ၼၢင်းမူဝ်ႁွမ် ၵူၼ်းမိူင်းၼမ်ႉၶမ်း ၵေႃႉပဵၼ်မႄႈလုၵ်ႈဢွၼ်ႇသၢမ်ၵေႃႉ  ဢၼ်ၺႃးသိုၵ်းတဢၢင်း TNLA တီႉၺွပ်းၵႂႃႇၼၼ်ႉ တေႃႈလဵဝ် မီးၶၢဝ်းတၢင်း  ၽၢၵ်ႇလိူၼ်ယဝ်ႉၵေႃႈ  ပႆႇပွႆႇတူဝ်ၶိုၼ်းလႄႈ ၸုမ်းၵူၼ်းၼုမ်ႇတႆး SYO တင်း SYY  ဢွၵ်ႇလိၵ်ႈတုၵ်းယွၼ်းႁႂ်ႈ သိုၵ်း TNLA ပွႆႇပၼ် ၼၢင်းမူဝ်ႁွမ် ၽႂ်းၽႂ်း ဝႃႈၼႆ။ ဝၼ်းတီႈ 01/09/2018 ၸုမ်းၵူၼ်းၼုမ်ႇတႆး Tai...

ၸုမ်းဢမ်ႇႁူႉၾၢႆႇၸုမ်းၼိုင်ႈ ၶဝ်ႈယိုဝ်းၵူၼ်းဝၢၼ်ႈၼႂ်းဝၢၼ်ႈပၢင်လူင် ၸေႈဝဵင်းၼမ်ႉတူႈ။ ၵူၼ်းဝၢၼ်ႈမၢတ်ႇၸဵပ်း 2 ၵေႃႉ သူင်ႇတူဝ်ယူတ်းယႃတီႈႁူင်းယႃသီႇပေႃႉ။ ဝၼ်းတီႈ 01/09/2018 ယၢမ်းၵၢင်ၶမ်ႈ မွၵ်ႈ 7:30 မူင်းၼၼ်ႉ မီးၸုမ်းဢမ်ႇႁူႉၾၢႆႇၶဝ်ႈယိုဝ်း ၼႂ်းဝၢၼ်ႈပၢင်လူင် ဢိူင်ႇပၢင်လူင် ၸႄႈဝဵင်းၼမ်ႉတူႈ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ။  ၵူၼ်းဝၢၼ်ႈတိုၼ်ႇသၢၼ်ႈလႅၼ်ႈပၢႆႈ။ ၽွင်းၼၼ်ႉ လုင်းၸၢႆးၸၢမ်ႇထုၼ်း တင်း ၸၢႆးမူဝ်  2...

ၵဝ်ႉငဝ်ႈပူၵ်းပွင်သုၼ်ႇလႆႈၵူၼ်း HRDF ဢွၵ်ႇလိၵ်ႈပိုၼ်ၽၢဝ်ႇ လွင်ႈဢၼ်လႆႈၸွႆႈထႅမ်ၸၢႆးသၢင်ႇယဵၼ်ႇ ႁႅင်းၵၢၼ်တႆးဢၼ်ၺႃးပေႃႈလဵင်ႉထႆးၶႃႈႁႅမ်ယဝ်ႉၾင်လိၼ်ပႅတ်ႈ  တီႈမႄႈၸႅမ်ႇ ၵဵင်းမႆႇ ၸိုင်ႈထႆးၼၼ်ႉသေဢမ်ႇၵႃး တေသိုပ်ႇၸွႆႈထႅမ်ၵႂႃႇထႅင်ႈမိူဝ်းၼႃႈ။ ဝၼ်းတီႈ 29/08/2018 ၵဝ်ႉငဝ်ႈပူၵ်းပွင်သုၼ်ႇလႆႈၵူၼ်း HRDF ဢွၵ်ႇလိၵ်ႈပိုၼ်ၽၢဝ်ႇလွင်ႈဢၼ်လႆႈၸွႆႈထႅမ် ၸၢႆးသၢင်ႇယဵၼ်ႇ ႁႅင်းၵၢၼ်တႆးဢၼ်ၺႃးၶႃႈတၢႆၼၼ်ႉသေ ဢမ်ႇၵႃး တေၸွႆႈထႅမ်ပၼ်ပႃးပီႈၼွင်ႉလုၵ်ႈမေး ၸၢႆးသၢင်ႇယဵၼ်ႇ ႁႂ်ႈလႆႈလွင်ႈၽဵင်ႇပဵင်းပဵၼ်ထမ်း ႁႂ်ႈလႆႈႁပ်ႉလွင်ႈၵမ်ႉၸွႆႈၶိုၼ်းတႃႇယူႇတႃႇၵိၼ်ၵႂႃႇမိူဝ်းၼႃႈ။ လိူဝ် ၼၼ်ႉ ၵေႃႉပူၼ်ႉပႅၼ်ႁဵတ်းၽိတ်းၵေႃႈ ၼင်ႇႁိုဝ်တေလႆႈႁပ်ႉတူတ်ႈၼင်ႇပၵ်းပိူင်မၢႆမီႈမီးဝႆႉၼၼ်ႉ...

