ပပ့်လိၵ်ႈ TIME Magazine မိူင်းဝၼ်းတူၵ်း ယုၵ့်ယွင်ႈၸုမ်းၸွႆႈထႅမ်ၸုမ်းမူပႃႇ 13 ၵေႃ့ ဢွၵ်ႇထမ်ႈလူင်ၶုၼ်ၼမ့် ၼၢင်းၼွၼ်းၼၼ့် ပဵၼ်ၵူၼ်းၶိုၵ့်တွၼ်း ပီ 2018။
ဝၼ်းတီႈ 13/12/2018 သိုဝ်ႇၶၢဝ်ႇ Thairath ပိုၼ်ၽၢဝ်ႇဝႃႈ ပပ့်လိၵ်ႈ TIME Magazine မိူင်းဢမေႊရိၵႃႊ ယုၵ့်ယွင်ႈဢဝ် ၸုမ်းၸွႆႈထႅမ်မူပႃႇဢၶႃႊၻေႊမီႊ 13 ၵေႃ့ ဢၼ်ၶမ်ထမ်ႈလူင်ၶုၼ်ၼမ့်ၼၢင်းၼွၼ်း ၸႄႈဝဵင်းမႄႈသၢႆ ၼၼ့် ပဵၼ်ၵူၼ်းၶိုၵ့်တွၼ်း ပီ 2018 ၼႆယဝ့်။
ၼႂ်းပီ 2018 ဢၼ် Magazine TIME ယုၵ့်ယွင်ႈၼႆ့ မီးၸုမ်းၽူႈသိုဝ်ႇၶၢဝ်ႇ ဢၼ်တေႃႇသူႈတႃႇပိုၼ်ၽႄႈ လွင်ႈပဵၼ်တႄ့မီးတႄ့ ထိုင်တီႈပေႃးလႆႈတူၵ်းၶွၵ်ႈလႄႈလူ့တၢႆ ‘The Guardians and the War on Truth’ ၊ ၸုမ်းပၢႆးမွၼ်း BTS မိူင်း South Korea ၊ ၾၢႆႇလဵပ်ႈႁဵၼ်းလွင်ႈလိူၼ်၊ လၢဝ်၊ လုမ်ႈၾႃ့ လႄႈ ၸုမ်းၸွႆႈထႅမ်ၸုမ်းမူပႃႇ 13 ၵေႃ့ ၼႂ်းၸိုင်ႈထႆး ၸိူဝ်းၼႆ့ ။
ၸုမ်းလုၵ်ႈႁဵၼ်း ပိတ်ႉမၢၵ်ႇၼင် (မူပႃႇဢၶႃႊၻေႊမီႊ) 12 ၵေႃႉလႄႈ ၶူးၾိုၵ်းသွၼ် 1 ၵေႃႉၼႆႉ မိူဝ်ႈဝၼ်းတီႈ 23/06/2018 ၼၼ့် ၶဝ်ႈၵႂႃႇလဵပ်ႈႁဵၼ်းၼႂ်းထမ်ႈသေ ၶမ်ထမ်ႈလူင်ၶုၼ်ၼမ်ႉၼၢင်းၼွၼ်း ဢၼ်မီးတီႈဢိူင်ႇပူင်ႇ ၽႃ ၸႄႈဝဵင်းမႄႈသၢႆ ၸႄႈတွၼ်ႈၵဵင်းႁၢႆး ။
လူင်ပွင်ၸိုင်ႈမိူင်းထႆး ၸႂ်ႉဢဵၼ်ႁႅင်းၸဝ်ႈၼႃႈတီႈၼပ်ႉႁူဝ်ႁဵင်ၸွႆႈထႅမ်။ လိူဝ်ၼၼ်ႉမီးၸဝ်ႈၼႃႈတီႈၾၢႆႇလူင်ႉလႅၼ်ႇ ၸၼ်ႉလုမ်ႈၾႃႉလၢႆလၢႆမိူင်းမႃးၸွႆႈႁႃသေ ႁူပ်ႉထူပ်းတူဝ်ၸိူဝ်းၶဝ်မိူဝ်ႈဝၼ်း 02/07/2018 ၸွႆႈထႅမ်ဢဝ်ဢွၵ်ႇထမ်ႈလႆႈၼင်ႇယူႇလီလွတ်ႈၽေးတင်းမူတ်း ႁဵတ်းႁႂ်ႈလုမ်ႈၾႃႉႁူႉၸၵ်းမိူင်းထႆး ယုၵ်ႉယွင်ႈၵူၼ်းမိူင်းထႆးဝႃႈ မေႃႁၵ်ႉၵၼ် မေႃၸွႆႈထႅမ်ၵၼ်ၼႆသေ လႆႈၸိုဝ်ႈသဵင်လီၵႂႃႇ ။
