ၸဝ်ႈပေႃႈသိလ်ထမ်းဝုၼ်းၸုမ်ႉ လၢတ်ႈတီႈလုၵ်ႈၼွင်ႉပွင်ႈပၢႆဝႃႈ ဝၼ်းတီႈ 29/06/2018 ယၢမ်းၵၢင်ၶမ်ႈ မီးၽႅၼ်တေၵႂႃႇမဵတ်ႉတႃႇထမ်းတြႃးတီႈၾၢႆႇမႄႈသၢႆ ၸိုင်ႈထႆးဝႃႈၼႆ။ ဝၼ်းတီႈ29/06/2018 ၸဝ်ႈၶူးဝႃးဝုၼ်းၸုမ်ႉ လုၵ်ႉတီႈမိူင်းလၢဝ်းသေ တေထိုင်တႃႈၶီႈလဵၵ်း ၸိုင်ႈတႆးပွတ်းဢွၵ်ႇ ၽွင်းဝၢႆးဝၼ်း ။ မၼ်းၸဝ်ႈလၢတ်ႈတီႈလုၵ်ႈၼွင်ႉပွင်ႈပၢႆဝႃႈ ပေႃးထိုင်တႃႈၶီႈလဵၵ်းယဝ်ႉ တေသိုပ်ႇၵႂႃႇတၢင်းမႄႈသၢႆ လွင်ႈၼႆႉတၵ်ႉၵႃႇသတ်ႉထႃး ၵမ်ႈၼမ်ယုမ်ႇယမ်မုင်ႈမွင်းဝႃႈ တေယေႃးတူဝ်ၵႂႃႇတီႈထမ်ႈလူင်ၼၢင်းၼွၼ်းဢိူင်ႇပူင်ႇ ၽႃ ၸႄႈဝဵင်းမႄႈသၢႆ ၸႄႈတွၼ်ႈၵဵင်းႁၢႆး ။ ၸဝ်ႈၺႃႇၼသီရိ (ၸဝ်ႈသီရိဢွၼ်ႇ)...

ၽူႈၸၢႆးၵေႃႉၼိုင်ႈ ၺႃးယိုဝ်းတၢႆ ဝႆႉႁိမ်းၶၢင်ႈတၢင်း တၢင်းၵႂႃႇထၢတ်ႈပုင်ႇလူဝ်ႉ ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ။ ဝၼ်းတီႈ 27/06/2018 ယၢမ်းၵၢင်ၼႂ် ပလိၵ်ႈမၢၼ်ႈ ၸႄႈဝဵင်းတႃႈၶီႈလဵၵ်း လူင်းၵူတ်ႇထတ်းတူၺ်းတူဝ်တၢႆ ၽူႈၸၢႆး ဢၼ် ၺႃးယိုဝ်းတၢႆဝႆႉ ႁိမ်းၶၢင်ႈတၢင်း သဵၼ်ႈတၢင်းၵႂႃႇထၢတ်ႈပုင်ႇလူဝ်ႉ ၸႄႈဝဵင်းတႃႈၶီႈလဵၵ်း။ ၸဝ်ႈၼႃႈတီႈတိုၵ်ႉ ၵူတ်ႇထတ်းတူၺ်းယူႇဝႃႈ လွင်ႈတၢင်းပဵၼ်ၸိူင်ႉႁိုဝ် ဝႃႈၼႆ။ ပလိၵ်ႈမၢၼ်ႈ ၽူႈမီးပုၼ်ႈၽွၼ်းၵေႃႉၼိုင်ႈလၢတ်ႈတီႈ သိုဝ်ႇၶၢဝ်ႇ Tachileik...

