ႁွင်ႈၵၢၼ်ၾၢႆႇႁူမ်ႇလူမ်ႈ ၸႄႈမိူင်းတႆး ပိုၼ်ၽၢဝ်ႇဢွၵ်ႇဝႆႉဝႃႈ တီႉလႆႈယႃႈမႃႉ 3,970 မဵတ်ႉ ၼႂ်းၸႄႈဝဵင်းတူၼ်ႈတီး ဝႃႈၼႆ။ ဝၼ်းတီႈ 17/10/2018 သိုဝ်ႇၶၢဝ်ႇ The ladies News ဢွၵ်ႇဝႆႉ ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် ၼႂ်းၸႄႈဝဵင်း တူၼ်ႈတီး ၵူတ်ႇထတ်းတီႉၺွပ်းလႆႈယႃႈမႃႉၼႂ်းရူတ်ႉၵႃး လမ်းၼိုင်ႈ တီႈဝၢၼ်ႈသႃႇၶႄႉ ဢိူင်ႇလွႆတေႃႇ ၸႄႈဝဵင်း တူၼ်ႈတီး ၸိုင်ႈတႆးပွတ်းၸၢၼ်း။ ၵႃးၼၼ်ႉ...

ၶွမ်ႊမတီႊၾၢႆႇၽဵဝ်ႈမူၺ်ႉယႃႈမဝ်းၵမ် ပိုၼ်ၽၢဝ်ႇဢွၵ်ႇဝႆႉ တီႉလႆႈယႃႈၾိၼ်ႇၽိူၵ်ႇ ၼႂ်းၸႄႈဝဵင်းၵေးသီး ၶၼ်ငိုၼ်း 2 မိုၼ်ႇသႅၼ်ပျႃးပၢႆလႄႈ ၶိူင်ႈတူမ်ႈႁုင် ယႃႈမဝ်းၵမ် ၶၼ်ငိုၼ်း 1,500 သႅၼ်ပျႃး ဝႃႈၼႆ။ ဝၼ်းတီႈ 14/10/2018 ၽူႈမီးပုၼ်ႈၽွၼ်း တပ်ႉသိုၵ်းလႄႈ ပလိၵ်ႈမၢၼ်ႈ ၵူတ်ႇထတ်းတီႉလႆႈ ယႃႈမဝ်းၵမ် ဢၼ် လၵ်ႉတၢင်ႇမႃးၸွမ်းရူတ်ႉၵႃးလူင်လမ်းၼိုင်ႈ တီႈႁူဝ်ဝၢၼ်ႈၵွင်းလၢင်း ဢိူင်ႇဝၢၼ်ႈဝၢပ်ႈ ၸႄႈဝဵင်းၵေးသီး...

ၸဝ်ႈၼႃႈတီႈပလိၵ်ႈထႆး ႁူမ်ႈၵၼ်တီႉၺွပ်း ၵူၼ်းမိူင်းတႃႈၶီႈလဵၵ်း ဢၼ်လၵ်ႉလွမ်ၶၢမ်ႈလႅၼ်လိၼ် ၶဝ်ႈမိူင်းထႆး။ ဝၼ်းတီႈ 17/10/2018 ၸဝ်ႈၼႃႈတီႈၾၢႆႇၵူတ်ႇထတ်းၵူၼ်းၶဝ်ႈမိူင်း ဝဵင်းၵဵင်းႁၢႆး တီႉၺွပ်းၵူၼ်းမိူင်း တႃႈၶီႈလဵၵ်းၵူၼ်း ၸၢႆး 2 ၵေႃႉ ၵူၼ်းယိင်း 2 ၵေႃႉဢၼ်လုၵ်ႉၾင်ႇဝဵင်းတႃႈၶီႈလဵၵ်း လၵ်ႉၶၢမ်ႈၼမ်ႉၶဝ်ႈဝဵင်းမႄႈသၢႆ ပိူဝ်ႈဢႅဝ်ႇလႄႇလႄႈ     ႁဵတ်းၵၢၼ်ႁပ်ႉၸၢင်ႈ ၸိူဝ်းၼႆႉ။ ၼၢင်းယိင်း ၵူၼ်းတႃႈၶီႈလဵၵ်းလၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ “ မၢင်ပွၵ်ႈမၢင်လႂ်လူဝ်ႇႁိပ်ႈၵႂႃႇႁိပ်ႈမႃးလႄႈ...