ၸဝ်ႈၼႃႈတီႈပလိၵ်ႈထႆး ႁူမ်ႈၵၼ်တီႉၺွပ်းႁႅင်းၵၢၼ်ယၢၼ်မိူင်း ၽိတ်းပၵ်းပိူင်မၢႆမီႈ တီႈႁူင်းလဵင်ႉမႃ ၼႂ်းၵဵင်းမႆႇ။ ဝၼ်းတီႈ 29/08/2018 သိုဝ်ႇၶၢဝ်ႇထႆးၶျွင်ႉ 9 ပိုၼ်ၽၢဝ်ႇဝႃႈ- ၸဝ်ႈၼႃႈတီႈပလိၵ်ႈထႆး လူင်းၵူတ်ႇထတ်းတီႈႁူင်း လဵင်ႉမႃ ဢၼ်မီးၼႂ်း ဢိူင်ႇပႃႇလႅတ်ႇ ၸႄႈတွၼ်ႈၵဵင်းမႆႇသေ ထူပ်းႁၼ်ၼၢင်းယိင်းႁႅင်းၵၢၼ်ယၢၼ်မိူင်း 8 ၵေႃႉ ဢွၼ်ၵၼ်ၵၢၼ်းၶိုၼ်ႈႁူဝ်ႉလႅၼ်ႈပၢႆႈ။ ၸဝ်ႈၼႃႈတီႈၸင်ႇတီႉၺွပ်းၵူတ်ႇထတ်း ပၼ်တူတ်ႈတၢမ်ႇ ၸွမ်းၼင်ႇမၢႆမီႈ  ႁႅင်းၵၢၼ်မိူင်းထႆးမီးဝႆႉ ။ ၽူႈမီးပုၼ်ႈၽွၼ်းၵေႃႉၼိုင်ႈ...

ၸုမ်းၶၢဝ်ႇၸၢဝ်းၶိူဝ်း  BNI ၸတ်းႁဵတ်းပၢင်ၵုမ်ဢႄႊတီႊတိူဝ်ႊ ၵမ်းထူၼ်ႈ 26 တီႈ ဝဵင်းမႄႈသွတ်ႇ ၸိုင်ႈထႆး။ ဢုပ်ႇၵုမ်ၵၼ်တႃႇတေပိုတ်ႇႁူင်းႁဵၼ်းၼၵ်းၶၢဝ်ႇၸၢဝ်းၶိူဝ်း ဝႃႈၼႆ။ ႁူဝ်ပဝ်ႈၵေႃႇမတီႇၾၢႆႇလွၵ်းၵၢတ်ႇလႄႈ သိုဝ်ႇ ( Media and Marketing development committee)  ၵူဝ်ႇဢွင်ႇမူဝ်းမျိၼ်ႉ  လၢတ်ႈဝႃႈ- ပေႃးမီးပၢင်သွၼ်ယုၵ်ႉမုၼ်းၼမ်ႉၵတ်ႉ တႃႇပဵၼ် ၽူႈသိုဝ်ႇၶၢဝ်ႇၼမ်ၼမ် တေၸၢင်ႈၸွႆႈလႆႈလွင်ႈႁုၼ်ႈမုၼ်းၼႂ်းပိုၼ်ႉတီႈၽႂ်မၼ်း ပွတ်းဢွၼ်ႇ...