ၶွမ်ႊမသျိၼ်ႊပၢင်လိူၵ်ႈတင်ႈ တေပိုၼ်ၽၢဝ်ႇသဵၼ်ႈၸိုဝ်ႈသဵင်ၽူႈမီးသုၼ်ႇတွတ်ႈၶႅပ်းၵၢင်ၸႂ် ပွၵ်ႈဢွၼ်တၢင်း တႃႇၶၢဝ်းတၢင်း 2 ဝူင်ႈ ၼႂ်းလိူၼ်ၵျူႊလၢႆႊ။ တႄႇဢဝ် ဝၼ်းတီႈ 09-22/07/2018 တႃႇၶၢဝ်းတၢင်း 2 ဝူင်ႈ ၶွမ်ႊမသျိၼ်ႊပၢင်လိူၵ်ႈတင်ႈ မိူင်းႁူမ်ႈတုမ် တေပိုၼ် ၽၢဝ်ႇ သဵၼ်ႈသၢႆၸိုဝ်ႈၽူႈမီးသုၼ်ႇတွတ်ႈၶႅပ်းၵၢင်ၸႂ်။ ဢွၼ်ၵၼ်ၵႂႃႇတူၺ်းလႆႈ တီႈလုမ်းၵိင်ႇၽႄၶွမ်ႊမသျိၼ်ႊ ၸွမ်းပွၵ်ႉ/ ၸွမ်းဢိူင်ႇၽႂ်မၼ်း ၵႂႃႇထတ်းတူၺ်းၶေႃႈမုလ်းၸဝ်ႈၵဝ်ႇ ဝႃႈၼႆ။ သင်ဝႃႈ ၸိုဝ်ႈၸဝ်ႈၵဝ်ႇ...

ၸွမ်ၽွင်းလူင်မိူင်းထႆး ၸွမ်သိုၵ်းလူင်ပရႃႊယုတ်ႊ ၸၼ်ႊဢူဝ်ႊၶျႃႊလႄႈ ၸုမ်းၸိူဝ်းဢွၵ်ႇၶၢဝ်းတၢင်း ၵႂႃႇတီႈထမ်ႈလူင်ၼၢင်းၼွၼ်း။ ဝၼ်းတီႈ 29/06/2018 ၸွမ်ၽွင်းလူင်မိူင်းထႆး ၸွမ်သိုၵ်းလူင်ပရႃႊယုတ်ႊ ၸၼ်ႊဢူဝ်ႊၶျႃႊလႄႈ ၸုမ်းလူင်ပွင် ၸိုင်ႈဢွၵ်ႇၶၢဝ်းတၢင်းၵႂႃႇသူႇၸႂ်းပၼ်ႁႅင်းၸဝ်ႈၼႃႈတီႈ ဢၼ်ႁဵတ်းၵၢၼ်ၸွမ်းႁႃတူဝ် လုၵ်ႈဢွၼ်ႇ 12 ၵေႃႉလႄႈ ၶူးၾိုၵ်းသွၼ် 1 ၵေႃႉ ႁူမ်ႈ13 ၵေႃႉ ဢၼ်ႁၢႆၶဝ်ႈၵႂႃႇၼႂ်းထမ်ႈ မိူဝ်ႈဝၼ်းတီႈ 23/06/2018။ ဝၼ်းမိူဝ်ႈၼႆႉထိုင်မႃးဝၼ်းထူၼ်ႈ...

ၵူၼ်းၼုမ်ႇတႆး ၸႄႈဝဵင်းမူႇၸေႊ ဢဵၼ်ႁႅင်း ႁိမ်း 50 ၵေႃႉ ႁူမ်ႈၵၼ် ပႆၶိုၼ်ႈလွႆသၢမ်သိပ်း ႁဵတ်းလွင်ႈမူတ်းသႂ် ၽဵဝ်ႈယုၵ်းယၵ်း ဢၼ်မၢၵ်ႇမိူဝ်ၸွမ်းသဵၼ်ႈတႃႈသၢႆတၢင်းၶိုၼ်ႈလွႆ ၸိူဝ်းၼၼ်ႉ။ ဝၼ်းတီႈ 28/06/2018 ယၢမ်းၵၢင်ၼႂ် 10:30 မူင်း ထိုင် 2:30 မူင်းဝၢႆးဝၼ်း ၵူၼ်းၼုမ်ႇတႆး မူႇၸေႊ၊ ပၢင်ႇၶမ်း၊ ပၢင်ႇ သၢႆးလႄႈ...