ပွႆးလိူၼ် 12 မူၼ်း ဢမ်ႇၼၼ် ပွႆးၶေႉၶႅင်ႇႁူင်းၾႆးမိၼ် ဢၼ်ၸတ်းႁဵတ်းမႃးၵူႈပီ တီႈဝဵင်းတူၼ်ႈတီး ၸိုင်ႈတႆးပွတ်း ၸၢၼ်းၼၼ်ႉ ၸွမ်းၼင်ႇၵူၼ်းမိူင်းတုၵ်းယွၼ်းသေ လူင်ပွင်ၸိုင်ႈမိူင်းတႆးပၼ်ဢၼုၺၢတ်ႈၸတ်း 10 ဝၼ်း မိူၼ်ၵူႈပီ ဝႃႈၼႆ။ ဝၼ်းတီႈ 17/10/2018 ယၢမ်းဝၢႆးဝၼ်း ၶွမ်ႊမတီႊပွင်ပဵၼ်ပၢင်ပွႆးပွႆႇႁူင်းၾႆးမိၼ် တင်း လုမ်းတူဝ်တႅၼ်းၸႄႈမိူင်းတႆး ႁူပ်ႉဢုပ်ႇဢူဝ်းငူပ်ႉငီႉၵၼ် တီႈၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း တူၵ်းလူင်းလႆႈၸႂ်ၵၼ်...

ၸုမ်းပွင်ၵၢၼ်ပွႆးပီမႂ်ႇတႆး (ပီတႆး 2113) ၼီႈ ဝဵင်းလႃႈသဵဝ်ႈ မႃးႁပ်ႉတုင်းပီမႂ်ႇတႆး တီႈၼႂ်းမိုဝ်းၸုမ်းပွင်ၵၢၼ်ပွႆးပီမႂ်ႇတႆး (ပီတႆး 2109) ၼီႈတီႈတူၼ်ႈတီး တႃႇၸတ်းပွႆးပီမႂ်ႇတႆး (ပီတႆး 2113) ၼီႈ ၵိုၼ်းၶွၼ်ႈယႂ်ႇလူင် တီႈဝဵင်းလႃႈသဵဝ်ႈ။ ၶွမ်ႊမတီႊၸတ်းပွႆးလႃႈသဵဝ်ႈႁွတ်ႈထိုင်ဝဵင်းတူၼ်ႈတီး မိူဝ်ႈဝၼ်းတီႈ 16/10/2018 ႁပ်ႉဢဝ်တုင်းပီမႂ်ႇတႆး ၼႂ်းမိုဝ်း ႁူဝ်ပဝ်ႈၶွမ်ႊမတီႊၸတ်းပွႆးပီမႂ်ႇတႆး (ပီတႆး 2109) ၼီႈ...

လႅၼ်လိၼ်တႆး - ၶႄႇ ၸႄႈဝဵင်းမူႇၸေႊၼၼ်ႉ ၸဝ်ႈၼႃႈတီႈၶႄႇ ပႃးၵွင်ႈၸေးမိုဝ်းၶၢမ်ႈလႅၼ်လိၼ်ၶဝ်ႈမႃး ႁၢမ်ႈႁႄႉ ၵူၼ်းမိူင်းမူႇၸေႊဢမ်ႇပၼ်သၢင်ႈလုမ်းၶွမ်ႊမတီႊၵၢတ်ႇၸၢင်ႉၽိူၵ်ႇတီႈၼိူဝ်လႅၼ်လိၼ် ႁဵတ်းႁႂ်ႈၵူၼ်းမိူင်း တူၵ်းၸႂ် တိုၼ်ႇသၢၼ်ႈ ဝႃႈၼႆ။ ဝၼ်းတီႈ 17/10/2018 ယၢမ်းၵၢင်ၼႂ် 8 မူင်း ၸဝ်ႈၼႃႈတီႈၾင်ႇမိူင်းၶႄႇ ပႃးၵွင်ႈၸေးမိုဝ်းမွၵ်ႈ 20 ၵေႃႉ ၶဝ်ႈမႃး ၾင်ႇၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇသေ ထဵင်မေႃးလွင်ႈပူၼ်ႉပႅၼ်ၶဝ်ႈတီႈလိၼ်...