ၼႂ်းၸႄႈမိူင်းၶၢင် ၸတ်းႁဵတ်းပၢင်တွပ်ႇလိၵ်ႈလၢႆးတႆး ပွၵ်ႈၵမ်း 34 မီးလုၵ်ႈႁဵၼ်းၶဝ်ႈတွပ်ႇ 70 ပၢႆ ဝႃႈၼႆ။ ဝၼ်းတီႈ 25/08/2018 ယၢမ်းၵၢင်ၼႂ် သင်ၶၸဝ်ႈလႄႈ မေႃသွၼ်ၸၢႆးယိင်း ႁူမ်ႈၵၼ် ၸတ်းႁဵတ်းပၢင်တွပ်ႇလိၵ်ႈ လၢႆးတႆး တီႈဝတ်ႉဝဵင်းႁႆး ထုင်ႉမိူင်းဝၼ်း ၵိင်ႇၽႄမိူင်းမွၵ်ႇ ၸႄႈမိူင်းၶၢင်။ လိူဝ်ၼၼ်ႉ ၸတ်းႁဵတ်းပႃးပၢင်တွပ်ႇလိၵ်ႈ ႁူင်းႁဵၼ်းထမ်းမထႅင်ႈ ဝႃႈၼႆ။ ၸဝ်ႈတူၼ်ၶူး ဢႃႇလေႃးၵ...

ၵူၼ်းမိူင်းၵႅတ်ႈ ၸႄႈဝဵင်းလႃႈသဵဝ်ႈ ႁူပ်ႉလွင်ႈယၢပ်ႇၽိုတ်ႇလိူဝ်းႁႅင်း ယွၼ်ႉႁူင်းႁဵတ်းၼေႃႇ ဢၼ်တင်ႈဝႆႉ ၼႂ်းဢိူင်ႇ မိူင်းၵႅတ်ႈၼၼ်ႉ ႁဵတ်း ႁႂ်ႈမဵၼ်၊ ၵႂၼ်းၼမ်လႄႈ ႁႃမႆႉတႃႇႁဵတ်းႁူဝ်ႉႁဵတ်းႁိူၼ်းယၢပ်ႇ ဝႃႈၼႆ။ ႁူင်းၼေႃႇၼႆႉ တင်ႈဝႆႉတီႈၼႂ်းဢိူင်ႇမိူင်းၵႅတ်ႈ တင်းမူတ်း မီး 4 ႁူင်း။ ပဵၼ်ႁူင်းၼေႃႇ ၽူႈၵွၼ်း ဢိူင်ႇမိူင်းၵႅတ်ႈ ၸၢႆး ထုၼ်းယီႇ 2 ႁူင်း။...

ရူတ်ႉၶိူင်ႈ 2 လမ်း ၽႃႇၵၼ် တီႈၼႂ်းဢိူင်ႇၵၢတ်ႇတဝ်ႇ ၸႄႈဝဵင်းၵဵင်းတုင် မီးၵူၼ်းလႆႈမၢတ်ႇၸဵပ်း တင်း 2 ၾၢႆႇ ဝႃႈၼႆ။ ဝၼ်းတီႈ 30/08/2018 ယၢမ်းႁူဝ်ၶမ်ႈ 6:30 မူင်းၼၼ်ႉ ရူတ်ႉၶိူင်ႈၽႃႇၵၼ် တီႈတၢင်းၶဝ်ႈဝၢၼ်ႈယၢင်းႁူၵ်း ႁိမ်း ဝတ်ႉၽရႃႉထၢတ်ႈ ၵၢတ်ႇတဝ်ႇ သဵၼ်ႈတၢင်း မိူင်းယၢင်း - ၵဵင်းတုင်...

သင်ၶၸဝ်ႈ ၸႄႈဝဵင်းမိူင်းၵိုင် တႅမ်ႈလိၵ်ႈမဵတ်ႉတႃႇတုၵ်းယွၼ်းထိုင် တပ်ႉသိုၵ်းၸိုင်ႈတႆး 2 ၸုမ်း ယႃႇႁႂ်ႈလႆႈၽိတ်း ၽႅၵ်ႇၵၼ် ႁႂ်ႈလႆႈႁူမ်ႈၵၼ်သေ ၵႅတ်ႇၶႄတူၺ်းထိုင်ပေႃႈမႄႈၵူၼ်းမိူင်း ဝႃႈၼႆ။ ဝၼ်းတီႈ 28/08/2018 ၸုမ်းသင်ၶၼႃယၵ ၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း တႅမ်ႈ လိၵ်ႈမဵတ်ႉတႃႇတုၵ်းယွၼ်းထိုင် ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA တင်း ပႃႇတီႇမႂ်ႇသုင် ၸိုင်ႈတႆး/...

