Friday, March 29, 2024

ၵေႃလိၵ်ႈလၢႆးဝဵင်းလိူဝ်ႇ ၸတ်းပၢင်ယုၵ်ႉယွင်ႈမေႃသွၼ်ပတ်းပိုၼ်ႉမိူင်းတႆးလႄႈ လၢႆတိူင်းလၢႆးၸႄႈမိူင်း

Must read

ၵေႃလိၵ်ႈလၢႆးလႄႈ ၾိင်ႈငႄႈတႆး ဝဵင်းလိူဝ်ႇတင်း ၶူးပူင်သွၼ်လူင်လုင်းၸၢႆးၾႃႈ ႁူမ်ႈၵၼ်ၸတ်းႁဵတ်းပၢင်ယုၵ်ႉယွင်ႈမေႃသွၼ် ပတ်းပိုၼ်ႉမိူင်းတႆးလႄႈ လၢႆတိူင်းလၢႆၸႄႈမိူင်း ပိူဝ်ႈပၼ်ႁႅင်းမေႃလိၵ်ႈတႆး မီးႁႅင်းၸႂ်သိုပ်ႇသွၼ်လႄႈ ပိုၼ်ၽႄႈၽႃသႃလိၵ်ႈလၢႆးတႆးၵႂႃႇမိူဝ်းၼႃႈၶၢဝ်းႁိုင်။

ၵေႃလိၵ်ႈလၢႆးဝဵင်းလိူဝ်ႇၸတ်းပၢင်ယုၵ်ႉယွင်ႈမေႃသွၼ်ပတ်းပိုၼ်ႉမိူင်းတႆးလႄႈလၢႆတိူင်းလၢႆးၸႄႈမိူင်း

ဝၼ်းတီႈ 21-22/12/2018 ၵေႃလိၵ်ႈလၢႆးလႄႈၾိင်ႈငႄႈတႆးဝဵင်းလိူဝ်ႇတင်း ၶူးပူင်သွၼ်လူင်လုင်းၸၢႆးၾႃႈႁူမ်ႈၵၼ်ၸတ်းႁဵတ်းပၢင်ယုၵ်ႉယွင်ႈမေႃသွၼ်လိၵ်ႈတႆး မီးၶူးသွၼ်သႅၼ်းဢႃယုယႂ်ႇလႄႈ မေႃသွၼ်သႅၼ်းႁုၼ်ႈမႂ်ႇလၢႆဝဵင်းၼႂ်းမိူင်းတႆး၊ၸႄႈမိူင်းယၢင်း၊ ထုင်ႉႁူဝ်ၵဵဝ်လႄႈ တိူင်းသၵၢႆးၸိူဝ်းၼႆႉ ၶဝ်ႈႁူမ်ႈ100 ၵေႃႉပၢႆ ၸတ်းႁဵတ်းတီႈ ၵျွင်းၼမ်ႉၶမ်းသဵၼ်ႈတၢင်းလူင်တႃႈၵုင်ႈ – ဝဵင်းလိူဝ်ႇ ပွၵ်ႉတၶုၼ်ႇ တႅင်ႇ ဝဵင်းတႃႈလိူဝ်ႇ ။

- Subscription -

ၸၢႆးႁၢၼ်မိူင်း ၽူႈၼမ်းၼႂ်းၵေႃလိၵ်ႈလၢႆးလႄႈ ၾိင်ႈငႄႈတႆး ဝဵင်းလိူဝ်ႇ လၢတ်ႈတီႈၸုမ်းၶၢဝ်ႇ ၽူႈတွႆႇႁွၵ်ႈ ဝႃႈ – ယိူင်း ဢၢၼ်းဢၼ်ႁဝ်းၶႃႈ ၸတ်းႁဵတ်းၼႆႉ ပိူဝ်ႈႁႂ်ႈမေႃသွၼ် တီႈၼိုင်ႈလႄႈ တီႈၼိုင်လႆႈမႃးႁူပ်ႉ ထူပ်းၵၼ် ႁူႉၸၵ်းမိုတ်ႈၵိုဝ်းၸမ်ၸႂ်ၵၼ်၊ ပိူဝ်ႈယုၵ်ႉယွင်ႈႁႂ်ႈမေႃသွၼ် မီးႁႅင်းၸႂ်တႃႇသိုပ်ႇသၢႆၸႂ် လိၵ်ႈတႆးႁဝ်ႇၵႂႃႇမိူဝ်းၼႃႈႁႂ်ႈႁိူဝ်ႈႁိူင်းပိူင်းသႂ်ၵႂႃႇမိူဝ်းၼႃႈ ၊ ဢၼ်ႁဝ်းၶႃႈမွပ်ႈယိုၼ်ႈပၼ်ၼႆႉတႄႉ ပဵၼ်ပပ်ႉဢၼ်ပၼ်တၢင်းႁူႉတၢင်းႁၼ် ဢၼ်ၶူးပူင်သွၼ်လူင်လုင်းၸၢႆးၾႃႉတႅမ်ႈ ဢွၵ်ႇၼၼ်ႉဢေႃႈ ” ဝႃႈၼႆ။

ပၢင်ယုၵ်ႉယွင်ႈမေႃသွၼ်ၼႆႉ ၼင်ႇႁိုဝ်တေပဵၼ်ၵၢၼ် ပၼ်ႁႅင်းႁႂ်ႈမေႃသွၼ်လိၵ်ႈတႆး ၼႂ်းမိူင်းတႆး ပတ်းပိုၼ်ႉတေမီးႁႅင်းၸႂ်သိုပ်ႇပိုၼ်ၽႄႈလိၵ်ႈတႆးႁဝ်းၵႂႃႇမိူဝ်းၼႃႈၶၢဝ်းၵႆ ၼႆသေ တေၶတ်းၸႂ် ၸတ်းႁဵတ်းပၢင်ယွင်ႈယေႃးၵႂႃႇ ၼိုင်ႈပီလႂ်ၼိုင်ႈပွၵ်ႈၼႆယဝ်ႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း