ၽွင်းၽူႈၼမ်းၸုမ်းယိပ်းၵွင်ႈၵၢင်ႇၸၢဝ်းၶိူဝ်း 10 ၸုမ်း ႁူပ်ႉထူပ်းဢုပ်ႇဢူဝ်းၵၼ် တီႈၼေႇပျီႇတေႃႇၼၼ်ႉ သိုၵ်းပ ဢူဝ်း PNLA လႄႈတပ်ႉသိုၵ်းၸိုင်ႈတႆး RCSS/SSA ပဵၼ်ပၢင်တိုၵ်းၵၼ် ပွတ်းမိူင်းပၼ်ႇ ၼႂ်းဝၼ်းလဵဝ် ပဵၼ် 2 ပွၵ်ႈ။ ဝၼ်းတီႈ 16/10/2018 ယၢမ်းၵၢင်ၼႂ် မွၵ်ႈ 5:45 မူင်းၼၼ်ႉ သိုၵ်းပဢူဝ်း PNLA တင်း...

ပၢင်ပွႆးမႁႃသတိပထၢၼ်ႇ ပၢင်ၵုမ်လူင် ၺီႇလႃႇၶၢမ်ႇသင်ၶၸဝ်ႈ ၼႂ်းၸိုင်ႈတႆး ၵမ်းထူၼ်ႈ 53 ၼႆႉ တေၸတ်းႁဵတ်းတီႈ ၸႄႈဝဵင်းၵဵင်းတုင် ဝႃႈၼႆ။ ဝၼ်းတီႈ 11/10/2018 ၶွမ်ႊမတီႊပွင်ပဵၼ်ပၢင်ပွႆး ၺီႇလႃႇၶၢမ်ႇ ၸႄႈဝဵင်းၵဵင်းတုင် ၵႂႃႇႁပ်ႉဢဝ် တုင်းသႃသၼႃတီႈ ဝတ်ႉ/ၵျွင်းတိူၵ်ႈၵမ်မထၢၼ်း ၸႄႈဝဵင်းလၢင်းၶိူဝ်း ၸိုင်ႈတႆးပွတ်းၸၢၼ်းတွၼ်ႈတႃႇတေၸတ်းႁဵတ်းပၢင်ပွႆး မႁႃသတိ ပထၢၼ်ႇ ပၢင်ၵုမ်လူင် ၺီႇလႃႇၶၢမ်ႇသင်ၶၸဝ်ႈ ၼႂ်းၸိုင်ႈ...

လူင်ပွင်ၸိုင်ႈမိူင်းထႆး ဢုပ်ႇၵုမ်ၵၼ် တႃႇႁူမ်ႈၵၼ်ၵႂၢတ်ႇလၢင်ႉ ၽဵဝ်ႈမူၺ်ႉယႃႈမဝ်းၵမ် ၼႂ်းမိူင်းထႆး။ ဝၼ်းတီႈ 16/10/2018 ၸွမ်သိုၵ်းလူင် ပရႃႊယုတ်ႊ ၸၼ်ႊဢူဝ်ႊၶျႃႊ ၸွမ်ၽွင်းလူင်မိူင်းထႆး မွၵ်ႇလၢတ်ႈ တီႈသိုဝ်ႇၶၢဝ်ႇ Thairath ဝၢႆးလင်ပၢင်ၵုမ်ၸုမ်းၽွင်းလူင်ဝႃႈ- ယိၼ်းမႆႈၸႂ်ၼိူဝ်လွင်ႈယႃႈမဝ်းၵမ် ဢၼ်ၽႄႈတိူၼ်းယူႇၼႂ်းမိူင်းထႆး ၵွပ်ႈ ၼၼ်လႄႈ ႁၼ်ထိုင်ဝႃႈ ထုၵ်ႇလီႁူမ်ႈၵၼ်ၵႄႈလိတ်ႈပၼ်ႁႃယႃႈမဝ်းၵမ် ႁႂ်ႈဝႆးတီႈသုတ်း ။ လႆႈသင်ႇၵၢၼ်ႁႂ်ႈၸဝ်ႈၼႃႈတီႈၾၢႆႇသိုၵ်း၊ ၾၢႆႇပလိၵ်ႈ၊...