ၼမ်ႉတူၼ် တင်း ၼမ်ႉၼႃးၼိဝ်ႉ ၼွင်းလူၼ်ႉၾင်ႇ လုပ်ႇထူမ်ႈ ၼႂ်းၸႄႈဝဵင်းမိူင်းတူၼ် လင်ႁိူၼ်းၵူၼ်း ႁိမ်း 20 လင် လႄႈတူင်ႈၼႃးလၢႆလၢႆဢေႊၶိူဝ်ႊ ၶဝ်ႈၼႃးလူႉတၢႆမူတ်း။ ဝၼ်းတီႈ 30/08/2018 မႄႈၼမ်ႉတူၼ် တင်း မႄႈၼမ်ႉၼႃးၼိဝ်ႉ လႆႈလုပ်ႇၼွင်းထူမ်ႈ တၢင်းပွတ်း ဝၢၼ်ႈၼွင်ပႃ ယဵၼ်ႇ၊ ဝၢၼ်ႈၼႃးလႄႈ ပွၵ်ႉၵမ်မထၢၼ်း ၼႂ်းၸႄႈဝဵင်းမိူင်းတူၼ် ၸႄႈတွၼ်ႈမိူင်းသၢတ်ႇ...

ၵႃးတၢင်ႇၵုၼ်ႇ လမ်းၼိုင်ႈ ပိၼ်ႈၼိူဝ်သဵၼ်ႈတၢင်း ၵဵင်းတုင် - မိူင်းၶၢၵ်ႇ လွင်ႈၵူၼ်းမၢတ်ႇၸဵပ်းလူႉတၢႆ ဢမ်ႇမီး ဝႃႈၼႆ။ မိူဝ်ႈၼႆႉ ဝၼ်းတီႈ 31/08/2018 ယၢမ်းၵၢင်ၼႂ် မွၵ်ႈ 8:30 မူင်း ၵႃးတၢင်ႇၵုၼ်ႇ ဢၼ်လုၵ်ႉတၢင်းၵဵင်းတုင် မုင်ႈၼႃးၸူ တၢင်းမိူင်းၶၢၵ်ႇ ပိၼ်ႈၶႂမ်ႈၼိူဝ်သဵၼ်ႈတၢင်း ၵဵင်းတုင် - မိူင်းၶၢၵ်ႇ ယၢၼ်ၵႆ...

ၵေႃပွင်ၵၢၼ်ႁူင်းႁဵၼ်းထမ်မ ၸိုင်ႈတႆး ၸတ်းႁဵတ်းပၢင်ၾိုၵ်းၽွၼ်ႉမေႃသွၼ်ႁူင်းႁဵၼ်းထမ်မ တီႈဝဵင်းၵဵင်းတွင်း မီးၶူးပူင်သွၼ်လၢႆလၢႆၸႄႈဝဵင်းလႄႈ မေႃသွၼ်လၢႆဝဵင်းၼႂ်းၸိုင်ႈတႆးၶဝ်ႈႁူမ်ႈႁဵၼ်းဢဝ်။ ပၢင်ၾိုၵ်းၽွၼ်ႉမေႃသွၼ်ၼႆႉ ၸတ်းႁဵတ်း တီႈဝတ်ႉတူၼ်ႈႁုင်း ဝဵင်းၵဵင်းတွင်း မီးၶူးပူင်သွၼ်လၢႆလၢႆၸႄႈဝဵင်းလႄႈ မေႃသွၼ်လၢႆဝဵင်း ၼႂ်းၸိုင်ႈတႆး ၶဝ်ႈႁူမ်ႈႁဵၼ်းဢဝ်ႁိမ်းၸမ်ပၢၵ်ႇ ။ ၸဝ်ႈၶူးသုဝၼ်ႇၼ ဝတ်ႉတူၼ်ႈႁုင်း ဝဵင်းၵဵင်းတွင်း လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ - “ ပၢင်ၾိုၵ်းၽွၼ်ႉၵမ်း ၼႆႉ မီးၶူးပူင်သွၼ်လၢႆလၢႆတီႈလႄႈ မေႃသွၼ်လၢႆဝဵင်းမႃးၶဝ်ႈႁူမ်ႈၶႃႈဢေႃႈ ။...

