ၾႆးမႆႈပၢင်သဝ်းၵူၼ်းပၢႆႈၽေး မႄႈလဢုၼ် ၸႄႈတွၼ်ႈမႄႈႁွင်ႈသွၼ် ၸိုင်ႈထႆးပွတ်းႁွင်ႇ ၵူၼ်းပၢႆႈၽေးတႃႇ 4 ၼႃႈႁိူၼ်း  ႁၢမ်းႁႅၵ်းတီႈယူႇ။ ဝၼ်းတီႈ 13/10/2018 ၼႆႉ သိုဝ်ႇၶၢဝ်ႇမႄႈႁွင်ႈသွၼ်ပိုၼ်ၽၢဝ်ႇဝႃႈ ၾႆးမႆႈပၢင်သဝ်းၵူၼ်းပၢႆႈၽေး မႄႈလဢုၼ် မႄႈႁွင်ႈသွၼ် ၾႆးမႆႈတႃႇ 7 လင် ဢၼ်မႆႈမူတ်းမီး 4 လင်ၵူၼ်းထူပ်းတၢင်းယၢပ်ႇ ႁၢမ်းႁႅၵ်းတီႈ ယူႇတီႈၵိၼ်မွၵ်ႈ 20 ၵေႃႉ။ ပလိၵ်ႈထႆးလၢတ်ႈဝႃႈ...

ပလိၵ်ႈမၢၼ်ႈ တီႉလႆႈၶိူင်ႈတူမ်ႈႁုင်( ႁဵတ်း) ယႃႈမဝ်းၵမ် ၼိူဝ်သဵၼ်ႈတၢင်း လွႆလႅမ် - တူၼ်ႈတီး တႃႇၶၼ်ငိုၼ်း 1,422 သႅၼ်ပျႃး ဝႃႈၼႆ။ ဝၼ်းတီႈ 14/10/2018 ယၢမ်းၵၢင်ဝၼ်း ၶွမ်ႊမတီႊ ၾၢႆႇၽဵဝ်ႈမူၺ်ႉယႃႈမဝ်းၵမ် ပိုၼ်ၽၢဝ်ႇဢွၵ်ႇဝႃႈ တီႉလႆႈၶိူင်ႈ တူမ်ႈႁုင် (ႁဵတ်း) ယႃႈမဝ်းၵမ် ၼိူဝ်သဵၼ်ႈတၢင်း တူၼ်ႈတီး -...

ပီႈၼွင်ႉၸိူဝ်ႉၶိူဝ်းလုၵ်ႈလၢင်း ၸဝ်ႈသူၺ်ႇတႅၵ်ႈ ၸဝ်ႈၾႃႉလူင်မိူင်းယွင်ႁူၺ်ႈ တေဢဝ်ႁုၼ်ႇႁၢင်ႈတွင်းၸဝ်ႈ ဝႆႉတီႈ ၶုမ်ၵုတ်းမၼ်းၸဝ်ႈ တႃႇႁႂ်ႈပဵၼ်တီႈမၢႆတွင်း ဝႃႈၼႆ။ ဝၼ်းတီႈ 19/10/2018 ယၢမ်းၵၢင်ဝၼ်း 11 မူင်း ပီႈၼွင်ႉၸိူဝ်ႉၶိူဝ်းလုၵ်ႈလၢင်း ၸဝ်ႈသူၺ်ႇတႅၵ်ႇ ၸဝ်ႈၾႃႉယွင်ႁူၺ်ႈ ႁူမ်ႈတင်း ၵူၼ်းမိူင်း၊ ၸုမ်းတူင်ႉၼိုင်တူင်ႇဝူင်းၵူၼ်း၊ ပႃႇတီႇၵၢၼ်မိူင်းလႄႈ ႁွင်ႈၵၢၼ်လူင်ပွင်ၸိုင်ႈ တေဢွၼ်ၵၼ် ၼမ်းဢဝ်ႁုၼ်ႇႁၢင်ႈ ၸဝ်ႈသူၺ်ႇတႅၵ်ႈ ဢၼ်လေႃႇ(သွၼ်း)...

