ပၢင်ပွႆး ၵိၼ်ၸဵင် ပီမႂ်ႇတႆး တီႈထုင်ႉပၢင်ႇလႅင်းသႂ် (မၢၵ်ႇၵႅင်း) ၸႄႈဝဵင်းၼမ်ႉ ၸၢင် ၊ ဢၼ် ၸုမ်း ပျီႇ တုၸိတ်ႉ (သိုၵ်းၵူၼ်းမိူင်း) ၸတ်းႁဵတ်းၼၼ်ႉ ပဵၼ်ပၢင်ပွႆး ဢၼ်ပၵ်းတုင်းၸၢတ်ႈ မိူင်းတႆး 3000 ၽိုၼ် ၼမ်လိူဝ်ပိူၼ်ႈ တီႈသုတ်း ။
ပၢင်ပွႆး ၵိၼ်ၸဵင် ပီမႂ်ႇတႆး တီႈထုင်ႉပၢင်ႇလႅင်းသႂ် (မၢၵ်ႇၵႅင်း) ၸႄႈဝဵင်း ၼမ်ႉၸၢင် ၸိုင်ႈတႆး ပွတ်းၸၢၼ်း ဢၼ်ၸဝ်ႈလႅင်းသႂ် (လုင်းၸၢႆးလူႇ) ပဵၼ်ငဝ်ႈ ၸုမ်းပျီႇတု ၸိတ်ႉပၢင်ႇလႅင်း (မၢၵ်ႇၵႅင်း) ၸတ်းႁဵတ်းၼၼ်ႉ ပၵ်းတုၵ်း 3000 ၽိုၼ် ၊ ၵႃႈၶၼ်တုင်းၸၢတ်ႈ ဢၼ်လႆႈ သင်ႇ ႁဵတ်း သဵင်ႈငိုၼ်းမၢၼ်ႈ 200 သႅၼ်ပျႃးပၢႆ ဝႃႈၼႆ။
ၽူႈၸွႆႈၶပ်းၶိုင်ပၢင်ပွႆးလၢတ်ႈဝႃႈ – “ ဢၼ်သင်ႇယဵပ်ႉၼႆႉ 3000 ၽိုၼ်၊ ၵႃႈၶၼ် တင်းမူတ်း 200 သႅၼ် ပျႃး ၊ ၼိုင်ႈၽိုၼ်တူၵ်းငိုၼ်း 6000 ၵျၢတ်ႉပၢႆပၢႆ ၵႂႃႈ၊ ဢၼ်လႆႈႁူပ်ႉႁၼ်ပွႆး ၼႂ်းမိူင်း တႆး ၼႆႉ တုင်းၸိူဝ်ႉၸၢတ်ႈတီႈၼႆႈ လႆႈႁၼ် ၼမ်တီႈသုတ်းယဝ်ႉ” – ဝႃႈၼႆ။
တုင်းၸၢတ်ႈမိူင်းတႆး (ၸွမ်ပိဝ်မိူင်းတႆး) ၼၼ်ႉ တႄႇပၵ်း တင်ႈတႄႇၶဝ်ႈ ၼႂ်းထုင်ႉမူႇဝၢၼ်ႈ ပၢင်ႇလႅင်းသႂ် တေႃႇပေႃးထိုင် ပၢင်ႇၵွင်းမူး ၵျွင်းလွႆမုင်ႈမိူင်း ဝၢၼ်ႈၸၢင်ႈလဵၵ်း၊ ႁၢင်ႇ မွၵ်ႈ 12 ပေႇ ပၵ်းၼိုင်ႈလၵ်း၊ ပၵ်းသွင်ၾၢၵ်ႇၶၢင်ႈတၢင်း။
ၸၢႆးၵွၼ်း ၵူၼ်းၼုမ်ႇဢၼ်မီးယူႇၼႂ်းပၢင်ပွႆး ၼၼ်ႉ လၢတ်ႈဝႃႈ – “သုၼ်ႇတူဝ်ၶႃႈတႄႉ ပွႆးပီမႂ်ႇ ၼႆႉ မီးမႃး 2113 ၼီႈယဝ်ႉ။ ၸွမ်ပိဝ်တႆးၼႆႉသမ်ႉတိုၵ်ႉ မီးမႃးမိူဝ်ႈ 1947 ၵူၺ်း။ သမ်ႉဢမ်ႇၸႂ်ႈၸွမ်ပိဝ်ၸိူဝ်ႉ ၸၢတ်ႈတႆး ၶေႃၶေႃ ၊ သမ်ႉပဵၼ် ၸွမ်ပိဝ် ဢၼ်ၵဵဝ်ႇၵပ်းမိူင်း ႁူမ်ႈတုမ်၊ ၶႃႈတႄႉဢမ်ႇပေႃး ႁၼ်လီ” – ဝႃႈၼႆ။
တႆးၼႆႉမီးၾိင်ႈႁိတ်ႈႁွႆး ပီမႂ်ႇ မႃးပၢၼ် ပေႃးတူၺ်းပိုၼ်းဝႃႈ တႄႉ တင်ႈတႄႇ တႆး တႄႇႁပ်ႉဢဝ်သႃသၼႃပုတ်ႉထ ၸဝ်ႈၶဝ်ႈမႃးၼႂ်းလိုမ်သိုင်ႇၸိုင်ႈတႆး တႄႇၼပ်ႉၼိုင်ႈ မႃးၶိုၼ်း တေႃႇထိုင်ဝၼ်းမိူဝ်ႈၼႆႉမီးမႃး 2113 ၼီႈ။ ပီၼႆႉ ဢၼ်ၸတ်းယႂ်ႇ တီႈသုတ်း ငဝ်ႈငုၼ်းၵေႃလိၵ်ႈလၢႆးၾိင်ႈငႄႈတႆး ၼမ်းၸတ်း တီႈဝဵင်းလႃႈသဵဝ်ႈ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