ဢွၼ်ႇၸၢႆး 13 ၵေႃႉ ၸုမ်းလဵၼ်ႈမၢၵ်ႇၼင်( ဢၼ်ႁွင်ႉၸိုဝ်ႈဝႃႈ ၸုမ်းမူပႃႇ ဢင်ၶၻမ်သိၵ်ႉ) ဢၼ်ၶမ်ဝႆႉ ၼႂ်းထမ်ႈလူင် တီႈၸႄႈဝဵင်းမႄႈ သၢႆ ၸိုင်ႈထႆး မိူဝ်ႈဝၼ်းတီႈ 23/06/2018 ၼၼ်ႉ ယူႇတီႈလူင်ပွင်ၸိုင်ႈမိူင်းႁူမ်ႈတုမ် မိူင်းမၢၼ်ႈ တေႁူမ်ႈမိုဝ်းသေ ၽွမ်ႉၸွႆႈထႅမ်ၵႂႃႇတဵမ်ထူၼ်ႈ ဝႃႈၼႆ။ ဝၼ်းတီႈ 28/06/2018 ယူႇတီႈလုမ်းၸွမ်ၸိုင်ႈမိူင်းႁူမ်ႈတုမ် ဢွၵ်ႇလိၵ်ႈဝႃႈ တေႁူမ်ႈမိုဝ်းၸွႆႈထႅမ်လူင်ပွင်ၸိုင်ႈထႆး...

ၽွင်းလူင်ၾၢႆႇတမ်းဝၢင်းတီႈယူႇလႄႈ ၸွႆႈထႅမ်တူင်ႇဝူင်းၵူၼ်း ၸတ်းႁဵတ်းပၢင်ၵုမ်ၵၼ်တင်းၸဝ်ႈတႃႇၼႃႉ ၸုမ်းၸွႆႈ ထႅမ်ၵူၼ်းပၢႆႈၽေးသေ တေလူင်းၵူတ်ႇထတ်းတူၺ်းပၢင်သဝ်းၵူၼ်းပၢႆႈၽေးဢၼ်မီးၼႂ်းမိူင်းတႆး၊ မိူင်းၶၢင်လႄႈ မိူင်း ယၢင်း ဝႃႈၼႆ။ ၶၢဝ်ႇသိုဝ်ႇ The Voice ဢွၵ်ႇဝႆႉဝႃႈ “ ပၢင်သဝ်းၵူၼ်းပၢႆႈၽေး ၼႂ်းၸႄႈမိူင်း မၢင်တီႈတေသိုပ်ႇပိုတ်ႇဝႆႉ။ မၢင်တီႈသမ်ႉ သင်ဝႃႈ ငဝ်းလၢႆးလီၵေႃႈ တေဢိုတ်းပႅတ်ႈယဝ်ႉ။ လိူဝ်ၼၼ်ႉ မၢင်တီႈဢမ်ႇၸၢင်ႈဢိုတ်းပၼ် တေသိုပ်ႇပိုတ်ႇဝႆႉၼၼ်ႉ...

ၸဝ်ႈပေႃႈသိလ်ထမ်းဝုၼ်းၸုမ်ႉ မွၵ်ႇလၢတ်ႈမိူဝ်ႈဝၼ်းတီႈ 27/06/2018 တီႈပၢင်ပွႆးတၢင်ႇထီးထၢတ်ႈၵဝ်ႇၵႄႇတီႈလွႆယူၼ်းၶမ်းၼၼ်ႉဝႃႈ ဝၼ်းတီႈ 29 ၼႆႉတေၵႂႃႇတၢင်းလၢႆႇၼႃႈ ၼႆလႄႈ ၵမ်ႈၽွင်ႈမုင်းမွင်းလၢမ်းၶၢတ်ႈဝႃႈ တေယေႃးမုၼ်ၵႂႃႇလွႆၼၢင်းၼွၼ်း ဝႃႈၼႆ။ ဝၼ်းတီႈ 28/06/2018 သိုဝ်ႇၶၢဝ်ႇTachileik ပိုၼ်ၽၢဝ်ႇဝႃႈ ဝၼ်းတီႈ 29/6/2018 ၼႆႉ ၸဝ်ႈပေႃႈသိလ်ထမ်းဝုၼ်းၸုမ်ႉ တေယေႃးယုၼ်မႃးမဵတ်ႉတႃႇ ႁေႃးတြႃးတီႈထမ်ႈလူင် လွႆၼၢင်းၼွၼ်း ဢၼ်လုၵ်ႈဢွၼ်ႇႁဵၼ်းၸုမ်း    ပိတ်ႉမၢၵ်ႇၼင်...