တေႃႇဢွင်ႇသၢၼ်းသူႉၵျီႇ တိုၵ်းသူၼ်း လၢတ်ႈတီႈၼႂ်းပၢင်ၵုမ်သႅၼ်းၽူႈၼမ်းသုင်သုတ်းဝႃႈ လွင်ႈၽၢတ်ႇဢွၵ်ႇၼၼ်ႉ ယႃႇႁႂ်ႈလႆႈပဵၼ် ႁႂ်ႈႁူမ်ႈၵၼ် ၵေႃႇသၢင်ႈမိူင်းႁူမ်ႈတုမ် ၸွမ်းၵၼ်ၵႂႃႇ ဝႃႈၼႆ။ ပၢင်ၵုမ်သႅၼ်းၽူႈၼမ်းသုင်သုတ်းၼႆႉ တႄႇၸတ်းႁဵတ်း ၼႂ်းဝၼ်းတီႈ 15/10/2018 ၵႂႃႇ မီးၾၢႆႇၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း ဢၼ်လူင်းလၢႆးမိုဝ်း NCA၊ ၾၢႆႇလူင်ပွင်ၸိုင်ႈ၊ တပ်ႉသိုၵ်းမၢၼ်ႈလႄႈ ၾၢႆႇသၽႃး ႁူပ်ႉဢုပ်ႇၵၼ် တီႈၼေႇ ပျီႇတေႃႇ တႃႇၶၢဝ်းတၢင်း...

ၼႂ်းႁၢင်လိူၼ်ၼႆႉ တေထိုင် ဝၼ်းၵိူတ်ႇပႃႇတီႇႁူဝ်သိူဝ် SNLD ၶွပ်ႈတဵမ် 30 ပီ ယဝ်ႉလႄႈ ၵိင်ႇၽႄပႃႇတီႇၸႄႈဝဵင်း ၼႂ်းမိူင်းတႆး လၢႆလၢႆတီႈ ဢွၼ်ၵၼ်ၸတ်းႁဵတ်းပၢင်ၵႅဝ်ႈဢဝ်ၵုင်ႇမုၼ်ႁပ်ႉတွၼ်ႈ ဝၼ်းၵိူတ်ႇလူင်ႈၼႃႈၵၼ် ဝႃႈၼႆ။ ဝၼ်းတီႈ 14/10/2018 ယၢမ်းၵၢင်ၶမ်ႈ ပႃႇတီႇႁူဝ်သိူဝ် SNLD ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း ၸတ်းႁဵတ်းပၢင်ၵႅဝ်ႈဢဝ်ၵုင်ႇမုၼ်ႁပ်ႉတွၼ်ႈဝၼ်းၵိူတ်ႇလူင်ႈၼႃႈ တီႈႁၢၼ်ႉၶဝ်ႈၽၵ်း မင်ႇၵလႃႇ ၸႄႈဝဵင်းတႃႈၶီႈ...

သင်ၶၸဝ်ႈ ႁူမ်ႈၵၼ်တေႁဵတ်းဢွၵ်ႇပပ်ႉ ၵေႃႉႁၢၼ်သႃသၼႃ တႃႇလွင်ႈငမ်းယဵၼ် မၢႆတွင်းၸဝ်ႈၶူး ၵလျႃႇၼ ဝမ်ႇသ ဢၼ်ထုၵ်ႇၺႃးၵူၼ်းႁၢႆႉယိုဝ်း လူႉလွၼ်ႇထင်တီႈ မိူဝ်ႈဝၼ်းတီႈ 05/10/2018။ ၸဝ်ႈတူၼ်ၶူးလူင် Dr.ၶမ်းမၢႆ ထမ်မသႃမိ ပၼ်တၢင်းၶႆႈၸႂ်သေ သင်ၶၸဝ်ႈ ၸတ်းႁဵတ်း ပၢင်ၵုမ် မိူဝ်ႈဝၼ်းတီႈ11/10/ 2018 လႆႈၸႂ်ၵၼ်ဝႃႈ တေႁဵတ်းဢွၵ်ႇပပ်ႉ ၵေႃႉႁၢၼ်သႃသၼႃ တႃႇလွင်ႈငမ်းယဵၼ် မၢႆတွင်းၸဝ်ႈၶူးၵလျႃႇၼ...