ယႃႈၾိၼ်ႇၽိူၵ်ႇ ဢၼ်လုၵ်ႉတၢင်းမိူင်းတႆးပွတ်းႁွင်ႇ တေတေႃႉသူင်ႇၵႂႃႇတၢင်းမိူင်းၵုတ်ႈၼၼ်ႉ ၺႃးပလိၵ်ႈၵူတ်ႇ ထတ်းတီႉလႆႈ ၵႃႈၶၼ်တေတူၵ်းမႅၼ်ႈငိုၼ်းမၢၼ်ႈ 1 မိုၼ်ႇသႅၼ်ပျႃးပၢႆ ဝႃႈၼႆ။ ဝၼ်းတီႈ 16/10/2018 ယၢမ်းၵၢင်ၼႂ် ၵျေႃႇၸူဝ်း(ႁွင်ႉ)ဢၢႆႈၸၢႆး တင်း ဢႃးယူင်ႇ ၶဝ်သွင်ၵေႃႉ တေႃႉဢဝ်ယႃႈၾိၼ်ႇ ၽိူၵ်ႇ လုၵ်ႉတၢင်းမိူင်းတႆးပွတ်းႁွင်ႇသေ တေတေႃႉသူင်ႇၵႂႃႇတၢင်းမိူင်းၵုတ်ႈၼၼ်ႉ ၺႃးပလိၵ်ႈၵူတ်ႇ ထတ်းတီႉလႆႈ တီႈဝၢၼ်ႈၺွင်ႇၵုင်း လႄႈ လႄႇၵျီး...

ႁႅင်းၵၢၼ်ယၢၼ်မိူင်းတႆး ၶဝ်ႈႁဵတ်းၵၢၼ်ၼႂ်းဝဵင်းၵဵင်းမႆႇ ၸိုင်ႈထႆး ၺႃးၵႃးၽႃႇတၢႆ ၽွင်းၶၢဝ်းလိုဝ်ႈၵၢၼ် တေပွၵ်ႈတီႈယူႇ။ ဝၼ်းတီႈ 16/10/2018 ၶၢဝ်းယၢမ်းၵၢင်ၼႂ် 1 မူင်းပၢႆ ၼၢင်းသႅင်လႃႉ ဢႃယု 47 ပီ ၵူၼ်းလၢင်းၶိူဝ်း ၶဝ်ႈႁဵတ်းၵၢၼ် (ႁဵတ်းလွင်ႈမူတ်းသႂ်) တီႈၼႂ်းၵၢင်ဝဵင်းၵဵင်းမႆႇ ၸိုင်ႈထႆး ၺႃးၵႃးၽႃႇလူႉတၢႆထင်တီႈ ၽွင်းတိုၵ်ႉလိုဝ်ႈၵၢၼ် တေပွၵ်ႈၶိုၼ်းတီႈယူႇၼိူဝ် သဵၼ်ႈတၢင်းၼိမ်ႊမၢၼ်ႊႁေႊမိၼ်ႊၵၢင်ဝဵင်းၵဵင်းမႆႇ ၸိုင်ႈထႆး...

ငဝ်ႈငုၼ်းဝၢၼ်ႈႁႆး SSPP/SSA ၵႂႃႇႁပ်ႉတူဝ်ၼၢင်းမူဝ်ႁွမ် ၼႂ်းမိုဝ်းတပ်ႉသိုၵ်းတဢၢင်း TNLA သေမႃး မွပ်ႈယိုၼ်ႈ ပၼ်ၼႂ်းမိုဝ်းမုင်ႉႁေႃႁိူၼ်းမၼ်းၼၢင်းၶိုၼ်းတီႈငဝ်ႈငုၼ်းဝၢၼ်ႈႁႆး။ မီးၵူၼ်းၶဝ်ႈႁူမ်ႈႁပ်ႉၸွမ်း 200 ပႆ။ မိူဝ်ႈၼႆႉ ဝၼ်းတီႈ 17/10/2018 ယၢမ်းၵၢင်ၼႂ် 8:40 မူင်း ၸဝ်ႈသိုၵ်းၸၢႆးသူႉ ပႃႇတီႇမႂ်ႇသုင်ၸိုင်ႈတႆး/ တပ်ႉသိုၵ်း ၸိုင်ႈတႆး SSPP/SSA ဢွၼ်ႁူဝ်သေ ၸတ်းႁဵတ်းပၢင်မွပ်ႈယိုၼ်ႈတူဝ်ၼၢင်းမူဝ်ႁွမ် ပၼ်ပီႈၼွင်ႉၸိူဝ်ႉၶိူဝ်း...

