၢဝ်ပွမ် ပိူင်းၼႄၵၢၼ်ၶုတ်းႁႄႈ ၼႂ်းမိူင်းသၢတ်ႇ ၸိုင်ႈတႆးပွတ်းဢွၵ်ႇၶူင်း ဢၼ်ႁၢင်ႇၵႆလႅၼ်လိၼ်ထႆး 25 ၵီႊလူဝ်ႊမႄႊတိူဝ်ႊၼၼ်ႉ ဝႃႈၼႆ။ ဝၼ်းတီႈ 15/05/2025 ပူၼ်ႉမႃးၼႆႉ ယူႇတီႈ ၵဝ်ႉငဝ်ႈသုၼ်ႇလႆႈၵူၼ်းၸိုင်းတႆး SHRF ဢွၵ်ႇၽိုၼ်တၢမ်းငဝ်းလၢႆး ၵဵဝ်ႇလူၺ်ႈၶႅပ်းႁၢင်ႈလၢဝ်ပွမ် ပိူင်းၼႄဝႃႈ လႅပ်ႈမီးၵၢၼ်ၶုတ်းႁႄႈ ႁႃယၢပ်ႇ (Rare Earth) သွင် ပိုၼ်ႉတီႈ...

တႄႇဝၼ်းတီႈ 17/05/2025 ၼႆႉမႃးတေႃႇထိုင်ဝၼ်းမိူဝ်ႈၼႆႉ သိုၵ်းမၢၼ်ႈတင်း ပျီႇတူႉၸိတ်ႉပဢူဝ်း PNO ႁူမ်ႈၵၼ်ပိုတ်းယိုဝ်းၵၼ်တင်း ၸုမ်းၵႅတ်ႇၶႄႇၵူၼ်းမိူင်း PDF ႁၢဝ်ႈႁႅင်း ၼႂ်းၵႄႈၸႄႈဝဵင်းပၢင်လွင်း - ၸႄႈဝဵင်းၾၢႆၶုၼ် တီႈဝၢၼ်ႈသွင်းပျွင်း ၾၢႆႇတင်းသိုၵ်းမၢၼ်ႈ ၽဝ်ႁိူၼ်းၵူၼ်းပိုၼ်ႉတီႈလူႉသုမ်းပႃး။ ၼၢင်းယိင်း ၵူၼ်းဝၢၼ်ႈသွင်းပျွင်း လၢတ်ႈၽူႈတွႆႇႁွၵ်ႈဝႃႈ - “ၸဵမ်လႂ် PNO ႁၢမ်ႈၵူၼ်းမိူင်းဢွၵ်ႇၼွၵ်ႈႁိူၼ်း ယေး။ ၵူၺ်းၾၢႆႇၼိုင်ႈၵေႃႈ...

ႁူဝ်လိူၼ်မေႊ ပီ 2025 ၼႆႉ ငဝ်ႈငုၼ်းတီႇမူဝ်ႇၶရေႇၸီႇၸိူဝ်ႉၶိူဝ်းတႆး SNLD ပႃႇတီႇႁူဝ်သိူဝ် ဢၼ်လႆႈ ၶႅပ်းၵၢင်ၸႂ်ၼမ်လိူဝ်ပိူၼ်ႈသုတ်း ၼႂ်းမိူင်းတႆးၼၼ်ႉ ၶိုၼ်းဢုပ်ႇဢူဝ်းငူပ်ႉငီႉ ထတ်းသၢင်လွင်ႈတေဢမ်ႇ တၢင်ႇမၢႆၾၢင် တီႈၶွမ်ႊမသျိၼ်ႊ ၵေႃၵမ်ၵၢၼ်လိူၵ်ႈတင်ႈ UEC ဢၼ်မီးၾၢႆႇတႂ်ႈၵုမ်းၵမ်သိုၵ်းမၢၼ်ႈၼၼ်ႉ ၼႆယဝ်ႉ။ ပၢင်လိူၵ်ႈတင်ႈဢၼ်သိုၵ်းမၢၼ်ႈပိုၼ်ၽၢဝ်ႇ တေၸတ်းႁဵတ်း ၼႂ်းႁၢင်ပီ 2025 ဢမ်ႇၼၼ် ႁူဝ်ပီ 2026...