ၵေႃႁူမ်ႈသၢင်ႈၸိူဝ်ႉၸၢတ်ႈတႆး ၸတ်းႁဵတ်းပၢင်ဢုပ်ႇလၢတ်ႈတၢၼ်ႈၶႆႈၼႂ်းႁူဝ်ၶေႃႈ “ ၾိင်ႈယူႇၵိၼ်လႄႈ ၵၢၼ်ၸႂ်ႉတိုဝ်း IT ႁႂ်ႈမီးၽွၼ်းလီ” ႁႅင်းၵၢၼ်ယၢၼ်မိူင်းၼႂ်းၵဵင်းမႆႇ ဢိၵ်ႇၽူႈသူၼ်ၸႂ်ၶဝ်ႈႁူမ်ႈထွမ်ႇငိၼ်းမီး 400 ပၢႆ။ ဝၼ်းတီႈ 14/10/2018 ၵေႃႁူမ်ႈသၢင်ႈၸိူဝ်ႉၸၢတ်ႈတႆး Tai National Partnership Constructive Engagement ၸတ်းႁဵတ်းပၢင်ဢုပ်ႇလၢတ်ႈတၢၼ်ႈၶႆႈ ၵဵဝ်ႇလူၺ်ႈလွင်ႈ “ ၵၢၼ်သိုဝ်ႇသၢၼ် ပိုၼ်ႉႁူႉ ၾိင်ႈငႄႈ...

ၽူႈၼမ်းၼႂ်းၵူႈလွင်ႈလွင်ႈ ပႃႇတီႇႁူဝ်သိူဝ် ၸႄႈဝဵင်းလၢႆးၶႃႈ လူႉသဵင်ႈလူၺ်းတၢင်းပဵၼ်ထၢတ်ႈၸႂ်တူၵ်း။ ဝၼ်းတီႈ15/10/2018 ၶၢဝ်းယၢမ်းၵၢင်ၼႂ် 5:45 မူင်း ၸၢႆးမိူင်းၸိုၼ်ႈ ၽူႈၼမ်းၼႂ်းၵူႈလွင်ႈလွင်ႈ ပႃႇတီႇႁူဝ်သိူဝ် SNLD ဝဵင်းလၢႆးၶႃႈ လူႉသဵင်ႈသုတ်းမုၼ် လူၺ်ႈတၢင်းပဵၼ်ထၢတ်ႈၸႂ်တူၵ်း တီႈႁိူၼ်းမၼ်းၸၢႆး ပွၵ်ႉသွင် ဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း။ ၸၢႆးၵျေႃႇၸေႇယ ၽူႈတႅၼ်းသၽႃးၸႄႈမိူင်းမၢႆ 1 လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ - “...

မိူဝ်ႈၼႆႉ ဝၼ်းတီႈ 15/10/2018 တပ်ႉသိုၵ်းတဢၢင်း TNLA ဢွၵ်ႇၶေႃႈပိုၼ်ၽၢဝ်ႇဝႃႈ လူတ်းယွၼ်ႇတူတ်ႈတၢမ်ႇ ပွႆႇတူဝ်ၼၢင်းမူဝ်ႁွမ်ယဝ်ႉ ဝႃႈၼႆ။ ၼၢင်းမူဝ်ႁွမ် မႄႈလုၵ်ႈဢွၼ်ႇ 3 ၵေႃႉ ၵူၼ်းဝၢၼ်ႈပွၵ်ႉႁူဝ်ၼွင် ၸႄႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇၼၼ်ႉ ထုၵ်ႇ တပ်ႉသိုၵ်းတဢၢင်း TNLA တီႉၺွပ်းၵုမ်းၶင်တူဝ် မိူဝ်ႈဝၼ်းတီႈ 17/08/2018 ၼၼ်ႉသေ တေႃႈထိုင်ယၢမ်းလဵဝ် ဝၼ်းတီႈ...