ပၢင်ၵုမ်သႅၼ်းၽူႈၼမ်းသုင်သုတ်း ဢၼ်ၸတ်းႁဵတ်းမၢႆတွင်းဝၼ်း NCA ၶွပ်ႈတဵမ် 3 ပီၼၼ်ႉ ၶွင်ႉၶမ်တီႈႁူဝ်ၶေႃႈ တေဢမ်ႇလႆႈၽၢတ်ႇဢွၵ်ႇမိူင်းႁူမ်ႈတုမ်၊ လွင်ႈၼႆႉၸၢဝ်းၶိူဝ်းပႆႇယွမ်းႁပ်ႉလႄႈ တေဢုပ်ႇၵၼ်ထႅင်ႈၵမ်းၼိုင်ႈ ဝႃႈၼႆ။ ပၢင်ၵုမ်သႅၼ်းၽူႈၼမ်းသုင်သုတ်း ဢၼ်ၸတ်းတီႈ ႁူင်းႁႅမ်းသူၺ်ႇၸၢမ်ႇဢိင်ႇ ၼေႇပျီႇတေႃႇ ဝၼ်းတီႈ 15-16/10/2018 တႃႇၶၢဝ်းတၢင်း 2 ဝၼ်း၊ သႅၼ်းၽူႈၼမ်းသုင်သုတ်း 3 ၾၢႆႇႁူပ်ႉဢုပ်ႇၵၼ် မိူၼ်ၼင်ႇ ၾၢႆႇၸၢဝ်းၶိူဝ်း...

ပွႆးၽြႃးၸၢမ်ၵဝ်ႈတွၼ်ႈ (ၽွင်ႇတေႃႇဢူး) တႄႇလူင်းဢႅဝ်ႇမိူင်း မိူဝ်ႈဝၼ်းတီႈ 10-27/10/2018 တႃႇၶၢဝ်းတၢင်း 18 ဝၼ်း ဝႃႈၼႆ။ မိူဝ်ႈၼႆႉ ဝၼ်းတီႈ 16/10/2018 ယၢမ်းၵၢင်ၼႂ် 7 မူင်း ၽြႃးၸၢမ်ၵဝ်ႈတွၼ်ႈ သူႇႁွတ်ႈၽႅဝ် ၼႂ်းၸႄႈဝဵင်း ယွင် ႁူၺ်ႈ ၸိုင်ႈတႆးပွတ်းၸၢၼ်း မီးတၵ်ႉၵႃႇသတ်းထႃး ၼႂ်းၸႄႈဝဵင်းယွင်ႁူၺ်ႈ ၸတ်းႁဵတ်းပၢင်ပွႆးႁပ်ႉတွၼ်ႈလူႇတၢၼ်းလႄႈ လိူဝ်...

သိုၵ်းမၢၼ်ႈၵျွၵ်ႉမႄး ယိုဝ်းၸဝ်ႈၼႃး ၵေႃႉၼိုင်ႈတၢႆတီႈႁိမ်းတေႃႈၵႅတ်ႉလႄႈ တေႃႈၼမ်ႉမၼ်းမဵၼ် ဢၼ်တေသူင်ႇ ၶဝ်ႈမိူင်းၶႄႇ။ ဢမ်ႇမီးလွင်ႈဢဝ်လိူင်ႈပၼ်တူတ်ႈတၢမ်ႇလႄႈ SHRF ၸီႉၸမ်ႈ။ မိူဝ်ႈၼႆႉ ဝၼ်းတီႈ 16/10/2018 ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး ဢွၵ်ႇၽိုၼ်တၢမ်းငဝ်းလၢႆး လွင်ႈသိုၵ်းမၢၼ်ႈ ၶမယ တပ်ႉ 504 ယိုဝ်းၵူၼ်းမိူင်းတၢႆ တီႈဝၢၼ်ႈၼွင်ဢၢင်း ၸႄႈဝဵင်းၵျွၵ်ႉမႄးၼၼ်ႉ ပဵၼ်ႁိမ်းတေႃႈၵႅတ်ႉသ် သိုၵ်း မၢၼ်ႈဢမ်ႇမီးလွင်ႈဢဝ်ပုၼ်ႈၽွၼ်းပၼ်ၶိုၼ်း ပဵၼ်လွင်ႈပူၼ်ႉပႅၼ်သုၼ်ႇလႆႈၵူၼ်းဝႃႈၼႆ။ ၸၢႆးႁေႃသႅင်...