ငဝ်ႈငုၼ်းတီႇမူဝ်ႇၶရေႇၸီႇ ၸိူဝ်ႉၶိူဝ်းတႆး SNLD  ၸတ်းႁဵတ်းပၢင်လိူၵ်ႈတင်ႈ ၸုမ်းပွင်ၵၢၼ်မႂ်ႇ ၸေႈဝဵင်း လႃႈသဵဝ်ႈ လုၵ်ႈၸုမ်းၶဝ်ႈႁူမ်ႈ 50 ပၢႆ။ ပၢင်လိူၵ်ႈတင်ႈ ၸုမ်းပွင်ၵၢၼ်မႂ်ႇ ၸတ်းႁဵတ်း ဝၼ်းတီႈ 27 ယၢမ်းၵၢင်ဝၼ်း 1 မူင်းထိုင် 3 မူင်း ။ ၸတ်းႁဵတ်းတီႈလုမ်း ပႃႇတီႇႁူဝ်သိူဝ် ဝဵင်းလႃႈသဵဝ်ႈ။  မီးၽူႈၵိူဝ်းၵုမ်လႄႈ...

တပ်ႉသိုၵ်းမၢၼ်ႈ တပ်ႉမ 88 ဢၼ်တူင်ႉၼိုင်ၵႂႃႇမႃး ပွတ်းတွၼ်ႈၸႄႈဝဵင်းၵူတ်ႉၶၢႆၼၼ်ႉ ယိုဝ်းၵွင်ႈလူင် ၵႂႃႇၾၢႆႇဝၢၼ်ႈၵူၼ်းသေ မၢၵ်ႇလူင်တူၵ်းသႂ်ႇၵူၼ်းဝၢၼ်ႈ မၢတ်ႇၸဵပ်းႁၢဝ်ႈႁႅင်း 7 ၵေႃႉလႄႈ တၢႆ 1 ၵေႃႉ ဝႃႈၼႆ။ မိူဝ်ႈၼႆႉ ဝၼ်းတီႈ 28/06/2018 ယၢမ်းၵၢင်ၼႂ်ၸဝ်ႉ 6 မူင်းၼၼ်ႉ တပ်ႉသိုၵ်းလူင်ပွင်ၸိုင်ႈမၢၼ်ႈ တပ်ႉမ 88 ယိုဝ်းၵွင်ႈလူင်...

လူင်ပွင်ၸိုင်ႈမိူင်းထႆး လၢႆႁွင်ႈၵၢၼ်ႁူမ်ႈၵၼ် ဢဵၼ်ႁႅင်းႁဵင်ပၢႆ ဢိၵ်ႇၵူၼ်းၼွၵ်ႈမိူင်းၸွႆႈၵၼ် ၸွမ်းႁႃလုၵ်ႈဢွၼ်ႇ ဢၼ်ႁၢႆၶဝ်ႈၵႂႃႇၼႂ်းထမ်ႈလူင်ၼၢင်းၼွၼ်း ဝဵင်းမႄႈသၢႆ ၸိုင်ႈထႆး။ ဝၼ်းတီႈ 28/06/2018 ၸဝ်ႈၼႃႈတီႈၾၢႆႇၸွႆႈထႅမ်၊ ၾၢႆႇသိုၵ်း၊ ၾၢႆႇပလိၵ်ႈ ဢိၵ်ႇၽူႈလူင်ႉလႅၼ်ႇၼွၵ်ႈမိူင်းမိူၼ်  ၼင်ႇမိူင်းဢိင်းၵလဵတ်ႈလႄႈ မိူင်းဢမေႊရီႊၵႃႊၸိူဝ်းၼႆႉ ဢဝ်ၶိူင်ႈမႆႉ ၶိူင်ႈမိုဝ်း ဢၼ်ၶိုတ်းၵၢပ်ႈသေမႃးႁူမ်ႈၸွႆႈထႅမ် ၸွမ်းႁႃလုၵ်ႈဢွၼ် 12 ၵေႃႉလႄႈ ၶူးသွၼ် 1ၵေႃႉႁူမ်ႈၵၼ် 13...

