Friday, March 29, 2024

တၵ့်ၵႃႇသတ့်ထႃးတၢၼ်းတီႈလိၼ် 30ဢေႊၶိူဝ်ႊတႃႇသိၼ်ထမ်းၸဝ်ႈၶူးဝႃးဝုၼ်းၸုမ့်သၢင်ႈသႃသၼႃတီႈမိူင်းၽူင်း

Must read

တီႈလိၼ်တႃႇ 30 ဢေႊၶိူဝ်ႊ ဢၼ်မီးတိတ်းဝတ့်သီတွၼ်းႁိူင်း မိူင်းၽူင်းၼၼ့် တၵ့်ၵႃႇသတ့်ထႃးယုၵ့်တၢၼ်းပၼ် ၸဝ်ႈပေႃႈသိလ်ထမ်းဝုၼ်းၸုမ့် ၼႂ်းတိုဝ့်တၢင်းပၢင်ပွႆးဝၼ်းၵိူတ်ႇၸဝ်ႈၶွပ်ႈတဵမ် 56 ပီ။

Photo by Ying Cherry / ႁၢင်ႈ ၵျွင်းႁေႃ style မိူင်းပူႊတၢၼ်ႊ မီးၼႂ်းလွၵ်းလိၼ် 30 ဢေႊၶိူဝ်ႊ ဢၼ်မီးတိတ်းဝတ့်သီတွၼ်းႁိူင်း မိူင်းၽူင်း

ဝၼ်းတီႈ 05/01/2019 ၼႂ်းတိုဝ့်တၢင်းဝၼ်းၵိူတ်ႇၸဝ်ႈပေႃးသိလ်ထမ်းဝုၼ်းၸုမ့် ဢႃယုၶွပ်ႈတဵမ် 56 ပီ ၼႆသေပီႈၼွင့်တၵ့်ၵႃႇသတ့်ထႃး ႁူမ်ႈၵၼ်ၸတ်းႁဵတ်းပၢင်ပွႆးဝၼ်းၵိူတ်ႇၶိုၵ့်ယႂ်ႇလူင် ၼႂ်းတိုဝ့်တၢင်းၼႆ့ တၵ့်ၵႃႇသတ့်ထႃးတၢင်းပွတ်းတႃႈၵုင်ႈလႄႈ ဝဵင်းတႃႈၶီႈလဵၵ်း ယုၵ့်ဢဝ်တီႈလိၼ်တႃႇ 30 ဢေႊၶိူဝ်ႊ ၼႂ်းဢိူင်ႇမိူင်းၽူင်း (ၶ) ၼၼ့်ယိုၼ်ႈတၢၼ်းပၼ် မွပ်ႈပၼ်ႁႂ်ႈပဵၼ်တီႈလိၼ်ၶိုင်ပွင်သႃသၼႃႇၵႂႃႇ ဝႃႈၼႆ ။

- Subscription -
Photo by Ying Cherry / ႁၢင်ႈတီႈလိၼ် 30 ဢေႊၶိူဝ်ႊ ဢၼ်မီးတိတ်းဝတ့်သီတွၼ်းႁိူင်း မိူင်းၽူင်း

ၸဝ်ႈၺႃႇၼသီရိ (ၸဝ်ႈသီရိဢွၼ်ႇ) လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ တီႈလိၼ်ဢၼ်ၼႆ့ မိူဝ်ႈဢွၼ်တၢင်း ၵေႃႈ မၼ်းတိုၼ်းပဵၼ်လိၼ်သႃသၼႃယူႇယဝ့် ၊ ၵူၺ်းၵႃႈၽွင်းၸဝ်ႈပေႃႈသိလ်ထမ်းယေႃးတူဝ်ၵႂႃႇယူႇတၢင်းမိူင်းထႆးၼၼ့် သိုၵ်းလူင်ပွင်ၸိုင်ယိုတ်းဢဝ်သေၶၢႆ ၊ ပိုၼ့်တီႈၼၼ့် ၸဝ်ႈပေႃႈသိလ်ထမ်းၵေႃႇဝႆ့ၵွင်းမူး လႄႈပီႈၼွင့်မိူင်းပူႊတၢၼ်ႊဢွၼ်ၵၼ်သၢင်ႈၵျွင်းႁေႃဝႆ့လင်ၼိုင်ႈ ၵမ်းၼၼ့်တၵ့်ၵႃႇသတ့်ထႃးၶဝ်ၵေႃႈႁၼ်ထိုင်ဝႃႈပဵၼ်ပိုၼ့်တီႈဢၼ်ၵိုင်ႇလီပဵၼ်လိၼ်သႃသၼႃၼႆသေ ၸင်ႇယုၵ့်လူႇပၼ်ၼႂ်းတိုဝ့်တၢင်းဝၼ်းၵိူတ်ႇၸဝ်ႈၼႆ့ ” ဝႃႈၼႆ။

တီႈလိၼ် 30 ဢေႊၶိူဝ်ႊၼႆ့ မိူဝ်ႈဢွၼ်တၢင်းၵေႃႈ ပဵၼ်တီႈလိၼ်သႃသၼႃ ယွၼ့်သိုၵ်းလူင်ပွင်ၸိုင်ႈ ယိုတ်းဢဝ်သေၶၢႆလႄႈ ၸင်ႇတူၵ်းၵႂႃႇၼႂ်းမိုဝ်းၵူၼ်းမိူင်း ဝၢႆးၼၼ့်ၸဝ်ႈပေႃႈသိလ်ထမ်းဝုၼ်းၸုမ့် ၵႂႃႇၵေႃႇတင်ႈၵွင်းမူး ယွၼ့်မီးႁိမ်းၸမ်ဝတ့်သီတွၼ်းႁိူင်း ။ ဝတ်ႉၽရႃႉထၢတ်ႈသီႊၻွၼ်ႊ ရိူင်ႊ(သီရိတွၼ်းႁိူင်း) ၼႆ့ မီးၼႂ်းဢိူင်ႇမိူင်းၽူင်း (ၶ) ၸႄႈဝဵင်းတႃႈၶီႈလဵၵ်း ၸႄႈတွၼ်ႈတႃႈၶီႈလဵၵ်း ၊ မီးပိုၼ့်တီႈ 20,000 ဢေႊၶိူဝ်ႊပၢႆပၼ်ႇမူၼ်း ၊ မီးသင်ၶၸဝ်ႈမွၵ်ႈ 10 တူၼ်၊ မီးပီႈၼွင့်တၵ့်ၵႃႇသတ့်ထႃးပၼ်ႇပုတ်ႈၵၼ်ၵႂႃႇလုမ်းလႃးႁဵတ်းလွင်ႈမူတ်းသႂ်ၼႆယဝ့်။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း