ၾူၼ်တူၵ်းတွၼ်ႈၵၢင်ၼႂ်ၼႆႉလႄႈၼမ်ႉႁူၺ်ႈၼမ်ႉပႃႇလႆၼွင်းထူမ်ႈ ၼႂ်းထုင်ႉၼမ်ႉလၼ်ႈႁၢဝ်ႁႅင်း လင်ႁိူၼ်းၵူၼ်း ဝၢၼ်ႈ ႁိမ်း 70 လင် တိုၵ်ႉၺႃးၼမ်ႉလုပ်ႇထူမ်ႈယူႇ ဝႃႈၼႆ။ မိူဝ်ႈၼႆႉ ဝၼ်းတီႈ 30/08/2018 ယၢမ်းၵၢင်ဝၼ်း ၼမ်ႉလုပ်ႇၼွင်းထူမ်ႈ တၢင်းပွၵ်ႉၵွင်းလၢင်း၊ ဝၢၼ်ႈပၢင်ႁႆး၊ ပွၵ်ႉတႆး မႂ်ႇ ၼႂ်းထုင်ႉၼမ်ႉလၼ်ႈ ၸႄႈဝဵင်းသီႇပေႃႉ ၸိုင်ႈတႆးပွတ်းႁွင်ႇ။ ၼမ်ႉႁူၺ်ႈၼမ်ႉလွႆ လႆၶဝ်ႈႁွင်ႈၼမ်ႉ ဢၼ်ၵူၼ်း မိူင်းၶုတ်းဝႆႉ...

လုၵ်ႈႁဵၼ်းၸၼ်ႉၸွမ်ဝဵင်းတူၼ်ႈတီးလႄႈ ပလိၵ်ႈၾၢႆႇရူတ်ႉၵႃး(မေႃႇတေႃႇပီႇၵေႇ) ဝဵင်းလူင်တူၼ်ႈတီး ၸတ်းပၢင် ၼႄၵၢၼ်ၶပ်းၶီႇရူတ်ႉ တိုၵ်းသူၼ်းႁႂ်ႈၵူၼ်းမိူင်းတိုဝ်းမၢၵ်ႇႁူဝ်ႁႄႉၽေး ပွၵ်ႈၵမ်းႁႅၵ်ႈ။ ဝၼ်းတီႈ 29/08/2018 လုၵ်ႈႁဵၼ်းၸၼ်ႉၸွမ်ဝဵင်းလူင်တူၼ်ႈတီးလႄႈ ပလိၵ်ႈၾၢႆႇၵုမ်းထိင်းပိူင်ႁေႃႈရူတ်ႉၵႃး ဝဵင်းလူင်တူၼ်ႈတီး ႁူမ်ႈၵၼ်ၸတ်းႁဵတ်းပၢင်ၼႄလွင်ႈၶပ်းၶီႇရူတ်ႉ ပွၵ်ႈၵမ်းႁႅၵ်ႈ တီႈဝဵင်းလူင်တူၼ်ႈတီး ဢဵၼ်ႁႅင်း ၽူႈၶဝ်ႈႁူမ်ႈမီး 500 ပၢႆ။ မျဵဝ်းၸေႃႇဢွင်ႇ ပလိၵ်ႈၾၢႆႇၵုမ်းၵၢၼ်ၶပ်းၶီႇ ဝဵင်းတူၼ်ႈတီး လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈ ဝႃႈ - “...

ၼႂ်းလိူၼ်ၼႆႉ ပၢင်တိုၵ်းသိုၵ်းသိူဝ် ၼႂ်းၸိုင်ႈတႆးပွတ်းႁွင်ႇပဵၼ်ထပ်းၵၼ် ဢမ်ႇထၢတ်ႇ UNOCHA ပိုၼ်ၽၢဝ်ႇဢွၵ်ႇဝႃႈ ၵူၼ်းမိူင်းဢၼ်ပၢႆႈၽေးသိုၵ်းၼႆႉ တင်းမူတ်းမီးၵႂႃႇ 2400 ၵေႃႉပၢႆ ဝႃႈၼႆ။ တႄႇဢဝ်ဝၼ်းတီႈ 01-17/08/2018 ၼႆႉမႃး ၼႂ်းၸႄႈဝဵင်းၼမ်ႉတူႈ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ၸုမ်း ဢူၺ်းလီပွတ်းႁွင်ႇ၊ တပ်ႉသိုၵ်းလူင်ပွင်ၸိုင်ႈမၢၼ်ႈလႄႈ တပ်ႉသိုၵ်း RCSS ၵႆႉလႆႈပဵၼ်ပၢင်တိုၵ်းၵၼ်၊ ၶဵင်ႈၶႅင် ၵၢၼ်...