တီႈလိၼ်သူၼ်ႁႆႈၼႃး ၵူၼ်းမိူင်း ၼႂ်းၸႄႈဝဵင်းၼွင်ၶဵဝ် တင်းၵျွၵ်ႉမႄး ဢၼ်လူင်ပွင်ၸိုင်ႈ ယိုတ်းဢဝ် တေႁဵတ်း သဵၼ်ႈတၢင်းမႂ်ႇလႄႈ ၶူဝ်ၵိုတ်ႈမႂ်ႇၼၼ်ႉ ယွၼ်ႉဝႃႈ လူင်ပွင်ၸိုင်ႈ တင်းၵူၼ်းမိူင်း ဢမ်ႇမီးလွင်ႈလူင်ႉလႅင်းတေႃႇၵၼ် သေ ထိုင်တီႈလႆႈတၢင်ႇထိုင် တီႈၼေႇပျီႇတေႃႇ ဝႃႈၼႆ။ ဝၼ်းတီႈ 11/10/2018 ယၢမ်းၵၢင်ၼႂ် 10 မူင်း ထိုင် 3 မူင်းဝၢႆးဝၼ်း...

သင်ၶၸဝ်ႈ ၸႄႈဝဵင်းမူႇၸေႊဢွၼ်ႁူဝ်ၼမ်းၼႃႈသေ ၸတ်းပၢင်ယွၼ်းသူးပၼ်ၸဝ်ႈတူၼ်ၶူး ၵလျႃႇၼဝမ်ႇသ ၸဝ်ႈၵွၼ်းဝတ်ႉၵျွင်းယွတ်ႈ ဝဵင်းၵျွၵ်ႉမႄး ဢၼ်ၺႃးၵူၼ်းႁၢႆႉ 2 ၵေႃႉယိုဝ်းသေလူႉလွၼ်ႇၵႂႃႇၼၼ်ႉ ဝႃႈၼႆ။ ပၢင်ယွၼ်းသူးၼႆႉ ၸတ်းႁဵတ်းမိူဝ်ႈဝၼ်းတီႈ 12/10/2018 ယၢမ်းၵၢင်ၶမ်ႈ မွၵ်ႈ 7 မူင်း တီႈဝတ်ႉ/ၵျွင်းၵွင်းမူးၶမ်း ဝတ်ႉ ၼၼ်ႇတႃႇဝၼ်ႇ ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ မီးၸဝ်ႈသင်ၶမူႇၸေႊ၊ ထုင်ႉမၢဝ်း၊ မႄႈႁိူၼ်းၼုမ်ႇလႄႈလုၵ်ႈ...

မုၵ်ႉၸုမ်းၼၢင်းယိင်းၸိုင်ႈတႆး SSWO ၸတ်းႁဵတ်းပွႆးလိုဝ်ႈပၢင်သွၼ် ၵၢၼ်ယုၵ်ႉမုၼ်းၼမ်ႉၵတ်ႉ ၽူႈဢွၼ်ႁူဝ် ၼၢင်း ယိင်းၼုမ်ႇ ၸုပ်ႈထီႉ 3 တီႈလုမ်းဢုပ်ႉပိူင်ႇ ငဝ်ႈငုၼ်းပႃႇတီႇမႂ်ႇသုင်ၸိုင်ႈ ဝဵင်းမႂ်ႇဝၢၼ်ႈႁႆး ၸႄႈဝဵင်းၵေးသီး ၸိုင်ႈတႆး ပွတ်းၸၢၼ်း မီးၽူႈယႂ်ႇၵူၼ်းလူင်ငဝ်ႈငုၼ်းလႄႈ ၵေႃႇမတီႇ ၶဝ်ႈႁူမ်ႈၸွမ်းတင်းၼမ်။ ပၢင်သွၼ်ဢၼ်လႆႈတႄႇပိုတ်ႇမိူဝ်ႈဝၼ်းတီႈ 08/07/2018 ၼၼ်ႉ ပိုတ်ႇသွၼ်ႁဵၼ်း ၶၢဝ်းတၢင်း  3 လိူၼ်...

သင်ၶၸဝ်ႈလႄႈ ၵူၼ်းမိူင်း ၶူဝ်လမ် ႁူမ်ႈၵၼ်တႆႈတဵၼ်းယွၼ်းသူးပၼ် ၸဝ်ႈတူၼ်ၶူးၵလျႃႇၼဝမ်ႇသ ဢၼ်ၺႃးၵူၼ်းႁၢႆႉ 2 ၵေႃႉၶဝ်ႈယိုဝ်းၼႂ်းဝၢင်းဝတ်ႉ ၵျွင်းယွတ်ႈ ဝဵင်းၵျွၵ်ႉမႄးသေ လႆႈလူႉလွၼ်ႇထင်တီႈၵႂႃႇၼၼ်ႉ။ ဝၼ်းတီႈ 11/10/2018 ယၢမ်းႁူဝ်ၶမ်ႈ 6:30 မူင်းၼၼ်ႉ သင်ၶၸဝ်ႈ ဢွၼ်ႁူဝ်ၼမ်းၼႃႈသေ ၸတ်းႁဵတ်း ပၢင်တႆႈ တဵၼ်းယွၼ်းသူး သူင်ႇမဵတ်ႉတႃႇပၼ် ၸဝ်ႈတူၼ်ၶူးၵလျႃႇၼဝမ်ႇသ ၽူႈၵွၼ်းဝတ်ႉၵျွင်းယွတ်ႈ ၸႄႈဝဵင်းၵျွၵ်ႉမႄး...

