ၸဝ်ႈၼႃႈတီႈထႆး ၸိူဝ်းပႂ်ႉဢဝ်ႁူမ်ႇလူမ်ႈ ၼႂ်းၸႄႈဝဵင်းမႄႈသွတ်ႇ လႅၼ်လိၼ်ထႆး – မၢၼ်ႈၼၼ်ႉ ၵူတ်ႇထတ်းတီႉၺွပ်းလႆႈ ႁႅင်းၵၢၼ်ၵူၼ်းမိူင်းမၢၼ်ႈ 5 ၵေႃႉ ၸိူဝ်းဢမ်ႇမီးဝတ်းဝႂ်သင် ဝႃႈၼႆ။
ဝၼ်းတီႈ 14/07/2025 ယၢမ်းၵၢင်ၶမ်ႈ 7 မူင်းၶိုင်ႈ ၸဝ်ႈၼႃႈတီႈထႆး ၵူတ်ႇထတ်းတီႉၺွပ်းလႆႈ ႁႅင်းၵၢၼ်မိူင်းမၢၼ်ႈ 3 ၵေႃႉ တီႈၵဵတ်ႉလၢၼ်ႇ ၼႂ်းပွၵ်ႉ 6 ၸႄႈဝဵင်းမႄႈပႃႉ။ ႁႅင်းၵၢၼ်မိူင်းမၢၼ်ႈၼၼ်ႉ ယူႇဝႆႉၼႂ်းၸႄႈဝဵင်းမႄႈသွတ်ႇ ၸိုင်ႈထႆးသေတႃႉ ဢမ်ႇမီးဝတ်းဝႂ်သင်ပဵၼ်တၢင်းၵၢၼ်။
ပူၼ်ႉမႃး ၼႂ်းဝၼ်းတီႈ 13 ၼၼ်ႉၵေႃႈ ၵူတ်ႇထတ်းတီႉၺွပ်းလႆႈ ႁႅင်းၵၢၼ်မိူင်းမၢၼ်ႈထႅင်ႈ 2 ၵေႃႉ ဝႃႈၼႆ။
မိူၼ်ၼႆ ၼႂ်းဝၼ်းဢႃးတိတ်ႉပူၼ်ႉမႃးၼႆႉၵူၺ်း ၸဝ်ႈၼႃႈတီႈထႆး တီႉၺွပ်းလႆႈႁႅင်းၵၢၼ်မိူင်းမၢၼ်ႈ ၸိူဝ်းၶဝ်ႈမိူင်းထႆးဢမ်ႇၸႂ်ႈတၢင်းၵၢၼ် 11 ၵေႃႉ တီႈဢယုထယႃး။
ၼႂ်းလိူၼ်ၵျုၼ်ႊ ပူၼ်းမႃးၼႆႉ ၶၢဝ်းတၢင်းၼိုင်ႈလိူၼ် ႁႅင်းၵၢၼ်မိူင်းမၢၼ်ႈ ၸိူဝ်းၶဝ်ႈၵႂႃႇမိူင်းထႆး ဢမ်ႇၸႂ်ႈတၢင်းၵၢၼ်သေ ၺႃးတီႉၺွပ်း ဢမ်ႇယွမ်း 370 ၵေႃႉ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