ၵူၼ်းထဝ်ႈမိူဝ်ႈၵွၼ်ႇ ၵႆႉလႄႇလၢတ်ႈႁင်းလုၵ်ႈဢွၼ်ႇဝႃႈ ပေႃးႁဵတ်းၽိတ်းသေပိူင်ပိူင် ၸၢင်ႈၺႃးၾႃႉ ၽႃႇ လိၼ်ဢိုၼ်ၼႆဝႃႈ။ ၵူၺ်းၵႃႈ ငဝ်းလၢႆးၵၢပ်ႈဝၢၼ်ႈပၢၼ်မိူင်းယၢမ်းလဵဝ် ၽေးႁုၵ်ႉႁၢႆႉၸၢင်ႈပဵၼ်လႆႈ ၵူႈၵေႃႉလႄႈ ၵူႈတီႈ။ ၵူဝ်ၺႃးၽေးၾႃႉၽႃႇလႄႈ ၵမ်ႈၼမ် တေဢွၼ်ၵၼ်သႂ်ႇၶိူင်ႈႁႄႉၾႃႉၽႃႇ ၸဵမ်မိူဝ်ႈသၢင်ႈႁိူၼ်းယေး။ ၸိူင်ႉႁိုဝ်ၵေႃႈယႃႇ တႃႇတေလွတ်ႈ ၽေးၾႃႉၽႃႇၼႆႉၵေႃႈ ပဵၼ်လွင်ႈဢၼ်လီ လဵပ်ႈႁဵၼ်းဝႆႉယူႇ။ ၽေးၾႃႉၽႃႇၼႆႉ ၸၢင်ႈထူပ်းၺႃး မိူဝ်ႈၾိင်ႈၾႃႉရႃႇသီႇၵိုင်ႉၵၢင်ႉလႅၵ်ႈလၢႆႈ။ ၵမ်ႈၼမ်ၵေႃႈ တေပဵၼ်ၶၢဝ်းႁူဝ်ၾူၼ်...

မိူဝ်ႈၼႆႉ ဝၼ်းတီႈ 19/05/2025 သိုၵ်းမၢၼ်ႈ ၸီႉသင်ႇ ႁႂ်ႈၶႃႈႁၢပ်ႇၵၢၼ်ၶုၼ် ၼႂ်းႁွင်ႈၵၢၼ် ၾၢႆႇၵူတ်ႇထတ်း ၶဝ်ႈဢွၵ်ႇမိူင်း ပိုတ်ႇလုမ်းပဵၼ်တၢင်းၵၢၼ်သေ တႄႇပၼ်ႇၵၢၼ်ၵႂႃႇ တီႈဝဵင်းလႃႈ သဵဝ်ႈ ၸိုင်ႈတႆးပွတ်းႁွင်ႇ။ သိုၵ်းမၢၼ်ႈပိုတ်ႇၶိုၼ်း ႁွင်ႈၵၢၼ်လုမ်းၼႆသေတႃႉ တႃႇတေပၼ်ႇၵၢၼ်ၵႂႃႇလႆႈတႄႉတႄႉၼႆၼၼ်ႉ ယင်းတိုၵ်ႉမီးလွင်ႈယၢပ်ႇလၢႆလၢႆလွင်ႈယူႇလႄႈ ၾၢႆႇသိုၵ်းမၢၼ်ႈ တေႃႉတႄႉ တေပိုတ်ႇလႆႈ ပဵၼ်တၢင်းၵၢၼ်ဢဝ်ၼႃႈဢဝ်တႃ မွၵ်ႈၼၼ်ႉၵူၺ်းၼႆ - ပီႈၸၢႆး...

မိူဝ်ႈဝႃး ဝၼ်းတီႈ 18/05/2025 ယၢမ်းၵၢင်ၼႂ် 10 မူင်း 40 မိၼိတ်ႉ ၵူၼ်းပၢႆႈၽေးသိုၵ်း တီႈၵျွင်းၶဵဝ်ၶမ်း ဢၼ်မီးတီႈတၢင်းၽႄ ဢိူင်ႇဢုမ်ႇတီး ၸႄႈဝဵင်းၼွင်ၶဵဝ်ၼၼ်ႉ ၺႃးယိုဝ်းတၢႆၵေႃႉၼိုင်ႈ ၵူၼ်းပိုၼ်ႉတီႈလၢတ်ႈဝႃႈ ပဵၼ်သိုၵ်းတဢၢင်း TNLA ယိုဝ်း ဝႃႈၼႆ။ သိုၵ်းတဢၢင်း TNLA ၼႆႉ ပိူဝ်ႈတႃႇလေႃႇတိုၵ်းလႄႈ ႁပ်ႉတိုၵ်းသိုၵ်းမၢၼ်ႈၼႆသေ ဢဝ်ၼႃႈတီႈယူႇဝႆႉၼႂ်း...