ၵူၼ်းမိူင်းသီႇပေႃႉတင်း ၽူႈတႅၼ်းသၽႃး ႁူမ်ႈၵၼ် ဢွၵ်ႇၶေႃႈပိုၼ်ၽၢဝ်ႇ သၢၼ်ၶတ်းလွင်ႈ သၢင်ႈၾၢႆၼိူဝ် မႄႈၼမ်ႉ တူႈႁၢဝ်ႈႁၢဝ်ႈႁႅင်းႁႅင်းလႄႈ တုၵ်းယွၼ်းႁႂ်ႈၵိုတ်းပႅတ်ႈၵၢၼ်သၢင်ႈၾၢႆသၢၼ်ၶတ်းဢၼ်သၽႃးႁူမ်ႈတုမ် ၽိူမ်ႉထႅမ် ငိုၼ်း တႃႇတေၵေႃႇသၢင်ႈၾၢႆထႅင်ႈၼၼ်ႉ ဝႃႈၼႆ။ ဝၼ်းတီႈ 12/10/2018 ယၢမ်းၵၢင်ၼႂ် 9 မူင်း ၵူၼ်းမိူင်းၼႂ်းပိုၼ်ႉတီႈ ၸႄႈဝဵင်းသီႇပေႃႉ/ ၵျွၵ်ႉမႄးတင်း ၽူႈတႅၼ်း သၽႃး မွၵ်ႈ 1000...

လူင်ပွင်ၸိုင်ႈမိူင်းထႆး တေႁဵတ်းမၢႆမီႈ ၵဵပ်းသဵၼ်ႈသၢႆမၢႆသတ်းလဵင်ႉ။ တေႁႂ်ႈၵူၼ်းၸိူဝ်းလဵင်ႉမႃ လဵင်ႉမႅဝ်းၵိုၵ်းႁိူၼ်းမႃးပၼ်သဵၼ်ႈသၢႆမၢႆတီႈလုမ်း။ သင်ဝႃႈဢမ်ႇမႃးပၼ်သၢႆမၢႆၸိုင် ၸၢင်ႈၺႃးမႂ်ငိုၼ်းၼပ်ႉႁူဝ်မိုၼ်ႇ။ ဝၼ်းတီႈ 10/10/2018 သိုဝ်ႇၶၢဝ်ႇ Dailynews ပိုၼ်ၽၢဝ်ႇဝႃႈ ၸွမ်သိုၵ်းသၼ်ႊသိူၼ်ႊ ၵႅဝ်ႊၵမ်ႊၼိူတ်ႊ ၽူႈၶၢၼ်ပၢၵ်ႇ လုမ်းၽွင်းလူင်မိူင်းထႆးဝႃႈ ႁၼ်လီၵမ်ႉထႅမ်ၸွမ်း လွင်ႈဢၼ်ႁွင်ႈၵၢၼ်ၾၢႆႇၽုၵ်ႇသွမ်ႈ ယိုၼ်ႈလဝ်ႈမႃးႁႂ်ႈမီးၵၢၼ်ၵဵပ်းသဵၼ်ႈသၢႆမၢႆ သတ်းလဵင်ႉၼႂ်းႁိူၼ်း မိူၼ်ၼင်ႇမႃ၊ မႅဝ်းတႃႇႁႄႉၵင်ႈလွင်ႈ ပေႃႉထုပ်ႉၶႃႈႁႅမ်သတ်းသေဢမ်ႇၵႃး တႃႇလူတ်းယွမ်းသတ်း ၵၢင်လၢႆဢၼ်တေ...