ၸဝ်ႈသိလ်ထမ်းဝုၼ်းၸုမ်ႉ ဢွၼ်ႁူဝ်တၵ်ႉၵႃႇသတ်ႉထႃး တၢင်ႇထီးထၢတ်ႈလွႆယူၼ်းၶမ်း ၼႂ်းၸႄႈဝဵင်းတႃႈၶီႈလဵၵ်း မီးသင်ၶၸဝ်ႈလႄႈ တၵ်ႉၵႃႇသတ်ႉထႃး ၶဝ်ႈႁူမ်ႈတင်းၼမ်လၢႆ။ ဝၼ်းတီႈ 27/06/2018 ယၢမ်းၵၢင်ၼႂ် ၸဝ်ႈသိလ်ထမ်းဝုၼ်းၸုမ်ႉ ဢွၼ်ႁူဝ်ၼမ်းၼႃႈသေ တၢင်ႇထီးထၢတ်ႈသူႇၼိုင်ႈ ပဵၼ်ထၢတ်ႈလွႆယူၼ်းၶမ်း တီႈဝၢၼ်ႈသူပ်းသၢႆ ဢိူင်ႇမိူင်းၽူင်း(ၶ) ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း။ ၸၢႆးၼုမ်ႇတုၺ်ႈ ၽူႈပွင်ၵၢၼ်ၼႂ်းၵေႃလိၵ်ႈလၢႆးလႄႈၾိင်ႈငႄႈတႆး ၸႄႈဝဵင်းတႃႈၶီႈလဵၵ်း လၢတ်ႈတီႈၽူႈတွႆႇႁွၵ်ႈဝႃႈ “ မီးပီႈၼွင်ႉတၵ်ႉၵႃႇသတ်ႉထႃး တီႈၸမ်တီႈၵႆ မႃးၶဝ်ႈႁူမ်ႈတင်းၼမ်လၢႆၶႃႈ။...

ဝၼ်းသၢၼ်ၶတ်းယႃႈမဝ်းၵမ် လုမ်ႈၾႃႉ ဝၼ်းတီႈ 26 လိူၼ်ၵျုၼ်ႊၼၼ်ႉ လူင်ပွင်ၸိုင်ႈမိူင်းတႆးၸတ်းပၢင်ၽဝ်ယႃႈ မဝ်းၵမ် ဢၼ်တီႉၺွပ်းလႆႈၼႂ်းမိူင်းတႆးလႄႈ ယၢင်းလႅင် တႃႇၵႃႈၶၼ် 1 သႅၼ်လၢၼ်ႉပျႃးပၢႆ ဝႃႈၼႆ။ ပၢင်ၸုတ်ႇၽဝ်ယႃႈမဝ်းၵမ် ၸတ်းႁဵတ်းတီႈၵၢင်ပၢင်ႇႁူင်းၾႆးမိၼ် ၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း။ မီးႁွင်ႈၵၢၼ်လူင်ပွင်ၸိုင်ႈလႄႈ ၸုမ်းတူင်ႉ ၼိုင်တူင်ႇဝူင်းၵူၼ်းလႄႈ ၵူၼ်းမိူင်းပိုၼ်ႉတီႈ တင်းမူတ်းဢဵၼ်ႁႅင်းၶဝ်ႈႁူမ်ႈ ႁိမ်း 2000 ၵေႃႉ...

