သင်ၶၸဝ်ႈတႆး လုၵ်ႈႁဵၼ်းၸၼ့်ၸွမ်မိူင်းၵွၵ်ႇ ႁူမ်ႈၵၼ်ၸတ်းႁဵတ်း ပၢင်ယွင်ႈၵုင်ႇသင်ၶၸဝ်ႈလႄႈ ပီႈၼွင့်တႆး 2 ၵေႃ့ ဢၼ်လႆႈႁပ့်သူး ၾၢႆႇပဵၼ်တူဝ်ယၢင်ႇလီ ပိုၼ်ၽႄႈသႃသၼႃတီႈမိူင်းထႆး။
ဝၼ်းတီႈ 10/12/2018 လုၵ်ႈႁဵၼ်းၸၼ့်ၸွမ်သင်ၶတႆး ၸတ်းႁဵတ်းပၢင်ယေႃးမုၼ်ၽူႈလႆႈႁပ့်သူး “ Naga Awards ” လႄႈ လူႇတၢၼ်းငိုၼ်းတိုၼ်းၵႃႈႁဵၼ်းသင်ၶၸဝ်ႈ။ ၽူႈလႆႈႁပ့်သူးၼၼ့်တႄ့ပဵၼ် ၸဝ်ႈတူၼ်ၶူး Dr.ၼေႃႇၶမ်းလႃ့ ၶူးပူင်သွၼ်ၸၼ့်ၸွမ်ပုတ့်ထ မိူင်းတႆး ဝဵင်းလူင်တူၼ်ႈတီး၊ ၸဝ်ႈလႅင်းသႂ်ႁိူင်း ၽူႈၼမ်းသိုၵ်း ၵူၼ်းမိူင်း ထုင့်ပၢင်ႇလႅင်းသႂ် ၸႄႈဝဵင်းၼမ့်ၸၢင်၊ ၼၢင်းၸၢမ်လႅင်း ၸဝ်ႈၶွင်ႁၢၼ့်ၶၢႆၶူဝ်းတႆး ငူၺ်ႇၸၢၼ်ႇဢဵင်ႇ ဝဵင်းလူင်တူၼ်ႈတီး ၸိူဝ်းၼႆ့ပၢင်ယွင်ႈယေႃးမုၼ်ၼႆ့ ၸတ်းႁဵတ်းတီႈ ၸၼ့်ၸွမ် မႁႃၸူးလႃႊလူင်ႊၵွၼ်ႊ ဝင်းၼွႆ့ ၸႄႈတွၼ်ႈ ဢယုတ့်ထယႃး ၸိုင်ႈထႆးပွတ်းၵၢင်။
ၸဝ်ႈၸၼ်တ သႃမိ လုၵ်ႈႁဵၼ်းသင်ၶၸဝ်ႈ လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ဢၼ်ႁဝ်းၶႃႈ ၸတ်းႁဵတ်းၼႆ့ ပိူဝ်ႈယုၵ့်ယွင်ႈပီႈၼွင့်တႆး ဢၼ်မီးၼမ့်ၸႂ် ၼမ့်ၵတ့်သေ ပူၵ်းပွင်တူင်ႇဝူင်းၵူၼ်း လႄႈပိုၼ်ၽႄႈသႃသၼႃ လိူဝ် ၼၼ့် ပေႃႈဢွၵ်ႇလႅင်းသႂ်ႁိူင်းလႄႈ မႄႈဢွၵ်ႇၸၢမ်လႅင်း ယင်းမွပ်ႈ ငိုၼ်းပၼ်သင်ၶၸဝ်ႈ ၼိုင်ႈတူၼ်လႂ် 2000 ပၢတ်ႇဢေႃႈ ယူႇတီႈၸဝ်ႈႁဝ်းပဵၼ်တူဝ်တႅၼ်းသင်ၶႁဝ်းသေ ပဵၼ်ဢၼ်ယိၼ်းၸူမ်းတႄ့ၶႃႈ” ဝႃႈၼႆ။
မိူဝ်ႈဝၼ်းတီႈ 08/12/2018 ၼၼ့် ၾၢႆႇႁဵတ်းၵၢၼ်သႃသၼႃလုမ်ႈၾႃ့၊ ၾၢႆႇပူၵ်းပွင်ၵူၼ်းၼုမ်ႇလႄႈ ၾၢႆႇသိုဝ်ႇၶၢဝ်ႇထႆး ႁူမ်ႈၵၼ်ၸတ်းႁဵတ်းပၢင်မွပ်ႈယိုၼ်ႈသူးရၢင်းဝလ်း Naga Awards ပၼ်ၽူႈၵူၼ်းလီ ဢၼ်ႁဵတ်းသၢင်ႈပူၵ်းပွင်တူင်ႇဝူင်းၵူၼ်း ၊ ပၢႆးပၺ်ၺႃ၊ ပၢႆးသႃသၼႃၸိူဝ်းၼႆ့ ။ ၼႂ်းပၢင်မွပ်ႈယိုၼ်ႈသူး Naga Awards ၼၼ့်လႆႈမွပ်ႈယိုၼ်ႈ ပၼ် ၽူႈဢၼ်ႁဵတ်းၵၢၼ်တွၼ်ႈတႃႇၵူၼ်းၼမ်လႄႈ ၽူႈဢၼ်ပိုၼ်ၽႄႈၽုတ့်ထသႃသၼႃ မိူင်းထႆး၊ မိူင်းၵမ်ႊပူႊၶျႃႊ၊ မိူင်းသီရိလင်းၵႃႊ၊ မိူင်းဢိၼ်ႊၻီႊယိူဝ်ႊ၊ မိူင်းလၢဝ်း၊ မိူင်းပင်းၵလႃႊၻဵတ့်ၶျ် မိူင်းၶႄႇလႄႈ မိူင်းႁူမ်ႈတုမ်မၢၼ်ႈၸိူဝ်းၼႆ့ ၼပ့်ဢၢၼ်ႇႁူဝ်ပၢၵ်ႇ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