ၸဝ်ႈၼႃႈတီႈပလိၵ်ႈ ဝဵင်းၵဵင်းမႆႇ တႄႇၵူတ်ႇထတ်းတီႉၺွပ်း ႁႅင်းၵၢၼ်ယၢၼ်မိူင်းဢၼ် ၽိတ်းပၵ်းပိူင်မၢႆမီႈ။ မိူဝ်ႈဝၼ်းတီႈ 25/06/2018 ၶၢဝ်းယၢမ်းဝၢႆးဝၼ်းသိုဝ်ႇၶၢဝ်ႇၵဵင်းမႆႇပိုၼ်ၽၢဝ်ႇဝႃႈ ၸဝ်ႈၼႃႈတီႈပလိၵ်ႈ ႁူင်းပလိၵ်ႈသႃရၽီး တီႉၺွပ်းၼၢင်းလိူၼ် ဢႃယု 22 ပီ ၽွင်းၵိုတ်းလူတ်ႉၶိူင်ႈ သိုဝ်ႉၶူဝ်းၶွင်ၸွမ်းတၢင်း ။ ယွၼ်ႉဝႃႈၵူတ်ႇထတ်းမႅၼ်ႈဝႃႈဢမ်ႇမီးဝတ်းဝႂ်။ ၽူႈၸၢႆးဢၼ်ပဵၼ်ဢူၺ်းၵေႃႉမၼ်းသမ်ႉလႅၼ်ႈပၢႆႈပလိၵ်ႈ ၵႂႃႇတီႉလႆႈတီႈ မူႇဝၢၼ်ႈ တူၼ်ႈယၢင် မူႇတီႈ 8 ဢိူင်ႇ...

သင်ၶၸဝ်ႈလႄႈ ၵူၼ်းၼုမ်ႇတႆးၼႂ်းၸႄႈဝဵင်းတူၼ်ႈတီး တိုၵ်းသူၼ်းၵူၼ်းမိူင်းတႆးပတ်းပိုၼ်ႉ ၽုၵ်ႇတူၼ်ႈမႆႉ တီႈၽႂ်တီႈမၼ်းၼႂ်းဝၼ်းလဵဝ်ၵၼ်ဝႃႈၼႆ။ ၵူၼ်းၼုမ်ႇလႄႈ သင်ၶၸဝ်ႈၸႄႈတွၼ်ႈတူၼ်ႈတီး ႁၼ်ထိုင်မိူဝ်းၼႃႈလုၵ်ႈလၢၼ်ႁႂ်ႈလႆႈယူႇသႃႇၼႆသေ တႅမ်ႈလိၵ်ႈယွၼ်းတၢင်းႁူမ်ႈမိုဝ်းၵူႈၾၢႆႇ သူင်ႇထိုင်ၵူႈၸႄႈဝဵင်း ၵူႈမူႇၸုမ်းၼႂ်းမိူင်းတႆး တိုၵ်းသူၼ်းႁႂ်ႈၽုၵ်ႇတူၼ်ႈမႆႉ ၼႂ်းပိုၼ်ႉတီႈၽႂ်မၼ်းၵူႈၵေႃႉ ဝႃႈၼႆ။ ၼႂ်းလိၵ်ႈၼၼ်ႉပႃးဝႆႉဝႃႈ ဝၼ်းတီႈ 07/07/2018 ၼႆႉ ႁႂ်ႈၵူၼ်းၼႂ်းၽႅၼ်ႇလိၼ်မိူင်းတႆးၵူႈၵေႃႉ ဢွၼ်ၵၼ်ၽုၵ်ႇတူၼ်ႈမႆႉ တီႈဢေႇမၼ်းၼိုင်ႈၵေႃႉၼိုင်ႈတူၼ်ႈ။ တူၼ်ႈမႆႉသင်ၵေႃႈလႆႈ ဢၼ်ၸၢင်ႈပၼ်ႁူမ်ႈလႄႈ ၽွၼ်းလီမိူဝ်း ၼႃႈ ႁႂ်ႈလုၵ်ႈလၢၼ်...